夢見屋 (Closed)

由於沒有訂位的關係又驚人太多，所以就早了一些六時多一些來到這裡，看見入面都不是太多人，在門口時待應說要90分鐘交枱，心想都唔會食到兩個多小時就答應了，入到去坐了一張在邊邊的卡位. 十分美味的 Cheese Cake. 原來香港不是太多地方有茶漬飯食呀! 自從上次係日本食完就愛上了.炙燒三文魚茶漬飯好香噴噴, 有小小飯蕉加上魡魚鮮湯. 係完美結合呢個Pizza好特別, 有小小芥末味又唔太辣, 三文魚焗完好香口及加上一隻蛋係上面. 隨左 Pizza Exp之外, 佢好過好多Pizza專門店. 加上Pizza Size不大有6小塊. 情侶食剛剛好.食包左之後飲番杯熱綠茶+件Cheese Cake.可以話係一個完美的晚餐.P.s 大約到6時多巳經Full場, 經理教我地下次可以訂枱

完全唔掂lunch time尖咀人多, 無乜選擇下入左呢間, 因為唔使等位. 之後就知點解....叫碟野菜冷意粉可以無菜, 只得一堆好似唔知邊個客食完剩落的菜頭菜尾, 貨不對板!!!! 同個侍應講, 態度勁差, 仲反問有咩問題, 都唔知係我對眼有問題定佢個腦有問題. 之後佢拎走碟菜尾, 出返黎係咁e多左d蕃茄, 真係多晒前一位話得檸水得, 我話檸水都唔得, 苦的...仲有一對基民講野大大聲, 仲偷拍我地 好恐怖呀呢間野, 又難食貨不對板態度惡劣, blacklist!!!!!! 落reception想投訴, 竟然叫我打電話, 打電話又話叫我地自己打去個間野, 佢地租左出去就算ga?! 完全唔想跟進, 咩商場黎ga....尖咀lunchtime可以無客的店, 請都唔好入!

老實講，我對D得個樣的新派食府都有戒心。今晚入iSquare夢見屋都係因為近戲院而已。我自已叫碟日式和風魷魚蝦意粉，女朋友試了蕃茄海鮮意粉。一食入口就知出事。D意粉似浸過油，但係又淡貿貿冇味又唔香。D魷魚圈仲凍凍地，可能個廚同我一樣趕住睇戲，是是但但炒幾下就算，全碟野，係得個幾隻蝦入得口。我女朋友碟蕃茄海鮮意粉，一路食一路鬧，D廚連基本常識都冇，落左茄汁又落大堆蒜蓉，兩樣野D味道跟本唔配合。浪費食材。全餐淨等個杯檸水叫合格，真悲哀。夢見屋，發夢都唔想再見。

餐廳外的蛋糕超吸引叫了單點蛋包飯+蛋糕/COFFEE蛋包飯看似很容易, 要整得好食就是不容易蛋包飯->超燶 黑蚊蚊 未食就可以用眼見 完全唔合格 但仍然出現係我面前(所以沒有蛋將流出...一點口感都無.......太興或者澳洲牛奶公司的蛋好食一百倍)食食下仲發現有兩條意粉係碟 唔知係咪上手食他佘 沒有洗好原本想點的蛋糕賣清 點了櫻花PIE 同綠茶紅豆CAKE綠茶紅豆->好好味 有口感櫻花PIE->唔夠櫻...最高有一層白色的CREAM...很有富豪雪糕的味道最終發現蛋糕原來由ITALIAN TOMATO...

星期日晚放假出左去睇戲,isquare冇乜人行就不嬲都知,但係咁靜既iqsuare真係好少見~睇完戲都9點鬆d,諗住搵野食,見到夢見屋冇人,問個waiter哥哥攞個Menu望望,見唔知食乜就入去啦可能佢係同Italian Tomato同一個group,野食其實都係差唔多,但係又真係冇乜好食,就叫左個蒜香三文魚蜆肉意粉,baby就叫左明太子意粉點知......一食出事.我既蒜香三文魚蜆肉意粉,好地地一個意粉,乜味都冇,三文魚冇味,蜆冇味,意粉仲衰過白烚,菠菜...算了吧!至於明太子意粉,不差但絕對談不上合格.我諗自己煮都好過俾錢食...係咪諗住想早d收工,所以求其出d垃圾俾人食?唉,black list也!

