魚米 (Closed)

一心諗住懷念下小城！膽粗粗就入去試左，叫左份酸辣魚腩米。切記係酸辣米！結果一食，好咸好腥，辣味酸味去咗邊🤷‍♀️食吾落！真係好抱歉🙏還有值得一提又係啲同事都幾得意！個個都面無表情！總結係:食物冇味，得個咸同腥，店鋪冇音樂，員工冇表情！死氣沈沈🕯不值得一試🙏

剛剛和女友在黃浦戲院睇完新 MIB,真是好麻麻. 感覺為做而做咁.促使我地去好搵野食既決心.行過呢間野門口時, 有陣好強烈既魚味, 即刻吸引左我地入去.由於還是下午茶時段, 見到個下午茶時段餐排都有十分多選擇,但熱愛湯水的我都是選擇湯麵.選左T7 酸辣魚片腩肉炸醬米線.本身想試試佢地的魚湯底, 但已比佢地的炸醬酸辣味淹蓋了.沒有了鮮味, 但保留了魚湯的甜味加辣, 好好飲. 成碗飲哂.魚片沒有腥味, 但一般魚片比較腍, 沒有陣性咬口.腩肉反而有驚喜. 好似日本餐廳牛肉厚切咁. 好有質量.加上兩款肉類都索哂辣汁既精華, 基於太惹味既關係, 不太食得辣的我好不客易才能夠完成.好在每當感到辣的時候, 有呢杯凍檸檬茶止止辣.只是加$3. 頂一頂. 

雖然主力係魚湯食物但個湯真係普通，完全出唔到魚架鮮味，但以佢個價錢算係咁。如果個日你太想食飯，又無咩要求，呢個都可以接受，平時食開佢架米線，但佢個果醋飯可以一試

今日晏晝去咗食呢間標榜「少鹽少糖」嘅食店食lunch，喺門口見到啲魚都煎得幾吸引，就叫咗其中一款試下！今日試咗「煎原條左口魚泡飯」，條魚表面上煎得幾靚，size都算大條，冇腥味，但都冇乜鮮魚味，其實係連味都冇，一啲鹹味都冇，而且都好油下！標榜「少鹽少糖」啫，唔係連味都冇呀？個湯都幾多配料，有蔥、芽菜、腐火等等，不過就太多味精，勁鹹！鹹到飲好多杯水都覺得好口渴！要$69 唔包drinks其實都幾貴！我諗如無意外真係冇下次了！

黃埔雖然有好多餐廳，但係午飯時間一個人食，都可以坐得舒服的餐廳卻不多！剛好走到了魚米，原本想食米線，但見到有個新推薦：鹵肉碎椒鹽多春魚飯，就落左單了！ 套餐$49蚊，包一杯熱飲，而且我可以自己一個人坐曬成個卡位，價錢不算貴！多春魚數量都幾多，差不多有10條，雖然細細條，勝煎得夠香！ 但鹵肉碎就失色，味道很普通而且，菜都冇條🙁🙁 所以賣相就不太吸引！ 不過作為一個午餐，算是不錯了！

下午無食午餐，所以想食得飽d，於是就來左呢間魚米諗住食返個米線。呢度嘅下午茶餐米線加野飲同其他米線店差唔多，都係$30幾。我叫左個清湯米線配魚腐同墨魚丸，野飲要左杯熱柚子蜜。雖然係下午茶，但米線同配菜嘅份量都唔少，可以食到飽。個清湯係魚湯，不過不失，淡淡地嘅湯，唔會太鹹。墨魚丸質感有d實，但味道不錯。至於魚腐係自家製，但我覺得味道好麻麻，有d腥味而且食食下仲有d軟骨。杯熱柚子蜜就真係好甜，酸味幾乎比甜味蓋過，有d似飲緊糖漿溝水咁。

這天8時多終於放工，來到魚米當然想吃碗熱騰騰的米線啦！叫左碗魚蛋米，鮮魚湯底，幾鮮甜幾香，飲飲下真係可以當湯咁飲晒。魚蛋都叫有咬口幾彈牙，可能浸落魚湯度唔太耐，未有吸收魚湯的味道。魚片要數算是最差的一味餸了，太䭃，麻麻地咋，而且係好薄的兩片魚片。正正常常的一杯熱檸水，平時我飲熱檸水都唔會落糖的，一般好的檸檬🍋即使唔落糖都唔會太苦或太酸，仲有會有檸檬的甘香同酸甜的味道，呢杯稱不上甜，但也不過不失吧！總括而言，來到魚米也是非吃魚不可的，吃不到魚、喝一喝魚湯也是常識吧！😏

