柚子爐端燒 (Closed)

今晚為老公慶祝生日, 一心想請佢食好嘢, 知道阿蘇介紹過呢間嘢咪去試吓, 食完後唯一感想--- 冇下次!價錢貴都算(都預咗), 重點係食物水準超唔掂:1. 松板牛肉(around$80一串): 成八十蚊幾粒肉以為會好滑好正, 點知每舊肉都係根, 趙唔爛, 簡直呃錢, 天后地鐵站附近嗰間街邊串燒十蚊串牛肉好食過佢!2. 海膽剌身(around$80兩塊仔): 以為是即開海膽新鮮貨所以咁貴, 點知一食就知只是超市貨色, 又係呃錢!3. 天婦羅烏冬(around$80): 隻虾"梅"嘅, 天婦羅汁冇味嘅,烏冬似屋企煮嘅上海麵, 咁嘅貨色成八十蚊, "和X"嗰碗$48好食過佢多多聲, CWB東角嗰間"雪X"嗰碗鷄湯稻庭烏冬間直係人間極品都只係六十幾蚊, 你話俾貴d仲要難食好多咁俾你嬲唔嬲?成餐飯唯一ok嘅係鷄肉串& 鷄軟骨串, nothing else! 唔怪得冇乜客, 七點幾至八點幾黃金時間都只得3枱人(包括我哋), 如果佢再唔改善食物質素而仍然賣咁貴, 真係遲早等"執"! 總知就係錢又洗咗, 嘢又唔好食& 食唔飽, 仲要係老公生日搞到咁冇癮, 早知行多條街去清風街嘅"燒X亭"or 再經濟

首先我係睇左阿蘇個節目先嚟嘅，唔係因為佢D嘢食而係我見到好多年前新世界大關嘅日本經理在節目裏出現，我想見吓佢，好可惜當晚佢不在。在阿蘇的節目內是Sell由日本師傅主理，但當睌唔見佢，是由兩個十幾廿年歲的靚仔攪，都唔緊要串燒冇乜難度，但係果兩條友真係好唔掂，我第一Round Order左雞亦、雞腎、二人套餐，最先來雞腎，嘩裹面唔熱又有雪味，我都好有禮貌叫唔該燒多陣，雞亦來到淡而冇味又係得雪味，燒蒜頭五粒，唔知點解頭果粒燒唔到咁，白雪雪，套餐的串燒來到，豬肉、冬茹、茄子三樣都未燒夠，冬菇係凍的，巳經有小小火，再叫佢燒過，因為有小朋友都冇乜食過嘢，唯有再叫雞亦及雞腎，已叫佢燒熟D，居然話冇三客得兩客，嘩當晚係禮拜冇可能冇貨，雞腎又係唔熟，真係火都嚟，係咪玩嘢，個餐有烏冬，催左兩三次差唔多成個鐘，最後嚟錯左蕎麥面，見到對面枱埋單計錯數，要續張單對，最後果然計錯，之前網友寫的全部中晒，越寫越興，呢檔嘢總之把鬼，老闆娘唔該認真檢討吓，開食店係賺錢唔係"握"錢GA !!

d 野唔好食都算喇!!野飲仲恐怖!!!唔知咩味黎既~到埋單仲要唔識計數收貴我地!一間餐廳應有既野佢全部都冇雖然充滿歡樂但卻得到饑餓唔去喇唔去喇放過我

2007-08-19以前弟弟的friend 在做串燒師傅時﹐我們經常都會去探班﹐坐在counter 上邊吃邊和師傅聊天﹐氣氛和食物俱佳。後來師傅離開了﹐也久不久有去的﹐但慢慢絕對價錢加了﹐食物水準降了﹐就沒有再去。最近見加了個中文名字﹐以前的老闆也不見了﹐相信是轉手了。這天送完爸媽機﹐回家路途上就和弟弟來個宵夜吧﹐順道試試這個新班子可以麼。星期日晚上9﹕45﹐客人不多﹐只有小貓3﹑4 隻﹐不過好像越夜越熱鬧﹐一個鐘頭後我們離開的時候比我們來時人多了。既然是爐端燒﹐當然不會吃壽司刺身了﹐就要幾串串燒吃吃吧﹐反正我們剛吃過晚飯﹐再加一瓶house sake (白雪清酒)﹐應該都差不多了吧。記得以前來﹐house sake 只需要$45﹐後來都是加到$50﹐但就大大瓶的﹐清酒縮水了不在講﹐還收$60 一瓶﹐都幾貴﹐幸好雖然味道較淡﹐但不會太甜﹐算收貨喇。坐了都好一回才來個雞串燒﹐不過不是我們點的喎﹐幸好我們不肚餓。服務員拿回去﹐肯定是落錯單﹐所以師傅說送給我們。先謝過了﹐起碼不用空坐空等嘛﹐而且清酒要有食物送才不單調的嘛。免費的雞串燒﹐肉質嫩滑﹐甜甜的調味﹐非常日式﹐也應該吧﹐師傅是日本人嘛

