魚米 (Closed)

今天在這裏叫了一個2人餐，套餐有燉湯，一個小菜，一碟魚。燉湯同外間的例湯無分別，感覺係"扮"燉湯。送菜送到亂晒，在我觀察當日有5台客上的小菜都有問題，他們又漫不經心無主動處理，感覺好像唔介意無生意。小菜一般。唯一係條蒸魚有家庭煮的水準，但係事實附近的茶餐廳蒸魚唔會比佢差。 唔值得再來。

喺紅磡想食下午茶，行過見到魚米餐牌幾多選擇，就入去食了～呢碗果醋豬軟骨烏冬味道酸酸甜甜，同烏冬都幾夾。但稍嫌豬軟骨唔太腍，咬落有啲辛苦，同埋整碗份量都幾細，唔係好夠飽🧐另外碗米線一嚟到真係比佢嚇親～因爲佢嘅麻辣睇落好似大辣咁款🤯 豬潤同牛肉都幾厚，仲有好多塊添！味道唔咸，但食落真係辣到出哂汗，鐘意食辣嘅朋友一定要嗌嚟挑戰下～呢到嘅侍應服務態度好好，有禮貌；環境闊落又坐得舒服，平時都唔算話好多人，下次可以再試下其他下午茶😋

今日外出工作。經過黃埔附近，那裡地鐵站新建成後除即開了很多餐廳。「魚米」是近一、二年在這𥚃新開設食店，但是我之前沒有在這𥚃吃過飯，於是入內試一試。我點了蘿蔔牛腩撈淮山麵及熱奶茶。牛腩撈麵有牛腩肉，白蘿蔔及淮山麵。賣相幾好。整碗麵份量少一點。牛腩有滑腩肉及牛筋每一塊都好厚及好"大塊"；驟眼看牛腩佔整碗麵足足一大半份量好多。嚼起來好腍滑，又爽軟，味道又好。白蘿蔔好「大塊」，肉質鮮嫩多汁，蘿蔔絲又不多，超爽甜。淮山麵麵條幼細，似北方麵條，爽口彈牙，麵質鬆軟。牛腩汁味道濃郁和超正用來撈麵味道超好，"頂呱呱"。熱奶茶，夠熱。飲落好香的苿莉花茶味，紅茶及淡奶份量適中。好好飲。餐廳內部環境和格調優雅，光線充足。等候侍應落單及送餐上枱時間算快。總體而言，牛腩撈麵及熱奶茶的質素跟價錢成正比。

此店亦是米線為主打，可仼配湯底和配料，豐儉由人。成班朋友去試吓新開店，喜辣的朋友選了麻辣湯的。麻辣腩肉豬肚炸醬米線，麻辣八寶米缐，朋友說唔夠麻辣，可勁啲。不愛吃辣的朋友選了蕃茄湯腩肉魚角烏冬，豬軟骨韮菜餃腐皮魚角烏冬，湯底和配料都不過不失。可是腐皮魚角很大塊，咬落彈口，幾好吃。豬潤牛肉蛋泡飯，是魚湯滾飯，豬潤唔靱，牛肉幾滑，大大碗。  鹵肉比目魚菜飯，魚是油炸的，但沒有油淋淋咁，比目魚唔腥，外脆肉軟。菜飯唔油，添加埋鹵肉一起吃，會令人唔覺意就吃多了飯量。

一心諗住食個健健康康魚米線，再加上服務態度極差，真係徹底失敗！一開始落單時已經開始搞到我燥底： 第一個呀姐聽唔明我講廣東話，轉左另一個呀姐又重覆講多次。落單時明明係叫酸辣湯底，張單都寫明，但係黎到無味清湯底。好啦到條魚真係炸到條魚尾生垂直飛起，咩肉都唔駛食，個感覺仲差過食魚皮，真係好差。 反映了意見又無人理。black list!

同屋企人兩個去食，叫一碗皮蛋魚湯飯，一碗八寶刀削烏冬，我地21:24坐低，落埋單21:40唔夠湯飯已經到左，21:45左右我發覺唔對路，等得實在太耐，個場只係得四張枱係有人坐低食嘢或者等緊，我問個侍應，問完，完全無交代，我忍，第二次再追單，佢地都係扮痴扮傻咁照行直過，真係忍唔到，爆左佢兩句，隱約聽到漏單，又唔埋嚟講，我碗嘢21:50倒就到，我未試過食米線呢類型餐廳係要等成差唔多半個鐘！啲侍應又無交帶！不知所謂！唔會再有下次！

我第一次光顧魚米是它的黃埔分店，但沒過多久就結業了，後來經常去太子分店，因為太子是我經常出沒的地點。近來紅磡又開了一家分店，我平均兩到三個月也會來這邊一次，所以順道試試這家分店的質素。雖然我對魚米的麻辣湯底已經失去信心，但光顧新分店又難免抱了一絲期望，所以本着探險精神再度一試。之前在太子分店吃小辣麻辣湯底，辣度太溫和，不過癮。這次要了中辣，辣度卻不太能承受，味道不麻只有辣，這個辣又不惹味，這次之後對魚米的麻辣湯底全盤死心帆立貝共有四件，鮮味頗弱，有些少難以咬開，不後悔點了，始終算不上難吃，但沒有再吃的欲望。吃着吃着我奇怪怎麼沒找到果醋豬軟骨，向店員反映問題，他拿着我的單子，忽然跟其他店員發生爭執，然後一直拿着我的單子不放持續罵戰，我非常無奈只能等他罵完，這是魚米的文化嗎？這家分店跟太子分店一樣有着員工不和睦的現象......說回豬軟骨，店員給我另外用小碗補上，只有兩件不大，不知道原本就那麼小，還是分開給才這樣，而且質素差，豬軟骨一點都不軟，肉質粗糙且硬，味道與份量都不值$9一個餸的價錢。米線是常見的質素，沒有比一般出色，但也沒有問題，不會太軟或太硬，達到應有水準。本來我已杯葛魚米的奶茶