味道

Open Now

Now Closed

🔸越式香茅蔥油豬扒煎蛋飯💰70豬扒煎得恰到好處，外酥內嫩，搭配埋香茅蔥油食，口感更加豐富。煎蛋蛋黃仲係流心淋埋豉油撈飯食勁惹味呀！😋🔸炸雞髀配泰式冬陰功河💰84炸雞髀手掌咁大外脆內嫩，肉質鮮嫩多汁，搭配埋辣辣嘅泰式冬陰功湯底，滋味十足。河粉份量頗多，吸收曬啲湯汁好掛味👅夠曬飽肚呢個set~🔸泰式炭燒豬肉串(6串)💰95肉質嫩滑，搭配酸辣嘅泰式沾醬，口感更加豐富～🔸泰式奶茶💰12濃郁香醇，口感滑順。茶香同牛奶嘅比例唔錯推薦！🔸椰汁紅豆冰💰12椰汁嘅醇香同紅豆棉滑中和佐甜味，呢杯唔會好甜

#味道i can say its overrated. price is high, 70+ in all lumch set. ice drink cost +4. which is expensive in sheungwan area.this time queue for 30mins. many ppl come to try their tomyum and fried chick leg.tomyum is really below standard. the soup is purely spicy and sour absent the herb of tomyum. it is not tomyum actually. chick le is fine, just a chick leg. nothing special.plus i ordered pork rice. taste is ok. but the pork slice is tooo thin. 70$ not worth the money.hot drink is mini cup. viet

Lunch 行過，見到橫街有間餐廳好多人排隊，原來有間東南亞小店，等咗一陣終於入到去😌見隔籬枱食雞髀我又試吓先！叫咗個炸雞髀冬陰功粉❤️雞髀好香口入味，肉質鮮嫩幼滑，手掌咁大隻，分開上，食完個麵，仲可以揸住隻雞髀黎食，冬陰功湯底都好香☺️😋📍YumYum 味道 Yum Yum📍地址 : 上環畢街15號

這間店，在一條內街中，中午每次經過都是長長的人龍，究竟有什麼美食，吸引人們排隊都要來吃呢？終於有位同事假日專程來試吃這間“味道”,回公司後推薦大家要去吃炸雞腿。我們也終於排隊第一次吃這“味道”！今次吃了咖喱雞腿飯，大大的雞腿，真的不錯，雞腿熱呼呼，外皮脆卜卜，而且加上惹味的咖喱汁,好味！由於雞腿太太太大隻，我們都是用最原始的方法，成隻拎起黎食。這間店就是太少位，也有點迫，飲品細杯左d,但如店名一樣，憑“味道”取勝！

前幾日咁啱經過上環竟然搵到呢間出奇地好食嘅小店見到咁多人排隊就特登去試吓糾結咗好耐因為我見個個都嗌炸雞髀但係炸雞髀就一定要配冬陰功河粉而我想食飯多啲所以最後叫咗蔥油豬扒飯加串燒但佢個葱油豬扒飯好香口我覺得好食過珍姐D飯一粒粒唔會好似黐埋晒咁加埋隻半熟太陽蛋一篤穿流晒d蛋汁係個飯上面唔會太漏個豬扒炸得岩岩好唔會太油份量都幾多啲豬扒連埋蛋汁飯食口感好豐富再加埋個熱辣辣既串燒同佢個醬好夾下次想試佢個炸雞脾冬陰功河粉

炸雞脾好出名，幾乎每枱都有叫！除咗泰國菜式，都有港日韓越嘅菜式！晚市好多人排隊，更何況係午市，齊人入座，大家食完都走，唔洗驚排好耐。*炸雞髀配泰式冬陰功粉絲 $84炸脾係招牌必叫！熱辣辣，Size大隻，皮脆肉嫩，好多肉汁，一啲都唔油膩，但醃得好鹹好鹹。冬陰功偏酸，辣度略高，椰子味弱啲。粉絲應該係最索湯，配料有豆卜、魚片、芽菜、菇菌，正常發揮。*泰式凍奶茶 +$12泰茶有少少澀，甜度意外地唔高，冰又唔多，不過椰奶味唔夠強。