作為米線控的我，基本上很多時候也是想食米線的。紅磡米線店不少，但這間也算是我的頭五位選擇。因為他的湯底味精少，又可以一整條魚食，其實也算是健康的選擇。今天中午來食午餐，點了酸辣魚腐淮山麵，炸黃花魚滷肉飯。酸辣魚湯米線，酸酸辣辣的，十分開胃。炸黃花魚是一整條的，炸得香脆可口，很乾身，味道也不錯啊！！滷肉飯份量也很充足，很夠飽！其實午餐選擇也很多，價錢在於40至60元，包飲品。不算是很平，也性價比而言，也算是很合理了！

呢頭附近餐店，午飯時間大排長龍， 圍繞一圈之後連這一家都要稍稍輪候。等幾張枱總好過等一條人龍。胡椒豬肚湯飲得多，加配白飯我都是第一次， 胡椒豬肚湯唔夠胡椒味可能因為係配飯嘅關係所以唔太胡椒。哈哈， 原本諗住飲淨湯，有點失落的味覺感。看看價錢沒有挑剔，整體能夠接受。白飯夠曬飽，仲有娃娃菜食，平衡食豬肚的膩。豬扒飯加隻蛋以午餐趕快填肚去上班來說，多一點汁就完美。然而老實說豬扒味道一般。午飯人流高峰期，待應忘記率極高，同一件事回頭問4次。下一次光顧應該食魚米線會穩陣啲。

腐皮魚角貢丸米線$39啲料全部都好足，如果有成三大塊，公園都有三粒，份量就同一般食米線既鋪頭差唔多，但個湯底真係幾正，應該出面好難搵到。麻辣豬潤炸醬米線$37同上面個米線一樣都好抵食，價廉物美，辣湯底都辣得好過癮，幾好！

魚米，貴為心粥館集團旗下品牌，相信質素不會太差。今日飯來一人在黃埔一帶搵食，眼見四週都是快餐店，便初嘗魚米這個大集團品牌，看看會否有驚喜。一入店內感覺沒有服務可言，可能是店員看不琴我吧？在無人帶位情況下我自行坐於一個角落下，打開餐目，食物的款式相當多，而魚類的款式選擇亦不少。但相比起荃灣鱻鱻店，魚米魚類選舉性有限，在此情況下，我選擇了較為大路的魚腩米線。1. 酸辣魚腩米線一碗米線定價至$61確實令我相當驚訝，對比雲南米線多寶米線下，只得魚腩及酸菜配料顯然不足。大概等了接近15分鐘時間，酸辣魚腩米線送到面前。魚腩採用油炸的方式辟開魚腥味，是一個很聰明的做法，而且魚腩尺寸亦大得令我驚訝，足足有我成年人手掌大，而且入口香脆，魚肉嫩滑。魚肉浸於酸辣湯中味道更搶，鮮、香、辣三味同時感受到。而侍應亦細心配上碟仔予客人放魚骨，感覺更為貼心。可惜的是酸菜較乾身有渣，與餐牌上的酸菜碎完全是兩回事，但整體就湯及魚肉來說是推薦的。最後嘗辣後既我走到後方自助水機自行沖了凍水解辣，此服務亦是加分之一，唯一最後是聽到部分客人收據上未有印刷下單的食品引起部分顧客不滿，但最後都解決了。只是單單一碗米線卻能夠做出這種味

新搬入紅磡區，要發掘下呢區既食店！魚米雖然係一間連鎖店，但都係第一次食，本來無太大期望，所以都沒有太大失望感覺~當日下午茶尾水時間到，同友人各自叫左1碗米線，下午茶時段會送飲品 腐皮魚角酸辣米線 （酸辣麻辣湯底都要加2蚊），魚角有3大件，米線配有好多既酸菜炸菜，米線就好似有d淋自制魚腐米線~ 魚腐好好味，偏少少硬身，會有少少既軟骨，魚味都好出，仲有5件，唔錯飲品係熱菊花蜜，凍檸茶~熱菊花蜜過甜，溝2杯熱水都仲覺得好甜，唔知有無得叫少甜呢

1.侍應唔識廣東話，重覆又重覆都落唔到單，仲要嫌我哋唔講匪語2.凍飲寫成熱飲，但照收凍飲錢3.鱿魚有沙嘅4.米線份量勁少、啲餸又係，兩啖無哂5.執張無人嘅枱，都唔執我哋嗰張。好聲好氣叫佢執枱好似叫佢去死咁黑面食過咁多間魚米，最唔開心係呢間

平時晚上收工一支公，想食晚飯但都唔知食咩好，想食魚就會黎魚米，推薦的有的 豉汁蒸黃立倉 ，煎封倉魚黃花魚，烏頭 都不錯， 想食飯食米線都有得食，價錢算中價，魚都幾夠大條！

Very poor attitude by server. Poor Cantonese and slow motion. Peanut Toast took 30mins to be served during tea time around 3pm when restaurant with not many patrons. Ice milk tea had no sugar which i did not request. Chicken wings were hard. Stood at cashier for 3 mins before someone came, and asked what i want. No idea whats going on. Will not come again