一家四口，點了以下菜式︰1) 燒羊扒2) 金菇牛肉卷3) 日式炸餃子4) 燒茄子5) 柚子炒飯6) 炒牛肉飯7) 吉烈豬扒烏冬8) 海鮮炒烏冬共$483共落左兩次單，八個菜吃左兩小時。落單至第一碟上菜，需時超過半小時。找人落單，那個待應話轉頭，但個頭唔知轉左去邊。客人坐低半個多小時先奉茶。等食期間隔離台客人走左，待應用茶餐廳抹台法，將所有台上o既食物碎屑掃晒落張chair度。茶餐廳都係掃落地者，佢掃落chair度，下個客條褲/裙一定食晒！至於味道，普通OK，要食燒野唔駛去佢度食，要食日本菜都唔需要去佢度食。加上上菜奇慢，碟碟小巧精緻，一個日式晚餐食兩小時。我個人認為佢轉做法國餐廳比較適合。

一行二人約晚上八時半入座,當時人客不多,只有2枱4-5人.見餐牌有很多不同類型的串燒,一心想試試於是沒叫set dinner.我們order了7碟串燒和當晚推介的海膽炒飯,落了order後再有2pair客入座,我們等了超過25分鐘,第一碟明太子燒雞翼才到,不消半分鐘淸碟後,再等了15分鐘才來第二碟燒雞軟骨. 相反,鄰座的2枱食物卻不斷送上. 又等了15分鐘,無端端上多一客燒雞軟骨,向waiter表示上錯後又10分鐘,第三碟豬肉露荀才到, 此時後我們入座的其中一pair人食物卻已到齊了,我們忍不住向waiter催單,並順道加多一客燒粟米.只見waiter跟串燒師傅講了兩句,便行開了.又等了10分鐘,waiter才過來說粟米及珍珠蠔沒有貨!!!再等了10多分鐘,仍然一碟食物也沒有到,那時我們已坐了約一小時有多!!我們向waiter投訴並要求埋單,她才跟串燒師傅認真的談了一輪.然後餘下的串燒才以約5分鐘一碟的速度陸續上枱, 最後我們問waiter海膽炒飯是否又沒貨了, 她才向我們說炒飯要客人叫起才炒!! 天呀,那時我們已坐了個多小時了,之前無貨唔我們交待,我們已追過單的炒飯又不告訢我們要"叫

always bought lunch set there but this timethe beef set is badtotally no salt also ...very cheap that they only give me a very very small bowl of Miso Soup (they use a very small pudding container to carry the soup) beef is dried not like before but price is more expensive $48/ set

隔了一日又到天后食串燒，估唔到呢間環境企理的日本餐廳還差過士多形小店的串串貢。要了個串燒二人餐︰沙律和三文魚壽司都唔好食，餃子就炸到金黃色，而味道亦很好。主菜串燒就麻麻地，揀了金菇牛肉卷(ok)﹑八爪魚仔(=燒魷魚味)﹑雞脾肉和冬菇(無咩味)。最後個麵豉湯簡直如滾水般，好失望。

尋晚七八點都只係我哋一枱客,隔離都有六七成入座,下次都係去多人的食好D.<br />初時選佢\係因為想食清酒煮蜆,食物不過不失,但服務就...麵豉湯唔記得上,會唔會係飯後先飲湯的呢?

Just happened to go to Tin Hau and found this small little Japanese grill restaurant. Their dinner set menus are very reasonably priced and delicious. I especially love the beef steak choice.

