雲桂香米線專門店

Open Now

Now Closed

雲桂香係我心目中排第一嘅米線舖，每次嚟食都係嗌小鍋米線，湯底就揀小辣，平時食開腩肉，今次就試下嗌蘿蔔、雞絲同豬頸肉。呢三款餸都非常好食，尤其係豬頸肉，夠咬口。不過美中不足係長沙灣呢間分店湯底有啲水，其他分店食嗰啲會較濃味。

長沙灣不嬲都有好多美食，今日突然想試試一啲連鎖式嘅嘢。所以就去咗呢度食米線。叫咗一個腐竹、雞絲米線小辣小窩米線。一嚟到嘅時候見到有芫荽蔥都係我鍾意嘅嘢，而且湯底色水濃厚，食落口亦都10分惹味。幾鍾意佢個湯底比較濃，有好香嘅肉汁味。米線軟硬度亦都好適中，唔會太淋或者太硬😋不過佢比較出色嘅，反而係炸雞翼同埋炸春卷。好香口，雞翼炸到外皮鬆脆，但係雞肉室仲喺度，而且即叫即炸， 10分好食。另外炸春卷嘅外皮亦都係10分鬆脆。小食出色

今次黎到雲貴香唔係主打食線，係食小菜。同兩三知己叫左拍青瓜和皮蛋，再叫了豆漿和檸檬茶。小菜大碟，絕無欺場，青瓜酸酸辣辣，又爽脆。皮蛋惹味，無腥味，配搭蒜蓉辣椒，非常入味！

突然想食薯粉，外賣叫了一份重慶酸辣紅薯粉，配一餸豬軟骨，湯底揀左不辣。湯底好足料，好多花生、酸菜、芫荽和蔥，湯底酸酸好開胃。豬軟骨份量都多，軟腍入味，軟骨有咬口。紅薯粉彈牙，煙煙韌韌，要多幾下牙力咬斷，好有口感。一大碗，足料好飽肚，湯底愈食愈酸。下次要挑戰食中辣😋

位於元州街既呢間雲桂香店鋪既面積好大，位置好多，而裝修都好新，比較起外面既雲桂香既分店，呢間既裝修明顯係比較有特色，而雲桂香都係主要食米線，以麻辣同酸辣湯底為主～佢既餐牌都係先揀湯底，再揀餸同麵底，而今次因為係下午茶時段黎食，加配飲品就平啲，而小食就揀左千層豬耳，而湯底就揀左酸辣湯底，麵底揀左水晶粉，而配料就揀左墨魚頭～小食千層豬耳（$42）佢既豬耳係一片好大片既，唔似係外邊食到係一條條既，一片既好處就係口感比較好同爽脆，但份量就比較少，而個汁亦都好惹味～而碗麵既湯底今次就揀左微辣，對於一啲唔係好食得辣既朋友黎講微辣就岩岩好啦，而佢既水晶粉就似係外面既幼身扭紋薯粉，比較好既係揀呢款麵底係唔洗再額外加錢既，而墨魚頭亦較好爽脆，唔會話係韌到咬唔開果種，而份量亦都好多～算係幾抵食😋總結嚟講雲桂香既味道都係間間一樣，不過呢間都係不失為想食下酸辣米線既好選擇👍🏻

自從比朋友加咗入米線關注組之後就成日都好想食米線😂見有唔少朋友都介紹過雲貴香嘅小窩米線，今次難得經過長沙灣分店就決定試一試佢🤗呢度嘅麵底有得揀米線/紅薯粉/水晶粉，而湯底就有得揀酸辣同埋麻酸辣。朋友推薦我必試酸辣，所以今次就叫咗個酸辣中辣🌶 而配料方面就叫咗必食嘅腩肉同埋鮮竹龍蝦卷🤩唔好睇碗麵好似好紅咁其實食落唔算話好辣，嗰人認為呢度嘅中辣大約等於譚仔嘅三小辣🤣 酸辣湯底真係非常足料有好多酸菜，啱晒鍾意食酸嘅朋友！而米線本身已經配咗好多配料，除咗酸菜之外仲有芽菜、芫荽、蔥同埋肉碎😊飲一啖湯再撈埋啲配料同埋米線食不知幾咁惹味😋 餸菜方面腩肉真係必試！腩肉本身已經有醃過所以非常之入味，唔好睇佢薄薄地一片咁，食下食下都發覺配料非常之足，起碼有7/8塊！而鮮竹龍蝦卷就有三舊非常之彈牙，而且仲索埋小小湯，正啊🤩 下次來會再試吓佢個紅薯粉！

