雪ノ下 (Closed)

銅鑼灣開咗好多間賣pancake鋪頭，今次就黎到依間去試吓佢地嘅pancake啦。我地2個人一共叫咗2個pancake同1個sandwich首先試咗個Egg sandwich個egg sandwich d蛋又嫩又滑，重好有蛋味，甜度適中，個麵包唔會太厚，反而中間個蛋重厚過塊麵包，絕對係抵食又好食。之後就試咗個Mandarin Honey個pancake好厚身，上面本身已經有塊牛油同埋糖漿，之後重有重點蜜糖，畀咗一小瓶畀我地自己淋上去，令到成個pancake充滿甜甜嘅蜜糖味🤤之後重試咗個Dark Chocolate個Dark Chocolate就有好濃厚嘅黑朱古力味，上面重有cream同酸酸甜甜嘅士多啤梨，簡直係一流，同黑朱古力勁夾勁好食。

聽說在銅鑼灣新開了一間pancake店，有不同的口味。雖然本人不是pancake迷，但也想一試究竟，因為在同事之間已經相傳過味道不錯了。食店的位置頻為偏僻，不過去到店內的時候已發現內裡已坐滿了人。一入到就已經嗅到了濃濃的蛋香及蜂蜜味。點了個原味的Mandarin Honey Pancake。聽店員介紹，是用了日本的蜂蜜及牛油。香港有好多pancake店，但全都是髮軟creamy充滿空氣感的那種，但這裡pancake質地是相近於蛋糕、熱香餅那種。Pancake的厚度十足，面且當你一切開pancake時，會散發出濃濃的蛋香味。當你每吃一口時，發覺有數十多顆雞蛋在你口腔之中徘徊。塗上牛油及倒上充滿果香的蜜糖，發現會把pancake的味道再提升至另一層次。如果你已經吃膩了那種淋bat bat的，這個厚實的pancake可能是一種新嚐試。

Plain pancake $68係時候要苦中一點甜🤕近排都好興疏乎厘pancake但係我自己個人就比較中意食有質感有咬口啲嘅野😂 所以就偏中意近美式做法嘅pancake之前見到呢度嘅pancake咁厚身已經好想黎朝聖下 佢係有牛油同蜂蜜比你點嘅 兩隻個名都講到好架細 例如係個蜂蜜個完整名係叫做 愛媛縣小池養蜂園蜜柑蜂蜜 又有個名都好長但我食唔出覺得特別好味🙈 但個蜂蜜就真係幾正嘅 我覺得係成個pancake嘅精髓黎 但係講返個pancake先 一開始食係覺得好開心好滿足 因為好厚 但食食吓會發覺其實佢同自己係屋企整嘅雞蛋糕質感好似😂 唔知大家有冇整過 佢入面都偏實身少少 同埋最好嘅係做到外層係微脆嘅 同入面蛋糕體咁樣形成左個對比係好味嘅但係唔算話特別驚喜 同埋如果你唔落多啲蜂蜜落去嘅話好快就會膩左 厭左陣味🙈（我自己係咁） 所以之後都要叫佢refill 蜂蜜😂 總括來講如果我有機會再嚟 我唔會食原味 因為我覺得發揮空間唔太大 其他味可能會更加出色

大概一年前同公司同事經過呢區搵嘢食嘅時候, 已經見到呢間餐廳準備開業, 八卦左一下佢最出名嘅pancake, 有明星推介, 似乎好有名氣🤔 今晚終於有機會喺甜品嘅時間嚟到呢區, 就同男朋友講話想試🤤好好彩地排左5分鐘就入到去, 之前經過都多人, 好多時候都要排隊, 呢區都多甜品店林立, 競爭都幾大嘅。第一次嚟食, 諗都唔使諗當然係會叫佢最招牌嘅pancake 款式啦, 另外仲有叫咗個蜜桃茶飲😌又不能夠話唔好食, 但個味道真係好普通, 同之前時興嘅疏乎厘pancake好唔同, 佢玩厚身質感, 但你問我就比較鍾意食返疏乎厘多啲😅打算試嘅朋友都係唔好期望太高😌

一個人過來食下午茶，點咗一個朋友推介嘅pancake，真喺覺得喺一個好高嘅pancake，配有牛油同埋蜂蜜。沒淋蜂蜜之前食一啖，口感比起其他pancake店嘅pancake要實好多，幾鬆軟，夠濕唔會幹口甜度都OK。加埋蜂蜜更加好食d。覺得唔系幾似pancake，似改良版嘅雞蛋戚風蛋糕多d。

