甘味讚岐手打烏冬 (Closed)

今日老公唔得閒要遲放工 所以我一早已經約左小學同學斜下舊 搵個地方傾下計 同學住係第一城 所以就求其搵間野食下 我地叫左兩碗烏冬 我就揀左鐵板牛柳粒蕃茄湯烏冬 講真d烏冬又真係同屋企個d唔同 既使大家都係讚歧烏冬 食落去係有唔同煙韌d 蕃茄都算濃郁 係嫌牛柳粒較少 可以再俾多d😂跟住朋友叫左個黑椒牛柳撈烏冬 黎個樣都ok 牛柳唔會話好韌 都係個句多幾粒就好 之後我地仲叫左個日式炒椰菜 正正常常啦冇咩特別啦 環境幾舒適都適合傾計👍🏻

今晚星期日 係附近做完運動游完水之後就去左第一城覓食 本身想食和民點知多人到一個點 要等成二十個 於是就轉透食甘味 ***見到個蟹籽沙律做緊特價18蚊 所以就叫左碟 好多青瓜絲好fresh夠哂開胃 算係掋 之後就叫左個燒牛肉釜飯 熱辣辣好好味 而且係用十二穀米感覺好健康 另外我地仲叫左個麵鼓燒雞扒蕃茄湯烏冬 雞扒整得好香脆 蕃茄味濃郁 烏冬亦好爽口 我地好中意 所以一定係必叫之選 ***以前去親都係去沙田食 宜家第一城有多個選擇唔使點排隊

可能是星期六晚上關係，晚上七時三十分左右來到，等三個位，卒之等了30分鐘，幸好我們中午吃了自助餐，所以不餓。撈烏冬份量充足，但味道較淡。唐揚墨魚咀剛炸好，好味，最欣賞涼拌茄子，清甜。

本來想食和民，但係星期六晚有排等位，就轉左場黎甘味。一行五人被分派到餐廳外面嘅商場位，講真，冷氣唔係好夠，坐得唔係幾舒服。叫左炒飯、燒魷魚筒、三文魚沙律、鹽燒雞翼、雞排飯同甜紫薯。三文魚沙律有驚喜，幾新鮮，三文魚我點WASABI當刺身食，好味過原本個沙律汁。燒魷魚筒好香，林林地唔難咬，你知啦好怕食到啲咬唔難嘅魷魚，真係會哽死。其他野食好普通，放題質素，食完會明點解呢間野唔使等位。仲有呢度啲份量唔多，大食朋友要留意。食完第一輪未飽，諗住再叫，但望住個MENU揀唔落手，唯有捱住餓食下場。坐商場唯一好處係慢慢傾坐幾耐都冇人理，但當一有野要叫侍應黎，就揮極手都冇人應。

是晚約朋友, 又要坐得耐, 又要食日本嘢, 又要近近地, 呢度真係一個不錯的選擇, 無論坐出面定入面, 都可以安安樂樂咁吹吹水, 仲可以叫人不停為你斟水, 因為佢冇乜人等位的, 只要你頭輪有位~今次見到個新menu, 全部都係鍋燒烏冬, 唔知係咪天氣太凍, 所以用個熱鍋裝, 可以保暖保得耐少少呢? 咁見佢係新嘢, 梗係要試試啦~ 雜錦鍋燒讚岐手打烏冬呢個係朋友同佢囡囡食, 見佢乜都有, 但其實唔太吸引, 可能果d雜錦唔太啱我口味, 雖然有溫泉蛋、天婦羅蝦、叉燒、腩肉、什菜、獅子狗等等, 獨食應該OK, 因為樣樣都係得一件~ 沖繩黑豚餃子芝士鍋燒讚岐手打烏冬呢個係茄湯底, 有幾只餃子, 唔肯定係咪黑豚肉囉~ d芝士又就咁灑d响面, 好似好唔掂, 搞到d餃子又太淋, 芝士又拉唔到絲之餘又冇芝士味, 因為比d茄湯蓋過咗~ 黑蒜油豬手鍋燒讚岐手打烏冬我覺得一丁出果款黑蒜油拉麵個湯底好食過佢, 呢度d都冇乜黑蒜味, 不過個豬手都唔錯, 唔會太肥者太硬~ 鱆紅魚+帶子刺身照舊係唔錯的, 雖然等得比較耐少少, 鱆紅魚有5片, 而帶子都有4舊架~