真係應該再會黎係發夢先見啦約左女朋友係附近食飯，見佢未收工，所以係附近行下，第一次到isquare 即刻搵地方hea 下先。比門口嘅cake 吸引了。叫了一杯 green tea latte 拼吃一件 tart整體講不過不失不過店員介紹我飲杯野就真出事奶泡打得好差，令口感不綿不滑。而且抹茶入口時好「鞋」。

因想試蛋糕, 加$45 叫午餐set. 睇到隔離叫意粉, 出水的，心諗我自己煮會好食過佢，就叫黑咖喱豚肉飯 (單叫$62). 黑咖喱： 頗辣，其實我唔係好明點解日式咖喱飯要攪到成碟湯飯的。食完口渴。 豚肉: 老/ 過熟。基本上無肉味。 蛋糕： 還可以, 但又唔係特別好食。咖啡: 出奇的係日式西餐飲到咁難飲的! 我平時唔落奶, 但今次要落先飲到.食後覺得加$45 連湯、蛋糕同餐飲其實都唔值的。 食材同質素只與日式百貨內的Food court 同級, 所以抵食我只俾1分.

今日我 PaPaccino 又試左款咖啡甜品，話說之前果日上網睇到有人講「不嬲 Italian Tomato的蛋糕都好味」，就諗住慕名去試下啦。今次落左尖沙咀，就揀左同屬「Italian Tomato」o既鐮倉和茶房夢見屋 Yumemiya搵食喇！我呢個愛「啡」之人，就梗係揀左件咖啡蛋糕o黎食啦。看啊！件蛋糕個賣相都幾吸引。蛋糕面頭除左有啲朱古力碎做裝飾，仲有粒合桃添。 食落口，蛋糕o既質感濕潤鬆軟，面層同中間o既咖啡 cream 都幾香滑。而且蛋糕中間o既 cream 仲夾雜左啲合桃碎，為件蛋糕增加口感。整體黎講，蛋糕o既味道都唔錯，惟一可惜o既就係蛋糕面o既朱古力碎，原意係為左外觀靚啲同埋營造層次感，但係朱古力味就略嫌搶左蛋糕陣咖啡味。因為我由有合桃果面開始食起，而蛋糕本身o既咖啡味已經唔算濃，唔算太抵食。最後，如果大家對飲飲食食有興趣，可以黎我個Blog 睇下架。http://hk.myblog.yahoo.com/call-freebreak

今日同男朋友去isquare 搵食,見呢間門面環境好似好ok, 加上比佢既菠菜墨魚汁意粉吸引, 於是就入左去呢我地叫左一個set lunch, ($55)係鮮蝦吞拿魚意粉+ 雜菜湯+ salad,同埋散叫一個菠菜墨魚汁意粉 ($68) + 一杯凍忌廉抺茶先講set lunch, 雜菜湯好似普通罐頭湯, 無特別,雜果沙律亦都係一樣, 好明顯係開罐頭,至於個鮮蝦吞拿魚意粉就有d 咸, 同埋無咩特別, 仲要只係得3隻蝦!!!!!!相反個菠菜墨魚汁意粉就好好多, 好濃忌廉香, 同埋睇到好多菠菜, 意粉硬度適中, 不過配料同樣都係唔多, 食完都唔係太飽.再講下杯凍忌廉抺茶, 我地係set lunch +$10 轉的, 不過真係麻麻地, 無咩抺茶味, 杯已經比平時其他餐廳細, 仲要大大舊冰o係度, 到我飲完d 冰都未融!!一d 都唔抵, 如果單叫要$28 就梗加唔抵!總括黎講, 菠菜墨魚汁意粉比較好, 其他真係好麻麻地, 最衰無睇完食評就黎@@今日相機無電, 只係影到一幅相ja!!!

吉列豬扒飯 - 未吃過如此韌的吉列外皮!!!野菜蕃茄飯 - 賣相不吸引，但味道還可以。烏冬飯團 - 烏冬不是上等貨色，但論價錢是可以接受。飯團一個字【差】。寒天甜點 - 味道配搭一般。紅豆湯 - 好味，可以一試。黑蜜牛奶抹茶 - 抹茶加上牛奶，味道常可。服務 - 待應的工作態度不熱誠，大部份都是 Hea 做!

在「浪漫館」吃過快餐後，感覺一點也不浪漫（詳情請參閱食評-《往事只能回味》）我感覺固然不爽，女朋友則感到相當失望。女朋友提議吃些甜品，好讓大家開心一下，女朋友說近期經常想起京都之旅時吃過的綠茶甜品，希望回味一下，她說知道i Square內有一間日式食肆應該可以吃到那些芭菲甜品，很想去試一試（不過我們沒即時去，而是先逛逛街，最後我們竟在這空檔兒買了兩隻電子錶）說回正題，我們又回到了i Square，原來女朋友口中所說的是「鐮倉和茶房夢見屋」，時近十點，仍要拿籌等位，似乎粉絲不少。我和女朋友在門外等候，看著門外的凍櫃的蛋糕，似乎全是「本高砂屋」的作品，難道「鐮倉和茶房夢見屋」是「本高砂屋」、「Italian Tomato Café Jr」的兄弟姊妹不成？不過我也沒深究，結果等位的只剩我們倆的時候，我見到有一張卡位的客人離坐了，女朋友滿心歡喜以為可以入坐了，結果侍應說卡位是四人枱，我們只有二人所以要繼續等候，結果我倆要硬生生的繼續呆等（坦白說，若非女朋友想吃這類芭菲甜品，我早已另覓其他食肆了）十五分鐘過後，我們終於等到「一張可供二人入坐的枱子」了。坐下後，我們看了看餐牌就點了一杯綠茶芭菲（原

