齊柏林熱狗店 (MOSTown Street新港城中心大街(2期))

Open Now

Now Closed

聽聞呢間熱狗好好食，成日想試下，由佢開第一間到而家總有一間係左近，終於開左間係附近，梗係要塊試下啦。今次點左好邪惡嘅芝士辣肉醬熱狗🌭️呀，面頂係爆多芝士，啲芝士可以拉絲，啖啖都食到豐富芝士同熱狗腸，而且大大個，飽足感100%，再點埋芝士薯條，同樣係芝士滿滿嘅係薯條上面，熱辣辣食，超正，芝士控黎講真係好滿足呀！整體係好食，cp值又高，午餐有時唔知食咩就可以試試佢，啲店員都好nice架，環境又夠寬敞，搵下邊間係你附近試下啦

齊柏林熱狗店越開越多今次終於開到嚟馬鞍山啦身為馬鞍山之友點會唔支持不過因為疫情關係所以冇得堂食要外賣拎走第一次食唔知食邊個好直接叫咗個best Seller熱狗🍽澳式風情熱狗🌭️$38一打開已經香味撲鼻餡料都好足有芝士、煙肉、菠蘿、千島醬同紐綸堡腸成個包好鬆軟好Juicy唔會食到好狼狽跌晒啲餡料出嚟好味👍🏼再加$12套餐叫咗兩個小食🍽炸薯條🍟好鍾意炸薯條配送個醬千島醬混茄汁估唔到咁好食薯條點埋個醬一齊食唔覺唔覺就已經食晒🤣🍽牛油粟米🌽正常牛油粒粒粟米味道💬整體賣相同味道都好好上餐速度好快下次都會再嚟買外賣😋

黎幫襯呢日係馬鞍山齊柏林開左大概一個月到, 今日同朋友們gathering, 所以我地買左幾款熱狗再加小食🌭🍟好開心呀，可以一次試試幾款口味首先, 係我最愛既澳洲風情熱狗, 佢配料有洋蔥同千島醬, 係比較甜既口味。而熱狗腸係比較大同實既口感。田園風味熱狗食落好清新，因為佢有好多蔬菜，而熱狗腸係比較幼同淡味既，同d蔬菜非常夾，如果個日想食d fresh d既可以揀呢個然後呢款係辣肉醬芝士熱狗。個人覺得呢款口味好普通，d醬料係茄汁加芥末，同平時係某家施店食既好似。而辣肉醬就唔覺得辣另外叫左兩款薯條，一款係芝士辣肉醬，一款係芝士煙肉。最驚喜既係份量好多呀我覺得兩款味差不多，因為辣肉醬唔辣

開左好多間分店，大大份熱狗價錢唔貴，款式多。叫左澳式風情熱狗($38)，美國洋蔥圈熱狗($36)，套餐加2個小食(加$12)。芝士半溶鋪係面頭，千島醬混合煙肉、菠蘿，啖啖都食到餡料，而且多到好似傾瀉咁。紐綸堡腸香口肉味重，原來每款熱狗既腸仔係唔同。尼款熱狗既食到腸仔，又食到小食洋蔥圈，岩哂心大心細既朋友。洋蔥圈炸到脆卜卜，法蘭克福腸好似脆皮腸咁，外皮脆。加$12就可以有2款小食，抵。薯條正常，耐左食都冇出油。粟米牛油味唔算好重，但量多。食完超飽整體，鋪頭人手多，分工清晰，所以唔駛等好耐。

齊柏林熱狗🌭️店，宜家好似便利店咁，總有一間喺左近😂今次阿魚去咗馬鞍山呢間！都真係幾多人！因為佢係即叫即整，所以要等一等！佢都有成8款熱狗🌭️阿魚話食「火炙芝士辣肉醬熱狗」（$42）加飛船小食杯（$26）不過佢無堂食只有外賣🥡「火炙芝士辣肉醬熱狗」真心好多醬，芝士好厚！非常足料👍🏻中意熱狗嘅朋友一定要試下！下次要試下「澳式風情熱狗」先！齊柏林熱狗店地址: 馬鞍山鞍祿街18號MOSTown新港城中心二期地下G2/01號舖電話: 57026046

