美味小鮮肉 (Closed)

由於成日都要行街，所以攪到对鞋都爛咗，放工就去咗旺角行波鞋街，係波鞋街行咗成個鐘，終於買咗一對靚波鞋，雖然價錢貴咗少少，但係買到心頭好都係值得嘅，跟住行多一陣，見到付近一間食店 叫美味小鮮肉，一坐低就叫咗一碗豬肉餅湯麵，小食叫揀咗炸春卷，飲品揀咗百事可樂，可樂係最快嚟嘅，跟住到碗麵，肉餅都大件又多，麵都好爽，冇皂水味，加少少辣椒油梗加好食，春卷炸得香脆，入口脆卜卜，一個簡單嘅麵餐好快俾我食哂，跟住帶埋戰利品回家。

行左去女人街，見到呢間潮州菜餐廳，就入去試下。環境大，闊落，好多位。我一個人食，就叫左鐵板黑椒雞扒飯（$58）。等左無幾耐就黎啦，上菜都好快。不得不講呢度服務真係周到，服務員周不時過黎講解點食法，同主動幫手開爐，撈飯，加汁，好熱情，好有人情味，真係難得一見。呢間餐廳其實都特別，普通一個雞扒飯都可以放上台的爐度加熱，有點鐵板燒的感覺，一路食一路熱住，唔驚凍，又原汁原味。塊雞扒呢，其實就好juicy既，又唔老。同埋個飯都算大份量，又有好多蔬菜，感覺上健康d。價錢上尚可。

新鮮針扒牛肉火煱 套餐入面包括新鮮針扒牛肉，自家製潮汕牛丸，自家製潮汕豬肉餅及豬肉丸，生菜，金菇，蘿蔔，粟米，米線。食物種類都幾多完化，而且肉類及蔬菜比例都好平均，絕對夠飽。真係要讚一讚佢哋嘅新鮮牛肉，淥大約10秒就可以擺入口，牛肉汁豐富，肉質嫩滑，牛肉味頗重！絕對可以媲美出面火鍋店幾百蚊一碟嘅手切本地牛。🤤另外要讚嘅係佢哋個潮汕豬肉餅，其實就係類似扎肉咁嘅質地同埋樣貌。不過肉質好彈牙，而且亦都有肉汁鎖係豬肉餅入面，好有驚喜！略嫌個米線太鬆散，淥一陣就好容易斷開，比較難夾起。但係總括嚟講性價比好高，如果大家經開旺角嗰頭值得一試！順帶一題店員服務態度好好，富有幽默感，而且所有嘢都好快送到你面前🤩

小鮮肉係人都 like啦！ 今次就食左一間旺角區潮式手打肉丸餐廳，位置係女人街的內街好易見到，門前poster已經這買晒廣告舖頭算中型 size不過樓底高感覺又大又坐得舒服，入店內都好多人食緊一人一爐火鍋 $68 好鬼吸引。但最後自己一個打食求其食碗粉算。留待下次同朋友先食。潮洲出名辣椒油必試，一開蓋香辣味湧出，食粉面落少許更出色，有點畫龍點睛功效。墨魚丸拼牛腩可惜已估清唯有轉牛根啦，面底可自選，我揀左生麵，麵質都幾煙韌，墨魚實的的咬落彈牙，牛根也滷得入味根性高，高湯帶點腩汁幾唔錯。還有多款小食的，忍不住口多叫份雞翼$22 都有4隻 細細反而好味炸透了，外皮脆口肉嫩滑。

終於可以好好地坐下來吃個lunch，朋友選了一間潮州餐廳。餐廳樓底高，裝修光猛，座位闊落。除了一般的魚蛋粉、雲吞河、自家製牛丸麵外，亦有一些飯類。由於太肚餓所以點了個鐵板荷蘭黑椒豬扒飯。豬扒飯賣相不錯，除了豬扒大大塊外，芝士飯樣子亦討好。原來這個鐵板飯是可以自己動手炒～將整碟飯慢慢炒熱，看着芝士慢慢溶化，包裹着每粒米飯，感覺很爽！最後加上豬扒放在一起，整碟飯大功告成。黑椒豬扒醃得入味，肉質不會過韌。芝士飯加上黑椒粒一同炒，味道更加香濃惹味～有得玩又有得食，一個價錢兩種享受！