今日係公司叫外賣🙊爭札左好耐叫咩好😣用左deliveroo叫外賣都幾貴😩呢幾日睇fb米線群組狂洗腦啲人係咁話雲桂香點好食法😒今次終於忍唔住 到我試啦🤣🤣🙆🏻‍♀️熱撈水晶粉加紫菜🤤 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅免費有一個餸 我叫左紫菜😝但水晶粉要加$5呢排近乎日日都有食紫菜咁濟😎因為我缺乏碘🤣同埋紫菜有好高營養價值，含有各種人體必備的營養成分，如維生素A、B、C、脂肪、碘、鈣、鐵等微量元素。具有增強記憶力，促進骨骼和牙齒的生長以及抑制腫瘤的功效🙆🏻‍♀️不過唔不宜吃太多架🙊個撈粉係唔錯 但食過咁多間呢類型既水晶撈粉佢地唔可以講話超出色😝好吃的大有店在🤪 太多人吹奉另外我口痕再嗌多左兩個小食🤣酥炸菜肉雲吞（4粒） 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅好味 😋又大大粒 好多菜肉餡料 好紮實😁因為外賣關係焗林左少少太多倒汗水💦但感覺到佢堂食應該係好好食所以無扣分🥰另外，如果佢個醬係酸甜汁會好啲😩本人最唔鐘意沙律醬😣所以無點到個醬🥺尖椒皮蛋 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅皮蛋同醬汁都整得好好

第一次光顧雲桂香外賣，14:00落單，見到後過我的單有得拎已立即問收銀，收銀不停同自己的職員糾纏自己有落單，果陣我已經等左十分鐘，都有同收銀講不如算啦，退返錢俾我，反正都未煮。之後收銀一直只係話好快就得，仲話佢好難做，我首先唔明退返一碗未煮的米線的錢有多難做？同埋比起餓緊的客，收銀員係咪難做於如何示範漏單？直至14:25先有得拎一碗米線（冇錯，只係一碗，連飲品都唔洗佢沖了），果陣差5分鐘已經有下午茶優惠，如果我係需要呢個時段先用膳，完全冇必要14:00落單，除非我好想睇住你地D阿姐係度嘈究竟有冇我張單。備註：影唔到張單，因為收銀發現漏左我張單果陣已經拎埋入廚房自己係度嘈。

話說上周六黃昏，聚會完畢，我獨個兒去搵嘢食。我由荔枝角步行到長沙灣元州商場附近，見到有間米線鋪裡面冇乜人，激發咗我嘅好奇心，於是就行入去一探究竟！入到去隨便坐，然後就睇下餐牌有咩食。米線一向係我嘅心水選擇，而本人更係Mr. Tam嘅長期粉絲，當晚就試吓新嘢啦！我點咗招牌小鍋米線，配料揀咗蘿蔔、豬紅同埋蝦卷，麻辣小辣湯底。原先我諗住小鍋米線會唔會係用個小砂鍋呢？點知原來唔係，只係普通膠碗一個。湯底成浸油喺上面，我估係為咗保存熱力吧？湯裡面有少量芽菜、韮菜同肉碎。湯的味道麻麻酸酸，頗辣。豬紅醃得頗咸，幸好蘿蔔嘅清甜味道中和番。另外蝦卷只係一般。總括嚟講，一個三餸米線，呢個價錢都算係咁，兼且有多款車仔餸可供選擇。間中轉吓口味都未嘗不可嘅！

星六約1:30pm去食以為勁多人啦（因為試過平日2:00pm去係9成滿座的）點知周未嘅情況同平日好唔同好多位2人坐4人檯都冇問題餐牌鑲在檯上，幾好唔洗用手揭整污糟點咗腐乳通菜啲菜係白灼，唔點醬食，好清嘅個腐乳醬好一般唔係正常腐乳味（睇色都知）呢個腐乳醬偏甜點小鍋米線，最鍾意佢湯底平時去數字哥連鎖店我必點雞絲嚟到呢度，又試吓佢個雞絲先點了小鍋米線+雞絲（小辣）紅卜卜的湯好夠味小辣唔辣嘅另外好多芫茜，芽菜，蔥花，韮菜同辣肉碎喺湯度好濃味反而啲雞絲較柴，不過可以講話雞絲好健康，完全柴，唔肥同埋我雖然叫一餸（雞絲）但份量好多米線份量又多吃完好飽

