榕哥陳皮燒鵝

Open Now

Now Closed

入去食早餐，嗌個普普通通既庵列餐等左十分鐘先到都算，個位已經窄。個阿姐仲要叫我坐埋d有人搭檯，隔離檯有位個阿姐都堅持要人地坐我隔離（卡位）搭檯。問返阿姐咁我個袋擺係邊，阿姐叫我自己諗唔關佢事，個態度串到呢。總之呢間野絕對無下次。黑名單。講埋個omelette，價錢無謂評論因為平貴既野見仁見智。老老實實我第一次食一份咁乾既omelette，如果有人想試下入口口感係鞋既omelette，不妨去挑戰下。我頂唔順求其食左七成（因為太肚餓）就走左。絕對值得我擺入黑名單。無下次

去燒鵝專門店唔食鵝到底係咩玩法? 食鵝食到厭今日就試下佢既叉燒係軟滑同夠淋既但就比較咸同濃味米粉係好味好滑既唔係"鞋烚烚"嗰啲總結味道偏咸燒味出色價錢合理性價比高唯一不足有個別服務員態度比較差建議唔想返工可以請假唔好發洩喺客人身上

聽喺灣仔返工既朋友講呢間既燒鵝好好味所以趁今日放假嚟會一會佢我選擇下午茶時段先嚟避免同啲上班一族爭飯食點知都係咁多人唔 好理一於點返個油雞鵝瀨粉食下先燒鵝果然名不虛傳  油雞就一般，我個人略嫌有啲咸，但肉嫩既。下午茶連埋一杯飲品都係50蚊左右就可以食到咁正既燒鵝，去邊度搵呀? 

我同男友去食早餐,我飲熱檸檬茶加大,我要求多少少檸檬,落單牙姐反應話:吓多檸檬！跟住同水吧講多啲檸檬，2位水吧擰頭話吳得！我覺得佢加大熱飲加5元都比人貴，我只要求多一兩片檸檬啫，都不太過份！所以對此餐廳有點失望！

平日都係呢頭返工，每日最煩就係晏就諗食咩! 每次經過呢條街就望到佢地啲燒鵝叉燒都燒得好靚所以被吸引黎幫襯。基本上一入去都有位坐低食，d叉燒好夠汁又唔會好乾柴、同埋好野味🥹 員工又好好人...成日叫多飯多汁多菜脯，鐘意食菜脯既人一定要佢比多小小型!! 送飯一流推介的。 佢地都好友善。送到上枱所有野都係夠哂熱! 本人係特別喜歡食叉燒去到邊間都一定要食叉燒....呢間榕哥令我真係一去灣仔都必會去食!!! 之後都會叫返杯野飲，通常叫奶茶走甜，茶底好香滑 唔澀口。下次會想試下佢地既乳豬

某日同朋友嚟到灣仔上堂，急急腳去咗附近呢間榕記陳皮燒鵝醫肚, 揀呢間餐廳係因為俾佢啲燒鵝吸引咗,我本身都幾鍾意食燒鵝🤣🤣榕記陳皮燒鵝真係第一次試！入到餐廳見到佢嘅招牌係乳豬燒鵝，想來個雙拼試吓龍與鳳😋😋😋點知乳豬次次都好快賣晒,我就叫咗油雞燒鵝雙拼,配賴粉🥰 朋友叫咗個叉燒燒鵝😋😋佢嘅燒鵝皮脆肉嫩，甜度適中, 燒得剛剛好，叉燒油雞亦都肥瘦適中,而且份量都唔少, 賴粉夠爽口！由於之後成為咗上堂之前嘅固定飯堂，賴粉賣晒，試過佢嘅米粉都相當唔錯😍😍😍後來每次嚟到乳豬都已經賣晒,真係太受歡迎,希望下次可以試到佢嘅乳豬啦❤️

去寵物展之前食個快飯，揀咗呢間食佢嘅燒味，因為係星期六日，唔需要等位，但係都坐到滿晒決定試佢嘅雙拼，叫咗肥叉加燒肉，上到嚟嘅時候見到啲燒味外型都幾靚仔佢啲鼓油係淋喺飯同餸中間，所以啲燒肉皮仲keep到脆身，唔會淋晒，而且亦都唔會過肥，最緊要唔會超級鹹，味道唔錯至於叉燒，最驚嘅係完全唔肥，啲肉好鞋，不過嚟到之後雖然唔算超級肥，但係算半肥瘦，而且啲肉都幾林，同埋夠汁，唔會食到最尾變食白飯所以呢間燒味舖個人幾推薦，佢主打燒鵝，見到人哋食都好靚，經過想試嘅不妨試吓佢嘅燒鵝