炸雞髀🍗配冬陰功米粉好大隻泰式雞脾，一刀切落啲肉勁嫩，肉汁juicy，醃製雞脾連入面啲肉都夠味冬陰功湯底，原以為好辣，點知店家調節到適合香港人口味，微小辣，偏酸度湯底，芫荽芽菜米粉爽口彈牙，再加上魚片，豆卜索晒湯底精華🔥泰式炭燒豬肉串好有炭燒香味，店家塗上蜜糖，味道有啲似蜜汁豬肉乾(鮮肉版)😋配上花生醬香味沙嗲醬，又係另一個層次越式香茅蔥油豬扒煎蛋飯男人的天堂，碟頭飯大大份，肯定夠食🙌🏻豬扒份量好多，而且會幫你切開晒，配上葱油，太陽蛋🍳，蛋汁加上甜豉油，送飯一流🍚🍚泰奶茶🥤泰奶紅茶+煉奶調製出，味道香濃帶少少甜（好適合香港人嘅甜度)食咗咁多串燒，雞髀，炸嘢，飲番杯奶茶解解渴💦

琴日喺上環返工經過條巷仔見到有間舖頭出面排曬長龍，見到咁多人所以都想排嚟試吓。入到去鋪面唔算太大，有7、8枱度，跟住嗌咗個招牌生炸雞髀飯配蔥油🍗，因為午飯時間人流都幾多，嗰飯都等咗廿分鐘到，但係試完個飯之後覺得好正。雞髀皮脆肉嫩，一咬就知係生炸出嚟，之後再配埋獨家調製嘅蔥油，撈埋落個飯食簡直一流😋加四蚊可以要多杯凍飲，埋單74蚊，喺中上環地段嚟講價錢都可以接受，不錯👍但係午餐時間勁多人排，差唔多要排半個鐘先入到去，建議下午茶或晚上時間嚟最好

喺影片分享網站  睇到呢間小店，疫情後生意告急，即刻要親身去支持下！💪🏻💪🏻-生炸雞髀🍗配冬陰功米粉🌶真係好出色！生炸嘅巨型雞髀皮脆肉滑，肉質仍然保持到鮮嫩多汁🤤冬陰功米粉，椰奶味濃！辣辣地，好惹味！估唔到個味咁夾👍🏻-蔥油豬扒煎蛋飯🍳豬扒好淋，好嫩，超級好食！！蔥油都好多，岩岩好可以撈哂成個飯黎食！一啲都唔吝嗇材料👍🏻🤭重點係，要配埋個豉油一齊食！好耐冇試過食咁好食嘅豬扒飯🥰🥹-泰式沙嗲豬肉串燒🇹🇭沙嗲醬係另上，而味道都好出色！花生醬味好濃🤤豬肉燒完都唔會乾身，肉質都好滑！好有heart嘅串燒👍🏻👍🏻-泰式奶茶🧋配合返香港人口味，甜度適中，仲飲到茶底嘅澀味！好鍾意💛💛-熱情果梳打水😍好fresh，食完餐飯配埋呢杯飲品，完美😆

喺上環有一間幾好味嘅東南亞菜🤣 味道 Yum Yum 雖然舖頭唔係好大 但係嘢食真係唔錯💜而且佢哋裝修都唔錯 幾有特色🤣.🐷越式香茅蔥油豬扒煎蛋飯呢個越式香茅蔥油豬扒煎蛋飯真心唔錯 豬扒煎得香脆 配上香茅同蔥油嘅調味 帶出一越南風味 煎蛋令味道更加豐富🤣 加埋個豉油真係一百分💯.🐷炸雞髀配泰式冬陰功河粉如果你鍾意炸雞同泰式風味 呢到嘅嘅炸雞髀配泰式冬陰功河粉絕對值得一試😋 炸雞髀炸得金黃酥脆 熱辣嘅泰式冬陰功湯底伴隨着彈牙嘅河粉 帶出酸辣鮮香嘅口感💜.🐷泰式炭燒豬肉串豬肉串炭燒得恰到好處 外焦內嫩 搭配泰式醬料 特別好味💜.🐷泰式奶茶呢度嘅泰式奶茶濃郁香醇，奶茶同糖嘅比例剛好 唔會太甜 帶有濃濃嘅茶香 好解渴又開胃.🐷青檸檬梳打如果你想要一款清新嘅飲品 呢杯梳打酸酸甜甜就岩曬你🤩 加入青檸同檸檬片 清爽解渴.味道 Yum Yum📍上環畢街15號地舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #上環#上環好去處 #上環美食