平日放假，等過咗繁忙lunch time先去食平時食開數字哥連鎖米線因為有coupon，第一次食雲桂香本身唔鍾意個湯有酸菜，但見好多人話好食於是第一次試吓呢個久仰大名嘅小鍋米線試吓$28嗰個小鍋米線先第一次食，叫個小辣試吓佢有唔同粉選擇而且仲可以選擇湯底濃淡同麵嘅硬度第一次食，乜都要standard先再揀餸$7啲餸全是菜，no way最起碼揀$9嗰啲見個鮮竹龍蝦卷喺其他地方好少見一於試吓落咗單，5分鐘左右就有嚟到，紅卜卜，明明小辣先飲啖湯，酸多過辣，原來佢小辣=數字哥10小辣超級微辣嚟下次可以試吓中辣不過佢個酸，好啱我，因為我唔鍾意勁酸配料非常非常多，一撈唔止米線有芽菜，芫茜，蔥粒，肉碎，酸菜每一口都仲可以食到呢啲配料食到最後，啲配料都仲有，好正個鮮竹龍蝦卷個名好厲害不過我都唔expect有真龍蝦嘅$9 三舊，每舊好似一節手指咁長貴咗少少，唔抵食但都食得出啖啖蝦味同夠彈牙嘅個腐皮仲有少少脆口未比湯浸淋晒呢個一餸米線，雖然$37比數字哥貴但料勁足抵食仲有2張coupon  可以用埋單$17（$37-$20）超級抵食呀～～～

星期日又係帶媽媽去食好西嘅時間，最近長沙灣開左間新餐廳，咁岩今日要去果邊探朋友順便可以試下。好耐以前曾經食過一次雲桂香，隔左咁耐唔知變成點呢我地去到已經係下午茶時間，下午茶星期日都有，係兩點半開始嘅，加3蚊就有熱飲/凍飲啦！蟲草花雞湯米線（$48）- 媽媽同我一樣係雞精，呢一碗米線入面好多雞，重有好多生菜，岩晒減緊肥嘅朋友。米線好多，唔會煮到淋晒，好好味港式米線（$25）+轉水晶粉（+$2）+炸醬（+$9）+ 滷水雞翼（+$9）- 我前一日先食完米線，水晶粉好似好靚咁就叫左。水晶粉係晶凝通透嘅，咬落好煙韌，浸得耐都唔會淋，正！炸醬唔會好辣，雞翼都炆得好入味下午茶加$3有凍飲/熱飲，我地叫左熱奶茶同埋熱朱古力，好貼心係用保暖杯裝，食晒麵再飲都係熱辣辣嘅！另外餐廳另一個貼心位係菜單寫得好清楚每一碗米線入面有啲咩料，好似我呢啲簡飲擇食啲客見到唔食嘅配料可以要求走左佢

行過長沙灣餓餓地，搵個地方醫下肚 ，咁巧見到有雲桂香，即刻入去搵返至愛紅薯粉。睇返餐牌，原來除左招牌紅薯粉外，還有米線或水晶粉，大熱天時，選擇食個涼拌紅薯粉消消暑。先落單來杯凍檸茶，見有廚師推介墨魚頭，配埋海帶及鹵水豬大腸，一個人食應該都唔過份🤣點餐完成。話咁快凍檸茶就送到，阿姐果然有效率，影完張相紅薯粉亦到，只可以形容為山咁大既一碗，夠大份夠足料，為免薯粉變軟，我將佢反一反先。涼伴因為沒有湯，所以醬汁的好壞直接影響整碗粉，本人今次點的是不辣，但醬汁依舊層次豐富，墨魚頭夠鮮有咬口，鹵水豬大腸夠入味，海帶份量充足，整體不錯。本來仲想叫個小食，但碗粉實在太足料，食完飽哂，埋單都係$70到，下次再來的話，叫多幾個朋友一起來食，就可以一起share 下小食。

呢間係位於長沙灣既米線店, 長期都好多人係外面等外賣呢度既湯底已經係勁多選擇我今次食既係小鍋米線小辣配料揀左既係雞翼同魚腐等左大約5分鐘就已經送到上枱好香既辣味米線係勁彈牙同已經吸收哂湯底既香味, 惹味非常雞翼一共係有兩隻, 而魚腐係有3大片的鹵水雞翼已經好淋滑同埋mix左湯底既辣味加上本身既鹵水味道口味一流!!最重點就係個湯底夠正, 呢碗米線先會咁好食!!凍奶茶亦相當有水準!! 大大杯跟餐都只係7蚊, 食到辣辣地飲返杯凍飲真係一流

今日下晝去咗長沙灣食米線，去咗呢一間有好多分店嘅雲貴香，連鎖店往往就有一定嘅品質保證，唔使驚中伏。近年嘅港式米線，都係走車仔麵嘅路線，揀好面底之後，就可以選擇自己喜歡嘅配料。面對一般都會係米線、薯粉等等。另外湯底都係米線嘅精華，一般都有麻辣、酸辣、清湯等等。我就揀咗腩肉麻辣小鍋米線，小窩米線湯底濃郁，麻辣夠香。小窩米線嘅特色就係米線同湯底會一齊去煮，令到米線更加入味，唔會湯還湯，麵還麵。腩肉係用厚身嘅切法，食落有口感，但又唔會太韌。另外每款都會加咗芫茜， 對於我呢啲芫茜控園來講，加咗芫茜簡直係畫龍點睛，令到成碗面即刻提升左。