很久沒有到旺角，今次特登出去打算買頂cap帽。逛了好多年都冇有去過的潮流特區，之後就到通菜街附近搵餐廳醫肚。通菜街依然食肆林立，最後選了一間招牌大大寫住小鮮肉的潮州粉麵餐館。點了自家製潮州牛丸、自家製潮州豬肉餅、牛筋麵 。自家製牛丸爽口彈牙，咬開一半，有少許肉汁彈出。而且口感不會太粗糙。牛筋煙煙韌韌，不會過硬。豬肉餅比較少見，一開頭以為是鹹魚蒸「肉餅」那些「肉餅」，實質是長方形的，質感有點像魚蛋，但沒有魚蛋那麼有彈性。餐廳冷氣十足，抖一抖繼續shopping 。

約左個朋友旺角去睇戲，又未夠鐘自己四圍八下，行到去女人街好多好多小食，經過一間食店門口紅紅極吸引，見到門口貼滿晒潮洲肉丸同時又可一人一 鍋，自從去過潮洲食過佢地嘅手打牛丸，一直希望近近地係香港食到，咁啱有緣就決定快食碗粉試試佢，入到店內人頭也不少，安排坐下送上 order menu, 發現店內樓底較高，唔似其他食市一點壓迫感都沒有。我選擇左套餐雙餸都只需要加$5 套餐$38 加凍飲$5 還可選擇小食油菜等。話左卦住潮洲手打牛同豬肉餅，一於一次試晒先，加碟油菜也只需$10 手打牛肉丸咬落有彈性再嚼著牛肉汁滲出，非常滿意，豬肉餅感覺似扎肉但兩者比較豬肉餅 略勝一籌，食落質地鬆化而扎肉較實，調味亦適中唔會過火，河粉份量其多，自問大食嘅我也食不晒。凍奶茶少冰少甜 加$5 可以接受有些餐廳跟餐都要$8杯，算合理！

美味小鮮肉是朋友介紹過來吃的，這裡原來是有一人爐，飯同麵都好多選擇，這裡有餐和散叫一人邊爐，我就選擇了散叫，可以自已鐘意吃什麼都得，湯底今次我朋友推介這裡的酸辣湯底當然就過來試一試啦，真的沒有失望，酸中帶微辣好惹味有驚喜，仲有少許酸菜煲住。豆卜和白蘿蔔入了酸辣味好味而且帶鮮甜，生根不油新鮮而且口感不錯不會好容易爛，麵方面我就叫了米線，線身幾滑身而份量都不，這裡的炸芋頭煲完都不會爛晒而仲有濃郁的芋頭香。大大隻又有鮮蝦雲吞都不錯，見不少人食牛我都選擇了其中一款牛頸肉，牛味濃有口感有驚喜，一份剛剛好我一人食。

今日經過見到有間餐廳門口的價錢十分吸引到我，美味一人套餐都是六十多元好抵食，終於忍不住入去試一試，入到去原來這裡都不少人食一人火鍋，我就叫了一個沙爹湯底，不久一盆般的材料就來到，入面有牛肉都幾厚身，十分好味，厚身不硬身，香濃牛肉味有驚喜。有幾款都是自家制牛丸仲有豬肉丸都十分彈牙，豬肉餅大片，蔬菜都有不少岩晒食沙爹吸味，菜同金菇菜十分新鮮，蘿蔔好甜切薄身好快熟，當然仲有必叫的粟米都幾甜，麵我就選擇了烏冬口感都不錯，食完剛剛好。之後我加了一個特飲羅果水，少少凍又解渴，仲要不太甜幾好飲。可以下次同朋友一起來再食不同湯底。

平時如果夜晚自己一個人食飯都會去旺角睇下有什麼平靚正的餐廳今晚又要自己覓食了在女人街發現了一間潮州粉麵店價錢抵食標榜自製肉丸，一人一火鍋看見其他客人都點了鐵板飯或一人火鍋驟眼看火鍋配料都很多挺吸引的但今晚不是火鍋的胃口所以只點了簡單的粉麵湯底用鮮骨淆製冇味精墨魚丸有咬口， 有墨魚粒魚片頭彈牙其實我食食下先醒起點解無選擇自家製的牛肉丸和肉丸呢等我下次試下先再配上一杯潤喉熱羅漢果水簡簡單單的一人晚餐自己一個都可以食好西

