越興園越南菜館 (Moved) New Location

工友食評係工頭的壓力下，我只有去冒險 知道係旺角試新嘢必奶嘢，為左工頭要交數，只好括出去今次去試越興園，似乎在旺角已開了很久，應該不太差吧!點左招牌菜 - 香茅豬扒飯以為無死啦，點知香茅味一點也沒有，乾柴的豬扒上面有油膩蔥油，個飯上面有一點豉油，不是甜豉油，咩都不是，就是家用的豉油，一食就知道那一刻真是好心酸，辛苦得來志在食,,,仲要我一點都不飽，好慘呀!!!!!!!!!!

說是香茅豬扒飯，卻奇怪的加了大量荵油，香茅味則明顯不足。如果你不喜歡荵油的話，可能會媽媽聲！豬扒本身頗腍軟，可以收貨。燒牛肉撈檬也不過不失：牛肉並不鞋韌，檬粉食落感覺亦算清爽。不過此店茶餐廳格局，隔離卡位還要迫坐兩pair客，收加一就不甚合理！

星期日, 7點幾, 和大豬女友行mk, 雖不太餓但仍要食d野才回家,本想食d 粉麵算了, 但見到有越南餐, 又有位, 便入內坐下了.未食過呢間, 都不敢叫咩特別野, 都係叫最基本的生牛河及 豬肉蝦卷.好快有得食.牛河先上. 喝口湯, 淡淡的, 冇乜牛骨味...好采d 牛肉夠靚, 唔太肥, 用湯滾一滾便可擺入口, 鮮味十足!d河粉也好食, 韌度剛好, 筷子輕力夾的話, 剛夾唔爛, 正!豬肉蝦卷也好食, 有6塊, 點d 魚露, 我剛剛可以一啖一舊, 大豬女友則要兩啖.豬肉少許肥, 但仍可以接受; 蝦ok 新鮮. 服務ok.其實係個湯底差了少許, 其餘都ok 噃.回家再看 openrice, 嘩, 原來mk 好少越南餐館呢!

很多前去越興園食過, 當年仍不知正宗越南檬粉是怎麼樣子的, 兩年前在灣仔一間越南餐廳食到正宗越南檬粉, 後來這間也不再提供了, 相信是要從越南運送成本高, 可是香港很多大小越南餐廳卻都沒有供應正宗越南檬粉。(正宗越南檬粉有點似雲南米線)這晚和朋友逛了一會旺角, 在附近隨隨便便一餐, 選了越興園, 我點了一碗雞絲湯檬, 朋友點了一碟豬排蟹柳蛋飯(好奇怪的配搭)雞絲湯檬:完全形容不到是什麼湯底, 應該是一碗味精湯底, 檬粉很腍, 不爽口。豬排蟹柳蛋飯:總括味道不差, 但這種配搭似港式茶餐廳的午市飯餐。渴了半杯每台均送的茶後, 突然地看一看自己的茶杯, 嚇一跳, 有一張紙在杯內, 但我己飲了半杯, 本來想加兩杯越式飲品, 都已沒有胃口, 告訴待應我杯茶有張紙, 他們只道歉, 可是我覺得這感覺很差, 相信這店的衛生程度差勁。

晚上的時候下著大雨不想跑太遠又剛好看到這家店價錢好像沒有很貴就進去試了我們3個人點了菠蘿炒飯、生牛河、牛油雞翼、越南春卷生牛河最快到湯頭很不錯而且不會加很多雜七雜八的香草進去菠蘿炒飯很好吃好吃在炒得很乾最怕吃到油膩膩的炒飯牛油雞翼是燙口的而且很飽滿啖啖肉越南春卷也是剛炸好的生菜也很新鮮配起來很好吃總的來說這裡的食物很不錯埋單一百六十幾也差不多不會很貴只是環境就比較窄如果坐到卡位也是ok的啦

食的時間係中午十二時多, 此餐廳冷氣唔夠凍, 大門又長開, 令到街外熱氣不斷湧入.加上d 炸雞翼好差, 雞翼外面有層脆槳, 但係脆槳裹面雞翼嘅顏色係深啡色, 比脆槳嘅顏色仲深色 (有圖), 證明雞翼再炸過. d 炸雞翼無味, 唔香, 碟面上極多油, 肯德基仲好食過佢 lor.

