食口福茶餐廳 (Closed)

食完下午茶冇耐又見餓！返回元朗即约女友覓食！想幫襯食口福好耐都冇食過，今日終一試！霸王雞+過橋米線過橋米線$42，湯底太淡，米線太淋，配料只有冬茹比較好味！霸王雞$42，味道一般，不過還是過橋麵檔比較好味！加$7配紅豆冰，好味！紅豆夠淋，味不太甜😆

元朗Group成日有谷友推介呢間茶餐廳...今日終於一試~ o岩o岩去到唔駛等位~ 之後排到出面滿晒人!!! 人氣果然好高!!!我地入到去都係坐一邊卡位~ 打開menu好快就揀到o野食啦~有我至愛o既炸豬扒~ 鹽酥豬扒 ($38)!!! 正正正~老公就叫o左圍村鴨飯 ($42)~ 凍飲每杯加$5, 熱飲加$3~ 食物等o左一陣就到~ 鹽酥豬扒真係好大碟呀!!!我數過有八大舊呀!!! 碗蔥油飯仲要咁大碗!!! 真係食唔晒...佢呢度d豬扒個皮完全無厚厚o既炸粉!!! 啖啖肉!!! 同埋佢d豬扒係較多肥肉ge~ 所以一咬開好多肉汁tim!!!好鍾意佢上面灑o左好多椒鹽味粉~ 我覺得好食過一般台式炸豬扒tim!!! 老公個鴨飯好快都到埋~ 都係好大碟~ 個底有好多芽菜~ 面頭又好多蔥!!!d鴨好入味~ 個皮煎過...好正~d飯加o左蔥油~ 咸咸地好好味~ 食物真係一流~ 店員又好禮貌~唯一扣分係...凍飲完全唔夠凍...d冰未夠5分鐘就溶晒...too bad...又平又抵食又好食!!! 一定會再嚟~ 

今晚放工同朋友去茶記e肚, 第一時間唸起元朗食口福, 因為上次無意間入去食咗一個飯餐, 留下好印象, 今次再試過, 雖然樓面只得2個伙記, 但仍然有禮待客, 今晚叫咗鹽so豬扒 & 炆鴨飯餐, 仲有2款小食,  & 麻辣雞絲粉皮. 鹽so豬扒 & 炸魷魚so 非常好味, 真so脆而不油淋淋, 豬扒又夠入味又so軟, 而且好大碟, 好抵食, 以一個飯餐加埋凍飲只需$43嚟講, 真係好抵食, 但個小食麻辣雞絲粉皮 完全淡味, 失望 , 而個炆鴨飯餐炆得有d 過火, 鞋鞋地, 但都入味. 呢間茶餐廳o既飯餐仲一定有薑溶送架, 薑溶唔會有油, 加落飯食真係好好味, 呢間茶餐廳會成為我o既心水茶記之一, 值得再去

炸雞我覺得還可以，口感不算太脆 菊花蜜我覺得幾好飲 ，天氣熱飲下好涼快 價錢49元並不算太貴，合理價錢，可以接受最近多了在元朗外出吃飯，身為元朗人的我,亦知道元朗是一個美食集中地,上星期六在安寧路見到一間新餐廳食口福，甚少在安寧路搵食，原來安寧路多了新餐廳，今次試下食口福，我入到店鋪時候，客人幾乎坐滿,只有1個人吃午餐，容易找到座位坐下，我點了炸雞餐(49元),這間港式上海食店,我覺得味道還可以，炸雞炸得還可以，炸得不夠脆同香口,白飯就OK,菊花蜜都OK,這裡環境都OK,座位坐得尚算舒適，服務都OK

霸王雞荵油飯青荵甚多，像蒸魚那種，但豉油咸到不得了，如能混點糖或甜味豉油/煲仔飯豉油，減低咸度，定必較佳。雞不算太重雪氣，還算滑，雞皮位置甚肥膩，沒可能吃下。份量不少，數件雞胸，但亦有雞翼及雞腿位置，公平。荵油飯，不是將飯混了荵油，而是將平日的薑荵放在碗子邊。由放豉油經已夠咸，荵油就繼續放在碗邊算了。員工服務態度良好，即使多人來了亦不會叫客人調桌。一枱客人的飯漏了單，店員極為極抱歉的立即為她追單。$42

食口福係小妹中學食到而家的餐廳，是我在元朗必食食店之一。食品：最鐘意佢嘅麻辣手撕雞小鍋米線+雞翼！先講湯底，個辣超正，好香，好辣，但又唔係辣到要不停飲水！ 一句到尾「好好味」到講手撕雞， 撕得好幼，好滑， 口感都不錯，而且份量適中！ 不過有時雞皮就多左少少。但都可接受。雞翼更加唔洗講，炸得好香口，簡直係外脆內軟。遺憾的是有時雞翼太細隻！至於個米線，軟硬適中，一路食米線，一路飲湯，一路食埋手撕雞/雞翼，簡直係perfect池！！服務態度: 侍應招乎都好好，好有禮貌，好好笑笑，又唔會催人落單，超nice鋪頭之前裝修左，感覺modern左，新左，但小妹仲係覺得裝修前有親切感多d

