夢見屋 (Closed)

喺上環落咗叮叮，又好餓，見倒一間日本餐廳好似不錯，就想也不想和友人入去了。餐廳設計頗有日式風味，望望餐牌，竟然有茶泡飯？只有在劇集深夜食堂才看過的茶泡飯，我一直都想試，於是就係你啦明太子雞絲茶泡飯！而友人就點了set dinner吃烤魚。晚餐附送醃漬青瓜和麻醬豆腐，青瓜個人來說不太喜好，可是麻醬豆腐可是一口就給我吃完。茶泡飯的吃法是將茶倒到飯中，熱騰騰的茶配上白飯順間就令飯粒充滿茶香，明太子微微辣的，配上雞絲，我一點也不想浪費。餐牌另有梅子茶泡飯，我也很想試呀。而友人的烤魚亦不錯，魚骨雖小，但是可整塊掀起的，魚身烤得脆脆的，擠上檸檬味道就更加清新！總結來說是不錯的！

成日搭車都會經過呢間嘢，星期日晚就同班fd試下佢。明太子忌廉意粉明太子落得非常夠，撈勻後每條意粉都充滿住明太子的微辣+鹹香味，勁好食！黑糖綠茶比起其他綠茶專門店，呢間嘢啲綠茶甜品&飲品真係非常麻麻地…

絕對唔係「唔好食」咁簡單！ 完全係「難食」！ 入到去帶咗兩個餐， 其實一啲都唔平。兩條友食咗180幾蚊， 但係9流既質素。兜意粉勁樣衰。味度又奇怪又冇料，總之就係難食個canteen。跟住到咖喱飯，好醜樣，啲飯痴埋一Pat，個汁好咸。 食到我同男朋友勁抑鬱😭

放假同肥髀搭電車捉精靈捉到西環，比佢見到間蛋榚店，Italian Tomato嘅咖啡店，之前食過其他分店！幾好坐感覺悠閒！所以入去休息一下！入內地方幾大，深木傢私！最喜歡個好多蛋糕嘅雪櫃！店員比咗靠牆2人枱比我哋！已經係下午茶時間，店內無乜人！同肥髀一人一個下午茶餐！日式白玉紅豆湯（$46）紅豆湯好紅豆沙感覺，粒粒紅豆大粒，味道太甜，白玉糯米糰細粒煙韌！好味！整體太甜！北海道南瓜批（$55）呢款未試過，一試好失望，蛋糕面嘅南瓜蓉已經硬晒，篤都篤唔入！叉一拮就乾裂咗！南瓜微甜，蛋糕鬆軟，忌廉滑，但整體比硬咗嘅南瓜蓉破壞咗！芒果沙冰（$18）芒果味唔假，沙冰幾幼滑，清甜好味！雪榚抹茶（$18）呍呢嗱雪榚好實，無乜呍呢嗱味！一般，抹茶微甘，唔夠甜味！所以比較啱大人！食物一般，店員冷淡！店員落單比較冷淡，我問蛋糕套餐有乜蛋糕款式，佢再悠悠閒咁行去攞蛋糕餐牌！落完就走開！廁所乾淨！

囡囡上完興趣班有點餓，剛啱經過夢見屋就入來嘆個下午茶先 這兒走簡約和風格調，樓底夠高，枱與枱之間又有空間 餐廳的天花、牆壁和⻆落都有 Chocolate Rain 筆下的人物 下午茶時間客人不多，環境又舒服，望著咁可愛的公仔嘆下午茶，心情都好點 下午茶套餐款式不少的，有甜品、西多士、意粉 ... 我和囡囡點了份 ... 煙三文魚蘑菇忌廉意粉配熱咖啡 ... 一起分享 很足料喎 ... 有很多三文魚和蘑菇 看上去好似不夠忌廉汁，其實每條意粉都沾有忌廉汁，食落去不會太膩 囝囝點了份 ... 自家製蛋糕套餐 揀了件抹茶朱古力蛋糕加 $$ 改配特飲 ... 蜜瓜梳打 夢見屋是 Italian Tomato 旗下的餐廳，當然是用番 Italian Tomato 的蛋糕 蛋糕很鬆軟，香甜的紅豆忌廉和淡淡的抹茶，很啱囝囝的口味 一下子就比他食哂，我只食到一小啖咋 ** 以上分享是以我的口味、喜好和情況作出分享和感受，一試 / 合用與否請自行決定

