食口福茶餐廳 (Closed)

📍「食口福茶餐廳」- 元朗今次食食食之旅嚟到元朗😌👦🏻同我講呢間手撕雞好好食，所以帶👧🏻嚟食🤣點知呢間真係好有驚喜‼️‼️‼️🤩📷餐廳店面偏暗，係典型茶餐廳嘅裝修，不過座位都幾闊落，而且上菜速度都算快👍🏻🍴麻辣手撕雞雙蛋飯💰HK$49✨推薦指數：9/10麻辣手撕雞份量好足，兩隻太陽蛋都煎得好靚，岩岩好🤩麻辣手撕雞食落唔會好辣，肉質好嫩滑，送飯一流💯👧🏻整穿咗太陽蛋嘅蛋黃再撈埋飯食，超正🤤佢嘅飯仲有豉油同蔥油，成個撈埋一齊真係好開胃好好食，不知不覺就食哂成碗飯🤣🤣🤣🍴醉雞拼鹽酥雞蔥油飯💰HK$57✨推薦指數：9/10呢度嘅雙拼飯份量好足‼️醉雞顏色勁靚，雞皮好滑，雞肉好鮮嫩入味，整體酒味重但唔會太苦，送飯一流💯仲有幾塊雞腎送，正👍🏻✨鹽酥雞新鮮炸起，炸粉唔會太厚，入面肉質好滑好juicy，份量亦都有好多😋蔥油加甜豉油撈飯無得輸，超開胃🤣🤩

今朝鬧鐘響之前半粒鐘就醒左🙈 決定早啲起身係元朗食個早餐先返工😅上次黎食lunch記得呢度早餐有麻醉手撕雞覺得幾特別，拖左成年終於黎試🤣⭐️早餐麻辣手撕雞時菜米粉(扣底)，火腿熟蛋牛油方包，熱鴛鴦少奶 💰3️⃣5️⃣手撕雞幾滑，份量足👏🏻但就一啲都唔麻，亦唔太辣，似係豆瓣醬手撕雞😂不過早餐有呢個選擇，雞既口感亦唔錯，值得一試👍米粉係比較幼身唔係偏透明超級彈牙果種，呢款米粉含米量應該較高比較易消化，唔多茶餐廳會用呢款💯BTW極極極少茶記早餐會搭兩條菜，好難得！！對於我呢啲外食一族有菜食太感動🥲（雖然條菜心煮得太淋🤣）火腿煎香過黎，唔會太油，雞蛋幾大隻😛方包搽左微量牛油，同一般茶餐廳無異～（加$1可轉多士）鴛鴦比例適中，但略嫌唔夠香～間唔中食一次手撕雞呢個特別選擇既早餐都唔錯既👍

元朗同朗屏都係美食天堂呀，但唔係下下入去大西北都有時間慢慢搵好西，呢間係間唔中都會食嘅平民飯堂😚離朗屏站大約行10分鐘，都諗得過。🔸家鄉煎豆腐 （$32）👑煎豆腐係必試嘅Item，應該好多餐廳可以煎到呢種外脆內軟嘅豆腐。但上碟一陣，豆腐仍然保持到少少脆皮，主要係少少七味粉加熱蔥花醬油淋係面，味道係剛剛好🤤一共有六舊。以前佢地會用超滑嘅蒸豆腐，而家轉番用硬豆腐，味道都keep到👍🏼不過係唔比外賣煎豆腐，話驚淋😂👌🏻🔸四川麻香雞配蔥油飯 （$56）雖然係平民飯堂，分量適中，但雞非常滑，賣相不俗。飯同雞會分開上，程度屬小麻香，岩哂我地只食到小辣嘅人😬佢醬汁係偏濃味，但唔會蓋過雞味，喜歡雞嘅你都可以一試。🔸麻辣手撕雞粉皮 （$42）見網上有幾個人讚呢個粉皮，專登試下…但覺得都幾難食🤢手撕雞調味係正常，算是野味，下面就係粉皮，咁就撈撈佢。撈完個粉皮完全掛唔到d醬汁，於是就好似皮還皮雞還雞嘅感覺，個粉皮就變得好無味。🔸今次無食炸魷魚穌，佢地炸物都ok，唔辜寒嘅份量都抵食。

食口福茶餐廳 (元朗)很懷念這間餐廳的麻辣手撕雞🐣仍記得第一次光顧時試了麻辣手撕雞煎雙蛋🍳飯，今次試試這個包羅萬有的套餐$49:今次麻辣手撕雞配米線🍜，味道很夾，手撕雞不是太辣，雞肉肉質嫩滑😋 如不想配米線，可選擇米粉、河粉、公仔麵等～另外套餐包了一件烘底奶油多及2款餸，奶油多烘得夠脆，煉奶份量適中👍🏻 火腿不只是烚熟，而是煎香了，香口😋 煎蛋🍳蛋黃流心不會太油或老火。套餐更包了一杯熱飲☕️，或可以加$8 要特飲（如紅豆冰），真心超抵食～地址：元朗元朗安寧路67號地下