夜晚3人叫左2人餐都仗okD座位都幾窄夜左要等位其實樓上有層係佢但好多人先比上<1>係XO醬炒飯.....唔太特別-_-<2>普通通菜<3>前面果杯藍色野係就係怪D但味道5太差<4>成餐最好味就係小食盤中ge蝦片牛肉^^<5>好味又多但好油

尋晚同朋友去食飯, 出到去諗住食越南野, 所以就黎左呢間N年無黎過既越南菜館到食。入到去, 因為無人招呼, 所以當我地諗僅坐邊既時候, 後面就有個男侍應企係我身後大大聲好惡咁話" 坐底先啦好無? 一陣再執枱啦!" 真係俾佢嚇左一嚇。 一坐底, 有個女侍應埋黎執枱, 佢張d垃圾就咁掃晒落地, 真係未食就已經無晒胃口。到叫野食, 因為我唔食生牛肉, 我睇餐牌既時候有見到牛腩河, 不過我唔想食牛腩, 所以叫我問佢可唔可以幫我整熟d牛肉, 當時個侍應話得, 然後到我朋友叫金邊粉, 問佢可唔可以整熟D牙菜, 點知佢話熟牙菜要加錢..........要加錢就唔要牙菜啦, 之後仲叫左春卷, 炒蜆同埋一杯金桔檸蜜。過左陣我碗粉就黎, 一黎到係牛腩河黎既, 我以為佢俾錯左就問個侍應啦, 點知佢話" 我地呢到d熟牛肉係牛腩黎架, 係咁架!" 佢咁講得我唯有照食啦, (不過我覺得佢好似當我未食過越南牛肉河咁囉, 熟牛肉同牛腩差咁遠, 俾我既感覺好似係牛腩賣唔晒屈我食咁) 食越南河粉又唔俾青檸香葉, 跟住我個frd問個侍應拿生辣椒, 個侍應仲要係用"掉"既方式黎放落張枱( 本人同我朋友由始至終態度都無差過

五月三日(星期日)同老公出去旺角睇戲,之前,吃個lunch,每次經過都說要帶他試試,因為我與朋友們吃過覺得不錯,雖則服務正如其他網加所說一般!不過由於質素不俗,價錢便宜,都算值得試呢還以為不用等位,幸好,老公早到可以等!我一到就有位了!!打開menu見到lunch set都不貴,$36有飯有飲品!有炒飯,咖哩飯,檬粉,湯粉等!款式多我要了個咖哩青衣魚柳飯,老公要了蟹肉奄列雞球飯(炒飯底)要了個凍華田和凍檸茶少甜先來的凍檸茶少甜算特別,用了青檸,果然是越南菜,檸檬味道與普通的不同,很清的,不錯咖哩青衣魚柳飯,與白飯分開上的,咖哩青衣魚不錯,是炸了的,魚新鮮美味,咖哩濃,加上白飯,津津有味!蟹肉奄列雞球飯(炒飯底,很有特色,奄列則是用了札肉等來炒,很香!加上雞球配上濃濃的橙汁souce,很惹味,有點似青檸雞味!我們喜歡!三十多元的午餐,既抵又好吃!會再來!還不停播著的偶像-張國榮的歌.......

雖然周不時經過呢間舖，但就從來都未入過去，前日經過，剛剛朋友就話餓，就入左去。明明見到門口個大餐牌寫住「$26包一杯汽水或甜品」，點知入左去點野食時先聽到個職員話：「冇左甜品好耐啦~」跟住我好想講「咁你又唔更正番個餐牌?」不過朋友見我想講野之際就按住我，我地都叫左生牛肉湯粉，不過我叫河粉，朋友叫金邊粉，我要熱奶茶，要另加3蚊架，朋友叫可樂就唔駛加錢。個職員行開後，朋友話頭先睇我個樣就知我想鬧人，所以按住唔俾我講落去，因為佢驚我地叫0既野會「加料」，哈哈……我杯奶茶黎先，嘩~好多奶呀﹗我唔係咁鍾意，不過朋友叫我唔好換，又係同一個原因啦跟住冇幾耐我地0既牛肉湯粉就黎，雖然個碗幾大，但只係見到4塊牛肉，好似有d小器，好彩餓0既唔係我，我俾左一半朋友食，味道都還可以，但真係唔係咁值下午茶都要26蚊呢個價，我仲要29蚊添