夢見屋開業一段日子，久不久我也會去，因為就在我寫字樓對面。今天看到有新餐牌，可以吃魚乾，就去試一試。套餐 HKD75 包餐茶，魚干是兩條魚，甚為抵吃，煎得很香。餐也包白飯及前菜，還有一個湯。另一個則叫了明太子意粉，也是甚好吃；意粉不會像小學生飯盒那些冧冧的，有咬勁；而且忌簾配搭甚好。

經常見到呢間舖，門面好靚，甜品尤其吸引…而且甜品主力賣我愛既抹茶，實在要試下！抹茶芭菲好靚仔…菓子正正常常，抹茶軟雪軟…少得可憐，一圈都唔比你，唧少少係上面就算，而且入口係有粉粒，係我比錢食軟雪榚以黎最差既水準，完全唔滑，亦無抺茶味！唔好食唔可以形容…絕對要用失敗形容！抹茶雪榚得3/4球，除左面頭見到既材料，紅豆同雪尼拿雪榚得少少，雪尼拿雪榚唔知有冇比半球，見唔到，己融！下面成杯都係透明既啫喱狀無味物體，完全唔好食…朋友叫左個綠荼雪榚抹茶…我飲左一淡，綠茶味還可以，但係有半杯係冰…哈，融左之後應該同水無咩分別！昆爆人…芭菲好多地方都以下價物堆砌…但賺到咁盡，成杯都係，小弟食過既店裡，真係共此一家……

今日去食lunch叫左日式蛋黃醬明太子高菜醬油意粉,費事太飽所以冇叫餐。意粉比較硬身，我鐘意咁樣有口感D。個醬就有Ｄ’杰’，有Ｄ卡邦尼嘅感覺，不過加埋Ｄ明太子都幾香。因為佢落左高菜，所以Creamy得黎又有Ｄ酸酸地，加埋Ｄ木魚，個感覺都幾fusion。食唒成個我覺得有Ｄ’滯’，同埋要襯熱食，唔係就好易變左個麵餅。不過不失啦～

夢之屋已經係第二次黎，食過番尋味。因為個人對三文魚有種情意結嘅關係，都係叫左三文魚漬飯。呢度嘅三文魚係煎封，可以保留少少三文魚味，加埋個湯一齊食真係幾正。咁個湯就係豆加薯蓉整嘅。薯仔味好濃，而湯身濃淍，漬飯個湯黎講真係算幾唔錯。另外仲有件豆腐凍食，豆腐幾滑但個汁略咸。wasabi食得出係新鮮磨,有好香既wasabi味，好有驚喜。綠茶雪糕抹茶冰太多，個雪糕幾好食，但外貌黎講，同舖頭外個sample 既差太遠，相機食先嘅朋友唔好比佢sample呃左。最後炸魷魚比較失望，炸得實在同街外嘅分別唔大。炸粉落太多，食唔出魷魚味，得麵粉味，懷疑有翻炸過。整體黎講食物質素幾好，係魷魚美中不足。

聖誕節同朋友去high tea，叫左芥茉浦燒鯛魚薄餅；佢送上檯的時侯仲係好熱，鯛魚唔鯹而且咬落去好淋又唔黏牙。個餅皮係餅乾皮而唔係普通面包皮：我比較鍾意食餅乾皮，貪佢夠脆卜卜。仲有, 我叫左杯Green tea latte, 初時飲落去果下, 覺得有種苦的感覺，但飲飲下覺得有回甘的感覺。

食晚飯預到啲不快事，就算由西環第三街行去上環西港城都要去食想好耐既抹茶甜品店。成日坐車經過見到都想試，入到去先見到原來餐廳係Italian Tomato 同Chocolate Rain crossover的餐廳.可能我地9點先入去，所以啲待應們都不甚歡迎般，板口板面，不過我都明既，有啲阻住佢收工。。。。又唔係喎，我地入座之後都有三枱客入，咁我都唔係好遲啫。白玉芭菲 $55(另加一)一心諗住想食抹茶甜品，睇相以為芭菲上的是抹茶軟雪糕咪叫囉。嚟到後十分失望,原來嗰pun 唔係雪糕，原來只係搽茶cream.而啲cream 的味道好假，完全唔想放入口。雪糕都夠香滑，感覺似 "H"牌,相中的白玉係綠茶白玉，但現實的係普通原味白玉，好的係佢都有可五六粒，足夠我過口癮的需要！最底係白色透明啫喱，呢個就較硬，連黑糖食幾香甜,帶起無味的啫喱變得出色。其實整體上唔差，只係一心想食抹茶野食唔到，唔開心啫。

