美味小鮮肉 (Closed)

今日去佐旺角行街，肚仔有d餓，就走佐去女人街搵野食，見到呢間粉麵店幾得意，又有一人火鍋食，就決定一試。餐廳比較靠近旺角電腦中心那邊，位置方便。內裡每個座位也會附有一個電爐，方便一人火鍋。餐牌食物款式有不少，有好多唔同既套餐配搭，有火鍋，有粉麵，也有飯類，價錢相宜。常麵套餐 $51最後我揀佐個常麵套餐，有4款可以揀，我就揀佐牛丸湯河，套餐包埋油菜，滷水雞翼，仲有飲品包埋，真係好抵食。牛丸河都幾大碗，一碗有4粒牛丸，仲有隻煎蛋，同埋幾條油菜。滷水雞翼有2隻，做得幾入味，作為小食認真一流。埋單都係只需$51，如果要熱飲仲平多$3，真心抵食，一定有下次。

今日喺旺角同米仔行街，行到累就找間店舖醫醫肚！主要係想食少少，休息一下，所以就選了間粉麵舖，簡簡單單再作戰！原來此店不但有粉麵，仲有火鍋，有豬骨湯底，話係無添加味精、湯粉，仲有自家制牛肉、肉丸、肉餅等等。火鍋配菜也有不少選擇！不過火鍋對現在的我們太heavy 喇！都係食粉麵便可！墨魚丸河粉爽口的墨魚丸配上粗粗的河粉，味道清淡，適合呢排喜歡清淡食物的我！滷水雞翼滷水雞翼6隻左右，味道頗濃郁，如放在湯河內中和味道，便較適合！柚子蜜柚子蜜不會太甜，夠滋潤！

難得唔洗返工,自然醒已經係12點,落樓食個晏,住旺角好處就係食野選擇夠曬多呢間野之前經過見到已經想試下,不過老婆唔食牛肉,所以留到自己個人先可以食午市來講唔算多人,坐得算舒服,枱櫈幾乾淨,呢點好重要,上次去打邊爐個間野張櫈係痴笠笠有漬!叫左個套餐,不過牛就要另外加多兩碟先夠喉,湯底黎到見到都清淡下,不過就食得出牛味幾濃幾鮮,講真個句,打邊爐呢家野好唔好味 8成睇材料,2成睇湯底醬料, 用料唔新鮮既餐廳用幾重口味既湯底都遮唔住既 ,呢度醬任加基本野喇,沙荼醬狂落都唔怕,叫左咁多牛雖然都要百幾蚊落樓,不過牛肉質素的確又好過快餐店既食食下見到原來有豬手河,好似ok, 下次叫埋老婆再黎試埋佢.

到旺角想輕食個晚餐，就被搶眼小鮮肉招牌所吸引。知道呢到係食潮洲粉麵，但小妹今日不想食牛，就點左個墨魚丸河粉。墨魚丸河粉 $30唉唷，想不到有半顆台式滷水蛋，都幾有心思。墨丸有四粒，入口好新奇，不是傳統的超彈型墨魚，而是有點入口鬆化的感覺，還會咬到粒粒墨魚肉。後來離開店舖時聽到門外宣傳片話，小店堅持不加彈牙劑落食材，我先恍然大悟，原來咩都有得假。河粉屬於有點闊及厚度的那種，不太油膩，清爽分明。今時今日食到真食材，真的得來不易。

下班沒什麼胃口，想吃些湯面，行經旺角，就來到這間小鮮肉一試。餐廳主打一人火鍋$68，見隔離枱叫了，有鮮牛，自製牛丸，豬肉丸，豬肉餅，菜，蘿蔔，粟米,金菇，米線，份量頗多，因不餓所以沒試。見有自製食材，就選了自製潮洲牛丸配豬手河（雙拼$35,套連飲品$38），牛丸有驚喜，牛味濃又多汁，仲好彈牙，豬手南乳調味入味，軟諗易咬，河粉大條，切細吸湯會更佳。‌粉面足料抵食，小店有驚喜，下次如要一人晚餐再來試試潮汕一人火鍋。