今日返天后同舊同事食lunch，去了我一向鍾愛的YUZU，貪佢環境企理，食物多選擇。無去一大排，menu多了很多新沒的set lunch，秘書姐姐點了雜菇豆腐扒，我就要咗daily special日本珍珠蠔煱。雜菇豆腐扒($38)極度清淡，大大件的豆腐炸完再用上湯煨，雜菇新鮮味濃，材料上乘，味道偏淡，女仔還可以，男仔一定覺得味太寡。我的珍珠蠔煱($88)有五大隻蠔，蠔味超勁，新鮮滾熱辣，正！其他同事點了肉眼扒餐($48)，他們都說不錯。這裡最正的是串燒，尤其燒雞翼，有機會記得試呀！

其實間野既食物質素唔差, 串燒同魚生水準都中上,只係服務態度同方法令我地唔會再去。一班朋友晚上食all u can eat, 落左第一次單, 等左二十分鐘先黎第一碟野食, 唔駛十秒已清碟, 呆坐五至十分鐘先再黎一碟, 又清, 心諗, d 野咁黎法, 食多兩碟便夠鐘(因有限時),所以便催單, 同埋落定單, 等佢多d 時間準備, 點知d 野仍然係黎得好慢, 催都冇用, 但眼見其他散叫既客人都一台都係野食,人地兩個人食完留低既竹籤仲多過我地一班人, 佢地仲要遲黎過我地, 分明係唔出我地d 單。好啦, 落左幾次單, 第一round d 野都未黎齊, 仲係陸續上緊,時間又差唔多完, 隔黎一枱都係野食, 問佢佢又話整緊, 最後差唔多夠鐘last order啦, 問佢仲有d 咩未黎, 等我地可以預返叫多幾多野食, 點知佢態度惡劣咁講"你地叫左好多野食囉!"最後佢比我地坐到過晒鐘, 食齊先走, 但都谷氣, 餓都變唔餓啦, 最後check單睇返有d 咩未黎, 唔睇猶自可, 原來張ORDER紙MARK左記號, 邊D 係散叫, 邊D係ALL U CAN EAT, 鬼咩,咁做生意都得既?!D 野幾好食都係咁話

久違了openrice兩星期，皆因要搬屋，啱啱好哂啲嘢，先至有時間寫食評。以前成日去YUZU食lunch，轉咗工之後就無再去，搬屋前的星期六心血來潮想重游舊地，於是相約男友懷舊一番。YUZU嘅set lunch超抵食，$40就有交易，包前菜、麵豉湯同餐飲。我們一共點了肉眼扒餐、金菇牛肉卷餐、一客(共4隻)燒雞翼。肉眼扒要了medium rare，火喉控制得極差，端上來己是well-done。印象中YUZU的肉眼頗厚身，食落亦juicy，眼前的這塊扒，實在令人失望。金菇牛肉卷餐係新菜式，賣相超吸引。金菇牛肉卷外形十分包滿，金菇新鮮且十分之多，牛肉不會過肥，口感極好，推介！串燒一向是YUZU强項，燒雞翼亦係强項中之最強。見師傅邊燒邊灑盬，燒成十五分鐘先上枱，十分用心。雞翼外皮燒得極脆，難得肉質亦keep到鮮嫩，必食！如果唔係個肉眼扒累事，我一定比「笑臉」，因為金菇牛肉卷同燒雞翼的確唔錯。

第一次到天后食飯,友人介紹這裡叫左二人套餐再加幾款串燒沙律-一般壽司-非常一般,如非套餐,可以不點串燒-燒得剛好,味道不俗本人都認同之前的食評服務水平麻麻,所指是態度加質素

相爺你好!我是那間餐廳其中一位員工. 我想跟進當晚發生的事情, 從而改進日後的食物及服務質數. 煩請問你是在那天來食飯的, 是4月8日當晚或是其他日期? 大約幾點?可否簡略形容一下哪位侍應的外貌. (你追食物幾次是否同一那位侍應?及埋單那一位侍應)生牛肉刺身是一款薄切的刺身, 所以一定是在雪凍的情況下切薄片, 然後等2分鐘兩左右(看情況來定)就要給客人, 因為生牛肉如放得太久的話,當客人一夾起牛肉會散開及唔新鮮. 刺身本身是冷食的, 但如果有雪的話實在不對.真的唔好意思! 令你吃了餐不愉快的晚餐. 好多謝你的意見! 我們會努力改進, 希望日後可以再有幾會為你服務. 希望得到你的回覆.