黃店點都要支持下，個人馬馬地食熱狗，不過開到成行成市總有佢理由？近近地決左試吓，因為本身都食飽左咁去食，點左美國洋蔥圈熱狗，無再加其他小食講返個熱狗，個包好鬆軟！個底有處理過脆脆地，超好食！仲有陣甜甜排包個隻味洋蔥圈新鮮炸好，仲脆卜卜，係有驚喜！條腸就無咩特別啦，就一條熱狗腸😂😂

十款熱狗 款款都想食😂但女友唔食辣就少左好多煩惱🤣叫左個洋蔥圈熱狗唔係講笑 依隻熱狗 係香港黎講比到驚喜我面包 - 係用心製作 烘過 口感好正 唔同一般果啲就咁得舊包洋蔥圈 - 傻的嗎 好食過人地餐廳特登整既洋蔥圈😂😂😂 本身我仲以為食一兩啖就會唔想食 我錯了😭😭😭腸 - sigh.....講起好笑 同女友每人食左一啖之後 食食下發現大家都係食緊包同洋蔥圈 食到最尾先知條腸一直跣落去😂 然後佢諗住慢慢整番出黎啦 點知一野跌左 大家都無得食😂唔緊要 下次再試！

想講等左好耐終於喺美食沙漠開左齊柏林熱狗，開心左好耐！依家馬鞍山店有7款熱狗簡，德國酸菜熱狗就暫時未有既，不過相信都好快會有架喇！今次簡左好出名既火炙芝士辣肉醬熱狗，非常足料見到好多芝士好多肉醬，味道方面微辣而且香口，啱曬啲唔太食得辣既人。睇圖見到芝士煙肉薯條好吸引所以都嗌左個，啲芝士同煙肉係多到可以每一條薯條都yum到，好抵食好好食。不過一個熱狗加一個小食會少飽，食唔得太多既人可以轉set，又可以有野飲。

選了兩款熱狗1）火灸芝士辣肉醬熱狗2）德國酸菜熱狗由於可能佢地即叫即做 所以等候時間係偏耐不過美味美味 愛酸酸開胃的女孩子必點德國酸菜熱狗～非常熱烈歡迎貴熱狗店 來臨馬鞍山🤩

又係幫襯黃店嘅時候，偶然見到呢間熱狗好似好好食咁，又咁啱喺附近有一間，就決定去try try佢🍴 熱狗店入面唔少人等緊，雖然只有外賣option，人氣仍然十足！一個熱狗再加個set(我會加薯條&飲品)，差唔多$60，已經係好perfect嘅tea/ light lunch。雖然拎返去路程要15分鐘左右，但嘢食依然好味，熱狗十分足料，腸仔加埋熔化嘅芝士topping好夾，條腸唔係平時「慳皮」細細條嗰啲，係同熱狗一樣咁長呀！ 雖然薯條冇即食咁脆，但為咗自己、家人、朋友著想，都係唔好邊行邊食喇🤭 價錢好合理，回味無窮，未試嘅快啲去試

