Yummy (Closed)

為了買遊戲拉了朋友跑到旺角，實在太餓又剛出糧，決定這晚不能太刻薄自己哈哈。順便看看有沒有war game 的用品適合買給朋友，逛著逛著就見到這酒吧裝修不錯。又剛好有位置便坐下來吃飯。環境挺不錯，除了吧台也有方桌，很寬闊坐得很舒適。點了煙三文魚沙律$88，煙三文魚很大片，肉也厚身，煙熏得不錯很香。沙律菜也新鮮很爽身，加上沙律醋酸酸甜甜很開胃。煎三文魚扒$178，三文魚柳很厚身，肉也是嫩切開仍保有水分不會太乾身。伴有酸菜與馬領薯泥，加上醬汁挺香濃。日本牛扒折後$368，朋友愛全熟，醬汁挺多還算入味。同樣是伴有酸菜跟馬領薯泥所以份量不會太輕。

餐廳環境餐廳以酒吧及餐廳的形式招待顧客。店鋪⾯面積雖少,鋪⾯面的裝飾以啤酒​罐,瓶和酒主題的海報造成,整體感覺令⼈目不暇給及。格局以餐桌和bar枱為主,餐桌以紅⾊色​主調,有型格和前衛的感覺。座位之間的距離偏少,適合喜愛互動的朋友聚餐或⼆⼈約會。​食物​前菜:三文⿂魚沙律伴碟有數顆⼩小蕃茄,少量的香草,顔色也很豐富。菜和三⽂魚比例適當,加上用上黑醋為主要調味,令⼈有開胃和清新感覺。​​主菜1: 香煎和牛(8oz)​⽜牛的⾁肉質偏熟, 適合喜歡吃全熟的⼈。肉質和味道沒經太多的調味, 保​留原來的肉味,也可以試秘製的醬汁,甜⽽而少辛的味道。薯菜​份量適中,配搭多種蔬菜可中和牛扒的油膩味。​​主菜2: 香煎三文⿂表⾯燒烤的焦香味,內裏的⾁呈粉⾊, 很分明,嫩和又保有水分汁。份量⽅⾯也頗⼤大件,伴上旁邊的甜汁,感覺滿足⼜健康。配搭⽅⾯我覺得可嘗試如​檸檬,⻄蘭花,橙等等作伴碟,整體的賣相會更有所提升。​

間野好多like, 無乜dislike應該係買左好多like, 但無乜人去所以小dislike等緊睇戲無乜野做，係附近事但搵間野坐低飲下野，咁岩就見到佢叫左杯Mojito, 只能用“爛葉橫生”黎形容一啲薄荷味都無，同糖水無乜分別爛葉仲有杯Margarita, 不過不失啦，唔難飲既只係正常放杯邊既青檸唔知做乜春變左粒野係杯入面小食叫左個雞翼其實雞翼真係好難整得難食，but congrat, you made it!啲肉又老又實，好似食緊瘦肉好彩叫左唔多野

Book左6：30，去到唔人唔使等。點餐時先知道最近改了menu，點pasta或牛扒都唔跟餐包和湯。單獨點了餐湯，味道不錯。牛扒和意粉（成200蚊的意粉真系幾貴，而且感覺分量略少）都不過不失。兩餐湯+一份牛扒+一意粉+一直水（40蚊）總共消費接近700。在旺角消費這個價錢感覺性價比不太高，到19：30臨走也沒有見到第二台客人入來吃飯-_-可能因為系bar的緣故吧。要留意的系19：30買單的85折系要點飲品（湯唔算），個人認為點餐的時候應該給予提醒....

