美味小鮮肉 (Closed)

今日放工落大雨，行過通菜街見這間好抵食有粉麵飯，又有一人一火鍋，所以入去試試。環境好光猛又寬大，坐位舒適，都幾好坐；服務姐姐友善又主動，本身想點自家製手打豬肉丸可惜暫時無，推介了另一款手打豬肉餅；廚房的員工好有效率又快手，好快就有熱騰騰的河粉了！除了湯粉麵，更有碗飯扒飯，另有一人火鍋！點了自家製手打潮洲豬肉餅牛腩湯河粉，下午茶套餐單餸包飲品$28，2餸是$33，好抵食！可以自選米線、河粉、生麵、米粉！-自家製手打潮洲豬肉餅牛腩湯河粉河粉份量剛好，軟滑粗粗的河粉，口感唔錯；香蔥是細心的放在匙上，更香更清新；生菜好翠綠又健康爽脆，湯底更是新鮮豬骨熬製，唔會咸又香，寫著是無味精的；牛腩好新鮮又牛味香濃又有口感有咬口，不會硬；自家製手打豬肉餅好爽口好香更有粒粒香蔥，彈牙美味！好抵食唔錯的下午茶！

女人街兩旁一向食肆林立，要找美食一點都不難，這天就來到「美味小鮮肉」吃飯。 揀選這家食店的原因，全因餐廳名字夠特別。餐廳主打自家製及香港製造，更用上香港政府認可屠場供應商提供新鮮肉類。而食材全無添加，對食客來說，信心大增。芋頭天婦羅 芋頭口感脆卜卜，內層口感綿綿，非常粉嫩。牛根河粉 牛根煮得非常入味，口感富彈性，膠原感極重，吃後咀巴會感到黏的，配上大大碗的滑溜河粉，吃後挺飽肚。跟套多加HK$3可點熱飲，我要了熱奶茶，茶香奶滑，吃後令人非常滿足。

🔎旺角通菜街59B號德發大廈地下2號舖*「正宗潮州粉麵」- 美味小鮮肉.豬肉餅+牛丸雙拼米線($43)美味小鮮肉係旺角相當出名，而且我都係粉麵迷，所以一嚟到就即試。佢麵量都算多，加上豬肉餅幾特別，唔多地方食到，而牛丸好爽口。小吃鹵水雞翼($22)買隻都算幾多，除返開一D都唔貴！鹵水味好濃，而且雞翼內都都鹵水味，唔係只得表面。大家不妨叫呢個小食，真心幾唔錯。凍羅漢果冰($7)羅漢果冰唔係到到都有，但佢就對我哋身體益處多。同埋唔貴，所以我都幾鍾意飲。🍽7/10

距離第一次誤打誤撞發現這家厲害的小火鍋店才三天又光顧了😆吃了會懷念😍不吃會想念🥺各人小火鍋68元😱CP值超高先從湯底開始介紹吧😬酸辣湯底+10元酸菜越滾越清甜⭐️⭐️⭐️⭐️⭐️豬骨湯底+5元濃濃豬骨味跟膠質👍👍👍👍👍兩種湯喝完後都不會口渴感覺真的沒有味精、而且完全不死鹹。❤️❤️❤️❤️❤️配菜的白蘿蔔跟玉米煮久了甜味依然存在👍品質很好、不會像有些店家提供的煮久了都不知道自己在吃什麼（應該說像吃渣🙈）誤！！！牛筋15元一碟非常有誠意、滷到晶瑩剔透非常入味軟嫩（有點小小鹹、可能牛筋需要味道重一點才能入味吧）如果要封門柳跟牛頸椎可以+30元把新鮮牛肉換掉、三種牛肉都試過了各有千秋都很好吃，想省錢可以直接試配料的新鮮牛肉不小心煮久了也不會硬邦邦、而且不用擔心會有冰箱冷藏味道。對於個人來說最喜歡的是手工牛丸、豬肉丸、豬肉餅🤣每一口咬下去都會爆小漿、多汁又Q彈，最後還忍不住買了手工丸兩款各半磅回家✌️小鳥味吃不多也可以考慮「超便宜18元下午茶」多款炸物可選擇、粉麵飯套餐30元起、還有提供多款滷水。侍應姊姊們很熱情有禮貌喔。第一次這麼認真寫食評😁