難得今日放假即刻諗起想試好耐呢一間人氣熱狗店—齊柏林熱狗🌭️ 之前開嘅時候已經好想試㗎喇... 因為太多人排隊所以一直都冇機會試過！今次先試試兩款人氣招牌熱狗 - 芝士辣肉醬熱狗同埋士林原味熱狗😍呢個神秘嘅綠色盒一打開就係兩隻好吸睛嘅熱狗😍😍😍 兩隻熱狗嘅味道係好明顯唔同嘅，芝士辣肉腸嗰隻個辣肉醬就惹味得來又唔係好辣，反而芝士味重啲，由於鋪滿左芝士，一咬落去嘅感覺係完全爆滿個口裏面😋😋😋佢個麵包仲要係有烤過有少少燶燶哋，所以食落去唔係一般行貨熱狗包，係真係好夾另外佢仲可以加$12配兩個小食或者一杯汽水+1個小食，我哋揀咗一個小食加一杯汽水另外加$5換到大薯條佢個芝士醬加茄汁都好match，唔會好鹹同埋仲係粗薯條添😍 有咗呢間熱狗🌭️ 馬鞍山從此唔會係美食沙漠喇💛

到咗下午茶時間，唔想成日食粉麵，偶然食吓包點都幾好馬鞍山開了新嘅熱狗店，試吓啦入正題～食物：熱狗OK, 粗薯條，冰菠蘿熱狗$38，加$12可配套餐，可以揀兩款，薯條/飲品/冰菠蘿/粟米環境：外賣店，沒有位子。（如果即刻食一定更加好味）

聽講馬鞍山開咗間黃店齊柏林熱狗，今日終於試咗😆食咗個Best Sell嘅火炙芝士辣肉腸餐，配薯條&粟米。薯條一如外界所講嘅拎有啲「林」，但配埋佢哋個醬又幾match 🤪粟米幾香牛油味同甜甜哋，唔錯👍🏽到個主食熱狗🌭️份量都ok夠飽，可能拎返屋企先食所以有啲啲凍咗，啲芝士硬咗啲...個包好鬆軟！條腸都夠味，配埋啲醬食一流。不過落單時叫咗走蔥但最後冇走到🙉希望下次做得好啲👍🏽香港人加油5201314

我個人比較論盡 所以極少會喺街食熱狗(ikea除外🤭) 因為咁 所以雖然齊柏林好出名💛 最近又開左好多分店 但我一直未幫襯過~~今日忙到只能宅在家工作 見媽媽去開新港城買餸 我就麻煩佢買熱狗番黎喇!😛我同媽媽一人試左一款味💁🏽‍♀️美國洋蔥圈熱狗 ($36)洋蔥圈當小食咁食就多~~第一次見串左落條熱狗腸咁食 發揮左個圈既功能😆雖然我屋企同齊柏林都有3個字車程 但係洋蔥圈食落又唔會覺淋左 內裹既洋蔥唔係’薄切切’既 炸漿唔會過厚👍🏽澳式風情熱狗 ($38)第一眼見到就比熱狗面頭個層已經凝固左既芝士吸引住🤤洋蔥圈熱狗配個條法蘭克腸就脆身d我就鍾意呢個熱狗配個條紐綸堡腸 香草味重😋菠蘿既水份加上千島醬令到熱狗味道幾豐富👍🏽整體黎講💁🏽‍♀️覺得齊柏林既熱狗比想像中大隻~~感覺每款熱狗既配搭都用心設計過 配料豐富而質素唔錯👍🏽下次再幫襯先! 💛

今次在譚仔三哥旁邊開了間新店，名叫「齊柏林熱狗店 Zeppelin Hot Dog 🌭」，門口有大大個menu好清楚地寫著各款熱狗連相。大家留意返：「紐約辣味熱狗」和「德國酸菜熱狗」都是「Coming soon...」Menu上面有3款熱狗是「Best Choice」，分別是「火炙芝士辣肉醬熱狗」、「士林原味熱狗」和「澳式風情熱情」。因為熱食是即叫即做的，所以製作需時。我個人喜歡食紐倫堡腸，所以點了「澳式風情熱狗」($38)。紐倫堡腸是煎香過的，配煙肉和菠蘿，再加上軟綿綿的芝士同千島醬，感覺好清新，味道亦都好match!!而朋友就點了「火炙芝士辣肉醬熱狗」($42)，另外再加了兩款小食(+$12)，分別是：細薯條和冰菠蘿，都好好食。