通菜街，女人街，香港人好少會喺度買嘢㗎喇。但有時有外國朋友來，都會陪佢哋來行吓，亦因此發覺以前D boutiques差唔多變成食肆，分別有cafe，日式，韓式，四川火鍋等食店，心諗，得閒試吓都好喎，但唔知幾時先試匀晒。今日揀咗間潮州粉麵舖，因為佢大大字的『小鮮肉』啊，唔好笑我，小鮮肉係人都鍾意囉以下個標誌令食客有信心，啲食材保證100%新鮮牛肉，豬肉。我嗌咗個潮州粉麵套餐，手打牛肉丸河粉，加多5蚊有雙拼，於是嗌咗牛根(牛筋)，超級多，好腍好味。而牛丸手打關係，真係好彈牙，好想當佢乒乓波咁打試彈唔彈，講笑咋，試咗咪冇得吃。鹹檸七，亦係我鍾意嘅味道

呢日有個講座要去旺角聽，聽完可以食埋個late lunch先去開工但今次呢個talk無其他同事出席，得我自己一丁友，所以聽完就行左落隔離街睇下毒毒一人食乜好身為一個踏入中女階段既小妹黎講，“小鮮肉”的確係有佢地既吸引力既xppp好啦~其實我係想食下粉面，只不過見佢個店名幾得意先喺度亂咁噏呢度都幾光鮮企理，除左有我呢日想食既粉面類之外，亦有提供飯類同小食，連一人鍋都可以食到，睇黎呢位“小鮮肉”的確幾適合獨食呢日我就要左個全日供應既粉麵套餐：揀左呢度自家製既手打豬肉餅同鮮蝦雲吞跟米線HKd$38（雙拼+5蚊）米線份量都幾多下，細食既女仔可能會食唔曬添d米線都無煮得過淋，食落都係爽爽滑滑derrr雲吞有三粒雖然唔算好大粒，但入面都包有食落爽口既原隻蝦粒而豬肉餅有兩塊，味道都唔錯，係豬肉丸變成厚片既感覺最估唔到個麵會有埋一隻荷包蛋，感覺好似多左個餸食咁，半熟荷包蛋正合我心意呢個見個喉嚨cort cort地，所以就加左7蚊要左杯咸檸7順一順添不過獨嚐“小鮮肉”之後又係時候夠鐘開工啦~~~~~

行旺角女人街行到有啲肚餓，就見到前面呢間叫做<美味小鮮肉>嘅新店😏😏😏門面裝修得幾好，我都忍唔住入去試吓睇下呢間鋪有咩料子🤔🤔🤔呢間鋪主打係$70唔使就有一個人打邊爐！！！但當然啦，食下午茶唔使打邊爐咁貴，咁大份😂😂見有下午茶餐！下午茶餐都幾平，$30一個人就有一個飯，或者面，加一款小食，同埋一杯嘢飲😋😋係幾抵食嘅🙆🏻🙆🏻🙆🏻我同男朋友就各人叫咗一個肉燥飯，同埋一個酸辣米線，再加一個滷水雞翼，同埋春卷作為小食😋😋一上到黎，個肉操飯同埋酸辣米線真係好大碗😨😨😨😨非常足料👍🏻👍🏻肉操嘅味好濃，絕對係撈飯首選😋😋😋😋仲有兩條菜搭着👍🏻👍🏻感覺仲抵食左👍🏻👍🏻個滷水雞翼好入味😋😋😋咬落去好有滷水味😋😋😋二隻雞翼真係大大隻!!!絕對唔孤寒!!個春卷雖然得兩粒細細粒但係炸得啱啱好!!!!真係脆嫁😭😭😭個人覺得真係需要試下！😋😋😋兩個人食到飽一飽嘅下午茶，埋單都係$60😨😨😨絕對係旺角抵食之選！😎😎😎

放假行過通菜街（女人街）見到間門面裝修得好有氣勢的餐廳，招牌名字小鲜肉，我在門囗欣赏時，有位女侍應過來介绍店内下午茶優惠，於是入去試試。坐低後見到四周寛敞潔淨和坐位舒適。枱面有佷多圓蓋，原來晩市是做潮汕牛肉火鍋。下午茶潮洲粉麵套餐都不錯，都有不同配搭。價錢亦非常抵。潮汕手打牛丸囗感夠彈牙，湯底清甜，食完不覺重味精。鹵水雞翼不錯，套餐有菜和飲料，莱份量都不少，對於我經常出街吃飯，不會刻意叫莱的，這套餐都幾貼心。價錢經濟又實惠。？牛丸夠彈牙生莱清甜雞翼好入味下次晚市要來試下潮汕—人—鍋