今日放假，又係訓到下午先起身，又係時候搵野食了，但今日得自己放假，女朋友返工，所以要自己搵食了😂行過女人街，見到有一間應該係新開既餐廳，主力食牛肉同牛丸，咁我就入去試下。坐抵後，睇一睇餐牌，就決定左叫牛丸麵，再加埋鮮蝦雲吞。另外我叫左個小食，炸芋頭，同可樂。首先我想介紹下牛丸，好彈牙，佢入面係好有質感同層次，而且睇得出係用手打出黎，好好味👍🏻👍🏻其次，佢既鮮蝦雲吞都好正，好大粒，一啖係食吾晒嫁，重點係我食吾到有雪藏味👍🏻👍🏻估吾到既係，佢個小食炸芋頭都好好味👍🏻 鍾意食牛丸同芋頭既朋友吾可以錯過。

好耐無食過魚蛋粉，突然間就會好想食，旺角就係最易滿足我需要既地方，行到通菜街，見到呢間潮式粉麵，裝修四四正正，能夠滿足到我食魚蛋粉既願望就可以了餐廳唔只得粉麵食，仲有得打邊爐，仲要係一人一爐好衛生，不過我今次目的好明確，打邊就要下次啦原來呢度出名食潮州肉丸，仲有套餐，有菜有小食有主食有飲品，都幾抵食潮州粉麵常餐 ($48)我叫左自家製特色潮州豬肉丸，豬肉丸手打所以好爽口彈牙，如果要辣店員就會幫你加辣炸醬，最特別就係有隻荷包蛋，係一般粉麵店唔會加的一人餐有粉麵，有2隻入味鹵水雞翼，有碟菜，有飲品，基本上連男人都一定夠飽

今日book左7點喺旺角整指甲，放工食埋野過去都幾趕，所以要搵間餐廳快食，但快唔代表係頹，呢間粉麵認真唔錯!店名叫「美味小鮮肉」，充滿玩味。自家製潮州牛丸米線$38自家製同超市現成的牛丸真係好唔同，特別彈牙，一咬就會彈d肉汁出來，而且牛肉鮮味濃郁，非常推薦!另外附有煎蛋和生菜，很足料抵食。轉酸辣湯底加$6其實牛丸已經很惹味，但個人比較喜歡重口味，所以加錢轉酸辣湯底，辣度是容易接受那種，加了酸辣味道更豐富。可樂加$3

行過旺角女人街見到呢間潮州粉麵館，見裡面好多人食緊一人火鍋，而出面街招除左火鍋外仲寫住主打潮州自家製作嘅牛丸，加上只係$30幾一碗又包野飲，算次最平價嘅晚飯之選就去左食。我叫左個牛丸配幼麵，野飲要左杯咖啡。除左牛丸之外，每碗麵都配半隻滷蛋同幾條生菜，個半隻滷蛋都幾入味。個湯底係清湯但可以簡辣度，然後佢會按你要嘅辣度加辣醬係裡面，個辣醬唔係淨係辣味，似係酸辣味，幾好食！牛丸有四粒，每粒都好大而且口感非常彈牙可口，牛肉嘅鮮味都嚐到，同普通嘅牛丸好大分別！至於麵都好幼韌，即使浸係湯度都無淋曬。

喺旺角返工，有乜好處？人又多、車又多。但從另一角度諗吓，正因為人又多、車又多，即係交通方便，餐廳林立，學7仔的口號“梗有一間喺你左近”，尤其女人街，差不多十步內也有一間餐廳。不過揀餐廳都好麻煩，所謂花多眼亂。咁今次點好呢？今日就揀一間店名夠“爆”的……美味小鮮肉，夠爆未？呢間主打一人火鍋，仲有潮州粉麵，主打香港人的主意“快、靚、正”。自家製潮州豬肉丸併南乳豬手麵，豬肉丸味道不錯，豬手入味，午餐不錯的選擇。

做運動前唔想食得太heavy,行過通菜街巷仔見到依間新開既粉麵就入左去啦因為6點就到左,全場都無咩人,叫左個潮洲豬肉餅+雲吞米粉,再叫多左碟生菜全走豬肉餅其實叫既時候以為係平時D蒸肉餅咁哈哈,黎到發現完全係兩樣野黎雲吞一共有三粒,都算中規中矩,唔錯,蝦同豬肉餡都幾算多,反而豬肉餅但食落有驚喜,三大件,都幾彈牙,有少少介乎肉九同扎肉既口感,食落肉味都濃,幾好食!黎既時候佢會跟一碟辣肉醬,真係幾辣下,豬肉餅點黎食好惹味!