前排搵屋企附近好早開門既早餐果陣發現左呢間食口福， bookmark左一排見到原來呢度既圍村鴨蔥油飯都幾出名，今日就同男友黎試下～我地禮拜日下午一點半黎到唔駛等位～我當然係點左圍村鴨蔥油飯啦！男友就試呢度既祖傳咖哩飯配厚切豚肉～呢度既外賣單無停過，我個飯等左十五分鐘，茶餐廳黎講都幾慢～圍村鴨食落除左好重南乳味我好似都唔太食到其他味😅  鴨肉都幾鞋同"UN"，皮煎得比較燶上菜果陣D鴨肉完全唔熱，其實我唔係好明點解要等咁耐😅  （我覺得如果熱既話食落會香D）個人認為呢隻鴨水準非常普通，而由於男友本身唔中意南乳味所以佢直頭覺得唔好食🙈至於個咖哩聲稱係用好多香料包括八角等等去煮既，但我同男友都覺得個咖哩一D都香，只係似比較辣既日式咖哩厚切豚肉唔錯，食落唔會覺得太肥膩但唔"UN"，我覺得有啲似豬頸肉～可能我對呢度期望太高，不過呢度既早餐有麻辣手撕雞揀，比較少見，應該會黎食多次早餐，如果都一般睇黎就可以唔駛再黎😅

睇完《飲食男女》嘅介紹，對這裏的圍村鴨充滿期望小食：麻辣黑醋皮蛋拌青瓜個人比較鍾意不太濃稠的皮蛋，這裏的琥珀皮蛋不錯，有咬口。而黑醋汁很醒胃，如果可以更麻就好了，沾汁配上青瓜，青爽自然團村鴨伴蔥油飯訪問中，看到先烚切件再醃過夜，出菜前煎香。等待需時，令我更添期待。我本身不太吃鴨，吃了一口就停不下來。肉質軟糯，醃得入味卻又不會蓋過鴨香，肉汁也不少有些部位的外皮煎香，又脆又嫩又酥香，貼近骨位極滋味！別小看墊底的芽菜，吸引了鴨汁的精華，太下飯了，那大大碗蔥油飯我一粒不剩，好放下減肥的念頭。今天想起，還是回味無窮。

係教育路最多人幫襯既餐廳非食口福莫屬，佢既食物多元化，你可選擇食面又得，飯又得，飯有雞飯，咖哩飯同湯飯，好多野簡架。不過，我次次就選擇吃米線，事關我中意佢既辣辣米線，有很多碎肉粒，芫茜同䓤，好正架Order左一個麻辣手撕雞配豬大腸米線🍜，加一杯凍檸茶$43碗面+凍飲$5=一共$48呢間野係餐衰在服務差點，店員比較惡，通常都三五成群企埋一邊吹水，要客等一等先肯落單。座位又比較迫，希望佢地疫情間可以分散少少d客人坐。

舖面不出眾，在外面望入餐廳比較昏暗，好像有點污糟的感覺，但出乎意料之外，食物味道好好味「家鄉圍村鴨」極力推介，失傳了的味道，用南乳炸完再炆，好入味，鴨肉也很鬆軟「客家豆腐」味道不錯，但多油了點「咖哩豬扒飯」咖哩比較甜了，似日式咖哩

食口福 餐廳好近朗屏西鐵站, 出站後行 5分鐘左右就到, 不過星期六日15:00 前都好多人, 又要到齊人先可以入餐廳, 仲唔可以係鋪頭入面等 大熱天時都幾辛苦, 所以通常都係 黃昏6點去食, 比較少人同埋可以坐得自在啲, 今次黎叫左 3樣野 香蔥霸皇雞飯配蔥油飯 賣相好好, 黃色紅色綠色都有, 睇相都睇到有雞脾, 雞翼同雞胸, 雖然唔係每次都係咁平均, 但好少會成碟都係胸肉, 雞肉幾滑, 加上佢調出黎嘅醬汁唔會濃到蓋左啲雞味 鍾意食雞嘅朋友絕對可以一試, 蔥油味咸度適中份量亦控制得好好, 食到尾都仲有蔥油撈飯, 好香口.補多張連埋飯嘅相 椒盬魷魚鬚 魷魚鬚黎講, 即叫即炸, 每次黎食都係好夠熱, 口感好脆, 再加埋個甜酸醬真係一流. 唯一可惜嘅係, 個醬蘸完就唔可以再添, 要慳住咁蘸. 小鍋米線 - 清湯 墨魚柳片 手撕雞(另上)手撕雞點解要叫佢另上? 因為咁樣做就唔驚佢浸到冇晒味, 其實如果食得辣嘅, 可以試下小辣甚至中辣, 都好香口, 湯底層次更豐富. 不過清湯嘅味道都唔錯, 因為其實佢有調味料, 張相入面其實已經撈均左, 米線口感不俗, 間中會食到有啲綿嘅口感, 都要睇師父手勢