星期六下午未滿座的情況下~來了這一間叫了很安全的豬扒牛肉撈檬~真的很安全~冇出d乜事~魚露亦算鮮味得嚟唔太搶味~只係牛肉唔太鮮...落了太多調味~30幾蚊~喺旺區算合理不過背貼背的情況極嚴重而且服務真係好差唔望你都算啦~語氣又差~拎嘢俾你的態度又係差...真係冇乜興趣再來...但尚算可接受的食物同價錢...

半夜一點想食野，選擇少所以就入左呢間野朋友叫左牛柳粒炒紅飯，我都試左一口，都算OK不過我個牛肉粉就好唔得，邊有pho係只有洋蔥同蔥架？你話無basil我都接受，香港好多越南餐廳都無或者得小小basil不過呢間竟然連芽菜都欠奉！！加上個湯底濃到有層油浮係D湯上面，無曬胃口仲有，地方污糟邋遢，我絕對唔會再出現係呢間餐廳

這種用越南菜來包裝的港式快餐店其實試過一次已足夠,對其出品沒有任何期望,只要食得入口就當贏咗!(當然唔會自己要求去試).和外娚吃晚飯, 由小朋友話事揀呢度:每日供應量有限的特制「巴西」香芧豬排----呢份油浸豬排, 舖咗一層仲咸過食燒味飯嘅葱油喺面, 肉質係好淋!不過係醃到過咗火位霉霉地果隻淋！巴西急凍豬排除了來貨價錢平同無肉味之外,原來仲有值得吹噓地方咩？越式拼盤----個豬肉蝦片又係咸到離奇!咬落去果啖葱油直頭有盬粒!扎肉正常地無味,雞肉串燒肉柴皮沙爹汁太甜,係得個春卷叫OK!焗海鮮鴛鴦飯----材料真係好「越式」,有大量扎肉粒粒!幾粒蟹柳、魷魚、雪藏蝦毛!紅色果一半酸味好重, 直頭有醋味!而白色果一半黏性好強, 入到口仲黏埋一舊舊!每人試咗一碗仔就已經放棄.兩杯特飲----糖水加冰.雖然環景擠迫,晚上七點半環看在座顧客,平均年齡20(有一半著校服),年紀輕腎功能係強好多!

2009-2-23(星期一)之前，我介紹過給喜歡越南美食既朋友，他們都說香芧豬扒河好味道，我今天專程去到一試，叫咗個下午茶餐（香芧豬扒河+汽水，都是只須＄26)，香芧豬扒唔肥唔瘦剛剛好，好味道！錢價方面，值得一提是，下午茶餐此舖＄26，『新世紀廣場–越餞只須$24是跟埋一杯飲品…若加特飲只須加$3…就有紅毛丹冰…我覺得好抵食…我經常去食既…敬請留意』

二月中,約朋友食宵夜朋友比較喜歡去呢間店食野...我都唔知點解.唔算太多客人,但依然都要客人搭.咁搭係一張卡位,坐我地對面既情侶,D食物先到齊,見我地一坐低,即刻埋單&打包.搞到我同個Friend非常介.朋友至愛骰仔牛柳粒炒紅飯:牛柳粒炒得幾好,牛柳又唔會煮得太韌,味道酸酸甜甜.個炒紅飯,並唔係真係炒飯,係加茄汁變紅色既飯.酸辣無骨鳳爪:味道偏辣並唔酸,加勁多色素.成碟鳳爪變橙色...鳳爪唔係偏白色咩?馬拉盞炒通菜:味道ok,又唔會太多油.香酥魷魚圈:賣相係幾靚,但個粉漿麻麻地,完全黏唔到D魷魚,再加碟千島醬.飲品:日出:味道一般,太多梳打,只飲到少少士多啤梨味.濃情古堡:加少少酒,味道只覺怪怪地&有D苦味.