御黑堂 (Closed)

呢間台式飲品有好多選擇，最平嘅$16有杯純茶，有芝士奶蓋鮮果沙冰，鮮果茶，奶蓋茶，髒髒茶，奶茶，黑糖系列，蛋糕雪頂，非常多新奇特別嘅嘢飲，價錢都唔貴。想再省少少，可以用外賣平台外賣自取，可以省$3㗎，意外發現外賣平台平幾蚊，何樂不為呢😆🧃粉桃酪酪 $35 (food panda $32) 走冰三分甜 俾我見到店員係切咗半個桃駁李，omg以為係普通桃😂大家都知桃駁梨偏酸…….第一啖飲落好fresh，三分甜係偏酸嘅但好開胃，有果肉，似食緊桃駁李，果味突出，欣賞佢用鮮果打嘅，但用正常桃會好啲，冇咁酸。今次芝士奶蓋好少，芝士味唔濃，有啲啲芝士味但未到好香，鹹鹹哋。之前飲過密瓜同芒果都好飲，唔推薦桃😂可以飲下其他！推薦指數: 7/10大大杯，抵飲，用料實在！

夏日熱辣辣，一定要飲返杯手搖消下暑🥳今日經過紅磡，就試左呢間新開嘅手搖飲品😌粉桃酪酪（$35）芝士奶蓋超級濃，係偏鹹嘅芝士味，好邪惡呀🤤下面係桃味嘅沙冰，靚得黎仲非常消暑🥶😌桃味唔算好濃，但顏色夠晒靚🤩黑糖布丁奶茶（$25）之後就要飲返個好hit嘅黑糖奶茶🥤仲加左我最愛嘅布丁😋奶茶好香滑，重奶味、布丁就偏甜，下次可以叫少甜😌呢兩杯都打卡度高又好飲，經過一定要試下～#御黑堂 #紅磡 #手搖飲品

平時出開紅磡，都成日見到呢間鋪，但今日先第一次去試，感覺係頗為驚喜，尤其係佢個奶蓋。🤗芒果酪酪 ($35)呢杯野上面有奶蓋，只要有奶蓋既飲品，我都一定係試左個奶蓋先。呢個奶蓋比較流質，但芝士味好濃郁，奶蓋方面我係超鍾意！😍飲料方面，我叫左小甜，甜度適中，芒果味亦十足，好味道！😙夏天咁熱飲呢杯真係好清爽，佢係有沙冰質感，但又唔會驚太冰凍親，非常好！😆三喜奶茶（$25）呢杯野飲入面有布甸、紅豆同珍珠，多重口感🤩，因為布甸比較甜我就叫左半糖。隻奶茶比較淡，茶味唔算出，所以啲主角嘅味道會突出啲😌佢隻珍珠好煙韌好有咬口，鍾意珍珠奶茶嘅大家都可以試下😋

Lunch 時間同同事想買啲嘢飲返公司飲同事話想試下御黑堂就order左兩杯😌離港鐵站都唔算行好遠 都方便穩到店舖飲品選擇種類繁多 咩都想試下😛夏天飲啲凍嘢飲 簡直爽呀😚😚😚-蛋糕芒果雪頂 $38粒粒芒果肉😋再加上香滑忌廉裏面仲有清涼雪頂❤️係呢個又濕又熱天氣 清暑解渴首選🥰.火龍果臟臟茶 $30充滿香甜火龍果肉 同埋 清香茶底火龍果味道好香❤️仲加上香蕉加奶打勻茶味有回甘感覺好好飲嘅火龍果飲品🥰.

今朝好大雨，連仔仔下晝試堂都要取消，但之前應承咗上堂之前帶佢去買果汁，咁見lunch之後差唔多停雨， 就一家人去咗屋企附近嘅御黑堂買飲品。仔仔去到就嚷著老公抱住揀飲品，種類好多 ，仔仔見到啲相，一睇就指住揀咗滿杯大橙子，老公就揀左嘿鳳梨， 買完之後就好滿足回家飲。滿杯大橙子 - 仔仔係咁話好好飲， 我飲過幾啖唔會太甜，味道清香。嘿鳳梨 - 老公話鳳梨及茶味比例均勻， 而且有大大粒鳳梨肉，好有口感。呢度嘅飲品可以自選甜度及冰的多少。

無喺紅磡出沒一段時間，估唔到好多舖頭都轉咗手，其中包括大大雞扒，變咗茶飲店。舖位幾大，舖名好型叫「御黑堂」😎，應該唔係連鎖，因為無喺第區見過。舖頭以熊貓🐼做招牌，幾矚目呢。飲品選擇幾多，有純茶、髒髒茶、奶茶、乳酪同黑糖系列等等，價錢由$1x到$3x不等，範圍都幾闊🥤。大部份飲品都有得揀糖量同冰量，我兩杯均要咗三分甜同少冰，而實際出到嚟都符合商品説明👍。六窨茉莉($16)，🍵茉莉茶味都幾濃，不過建議盡快飲用，否則耐咗會稍澀。另外，我加咗$5要蘆薈，份量幾多，並且唔會整甜咗杯茶。香芋珍珠奶茶($25)，朋友喜歡香芋嘅製品，所以我嗌咗杯畀佢。💜淺紫色美美的，由於減咗甜，香芋味未算非常突出，反而幾香奶味加幾滑。黑珍珠正正常常，幾好咬，有好多粒！小店主要賣飲品，但好似都有賣台灣香腸小食，我見到有個爐仔🔥。題外話，我依日買嘢飲，得一位女店員看舖，佢負責哂樓面同調飲品，勁啊👏！總括嚟講，如果厭倦咗連鎖店嘅口味，喺紅磡(都算係平民美食天堂吖😛)覓食後，不妨買杯試下，反正唔貴。