好耐之前網上睇到介紹呢間新開嘅日式厚切蛋糕型pancake,一直都好想試，市面上而家興梳乎厘pancake,成日食落一陣風，想食下真材實料嘅厚實版pancake.Mandarin Honey Pancake ($68)愛媛縣小池養蜂園蜜柑蜂蜜、宮崎縣高千穗發酵牛油，4cm實在感厚焼き/日本廣島雞蛋使用真係好厚好似蛋糕，好鍾意佢嘅口感，食完好有滿足咁，有幸福飽飽的感覺。Potato Salad, Egg & Chicken Sandwich ($88)薯仔沙律煎蛋雞肉三文治，日本廣島雞蛋使用我會稱之為「親子三文治」，有雞有蛋，加埋芝士同mustard醬汁，口感非常有層次感。兩個女仔食完兩樣嘢都可以當晚餐，都算幾飽。

放假我經常都想搵個地方hea下，放下空。今日就黎左銅鑼灣呢間小cafe 佢算係喺大坑尾之中，我本人好喜歡呢個地方，銅鑼灣咁熱鬧既地方行多幾步就好似去左一個寧靜而文青既小角落咁。我覺得坐在窗邊更加舒適，望住出面街景。我叫既係日本蛋三文治，我想講呢一個真係非一般蛋治不單只厚同滑，蛋味特濃，佢仲有一陣牛油既香味（仲有陣特別既肉味，我形容唔到）係未食過呢個味既蛋治，就算喺其他食日本蛋治既地方都好唔一樣！好味！當然黎到呢度，一定要叫pancake我就叫左我最鍾意既抹茶味厚pancake食落既口感有啲似鬆軟既蛋糕，我就好鍾意成日食梳乎厘pancake ，我反而覺得呢種仲好食，佢抹茶味好好好濃，岩哂我配上黑豆同紅豆，真係超好食！個cream凍既，個pancake 係熱辣辣既，配合得非常好👍🏻總結，所有野都好食我下次會再試另一個味

老實講其實原本唸住食氷屋。🤫 不過太晏去，太多人排，見對面有間甜品，所以就試下呢間。😂--🍧 冰島藍莓牛奶冰 HK$76唔使怕食曬面頭之後啲冰就冇味道，佢好在冰底係有奶味， 好似淡奶嘅感覺，而且冰係soft個種，唔會好似台灣個種碎冰咁硬身。😶 不過可惜藍莓原本味道都唔係好突出，所以整體都比較淡。.🍫 瑞士72%特濃朱古力 HK$78熱辣辣，切開之後中間出曬煙。餐廳餐牌係話4cm厚，我無去研究，就咁睇都覺得Pancake真係厚身，有少少蛋糕嘅口感，好飽肚。因為我自己鐘意食苦朱古力，所以幾鐘意呢種唔係好甜，又甘苦嘅感覺。😗 如果你以為面頭係雪糕你就錯啦，其實佢係大量嘅cream，不過pancake連埋啲cream一齊食可以中和反朱古力嘅甘苦味。--📌 每位低消HK$50📌 免收加一服務費

在空氣感十足的梳乎厘pancake持續大熱下，這間pancake店 主打厚燒班戟 每件足足有4cm厚 被日本電視台獲封最佳班戟的第一位 講到咁巴閉就試試佢招牌原味（$68）一食落去係熱辣辣 好香 但質感真係偏實 實過蛋糕 完全沒有彈性的😐如果喜歡空氣感pancake 嘅人 就唔岩食了🤢 至於綠荼（$78）味更令人失望 😞太苦澀了😵😵😵 so 9 sad 可能不太是我喜歡的口感 覺得很失望 食蛋糕好過😿 呢個野依家已經完全不用排隊 相信大家都試過一次都不會回頭吧～香港人應該對這種口感的pancake 不太興趣😮

先說我是一個不愛甜吃的女生 但我竟然寫這甜品食評！ 所以說必定是絕對推介！這天本來沒什麼胃口吃東西的。。 但因為累了 所以原路揾地方坐下喝點什麼的，就經過了雪ノ下，看到門外板子 想也不想就衝進去了因為還早 所以還沒人來 簡單的陳設~ 環境很舒服不用想就決定要點板子上個厚pancake！！因為8點前入坐就能套餐點餐 比較化算優惠~Dilmah茶包！分別是Peach Tea, Earl Grey Tea~是原味加入蘋果的厚pancake 完全不甜 蛋味濃但不過份 剛好 超級愛！配合非常適合個自家制焦糖 pancake有彈牙既感覺 淡淡蘋果連pancake簡直絕配。。 吃完後還不停回味著 這個抹茶完全溶入整pancake裡 真心極為香濃 也是不甜的 整個口裡都是抹茶味 愛抹茶的絕不能錯過！

