Video
Opening Hours
Today
12:00 - 22:30
Mon
12:00 - 22:30
Tue
12:00 - 17:00
Wed - Fri
12:00 - 22:30
Sat - Sun
11:00 - 22:30
Above information is for reference only. Please check details with the restaurant.
Recommended Dishes
【大埔區】【齊柏林熱狗店】呢一餐其實已經食咗一段時間，不過嗰時都係六點堂食限聚令。以一個「未來人」嘅角度去睇返當時嘅防疫政策，感覺幾個月前病毒仲未變種時係好過而家。不過，其實個政策冇乜分別，仲多咗人打針，反而而家搞成咁。食呢餐嗰時係喺大埔，啱啱喺大埔運動場睇完菁英盃晉峰三比三打和標準流浪嘅賽事，標準流浪巴辛吐口水導致曾仲楠報復被逐嗰場。又用返未來人角度，嗰時係好痴線，趕去睇波、食嘢、返工，而家望返轉頭就覺得值得。喺睇完波同返工嘅時空夾縫之間，我仲有幾個字嘅空間食嘢，呢間熱狗店當然係我最好嘅選擇。據我所知大埔好似唔止一間齊柏林，所以我都會標示返係大埔區裡面近太和翠怡花園嗰間分店。努力改善緊個做法，歡迎畀意見。講咗咁耐都未入正題一陣又跌晒啲 like 落街，入到去諗食乜時見到宣傳 poster 講呢個「士林原味熱狗」套餐，多口問句係咪新出，店員回應出咗一段時間，好，未食過就當新啦。咁就叫一個嚟試吓，慢慢等佢上菜。上菜前睇佢嘅成份有「茄汁、黃芥末、酸瓜醬、燒烤汁、芝士粉、匈牙利腸」，都大概估到係點嘅味。嚟到之後見到果然係咁，就係偏濃味，不過食熱狗本來都避免唔到重口味醬汁，最重要係佢又真係幾好食，好快啪晒。個餐仲有「芝士大薯條」，之前都食過，都係食到後尾覺得有啲鹹，咁樣就 $48 喇，都幾 okay 嘅價錢嚟。加多 $6 要咗罐維他「氣泡檸檬茶」，當時算新新哋嘅產品，而家就冇咩好講喇，都幾好飲。埋單 $54，係咁多。。。（地址：大埔翠怡街 3 號翠怡花園 C 座地下 9A1 舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0588 #globaleats #lunch #foodpics #followforfollowback #love #eat #1am大埔區 #大埔 #齊柏林熱狗店 #齊柏林 #熱狗店 #hotdog #熱狗 #太和 #士林原味熱狗 #芝士大薯條 #氣泡檸檬茶
continue reading
講真，成日支持齊柏林，但係唔係間間分店都可以保持水準。但係，太和呢一間真係每次食都覺得好好食！落左單十分鐘，一行到入去就包好！又香又熱辣辣，二人餐先$90有兩個熱狗兩個小食兩杯汽水，芝士熱狗大量熔岩芝士，加埋粟米又香又好味；士林原味熱狗條香腸咋喎不過就覺得有啲辣，應該係啲芥辣同埋酸菜，但熱辣辣就是好食。薯條炸到卜卜脆，感覺就算凍咗都係好好食嘅；飲品如果要免費一定要汽水，如果係冇汽嘅飲品就要加$10，略嫌貴咗啲。 $90 黎講，兩個人有飽又好食，性價比很高。
continue reading
呢個鋪頭真係好多分店, 有時行街都成日見到佢我時不時口痕想食熱狗果陣都會買~ 永遠都唔會中伏~~間鋪係做外賣為主.雖然即整但野食好快就拎得~熱狗包係自家工場生產 香港製造 不含防腐劑 !!我基本上都係叫澳式風情熱狗式者肉醬果隻 呢兩款都好岩我口味~熱狗GE芝士夠多同埋 薯條好好味~ 份量都多.佢連埋薯條果個醬真係必點 勁中意!!為左減低罪惡感 野飲我會簡返白色可樂 HAHA食完一個套餐 女仔來講都好飽LA~題外話::我朋友最中意佢個芝士薯條 話好好食