自從大約兩個月之前，我在兩間韓國菜餐廳裡面，兩度遇上韓國雪奶甜品，因為技術問題而無法提供（其中一間食店還是「GooXXe Chicken」）之後，我在香港還有幾多機會，能夠真正食到韓國雪奶冰呢？結果我黃昏在灣仔，剛剛食完一餐價錢相對便宜，但服務跟味道都跟我預期有點落差的日本「廚師發辦」後，我懷著有點失望的心情離開灣仔，坐港鐵去到九龍半島那邊的旺角「廣華街」。我之所以我轉車趕到旺角，因為我剛剛知道旺角「廣華街」，還有一間有售賣疑似「韓國雪奶冰」甜品的西式餐廳，餐廳的名稱叫做「Yummy」。「Yummy」有趣之處，在於有非韓國菜餐廳，居然能夠提供韓國雪奶冰。於是我大膽地，臨時在網上訂了「Yummy」一個座位，看看這一間位於旺角著名食街裡面的西式餐廳「Yummy」，「Yummy」是否能夠順利製造到韓國風的雪奶冰甜品。我來到旺角之後，馬上趕緊去到「廣華街」，看看這間西式餐廳「Yummy」，「Yummy」售賣提供韓國雪奶甜品究竟是什麼的樣子。事實上「Yummy」食店的格局，實在很像一般的酒吧。恰巧「Yummy」店樓面內的牆壁，又掛着一大部電視機，但是「Yummy」電視機播放的，只是電視臺「82」

忙碌的工作過後，總會希望吃點好東西慰勞一下自己，要求不單止要吃得美味，還要＂嗒＂返兩杯，為平淡的生活增添樂趣。來到旺角區，便找到這間集合餐飲及酒吧於一身的餐廳，來一頓晚餐真的最適合不過…走進店裡，已經被角落𥚃的＂吧枱＂所吸引，裝潢簡約而時尚，旁邊紅色的沙發配上亮麗的白光餐桌，甚有格調。點選了法國鵝肝配美國草飼厚切S級牛柳，但飲品方面卻拿不下主意，與此同時，調酒師竟然主動上前推介一番，就像早已猜到特別的雞尾酒會適合我，這點挺驚喜的。法國鵝肝配美國草飼厚切S級牛柳＄298，先吃一口鵝肝，在嘴巴裡油潤甘香，味道是鹹香濃郁；牛柳的份量有著手掌心的大小，十分厚身，卻是容易切開，吃一口，肉味非常濃厚，而且肉質既鮮嫩又鬆化。Lady Killer （跟餐加配）＄58，不消一回，雞尾酒送到桌上，這杯雞尾酒，集合了氈酒丶橙皮甜酒丶白蘭地丶水果汁及菠蘿汁調配而成，散發出淡淡的水果清甜香味，淺嘗一口，酒味香甜丶順滑易入喉，而且充滿了菠蘿香氣，對於男士來說，酒的味道是剛剛好的，非常怡人。美酒伴隨著佳餚，加上氣氛十足的環境，享受了一頓美好的晚餐。

今晚來到一間好有格調的西餐廳酒吧，店名字叫yummy 。看到門口的餐牌食物很吸引，加上紫色燈光的枱好美，喜愛紫色的我就決定入去試一下。店員好好禮貌問我想坐沙發還是坐高圓枱，我選了沙發坐。好舒服的環境，因為旺角街道又多人又熱，這裡空調剛剛好，燈光暗暗地，播住微微的輕音樂，令我好放鬆。叫了墨魚汁意粉，和杯cocktail。墨魚汁意粉煮得軟硬適中，咬落去彈牙。墨魚汁的味道調得剛好，不會偏咸偏淡，好適合我口味，因為我好怕得個咸字。而這碟意粉有牛油香，有點像食忌廉卡邦尼意粉的感覺，但加了一陣墨魚的鮮香味。有魷魚圈和鮮蝦一齊煮，鮮味十足。魷魚份量多之餘，又煮得好滑，蝦夠大隻又爽口，真心好好食。Cocktail 名字是swimming pool，好夢幻的藍色，有菠蘿汁，Vodka,white Blue Curacao,還有cream 。菠蘿汁帶出果味，不是好甜，少少甜之中帶有酒香，Cream令整杯飲品飲落口好幼滑，很好飲，好特別👍👍這杯swimming pool 讓我好放鬆，享受到一杯調得好的cocktail ，真的會令人忘記一天的忙碌。我落單的時候，店員好細心問有沒有揸車，提醒這杯游泳池有酒精成份