位於女人街嘅呢間美味小鮮肉，主打火鍋，今次去食左個簡單的粉面午餐。餐廳全日都提供一人一鍋，睇餐牌都見到好豐富，但由於中午食飯時間有限，唯有食碗粉面就算。粉面可以散叫，或者跟套餐，又或者常餐。套餐選擇較多，常餐就只有3款，但會跟多一客小食，如果常餐有你鍾意食嘅，其實好抵食。最後叫左佢地自家製牛丸米，跟餐飲，加6蚊轉酸辣湯。呢度嘅牛丸好彈牙，咬落去好爽口，一共有4粒，最意外仲有半隻滷水蛋，酸辣湯辣辣地，有潮洲咸菜粒加辣肉碎，非常好味。

同朋友趕睇演唱會，唸住匆匆忙忙係旺角食個麵過去，入左去通菜街嘅美味小鮮肉。間餐廳幾乾淨闊落，坐得好舒服。佢有得打邊爐，不過無時間就算了。我點左餛飩生麵，送上黎嘅時候有d意外，都幾大碗下。餛飩入面嘅🦐好大隻，麵幾好食。朋友話餛飩入面好似有d酒味，幾易入口。我就唔係幾食得出酒味，淨係覺得鹹鹹地。朋友要豬肉丸米粉，原來送荷包蛋。我試左少少，都幾好食。而豬肉丸比餛飩淡味d，好彈牙，感覺無味精，好健康。飲品要左凍奶茶，奶味比較突出。整體感覺都幾好！

女人街實在太多嘢食，今日選擇比較輕食嘅粉面男朋友當然食得咁單調，平凡當中呢度進行不平凡，原因係除咗有潮州粉麵之外仲有打邊爐嘢食種類亦都豐儉由人，唔算好貴，特別欣賞佢呢一度會用環保餐牌，每一次用完都可以循環再用，支持支持！雖然係兩個人食，不過都點到成枱都係餸，除咗塊面之外我另外帶咗個炸春卷小食炸春卷有四條，一邊有豬肉但係唔算太多，除此之外仲有木耳以及其他材料係入邊，唔算太濃味，可以點上泰式雞醬。潮州粉麵我叫咗雲吞牛丸米粉，呢度嘅牛丸係招牌主打，原因係香港製造之餘仲要係手打牛肉丸食落去嘅質感比一般牛丸彈牙，真係唔錯喎👍🏻雲吞就中規中矩唔算太突出，因為最近胃口唔算太好，所以叫咗米粉，米粉比起其他粉面清整體個粉都唔錯！打邊爐方面，嘢食都中規中矩，而且味道都唔錯，特別一提係呢一個新鮮嘅豬潤，又大又厚身煮熟左之後，質感較為爽口，真係好少可以食到呢個質感，味道都唔錯啵！整體方面嘢食都幾好，最重要係價錢方面，簡簡單單就可以食到一餐打邊爐，有機會下次再食埋其他湯底先

旺角女人街食肆林立，競爭極大，要在這兒眾多的中西食肆中殺出重圍，殊非易事。就好像我這天下午時分光顧的這間「美味小鮮肉」，也許是過了午飯繁忙時間，下午茶時間又未到的緣故，從我入內用膳到結帳離開，店內大部分時間只得我一人在吃東西，但其實，這間午市主打潮州粉麵，晚市主打一人火鍋的店子，它的自家製潮州牛丸是不錯的，南乳豬手也有水準。這小店地方不大不小，也許因為開張不是太久，店內的裝修都幾光鮮企理，店中的潮州粉麵，除可散叫之外，還有「套餐」（$38，雙拼 +$5）和「常餐」（$48，不設雙拼）可揀，兩者的分別在於「套餐」除了有多款粉麵可併顧客挑選外，就只有飲品奉送，但「常餐」雖然只得三款潮州粉麵可揀，但除了有飲品喝外，還有油菜和兩隻雞翼奉送。這晚會早吃飯，不想吃得太多，就簡單地點來「自家製潮州牛丸與南乳豬手雙拼生麵套餐」作為這頓介乎午餐與下午茶之間的下午餐的裹腹之物。因為只得我一檯客人，我的套餐很快便送到。根據店中的介紹，這麵的湯底是用新鮮湯骨熬製，完全沒下味精，呷一口，味道頗濃，喝後良久也不感到口渴，看來店中的介紹是真的，不過這湯的味道我覺得還是鹹了點，如果稍淡一些，我會較為喜歡。這麵的自家製

睇戲前食個輕鬆午餐，一出地鐵行兩步轉彎就見到有間美味小鮮肉既餐廳 見幾得意個名就入去試下啦我見到佢六十幾就有得打邊爐 d料都好似幾足！不過我就無嗌到，事關比較趕時間所以我同友人嗌咗個粉麵套餐牛腩牛丸米粉叫兩個餸 黎到多咗隻荷包蛋好似多咗個餸咁 自家製牛丸的確掂 咬落去好爽 牛腩都好食呀 呀真係估唔到 小小一間小店都整得咁好食！另一個都係差不多，不過嗌牛腩個湯底會好食啲 唔知呢到有無得加腩汁呢？熱檸水，奶茶總結，平靚正！