食口福的木桶飯 果然是名震天下我和老婆專程打完從九龍塘打完羽毛球後揸車黎元朗試一試名震天下的木桶飯而我就陪老婆食而已 自己我不食飯的 我已有3年沒食飯 因為減肥問題 已經習慣不食米飯的了但我本來叫了一個米線食緊的了 見到我老婆的回鍋肉木桶飯飯到了我立即聞到香味 大吃一驚!!!哇!!好香既飯味呀 我馬上試了一口 那回鍋肉和在木桶內的飯既味道配合得天衣無馮我馬上不食手上的米線我自己叫多一個回鍋肉木桶飯 自己食3年不食飯 竟然俾一個木桶飯擊破了我心想  只要一日仲有木桶飯在  我不減肥  變肥仔都值得唯一不好的地方是  我沒位泊車 

聽人講呢間係元朗區最旺的茶餐廳之一，去到果然名不虛傳。尋日12點半去到，好多人等位。我地一行3個人，叫左1個辣子手撕雞木桶飯，1個京蔥牛柳粒木桶飯share食。我覺得辣子手撕雞好食D，好惹味，3個人都食到好飽下次會試下過橋米線，我見隔離枱食，好香好大碗。

我幫媽媽做的野.....就一早去食早餐...一去到....點二種食物,义燒,腸仔.....通粉...夠熱.料都多.通粉唔會太林啦.....仲有,火腿.蛋...包都飽到二餐.杯飲品又大大杯環境唔係幾乾淨...但20元,食得飽.....又唔難食....咁就足夠

喺元朗返咗工一段好短既時間; 未入去之前; 住喺元朗既舊一堆舊同學就早預告我知; 元朗大把禾桿冚珍珠既好嘢食! 又平又抵!又真係唔講唔知; 咁堅~就呢間食口福茶餐廳; 我冇認真親身拜會過; 次次都係打個電話叫外賣;做外賣;要求簡單: 快; 準; 好味由於我都係元朗廣場返工;路程近~ 送到嚟; 熱辣辣;香噴噴~~~~~~~不在話下不過只要你一肚餓; 一個電話打去; 唔到十五分鐘內必定送到; 絕對餓唔死; 等唔死人接電話既阿姐話頭醒尾冇話聽漏落錯單(每次叫都要走芫茜又多荵少芽菜), 有效率; 做到嘢送外賣既哥哥仔都好有禮貌; 我鋪頭細細; 見到我做緊生意; 都先係門口等一等; 等到我得閒理佢;佢先入黎收錢走人! 就算次次送外賣既都唔同人; 但個個都有咁既教養; 証明訓練有數.上面都係題外話,加分位個酸辣米線冇得 彈!!!味香~湯濃~酸辣適中! 辣得刺激;又不會留係口辣太久;湯底味道酸度啱啱好; 搶唔到材枓味道; 配菜料足; 我試過肥牛; 牛丸; 炸雞亦; 手撕雞; 樣樣都好味; 唯一唔好既係主菜份量好少! 好似牛丸得二粒; 開二俾你; 好似有4口; 不過牛丸大粒極有限啦!不過值得嘉許 係佢

每星期平均都會同bf 吃一次...每次都係食過橋米線, 不過我們都會改食米粉...因為覺係米線太"林", 用筷子用少少力竟已經斷晒...反而米粉仲好味~湯底係豬骨湯...好好味~仲有d酸菜都好正~我每次必叫: 1)豬腸(幾入味, 不錯) 2)麻辣雞絲(愛辣的我覺得一d都唔辣, 不過雞肉很滑) 3)豬紅bf每次必叫: 1)麻辣雞絲(bf不吃辣, 都可以食到) 2)雞翼(炸的, 會另上) 3)肥牛 4)牛"利"辣度分為: 大,中, 小辣試過叫小辣都辣到飛起, 亦都試過小辣一d都唔辣...我想係視乎當日廚師手勢...所以我都會叫中辣, 不過另上, 會比較安全~包飲品一杯, 忘了凍飲是否需要+2都幾大杯的~唯一缺點是太早打烊, 下午9點...成日都趕唔切去食~

奇怪在它門口的「明星茶果店」也有食評，但為它還沒有？就評一評吧。老實講，這間餐廳差不多已成為飯堂，推介過橋米線，雖然$29一碗好像不便宜，但大大碗又足料，湯香濃(應該是豬骨湯底)，可選大/中/小辣，每次連湯也渴下！另最愛叫京蔥牛柳粒木桶飯，足料又香，好送飯，豬扒抄烏冬也十分美味。下午茶有大路茶餐廳的炸雞肶、魚柳、西多士等之類配沙津或薯條套餐，一般茶餐廳只能配一樣或加錢配兩樣，但它可一起配沙津薯條而不另收費，抵讚！可惜這間舖收很早，6:45pm已經截單，6:30pm開始清潔收舖，如果還在用餐會嗅到濃烈的漂白水味，好像說：收工喇，大家識做啦！