元朗是一個眾所周知多野食的地區, 但係,當我想食一個早餐時, 反而令我傷透腦筋, 而食口福就總是排第一位的。店內的職員多是女士, 身穿黑色黃字的製服。店內燈光較為陰暗。早餐的餐牌亦很簡單。照舊食皇牌的"麻辣雞C"公仔麵, 餐腸, 凍飲。凍飲都大杯的, 好合理, 味道唔錯的。至於餐腸只有各一, 配以油包。重點當然是那公仔麵, 來這裡吃的原因之二,是其公仔麵底極之像"福麵", 有9成似的, 由於我是福麵控, 所以公仔麵是不二之選, 再配以麻辣雞C, 麵中亦有幾條菜心點綴, 就成了我今天假期的豐富早餐了。

元朗朗屏站附近餐廳感覺廖廖可數, 唔想行岀雞地嗰頭就試下依間食口福, 朋友食過話不錯, 星期一午餐時間都滿座, 2人要坐一邊卡位餐廳感覺昏暗, 見有泡飯 各式切雞飯 配料米線同飯類, 都算應有盡有 價錢公道 !朋友點左個豬紅米線$39+$5涷飲, 見佢同搭枱都食得津津有味應該味道不錯我就點了鹽酥豬扒飯$46+$3熱飲, 豬扒炸得脆口乾身咬落唔會成口油, 唔會太重椒鹽味非常好送飯, 白飯亦淋上豉油及有一堆薑葱, 唔會dry味道有質素 !下次諗唔到食乜應該會再幫櫬

2019年6月23日星期日下午1:00左右，我到食口福食麵，臨食完之際，有一位女侍應執枱，將別人食剩碗麵倒在我身上，下半身至腳都濕哂，該位女侍應第一反應係發悔氣話有筷子絆倒她，我勁嬲等佢道歉，佢之後雖然有係咁意道歉同安排調位，叫我自己自行去廁所處理。最過分，整個餐廳的侍應，上至負責人在事後沒有任何反應，仲好意思收我錢，真係嬲到震，好過分雖然食物吾錯，但服務態度差，D人的質素差到咁，吾會再幫襯，太過分，咁樣處理難以接受

呢間街坊茶餐廳既招牌係麻辣手撕雞 早餐都有得食 而且早餐時段去到成11:30 所以訓晏左就會諗起佢😜😜 今日就叫左手撕雞米線腸仔炒蛋多士早餐 米線同雞既份量唔少 所以食完呢份真係好飽 雞肉唔鞋而且麻辣汁好惹味 野飲好大杯但味道比較淡 連埋凍飲35蚊 重點響碗米線度所以覺得價錢合理 另外一提 呢度咖哩都好食 可以一試

元朗出名多美食，中午在元朗工作，緊係順度美食一吓⋯⋯在大橋街市附近，原先想行去永年吃車仔麵，可惜開始微微細雨，還有點涼，決定隨意食。路過有間名為 食口福，還有秘製湯底，一於入去試試。打開餐牌，相信此店招牌是雞、鴨、豬扒，由於飯市相當多人，只拍攝了兩張餐牌。午餐唔想食飯，決定吃粉麵餐，原先想吃麻辣手撕雞，但咳嗽初癒，都是改吃豬扒，轉豬扒或雞扒要加$5, 成本貴，也合理。炒蛋火腿多士:蛋炒得Juicy 夠滑漏，而那塊多士塗上牛油外，還帶有少少甜味，難道落了少許沙糖。將炒蛋、火腿夾在多士多，一邊吃，一邊漏出蛋汁，總之覺得有驚喜。醃製豬扒很入味，炸得剛好，相當惹味，估不到在誤打誤撞，來到這食店，實熟和食店名字一樣 “食口福” 。而且很喜歡意粉和豬扒是分開上，值得一讚。意粉還有兩條菜芯，午餐以$50 包熱檸水，豐富味美超值，下次有機會再試他們的圍村鴨和沙薑雞。

食口福餐廳 (元朗)元朗元朗安寧路67號地下味道：3 / 5今次叫左個咖哩滑牛肉飯 首先講個汁先 好濃既咖哩味 而且幾辣 不過要黎撈飯一流牛肉真係好滑 而且好爽口 勁多牛肉再黎個四川麻香雞飯 今次比左下脾我D雞肉好正 好滑 配埋蔥油飯 勁開胃最後叫多個豆腐小食 反而無最好味豆腐皮煎到好脆 配埋蔥油 岀奇地夾位置：3 / 5餐廳位於元朗臭渠果頭西鐵朗屏站D出口 沿着臭渠行到尾見到燈位就會見到間餐廳環境：4 / 5鋪頭環境四四正正 普通茶餐廳咁價錢：3.5 / 5咖哩滑牛飯$49四川麻香雞飯$48家鄉煎豆腐$28