旺角不嬲有個美食集中地既為名 我呢排想食得比較清淡 但又想有肉食下 廢事太寡xd所以就決定去搵間食粉面既地方啦 周圍行下 雖然旺角有好多粉面店 但好多都唔岩心水 所以都好頭痛 行行下見到一間近地鐵站既店 就係呢間美味小鮮肉啦 見到佢主打自家製潮州肉丸粉面 於是諗都冇諗就沖去醫肚了xd 我點左個佢地既牛丸豬肉餅 雙拼粉面 牛丸爽口彈牙 仲有彈香牛味 點埋佢地辣油 好好食 豬肉餅肥而不油利 十分小見 食落爽口 有咬口 十分有口感 湯底係店家主打自家煲既豬骨湯 飲落好香濃 而唔會似一般粉面 事但用老水汁加水 令到我覺得咸到死 食完好口渴 要係咁飲野 飲左好多口都覺得十分鮮味 而且明顯冇味精 飲品點左咸檸7 十分清爽 滿足 跟粉面只係要加$7食埋都唔洗$50 性價比好高 下次一定會再黎食! 推薦大家可以黎試試 好食又高cp值 和店名十分相合xd! 真係美味小鮮肉

自家製潮州牛丸自家製潮州豬肉餅米線($35) 【好味度：7/10】⁣⁣⁣⁣⁣⁣⁣⁣餐廳湯底係用鮮豬同雞骨熬製而成，的確唔重味精味，比較清新。😋 加上佢哋秘制嘅咸酸菜同埋辣椒油，同外面連鎖嘅雲南米線好大分別，感覺fresh好多。😆 當然再試一試佢哋自家製嘅牛丸同豬肉餅，肉味都好突出，果然係自家製。⁣😇⁣炸饅頭($8) 【好味度：8.5/10】⁣⁣⁣⁣⁣⁣⁣⁣饅頭嘅外層炸得非常脆，內脆外軟。😚 點上煉奶食，超有奶香。🥛 炸得比酒樓更加好食，仲好抵添。⁣🤑

旺角甘熱鬧既地方，要搵一間粉麵店唔困難，甘岩走到女人街見到呢間叫美味小鮮肉主打潮州粉麵既小店。入到去見到唔小人食一人打邊爐，每張台每個位都有一個火爐俾人打邊爐，單身既都唔怕罷住一張台食野。但我就想試下佢地主打既潮州粉麵。30蚊1個送，每加5蚊就多一個送。麵既選擇都有幾種，而我就選左生麵，食落都爽口，個湯底好濃，咸味夠重。牛丸重牛味而且彈牙，牛肚亦唔會有臭味，好重既鮮牛肉味，最後個魚片爽口魚味夠重。

出開嚟旺角做嘢， 唔經唔覺已經兩點啦，沒有太多的時間坐低食午餐，所以我就過來女人街 看看，這間美味小鮮肉應該是新開張，不算人多，看見乾乾淨淨再試一下啦！點咗一個雲吞麵， 他們自家製的豬肉餅河粉配一杯羅漢果水， 加埋50蚊，認真抵食。羅漢果水非常甘甜， 非常適合夏熱天時， 時常在外工作的我。他的肉餅餐牌上強調沒有添加任何防腐劑，蛋，奶粉，肉餅是原汁原味的，味道有點像越南扎肉。他的肉餅有四塊， 感覺不像肉餅，反而像魚片 ，原隻鮮蝦雲吞入麵包著肥瘦豬肉彈牙非常入味。原來佢還有一些一人一鍋的火鍋套餐都是68蚊， 價錢同大家樂差不多。 一間小小餐廳有這麼多選擇，認真不錯。在這間是餐廳食飯，讓我想起當年在深圳工作的往事，辛苦但是一個好好的經歷。吃完之後，繼續完成下午的工作。滿分為10分(1分最低，10分最高)食物：7環境：7衛生：8服務：8價錢: 8舒適度：7總分：7.5

今晚去旺角上堂📚📚上堂前諗住係附近快手食碗麵 經過呢間食潮式粉面店見個名幾搞笑同埋幾多人就一於試下 重點係價錢唔貴 岩哂呢個糧尾時期粉面大大碗都只係$38雙拼係鬧市區要搵到呢個價錢而又好食真係唔容易嫁！今次我就點左雙拼米線加$5叫左呢到既招牌試一試潮式豬肉餅拼魚蛋米線豬肉餅得好小地方有得食梗係唔執輸要試下啦 果然真係冇令我失望豬肉餅彈牙多汁而且好香蒜同胡椒味 超級推介！必食！而魚蛋新鮮魚味重湯底係清湯 有冬菜所以咸味岩岩好另外我仲叫左杯凍檸茶跟餐抵食到爆！見到隔離檯既人全部都叫佢既一人火鍋套餐 望落啲牛肉都幾靚 而且每份追加配料都係十幾蚊起錶性價比幾高 可惜我趕住上堂 冇緣一試！下次上堂前預多啲時間叫埋d 朋友黎試火鍋！