原先諗住去食冰甜品，點知太多人排隊，放棄了過咗對面食甜品。裏面有pancake,佢介紹係四cm厚，就試下，跟住我叫咗個 dark Chocolate with berries,因為佢即時整所以我哋起碼等左四至五字，先講個pancake,有驚喜的好味，好香蛋味，佢俾左一小舊牛油，我哋就問咗啲staff拎多d牛油好味啲，有飽的感覺，呢佢都係$68 ，算不錯。至於另外dark chocolate with berries , 係等得內d,但好好味,個dark chocolate配酸酸的berries好match,我就無食到d cream.值得試，d staff 都好nice.

夏日炎炎，最好就是吃冰涼的料理和甜品。雪之下的極厚鬆餅及刨冰非常出名，所以慕名而來！蜜柑蜂蜜Pancake以蜜柑蜂蜜製作和加上牛油，味道香甜，不會蓋過班戟的蛋香，質感非常厚實。另外也有以時令鮮果製作而成的期間限定口味～Raw Sugar 日本沖繩生黑糖刨冰刨冰淋上香濃黑糖醬和黃豆粉，裡頭更有牛奶刨冰，冰粒非常細滑以及入口即溶，味道更有層次。飲品方面，選擇都非常廣泛，有咖啡、牛奶等。宇治抹茶牛奶及黑糖黃豆奶的味道都非常香濃，並不會太甜，值得一試。

炎炎夏日 食完晚飯都感覺意猶未盡咁 所以 今次食完晚飯就去咗食日式甜品 呢間餐廳一直都係多人 而且舖面唔大 所以 要早少少過去就免除等位 朋友揀咗法式朱古力日式班cake 朱古力超香濃 係濃到食完會起雞皮果種 但係一啲苦味都無 再配酸酸甜甜既紅莓 香滑生忌廉 好食到不得了 我就叫咗原味既牛油蜜糖 望落似蛋糕口感結實 中間係蜂巢結構 一啲都唔硬唔乾身 蛋糕吸收左蜜糖之後 口感即刻香滑咗 再加上牛油味香濃 真係要慢慢品嘗

尋日幫襯，禮貌地點兩款食物分單付款，黑皮膚女待應毫無禮貌話巳按下制，拒絕分單收。我們都無出聲，算了。之後朋友不小心跌左叉在地，她氣沖沖走來，將支新叉扔落我們枱上，之後非常凌厲眼神望住我們。我立刻要求道歉。她完全無視我存在，不回應，當我透明。之後我走去透明玻璃問另外女員工，哪一位是負責人，女員工指剛才態度惡劣的黑眼鏡女待應是老闆，之後惡劣女待應才回應和開始責怪我們「頭先你地已經要求分單」。但其實我們開始巳忍受她垃圾態度沒有分單，誰知她還拿出這事講。我沒有吃過她剛上枱的甜點，立即要求退錢走人。我不是一個活躍網路媒體的人，我為了要供開真相，立即下載這個程式寫下我和我朋友感受！試問打開門口做生意，連最基本服務態度不能提供，開舖頭開到趕客般，我還是人生第一次見識到！Ps. taste 要我一定要評，不能留空白。問心我無食過，我不知道。公平起見，我給三個星

跟朋友在希雲街食完飯，想找個地方繼續傾計，當然選擇是甜品店。之前好一陣子都要排長龍的Pancake店，可能因為是平日的關係，完全不需要排隊，梗係走入去試吓啦。他們主要甜品有炮冰和Pancake，因為第一次光顧的關係，我們選擇了最傳統最普通的味道。一個京都宇治抹茶刨冰，另一個是傳統mandarin honey pancake。宇治抹茶刨冰，份量真的不少，頂部有很多紅豆，跟抹茶刨冰一起吃super match，我食甜品唔喜歡吃太甜，所以他們的甜品十分適合我，食到中間部份，發現原來中間有加了煉奶的刨冰，好似有少少surprise的感覺。當我們差不多吃完刨冰後，mandarin honey pancake就上枱，時間恰到好處，他們的Pancake 不會像現時流行的Pancake咁好似食空氣，我很喜歡他們的質感，非常實實在在，濃厚的蛋味，再配襯上蜜糖和牛油，真係好好食，其實食到一半我已經好飽，但因為真係好好味，忍唔住食晒，好幸福好滿足等我下次試吓其他味道的Pancake