今晚經過女人街。貴為小鮮肉的我，見到叫小鮮肉的平價一人火鍋店。自然要幫趁。套餐是68元。轉沙嗲湯底加10元。份量其實不多。但正常來說應該夠吃。沙嗲湯底是幾好飲，牛肉只有6片。要另外加點就一點也不便宜。我點了牛脊肉便要48元。加菜是例外，8元都有一碗菜。抵食。店裡提供的醬料有限，但有甜豉油，用來調味蔬菜真的不錯。其他牛丸粟米等一般啦。裝修簡單，清潔一般。最後埋單還要加一。又漏了送熱飲。下次不會來了。

無落旺角一個月，又多左d新餐廳!中午經過黎左試呢間小鮮肉! 好少中式粉麵店會改一個咁有趣既名呢度除左有麵食仲有火爐，非常有特色。但中午免得太heavy，都係食個麵算點左份牛肉豬潤麵，份量正常，仲搭多兩條菜豬潤有四塊，厚薄程度都幾好，咬落幾爽口手打牛丸，牛肉味超香，口感彈牙，正!生麵煮腍左少少，但仍然不失爽彈另外仲點左一份鹵水雞翼，睇外表好飲瑞士雞翼食落非常嫩滑而且多汁，鹵得好入味呢排天氣涼涼地，咁岩呢度有羅漢果水! 新鮮煮起熱辣辣，超正

今日起身想食啲湯粉之類嘅嘢，行過比呢間小鮮肉個招牌吸引左，八卦下佢望下有啲咩食，原來係食潮州粉麵+1人火鍋，應該係新開張餐廳入面嘅座位都幾舒服，每一個座位都有獨立嘅火鍋爐有粉面，大碗飯一人火鍋原來係$68，額外加火鍋料都唔算太貴雖然一人火鍋好吸引，但我都係揀返粉面呢度寫佢既牛丸，豬肉丸同豬肉餅係自家製，咁緊係要試下牛丸好彈牙，牛肉味好香，同出面食既好唔同，我個人幾推介呢度既牛丸雲呑用原隻鮮蝦去包，雖然唔係好大粒，但係味道都唔錯呢度既河粉好滑，特別之處係佢加左蔥油，令到個湯底更加香粉面係全日供應，18:00之前仲會送野飲我加左錢要羅漢果水，的確真材實料煲，唔會好甜👍🏻👍🏻以後想食粉面又多一個好地方

超難食，中伏被佢個招牌呃左，肉燥勁吾新鮮又硬又有毛，一d肉燥味都冇，服務質素又吾好仲要收加一，十蚊銀紙找俾我仲要係冇左一忽，價錢吾抵又貴，冇下次架啦，寧願食間貴少少既餐都吾去呢間！差評

同朋友行女人街想搵嘢食，咁就經過呢間店，見到68蚊打邊爐都好似好抵咁，咁就費時搵嘢食就係度落腳啦，一坐得阿姐比咗餐牌我同朋友睇，其實選擇唔多，本身包個清湯底，其他湯底要加錢，所謂既清湯就係2片紅蘿蔔片同幾粒黃豆，火鍋料來到就有牛肉片幾片，2粒丸，一塊似扎肉既肉片，生菜，白蘿蔔片，金菇，我同朋友另外叫左娃娃菜同冬菇，仲以為冬菇原隻上，點知一開唔知幾多舊既冬菇，丸同所謂既扎肉唔好食，叫汽水飲啦點知勁貴要成10蚊罐，想飲多一罐都嫌貴我，調味料只得幾款有豉油，沙茶醬，辣椒粒同醬共4款，其實食完都唔係好飽，埋單2個人食咗190蚊（計埋加一），咁價錢我覺得一啲都唔抵，大集團好佢好多，起碼都食得飽先，雖然都呢度價錢差唔多，同朋友講食一次無下一次。

行開附近見到新開左一間火鍋店,舖面裝修好中式,第一次見有中式既一人一鍋仲有麻辣湯底,加上今日晏晝想食飽啲就幫趁左. 環境尚舒適,好多遊客食,侍應姐姐好熱情同介紹返有咩食! 呢度主打邊爐, $68一set全日供應,午餐黎講份量都算足夠,有牛肉,肉丸,米線同蔬菜 ,包熱飲一杯 ,價錢不過不失牛肉都幾新鮮, 肉丸都ok,而且餐牌話無添加同百分百手打 ,但多返一兩粒就好,下次係附近都會再黎.