今日喺紅磡行去何文田，熱到呢...🥺🥺🥺明明落完雨應該乾爽啲，經過哩間飲品店就決定去try try，嗌咗香芋珍珠同店家推介嘅香桃酪酪，因為我唔鍾意食有顆粒嗰啲芋頭製品，但就好鍾意哩種香芋味🤣珍珠份量好多，飲到最後一啖都仲係有珍珠，其實哩杯係朋友嗌，但就係咁比我偷飲!!香桃有奶蓋又有珍珠，哩杯先係我嘅☺️聽到佢切桃嘅聲音，真材實料！嗌咗少冰微甜，所有嘢都啱啱好！如果下次再有途經都會再去飲下🥰

今日行街離遠已經見到御黑堂嘅招牌大黑熊，於是就走去買嘢飲。店員好有禮咁問我飲咩，我呢啲有選擇困難症嘅人，望住琳瑯滿目嘅飲品選單，好難呀！店員見我咁就推薦我飲火龍果臟臟茶，我望下張圖杯嘢粉紅色加白色，充滿夏日味道，於是就叫左呢杯火龍果臟臟茶。我醒起有個同事平時對我好關照，係我關照下佢嘅時候啦！於是我又問店員有咩好介紹，佢就推薦黑糖水晶俾我。等咗一陣間，兩杯飲品好快到手，我飲左啖火龍果臟臟茶，原來唔單止有火龍果，仲有香蕉咖，香蕉加奶打勻，加埋紅肉火龍，清新香甜。而黑糖水晶一摸上手，黑糖是新鮮製作，熱咖。加上燒仙草係入面一凍一熱係口入面，好爽呀！而且黑糖味好香，飲完成個人都好開心。

今日酷熱天氣☀️，晏晝又要外出買野，出門無幾耐已經熱到頂唔順🥵，最後去到御黑堂，望見店舖上menu真係多選擇到有點障礙🤪，之後有個可愛妹妹🧍‍♀️由counter走出黎介紹，最後買左兩柸凍飲🥤💛爆了紅芒果🥭Tropical Mango Tea有芒果加火龍果的味道，甜甜地，夏日消暑之選。💛黑糖出沒抹🍵Brown Sugar要搖勻之後先飲，上層係淡淡茶味，下層係黑糖珍珠，均勻之後味道啱啱好，邊飲邊啜珍珠，另一種風味。兩柸飲品很透心涼，顏色亦好夢幻😍好鐘意佢地嘅漸變色，未飲之前，忍唔住一定要相機📷飲先😝。

店舖態度惡劣，操普通話，沒有服務，飲品全糖飲品，叫了一杯飲品等朋友，黃金時段半小時也沒有人光顧，店舖衛生也欠佳，大家千萬不要中伏，位置也在馬路旁，極度差評。。。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯..............................

After having Shanghai noodles for dinner in Hung Hom, I was craving for a drink, preferably an addictive brown sugar bubble milk. So happen there is a seemingly new bubble drink shop nearby, I decided to give it a try.  To be honest, the whole purchasing experience wasn’t satisfying. The front counter wasn’t attended. Both of the two staff were busy in the kitchen. I waited for quite a bit of time before one of them came out to serve drinks to other customers, saw that I was there waiting to hav

今天試了火龍果臟臟茶，紅色火龍果汁跟牛奶碰上，撞埋一齊，變粉紅仙子。若加埋椰果，少啲冰，更加好味。同系御.臟臟茶仲有芒果臟臟茶，草莓，手炒黑糖，生巧克力。上次試巧克力，即朱古力，好滑呀足料，好味

夏天季節天氣熱的每日都想飲杯珍珠奶茶或水果茶，剛好觀音廟附近開了御黑堂，從此愛上了，隔幾天一定去飲一杯，而御黑堂的珍珠好有黑糖味又Q👍，還有新產品芋香奶茶+椰果等等，我超喜歡，還有水果系列也好飲，而且拍照打卡效果一流很漂亮一放朋友圈，都能勾引到朋友坐車過來紅磡，並且都贊好味，好彩沒介紹錯，在紅磡我算是什麼牌子的奶茶店都有試過，御黑堂是算好飲的一家，所以推薦給大家，最重要的一點是我如果下午飲其他家的奶茶人到晚上會失眠，而御黑堂不會，依然睡得好，這才是最重要的