見推出了雪紅蟹三文魚忌廉意粉$65再加一，便去試一試。餐廳有柔和的燈光，碰巧坐在bar枱，一覽街景，頗舒服。雪紅蟹份量不多是意料之內，不過很鮮味；忌廉意粉香味濃郁，好吃。最後飲了杯茶，中和一下味覺。總括來說，價錢稍貴，不過食材優質，不錯 。

今日同男友去左呢度食AFTER LUNCH, 因為佢話飲完茶唔飽.... -_-! 於是就去左佢平時好鐘意食既夢見屋, 佢原來係ITALIAN TOMATO集團, 入到去坐得好舒服, 樓底高, 晏晝呢個時候仲有充足陽光, 感覺好寫意. 裡面仲有好多以CHOCOLATE RAIN為題的裝飾同擺設, 好得意, 餐廳感覺好日本FEEL. 因為我一D都唔肚餓, 我只係叫左杯雪糕綠茶, 飲落味道OK, 中規中矩男友就叫左個黑蜜牛奶抺茶, 呢個有驚喜, 個黑蜜好香麥味, 同個熱既牛奶抺茶好有CHEMISTRY, 得!男友叫左佢次次黎都食既咖喱牛肉湯烏冬, 我試左幾啖, 好好食, 牛肉煮得岩岩好, 好滑, 好香牛味, 日式咖喱一向都係我既至愛, 呢度都不負眾望! 有水準!

得意和風公仔圖案，加上圓型的吊燈，配上柔和的音樂，忙碌工作中，這餐廳環境，午餐可以提供客人鬆一鬆餐牌內其實有好多不同的選擇好像香濃芝士牛肉丼套餐會有跟湯，主菜，餐飲和蛋糕可惜這忌廉湯來到時已不夠熱了.有一點涼了要了一份香濃芝士牛肉丼 HKD 65有一點失望的。沒有香濃的芝士，有還未有溶化芝士粒牛肉片是否煮過時了？超老和硬，而且滿多根位，很難咬開。。飯是珍珠米，由於沒有醬汁，全碗牛肉丼好乾身。主打來餐廳的原因是~~~有蛋糕吃~今天款式的蛋糕好像少了一點檸檬芝士餅是我今日午餐的甜品超重酸的檸檬味,我再添了一柸凍檸檬有雙管檸檬汁的幫助下真好~有幫助我腸胃消化~

本來係想去另外一間附近既西餐廳食野，不過見自己既預算唔夠，所以係附近逛逛，最後入左依間食。個裝橫都幾令，有D洋日風。Menu有好多唔同花款既野，樣樣都想試試，揀唔落手。不過經過一段長時期既掙扎，最後就揀左想食list中最平既一款，咁就可以同friend夾錢叫個甜品。芝士牛肉丼，其實佢係牛丼上面就咁加D芝士，當然，因為我鍾意食芝士，所以我都覺得依個選擇幾好，牛肉有小小諧，不過幾入味，而量得岩岩好，肉汁幾好食。可惜，重頭戲既芝士就略顯遜色，就咁睇幅相可能大家都會覺得D芝士溶化緊既feel，但係其實已經硬曬，所以口感略為減分。吉列豬扒滑蛋丼我個friend叫左依個，我試左一舊豬扒，個味同其他市面上所賣既吉列豬扒滑蛋丼冇咩唔同，但係價格上高一倍！可能係因為滑蛋既關係，個皮略為淋左少少，但係感覺上冇沾上滑蛋既地方都有D淋…我覺得全場最好食係依一個甜品parfait！上成個parfait分6層。top係一個綠茶cream，cream下面個層白色波波就係雲呢拿雪糕，第三層一旁有榛子同柑柑，第四層係紅豆加白玉，第五層係有少少雪糕加左有D似涼粉既野，最下層就係類似焦糖漿或者係甜咖啡糖漿。cream有淡淡