朋友約睇戲,話想去新場UA iSquare. 飯前搵食,上上落落行了半粒鐘,最後決定試試夢見屋.睇完餐牌,發覺款款都大同小異,決定揀set dinner. 晚餐三款選擇,$68加一包湯及咖啡或茶; 加多$20 (即$88)多件蛋糕.兩人點了日式吞拿魚魷魚意粉. 湯和意粉一齊上檯; 羅宋湯細細碗,standard的味道,不過無乜料. 意粉亦如是,味道OK; 可惜料不多,而且少少汁都無,太乾.另一個朋友則揀了辣茄汁蕃茄洋蔥蟹肉意粉. 唔係好明點解叫'辣茄汁蕃茄',除了食唔到任何辣味外,所謂蕃茄只是少量蕃茄粒舖面. 相比之下魷魚意粉較好食.我們三個餐都加了廿蚊要蛋糕(其實門口display的蛋糕是我們揀夢見屋的原因之一). 三款蛋糕上檯後先發現原來是Italian Tomato的出品. 我揀了栗子紅豆綠茶蛋糕,幾好食,特別喜歡中間有好多紅豆; 栗子並非栗子蓉,而是放在最頂的原粒栗子. 而朋友另外叫的兩件芒果拿破崙我無試,據聞味道OK,但無特別.

普通食物 ! 如果朋友聚聚傾下計都仲可以既 !咖啡唔特別..

本來我同友人都認為, 日本餐廳無論各方面都理應不太差, 但今天終於見識到呢間另類日本餐廳~!先由等位開始, 友人比我先到, 在門外拿了飛仔排隊, 其實前面都無其他客, 但突然見到一對情侶被侍應帶位入坐. 已覺奇怪. 後來另一侍應見到, 同友人講佢地個位比較不太舒適, 會再另安排位置給我倆...但事實上, 友人比呢pair情侶更早到, 就算位置不佳, 都理應先給我倆? 都算了吧, 反正只多等一張枱. 友人叮囑侍應幫我倆安排梳化位置, 後來都能辦妥.當我到達後, 點了兩個lunch set, 侍應送上兩set餐具並放於籃內, 當我倆正準備用餐具時, 發現籃內四隻刀刀叉叉無一乾淨. 叉上面有已乾透了的飯. 而刀更有一小張紙巾緊緊貼著....即時叫侍應更換. 侍應送上第二份餐具, 仍然如是, 最後竟然換了三次才有較乾淨的餐具使用. 最奇怪的是, 每個侍應見到呢批污糟得很的餐具都沒什反應, 連眼都沒多望一眼. 換好餐具後, 先試試lunch set內的餐湯, 羅宋湯, 味道不過不失, 跟餐沙律亦不外如是, 但沙律碗崩了幾忽仍然使用就是奇怪.主菜蒜蓉雞扒飯味道不錯, 汁較杰身, 但味道濃郁. 雞扒

大班柴娃娃的來到iSquare 閒逛~來到食物集中的一層~除了麵包痴會自動走入Panash揀下午茶外~還少不了對抹茶眼發光的朋友站在夢見屋門前用眼神哀求著~既然大家都想找個地方坐一坐~就叫幾個甜品share吧~~但這店的服務始終極需要改善~懶散得很~tea time個場都頗吉~但就是不願做的樣子白玉寒天甜點[$40] : 一整盤的奉上~3白3綠的糰子~加上近二十件寒天方塊~紅豆的份量頗少~大家對那些糰子的評價都不太好~除了本身乏味已經是短處外~不夠彈就會給人一種不討好的感覺~~下了黑蜜的寒天總算配搭得宜~但最受人喜愛的始終是面層的糖栗綠茶芭菲[$45] : 如漏漏所言~小比也覺得始終出品較康山店馬虎得多~沒有了昔日的震撼和滿足感~大家都說有2件小柑係度怪怪的~幸而綠茶雪糕和綠菜寒天的味夠濃~才安撫到大家的怪感~份量說多不多~一人一口已經所剩無幾白玉紅豆湯[$40] : 又是六粒白玉浸在小碗紅豆湯之上~紅豆湯是粗粒有豆的版本~甜度適中是不錯的~但因白玉的乏味通病大家都顯得興趣不大了~雖然深知本性如此~但都取不了大家的信任~若換成燒過的年糕相信會加分不少~~反而大家都在研究跟上的大杯綠茶有