這間小店很有特色, 可以吃到不同地方的美食, 不用去幾間餐廳就可以滿足不同願望。包括有越南、泰國、韓國、日本和台灣, 最適合有選擇困難症的朋友。♡ 越式香茅蔥油豬扒煎蛋飯 豬扒煎得金黃, 香茅味道醃得很濃, 未放入口已經聞到陣陣香茅味, 肉質不乾不柴不油膩, 每口都吃到啖啖肉, 很滿足。太陽蛋、蔥油再加上醬油, 使這道菜式更加豐富, 而且醬油甜甜的, 很適合伴飯。♡ 炸雞髀配泰式冬陰功河粉炸雞髀炸得金黃香脆, 咬下去外脆內嫩, 肉質嫩滑。泰式冬陰功湯底濃郁, 微辣且酸味夠濃, 很開胃。河粉順滑, 湯汁可以掛汁, 所以每一口都可以吃到濃濃的冬陰功湯底。♡ 泰式炭燒豬肉串炭燒豬肉串的炭燒味很香, 豬肉肥瘦均衡, 炭燒後外層香脆, 亦可保持肉質嫩滑, 不會乾, 醃料味道甜甜的, 再點上沙爹醬, 味道更惹味可口。♡ 泰式凍奶茶 & 青檸檬梳打泰式凍奶茶的味道香濃帶少少甜, 是傳統的味道。而青檸檬梳打是吃重口味食物必點的飲品, 既能解渴又清新。

味道yumyum是一間位於上環小巷的多國菜餐廳，提供多種不同地方的美食，如香港、泰國、日本、韓國和台灣等。- 泰式炭燒豬肉串（4串）：這是一道很受歡迎的小吃，豬肉切成小塊，用香料醃製後烤至金黃，外皮焦香，內裡多汁，肉質嫩滑，沾上自家製的花生沙嗲醬，更加惹味。每一串都吃得到豬肉的鮮甜和炭火的香氣，很開胃。- 炸雞肶配泰式冬陰功河粉：包括了炸雞肶和冬陰功河粉。炸雞肶是用鮮嫩的雞胸肉炸至酥脆，外層酥脆而內裡多汁，每一口都帶來一種滿滿的肉汁和香氣，非常鮮美。冬陰功河粉是用酸辣的湯底煮的，河粉彈牙可口，湯底酸酸辣辣，有著泰國料理的特色，很適合搭配炸雞肶一起吃。- 越式香茅蔥油豬扒煎蛋飯：用香茅醃製的豬扒煎炸得好香口，肉質軟嫩，搭配上蔥油和秘製自家黑醬油，味道濃郁，飯上還有一個流心的煎蛋，蛋汁和豬扒汁混合，更加滑潤，飯食得很香甜。- 泰式奶茶：這是一種泰國的傳統飲品，用紅茶和煉奶調製而成，顏色鮮艷，味道香甜，有著濃郁的奶香和茶香，很適合解渴。

托Foodie朋友的福，終於試到呢間🥹做完運動食特別滿足！😂🌟 炸脾冬陰功湯河炸脾好香口，肉嫩多汁😍湯底唔算太辣，酸酸地超開胃，河粉都好爽口！湯河本身都有豆腐卜、魚片等其他配料，索曬啲湯汁真心正！天氣凍凍地食呢啲熱辣辣嘅湯麵就最啱！🌟 蔥油煎蛋豬扒飯超級好味！雖然豬扒係炸嘅，但無咩油膩感😚蔥油+煎蛋簡直就係偷飯賊最佳組合😂煎蛋仲要係脆邊的！😍米飯又煮得剛剛好，軟硬適中～😙要排隊食都係值得嘅～😌

平日夜晚都要排隊3-4個字，可見佢人氣之旺。越式香茅蔥油豬扒煎蛋飯70HKD豬扒煎到酥脆但唔油膩，入口好juicy，load埋蛋同蔥油一起食真係好正，落小小自家製豉油，甜甜地，同豬扒好夾！炸雞脾配冬陰功河粉 84HKD大大隻炸雞脾真係好吸引，外皮好脆，咬落去卜卜聲🤩🤩冬陰功河粉同樣高汁，酸酸辣辣好道地既泰國味道，推薦！泰式碳燒豬肉串🐷好特別，BBQ點沙爹花生醬，食落口感有咬口又唔會鞋～惹味泰式奶茶🧋12HKD同港式奶茶相比泰式奶茶香味更濃，唔算好甜亦飲到好香濃奶味。青檸蘇打12HKD清爽解膩～好適合飯後收尾🤣

位於上環的巷仔，有一間主打多國菜既餐廳。於是就去試下，一睇個menu,原來唔止泰式，仲同日式，越式，韓式，真係多款種類。今次就唔叫雞脾飯，我地分別叫左香茅豬扒煎蛋飯同日式咖哩豬扒飯，同樣都係70幾蚊左右，附送飲品兩碟豬扒都係大大件，香茅豬扒配上流心蛋同蔥油，本來落左啲醬油可以撈下飯，睇下咩味，不過個醬油落少少都已經好鹹，想食醬油撈飯，建議落少少就好。個日式咖哩係有驚喜，不同於平時食既日式甜咖哩，個咖哩帶有啲微辣，同豬扒都幾match。