星期五晚唔想煮, 又係出街搵食的時候, 但好多舖頭都已經滿坐, 係呢度仲有位, 上次食過都唔差, 於是入去翻尋味~ 鱆紅魚刺身當然一定要叫老公至愛啦~ 不過唔知係佢切錯, 就橫錯掂錯, 錯哂落去, 定係而家興咁樣厚切法? 又雙飛唔哂, 只係頭頂片開少少, 奇奇怪怪咁~ 不過唔理啦~ 總之佢係厚切, 而刺身又夠新鮮就可以~ 脆米流心芝士波雖然熱辣辣上枱已經即刻食, 但食唔到流心餡, 似係炸鮮奶果D質地, 而且芝士味唔夠濃, 個面就夠哂脆, 似係D麵包粒炸成~  鹽燒雞翼老公抽起條筋話要食, 但其實出街食雞翼都係唔抵, 而且仲唔係咩特別味道, 只係鹽燒, 普通到唔普通, 好在佢D雞翼未至於係小兒麻痺咁細只, 又燒得幾香~ 天婦羅蝦拼蟹柳蕎麥麵叫咗一個烏冬, 唔想兩個都係烏冬, 於是另一個叫蕎麥麵, 但蕎麥麵選擇唔多, 我又見叫咗3個小食, 於是叫個好似light啲, 冇咁飽的蝦拼蟹柳, 不過佢果層炸漿, 係油到不得了, 食完只蝦都唔覺, 但食埋條蟹柳, 老公話想嘔因為太油~ 下次再想食蕎麥麵時, 都係叫個淨冷麵好過, 因為佢而家熱湯上, 浸到d麵淋哂, 冇咁好食~ 滑蛋蟹籽巨形蟹柳讚岐手打

是晚happy friday唔想煮, 於是出街食, 但周圍都好多人, 唔想等位, 所以選擇呢度~雖然佢選擇唔多, 但已經好耐冇食, 所以任選都冇所謂, 只要有老公favour刺身就可以~ 鱆紅刺身上次食咗個薄切, 一d都唔過引, 因為口感唔夠, 所以今次叫返正常厚切~厚切係有5片, 而且都好新鮮, 少少凍凍地, 唔會話溶雪溶咗太耐, 又或者冷到硬, 正~  椒鹽魷魚鬚熱辣辣, 好脆口, 不過份量就少咗D咁囉~ 豬軟骨烏冬豬軟骨好炆得林, 而且肥瘦適中, 湯底唔會好"師傅", 烏冬係佢主打, 當然唔錯啦~ 雞扒蕃茄烏冬雞扒係分開上, 係就係煎得幾香, 但油咗少少, 至於個蕃茄湯, 可能落得蕃膏多咗, 好重茄膏味, 如果淡返少少會清d好食d~呢度除咗冇乜食客之外, 侍應都唔會成日响你面前走來走去, 完全好輕鬆咁成呢餐, 又冇壓迫感, 幾舒服~

今日病病地想食啲熱野，於是決定去甘味睇下有咩啱食😋見佢既lunch set都幾抵，大約$4x-5x就有個餐我就揀咗個比較清淡既烏冬滑蛋蟹籽蟹柳烏冬定食 $58包咗雜菜沙律，中華沙律&麵豉湯雖然冇咩胃口，不過食個沙律酸酸地都幾開胃😋😋個烏冬好有味，要讚既係蟹柳非常大條而且份量多😍👍🏼👍🏼整體黎講，整個set質素高即使冇咩胃口，不過都可以食得曬不過，服務方面一般，員工態度唔多好🙁依方面就有待改善

今天比較趕時間，中午經過『甘味讚岐手打烏冬』見有座位便決定在這裡來個quick lunch。點了「滑蛋柳川鰻魚烏冬」，看到賣相已感到有伏味……湯或很明顯是味精湯；烏冬過淋不夠彈牙；所謂的柳川鰻魚只有薄薄幾片，味道還可以；滑蛋一點也不滑。雖然不大碗，但因為味道實在太一般，結果也有吃剩，說真的午餐以這個價值來說，質素理應高一點吧……如果有其他選擇，還是建議大家不要在這兒吃喇......------------------------------By alvahana