上個禮拜約左朋友係旺角食dinner. 坐低就嗌左個墨魚risotto, 大蝦辣肉腸意粉同蘑菇松露意粉。因為係晚市關係，嗌每個main dish都會有一碗湯同一片蒜蓉包。落單無耐就上左忌廉餐湯。份量都還可以，但係味道真係比較淡，我同朋友都要不停落胡椒粉調翻下味。食完個餐湯同包無耐，個蘑菇松露意粉就上。成個dish蘑菇味好濃，個意粉入面亦真係有好多蘑菇，所以如果鍾意菇味既人應該會幾鍾意，因為比起平時外面食到既蘑菇意粉的確比較足料同濃味。下一個就係大蝦辣肉腸意粉，入面除左一隻大蝦之外都有大概四隻蝦。辣肉腸味道其實有少少似臘腸，整體味道比較普通。最後就係墨魚risotto.睇menu相既時候都覺得幾得意，原來真係將啲risotto塞落兩個墨魚身咁上。除左包住risotto既墨魚之外，裡面都有幾塊墨魚粒同埋菇（其實每個dish入面都有菇）。味道都唔錯既，不過上既時候再熱番啲就perfect整體黎講地方氣氛係唔錯既，如果同朋友飲酒傾偈應該會正啲，不過今次淨係去左食野所以就無辦法體驗啦。

難得放假同閨蜜行街shopping... 快樂不知時日過， 已經差唔多十點， 大家都想搵個地方坐低飲杯酒食啲嘢， 再繼續暢談，行到黎廣華街 附近， 見到有間新開嘅酒吧餐廳 就入咗去喇， 地方雖然唔大， 但五臟俱全， 仲有埋水煙食， 啱曬我哋飲酒談天好靚既水晶吊燈各種不同酒類都有提供menu我哋一人叫咗一個餐， 套餐仲跟餐湯同蒜蓉包 餐湯係雜菌蘑菇湯 非常濃味， 蒜蓉包 香口鬆脆前菜食完隔咗五分鐘左右主菜就到， 時間啱啱好， 唔會啲嘢食一齊嚟搞到凍曬。好啦！先介紹一下我叫個 主菜 -----魷魚墨汁意粉魷魚圈 係用椒鹽熟過 非常入味， 而個墨汁意粉 墨魚味好濃， 雖然食到個口烏卒卒， 但真係停唔到口， 比閨蜜笑我 成個烏嘴狗咁餐廳啲碟都好有心思好靚到介紹閨蜜呢個大蝦鮮茄 闊條麵廚師很有心機把辣肉腸伴碟， 意粉蕃茄味很濃郁， 味道出曬嚟， 帶點酸味味好開胃 大蝦真係半隻手掌咁大， 蝦肉爽口彈牙 而且都入曬番茄味！ 唔錯唔錯

適逢朋友生日，諗住搵下有咩好食，係openrice見到呢間餐廳今期做好多promotion,見佢咁勤力就去試試啦😆呢間算係旺角一間地道bar,做熟客仔生意，見到有枱係一家大細一齊黎，有老有嫩好搞笑！環境清幽，同朋友坐左2個幾鐘都無比人趕😝店員好有心機介紹，今次點左黑松露牛肝risotto，牛肝煎得香，薄薄地唔會好漏，不過risotto就黏左少少，唔夠sauce,不過勝在餐廳坐得舒服，happy hour好地方😁

之前去旅行食咗成個月西餐，當時翻到黎淨係好掛住亞洲菜，完全冇食西餐既慾望。但幾個月過後，我終於想食西餐😂，正所謂心動不如行動，即刻就約朋友同埋openrice下有咩評價唔錯既餐廳，就係咁比我搵到呢間餐廳。餐廳雖然比想像中細，但氣氛非常唔錯。我地叫咗三款唔同既主菜share，而主菜有包埋湯同牛油包。首先係炭烤芝士巨型啡菇忌廉闊條麵，好中意個汁，好香好濃味，但又唔會覺得好漏。而啡菇真係超巨型，雖然係烤過但仲係好juicy，再加埋面個層芝士真係好好味。之後叫咗西班牙辣肉腸虎蝦闊條麵，虎蝦好彈牙好鮮甜，而闊條麵就煮得岩岩好，軟硬適中。最得意係呢個雙倍墨魚黑墨汁釀意大利飯，將意大利飯釀喺墨魚入面真係第一次見。呢道菜唔止非常特別，仲要非常好味，超級濃味，落咗雙倍墨魚汁係唔同啲。外層既墨魚爽口彈牙，包埋入面既墨魚汁意大利飯一齊食，令口感豐富不少！埋單一人170蚊都唔洗，超抵食！