同姐姐講「麻煩左右髀瀨， 一隻唔好斬原隻上」😍 結果真係好正燒鵝皮脆肉嫩又多汁, 真係食到陳皮味，新鮮又夠熱,呢個假期真係大滿足 yummy yummy 😋 😋

去完美食節～肚餓搵嘢食先！行行下～好香啊！又坐無虛席，一於試下靚仔樣！A餐$88仲包飲品～熱辣辣的咕嚕肉，可以做到掛汁，菠蘿同洋蔥夠份量～正😋$55鵝飯～估唔到喎～皮脆有淡淡的陳皮味！肉質不俗😋是日電腦系統失靈～阿哥阿姐做到踢曬腳不過都好好招呼～讚👍

前後舖都係做冰室/茶餐廳要突圍其實都要d 招數不過我覺得d 姐姐待客幾好已經幾抵讚事源係weekend 下午茶出奇地勁多人寒寒地嘅天氣著啲衫都幾大舊再搭枱就真係好辛苦姐姐好好人咁見到有張枱埋單就叫我哋去坐茶餐廳做到咁真心好👍🏻原本好想試燒味但下午茶只係燒鴨飯先可以轉配瀨粉唔想食飯，唯有叫最唔洗諗嘅常餐炒蛋有驚喜呀滑得嚟仲係水汪汪texture最中意係牛油多士唔講笑，送到上枱係融左嘅牛油流入個無邊多士正丫喂蕃茄薯仔牛肉通心粉就失色左牛肉較少，同埋好粗糙個湯。。簡單來講係羅宋湯咁啫反而個叉燒意粉就幾好果然係做燒味咖啡就認真麻麻太苦了

要數最快靚正嘅菜式之中，燒味飯都真係數一數二👍🏻 想快快手醫肚，黎到灣仔「榕哥」🍗 燒鵝都有好多種製法，哩度就主打用陳皮燒，再加上十多種香料秘制，即管試吓有幾強🥴燒味主要試左叉燒、燒鵝同燒腩仔，質素都有啲參差，例如瘦同肥叉燒肉質已經好唔同🤨 肥嘅肉質較鬆散，有點霉，醃料偏重，所以食落都較有負擔😖；瘦嘅反而肉質實淨番，亦唔會乾身，食落更有外層焦脆😋而餐廳主打嘅燒鵝的確係有股獨特嘅陳皮味，皮薄香脆，可惜今晚食到嘅位置較多骨，肉都只有薄薄一層，唔太食到佢嘅味道😂最後燒腩仔肥膏較多，唯皮脆肉軟👍🏻整體質素平平，最抵讚係上菜超快，落單到上齊菜只係十分鐘內，價錢都頗實惠👍🏻———————————————🏠環境舒適度：💛💛💛💛👅舔脷回頭度：💛💛💛📸打卡able度：💛💛💛———————————————

<餐廳介紹:榕哥陳皮燒鵝>餐廳位置灣仔地鐵駱克道出口正對面，非常方便，除左堂食，外賣既人流都頗多。今日平日晚上收工時間，#中產窮L去到榕哥醫肚，叫了一個燒飯飯，59蚊，包一杯熱飲，可能因為駱客道餐廳林立，所以，價錢都具競爭性。至於一碟燒鵝飯，飯既份量係足夠，至於燒鵝味道都正常，唔知係咪收工時間接近關門，#中產窮L 叫燒鵝飯無加錢，都有燒鵝脾，不過，唔識分係咪上裝，不過，無所謂啦，唔加錢都有燒鵝脾食，都抵讚。

第一次來，所以選了一個招牌試一試，買了叉燒飯，賣相味道都很一般，肉有點柴，味道也十分普通，這樣的質素貌似並不值$46。。。可能看到「金牌」兩個字，所以對它的期待過高吧！

疫情下食店執粒潮，執下一間又一間。剛剝咗隻牙，幾日冇啖好食，突然想食燒鵝，因為之前試過金牌，今日就試榕哥。叫咗個鵝脾飯，味道吾錯，燒得幾香，皮脆肉嫩，而且夠哂肥，不過價錢係貴，一餐半餐，算啦！睇過其他食評，話店員服務態度差，我又吾覺，點知閒話間原來個店員係新來的，剛上班第二日，態度差嘅店員吾知係咪炒咗呢？！原來燒味飯加$8有例湯跟，凍茶就加$4，見其他食客寧願飲例湯，吾通佢啲湯好味啲，下次會再試！好啦！夠字數啦！下次再評！

比人掟去灣仔新盤跟野(開地圖睇下附近有乜好食, （甘牌之前試過合格性價比唔高),就簡左呢間榕哥試：鵝:嚟到隻脾望落去似營養不良(皮脆肉質正常,但缺乏鵝香)無偷陰肉但食落完全無陳皮味囉！，燒肉(化皮夠脆)都腌得入味。如果時間夠一定過去鵝頸食海記🤩🤩🤩🤩第一日就屈就下🤣🤣,食飯時間由我入去坐底落左單「鵝脾燒肉飯多色！凍檸茶少冰」碟飯嚟到飯無乜色😡凍檸茶都係無少到冰😡我⚠️，叫樓面比杯水我直至到我食飽走人總共叫過4-5個樓面拎杯水都無人拎水嚟🤦‍♂🤷‍♂(今時今日咁既服務態度喺唔得㗎！一定無下次！)