甘味其實之前都有食但而家烏冬質素好似每況愈下咁飯類應該會好食啲⋯⋯牛肉麵豉鍋燒烏冬實不相瞞，我自己喺屋企打邊爐落肥牛同烏冬都好似好食過呢個...牛肉就係平時嘅劣質邊爐肥牛，湯底我連麵豉湯味都食唔到，極淡，要不停落七味粉。角切魚生飯都可以，魚生都ok唔太差，唔會伏。腐皮壽司、蟹籽火炙三文魚壽司、北寄貝壽司壽司質素都唔錯，幾好嘅。梅子魷魚筒我期望佢係好靚咁上，但上枱是咁的，散晒。我期望有啲燒汁淋面，但佢係好乾身的。我期望有啲梅粉味道，但佢係冇咩味的。就是有本身的魷魚味，加沙律醬。失望啊。炸墨魚咀唔夠脆，唔夠爽，完了。杞子龍眼蜜滿意😂

細佬今日喺附近中學有比賽，咁我哋睇完比賽就去咗附近商場求其入咗間餐廳食嘢。屋企人除咗我叫咗牛肉飯，全部都係叫咗烏冬，另外仲叫咗個炸芝士年糕。牛肉飯用鐵碗上，熱騰騰，係用肥牛，而飯係穀物飯，有幾種穀物加珍珠米，嚼勁十足，我十分有十分鐘意，撈埋牛汁，食到lam晒嘴。而我試咗試屋企人嘅吉列豬扖烏冬，炸得都幾鬆脆，但個主打嘅烏冬就冇乜太大嘅驚喜，同普通烏冬差唔多呀。另外個炸芝士年糕都唔錯，可惜入面芝士唔係好夠多呀~~~

收工入左去第一城搵我侄女，選擇左呢間甘味讚岐同佢食晚餐。之前食過幾次都幾ok，keep到水準又唔算好貴，今次都總算無令我失望！呢一次我正正經經食烏冬喇，因為之前幾次我都係食飯。呢個係燒雞烏冬，送到上黎夠熱身，我特別中意食熱身既野，出面唔係間間都咁夠熱。先講個湯湯，味道不清甜，不過太咸，清清淡淡咁好似地道日本既造法。面身好有口感，唔會話好林，有少少咬口，夠粗身呢點good good。然後到主食 - 燒雞，配菜好多，有少少酸甜點，相當開胃，份量都可以。不過我就唔太中意佢分開上，因為感覺好單調，如果可以一齊上就更好喇！

晚餐同老公食呢度，叫的是豆漿烏冬(hkd46)同一個烏冬窩(hkd63)。無幾耐Ｄ烏冬到齊。豆漿烏冬：最吸引我視線係一舊發黃的西蘭花。煮得好淋，仲有淡淡既臭水味。Ｄ昆布有２種色：綠色同黃色。食完腸部仲有加速臑動的感覺。烏冬窩：Ｄ餸好豐富，除左發黃的西蘭花外，仲有三文魚－皮、獅子狗－粒。個湯底同一般的也不一樣，有餿水的味道。overall，感覺呢間餐廳好環保，響應而家講既減少廚餘、源頭減廢。我都明在非洲好多人無野食，但自問自己一Ｄ都唔環保，所以就唔會同佢地一齊咁環保喇。

夜晚一個人唸唔到食咩，就去左樓下手打烏冬試下啦，坐低左睇餐牌，舖頭就有好多選擇，有烏冬，壽司及一些定食，咁我就選擇左個滑蛋蟹籽巨型蟹柳手打烏冬！烏冬到左，賣相給我感覺就係麻麻地，首先唔見左ｄ巨型蟹柳，或者係佢將ｄ巨型蟹柳切開左啦！！蟹柳重要得兩三舊另外一望都望到ｄ蛋煮耐左，唔夠滑，同menu有極大出入，雖然十間餐廳有十間都係話menu只供參考，但都唔好咁大出入！咁食落去啦，湯底幾好，幾清，而烏冬面質都唔係話好彈牙，五十幾蚊價錢差不多啦！

叫左個滑蛋豬飯 黎左個 硬蛋鐵板無味飯 上面啲蛋完全冇味 又硬 豬就唔洗多講Completely overcooked, and poor service 我買單先比水我 I think they are overprice, 35hkd for overall quality