當晚叫了個Carbonara，鵝肝risotto，蜜糖雞翼。全都非常美味。carbonara不會太咸，味道剛剛好。鵝肝risotto的黑松露味非常重，不會只係少少的黑松露味。蜜糖雞翼比想像中好吃，咬下去肉汁都有蜜糖的味道。至少飲品方面，叫了一杯忌廉朱古力，單叫78，跟餐38。不過不失，沒有太大特別。生日有心太軟增送，但埋單才知道是需要俾切餅費26蚊以及身分證有1及9會全單85折，是加1後的85折😂雖然價格有點貴，但環境不錯，食物質素很高，有機會會再回來光顧。

今日去開油麻地行街，醒起以前係廣華街果頭返過工，心血來潮睇下果邊究竟變成咩樣。重游舊地，感覺同以前唔多，但好多餐廳都換哂樣。見到有間酒吧，時間尚早，人流唔算太多，又可以望到街外景色嘅，於是就拉住男朋友去左呢間叫Yummy Bar & Restaurant坐下懷緬下過去，一邊同男朋友分享返以前嘅趣事。餐廳入面播住音樂，店入面放左好多啤酒作為擺設，桌位係舒適嘅沙發質地，俾人嘅感覺舒適。坐低研究左一陣Menu，因為未太肚餓住，所以就叫左個龍蝦汁藍青口虎蝦煙三文魚蜆肉扁意粉$188先，餐廳好好，一叫個主食，仲會跟埋餐包同餐湯俾你，今日配嘅係南瓜湯同蒜蓉包。意粉等左一陣就已經上左檯，見到好多海鮮，超開心。蝦經過調味先再拎去炸，隻蝦連殼咁食，非常有風味；而三文魚、青口都非常肥美，食得左係新鮮野。意粉落左青、紅椒同蕃茄去煮，都幾開胃。之後我地傾左陣計，又再口痕，於是再叫左個炭烤巨型芝士啡菇$88，大啡菇面上面放左好厚嘅芝士，因為剛新鮮焗起，D芝士係個仲係彭下彭下，D芝士入口應該好正。切開時，D芝士即刻流哂出黎，不得了！大啡菇非常有咬口，俾濃濃嘅芝士包住放入口，個種濃厚嘅奶香味真係不得了。整體黎講，環

今日行完街覺得攰攰地，就去咗附近嘅餐廳搵食，我哋見呢間餐廳幾有特色就坐低。好鍾意佢吧枱嘅設計，令我覺得好relax ！我哋叫咗澳洲肉眼扒，七成熟，塊扒肉質唔錯，而且仲好濃牛味。雖然塊扒七成熟，但係唔會太過火，啲肉仲有小小粉紅色，賣相好似TVB飲食節目嘅牛扒！打卡一流！仲要係跟埋餐湯，好抵食架！另外仲叫咗釀墨魚，我第一次食，果然有驚喜！大家唔好睇佢賣相係咁，其實內裏真係好好食，因為啲飯係充滿墨魚汁味，我諗師傅真係好重手，所以啲飯先至咁香墨魚味！食完啲牙仲黑晒添，嘻嘻！我哋太為食，仲Order焗田螺，田螺夠大隻，味道都算OK ！

整體食物非常一般，飲品同食物與餐排圖片有很大出入，而且味道未達到價錢質素。網上寫九折，結果三個人叫左三份食物同兩杯飲品，最尾埋單原來少左杯飲品而全單無九折；後尾上返OpenRice 睇返個細節，當然店主照返個細節來計係無做錯，但令人有d滴汗，落單同埋單係同一個人，但佢地唔提一提個客。食物方面，軟殼蟹意粉，隻蟹少過相幾倍，98蚊未加一嘅pizza都係迷你版。兩杯78蚊半價左嘅青檸梳打同朱古力味道仲淡過茶餐廳。