continue reading
而家愈開愈多分店 想食隨時可以去食🤤好鍾意佢地啲熱狗 佢地個熱狗包都係自家廠房生產架😍好正 可以自己買返去食熱狗食🤤💕士林原味熱狗 $33好經典既熱狗🤤太耐冇食都係要嗌返個食下😋條熱狗腸唔會好乾 醬汁都好足夠💕紐約辣味熱狗 $38鍾意食辣既一定要試吓呢個紐約辣味熱狗😍熱狗上面放咗滿滿嘅特製辣黃芥末同茄汁 自己個人認為都幾重口味🙊但食落去每一啖都好滿足🤤而且好夠辣 越食越過癮 所以如果唔係好食得辣嘅朋友仔就要留意一下啦😉另外都想讚下佢哋嘅匈牙利腸 好有肉汁啊🤤💕澳式風情熱狗 $38呢個完全係第一位必叫嘅熱狗‼️好有驚喜😍入邊係有芝士🧀煙肉🥓菠蘿🍍千島醬同紐倫堡腸🤤返到去用焗爐整返熱黎食都好正 啲芝士溶溶地好邪惡😈仲有拉絲添🫢估唔到會食到菠蘿🤣出黎既感覺比我想像中好好多 小清新令到成個熱狗冇咁滯☺️呢個熱狗腸同啱啱嗰兩款有啲唔同 佢係比較幼身 好juicy好多汁😋我鍾意呢款多啲💕💕黑松露醬大薯條 $30份量超級大😍薯條都即叫即炸好香脆 同黑松露醬真係絕配🤤好濃黑松露味 又唔會好漏😚最重要係好豪氣咁比左兩兜黑松露醬 咁就唔怕食到一半唔夠醬點啦😌鍾意食黑松露既一定要試下佢地既黑松露醬薯條‼️💕炸魚薯條 $30驚屋企人唔夠食 嗌多左個炸魚薯條☺️估唔到份量係超級多 炸魚有驚喜‼️炸得啱啱好 食落去都唔會太乾 好好食🥳💕辣雞 $24兩件佢地啲炸物真係唔錯🤤舊雞好香脆 咬落去都仲食到肉汁‼️而且辣辣地好惹味😋💕菊9汽 $9試左佢地新推出既飲品🤣其實係有汽既銀菊露 味道都幾特別🫢好啱解下油膩既感覺 而且佢有汽好爽😚
continue reading
講起熱狗🌭一定會記得起呢間港九新界都有既齊柏林🥳食過好幾次唔同既分店 質素都係保證之上熱狗店以外賣為主 有啲分店會有bar枱堂食位置食物係即整 不過需時唔洗好耐😌唯一改善既地方係油煙味既處理 抽風系統需要加強🫢➷ 呢度既熱狗包係自家廠房生產 香港製造🤟🏼食包都要保持高質素之餘 仲可以食得安心🤤➷❐ 火炙芝士辣肉醬熱狗❐ 澳式風情熱狗先講吓個包 咬口真係幾軟熟 外皮仲有少少脆口感🌭個人認為就咁食個包都唔錯 又唔會乾身👍🏼餡料亦好足 隻隻熱狗都係咁豐滿 見到都流晒口水🤤今次揀咗兩款都係店舖既皇牌 配搭上都好夾😋辣肉醬芝士 千島醬菠蘿煙肉 完全係邪惡之選微辣既肉醬令到我一口接一口不停食🫢澳式風情好有食pizza既感覺 係一個唔會失敗既味道😆最緊要係面頭個層芝士🧀簡直係熱狗既靈魂🤤隻熱狗真係好大隻 拎起都覺得好聚手😂➷❐ 黑松露醬大薯條❐ 脆香單骨雞翼❐ 炸薯餅佢無講錯 薯條真係大 又大份又大條🍟炸得幾脆身 未沾醬前都已經先加分黑松露醬既黑松露味都幾濃郁 唔算淡口👍🏼配上薯條又係一個絕配 佢都係必點既item之一😋➷❐ 菊9汽汽水好有趣既一個名 同時創意度好高🫢因為未遇過涼茶汽水😂其實佢係銀菊露汽水 成件事對我黎講好新穎佢無一般涼茶咁重味 唔鐘意飲涼茶既朋友都可以試吓👍🏼有陣淡淡既銀菊露味 同時又可以享受汽水据返晒既感覺🤤加上佢唔甜 呢啲天氣飲真係幾舒服🥤➷正如我所講 佢地雖然有好多分店但係每間分店都可以保持到水準 呢點值得讚👍🏼由麵包到配料都係用心製作 熱狗黎講佢已經好高質🥳➷🧸🌞C.ookingbear推介指數 👉🏼👉🏼9️⃣🌟
continue reading