新蒸武門 (Closed)

今日午餐跟同事都駱駝漆大廈試試住家菜做午餐，匆匆1小時的午餐，我哋大班人通常會揀茶餐廳就算，對食物嘅質素冇乜要求，務求喺短時間做到食完午餐，又準時返公司為目標。今日令我喜出望外，原來喺觀塘呢個打工仔密集搵食嘅地方，午餐都可以食到住家菜感覺。我揀咗佢哋午餐嘅土魷蒸肉餅，肉餅上碟一啲都唔馬虎，大大碟好多土魷，土魷亦夠彈牙，我最鍾意土魷嘅香，送飯一流。餐飲我選了是日例湯，感覺好似少味精過茶餐廳嘅例湯，不過都幾多油，有少少失望。

諗住好好地去飲碗湯，點知一飲落去就知中伏，原來係..........味精湯專門店，飲完出去即刻要買返枝茶飲，飲晒成枝都仲係口渴，另外食左個籠仔肉餅飯就叫正常咁啦。

黎左觀塘返工無耐 平日都帶飯 今日同事話帶我去駱駝漆大廈食lunch 咪try try佢🤣🤣估唔到 Lunch 平平地佢會有湯飲 碟飯又咁足料 唔會得啲飯 仲有 佢比起出面落得多菜 食到好滿足😛😛😛同同事叫左兩碟飯餸share食 個滑蛋叉燒飯啲蛋好滑 但感覺唔油膩 加埋個菜乾湯😽😽就啱啱好之後試埋同事個土魷蓮藕煎肉餅飯 一塊好大舊肉 佢俾左兩塊我 都好夠食 入面勁多蓮藕粒 爽爽脆脆 啲肉又入味 個煎肉餅實整得黎 又香口👍🏻👍🏻👍🏻見到佢有好多湯麵🍜見啲人叫左 個賣相幾好 下次一定再試！！！另外衛生措施都做得唔錯 會量體溫🤒️同有樣圍住 可以放心係入面食野

日日出街食lunch，好似無乜比較健康嘅選擇，經朋友介紹，原來駱駝漆工業大廈內有間住家飯feel嘅食店，就見識吓啦～門口餐牌列出十二款餐可以選擇，比我想像中多；有我好鍾意嘅蓮藕花生雞腳湯，已經夠吸引，我哋揀咗薑蔥蒸鯇魚丶蓮藕蒸肉餅 嚟share食，配埋一大碗飯，平時會食唔哂，但今日竟然食得哂！有老火湯丶有新鮮蒸餸，$47都算好合理蓮藕花生雞腳湯 - 無味精，足料，味濃，大愛薑蔥蒸鯇魚 - 新鮮，無乜泥味和魚腥味蓮藕蒸肉餅 - 份量係少咗啲，但味道幾好

媽媽對這間店的燉湯念念不忙，即使同佢試過其他私房菜亦滿足不了她，最近網上購物剛好約在駱駝漆大廈取貨，就再次係度食晚飯～避免左揀右揀，我們一於選擇了$350的二人餐。肉類菜類和海鮮類中均可以選擇一款，套餐價可以以$38加一碗燉湯。是日燉湯有兩款，包括無花果海底椰雪梨燉豬、蟲草花花菇燉雞！一人一碗不用爭湯頭多料不在話下，蟲草花清甜、雞滑夠味、湯一啲都唔油膩而且味道豐富，一啖𡃁湯背後充滿心機燒汁牛柳夠鑊氣又夠稔，黃椒翠玉瓜清甜爽脆菜類則點了清淡的紅棗濃湯浸娃娃菜，菇味香，食得出完全冇味精！四隻蒜蓉粉絲蒸扇貝惹味非常，拌入金銀蒜的粉絲餸飯一流埋單不用五百大元，物超所值，必定會再來品嘗其他餸菜

朋友喜歡食家常小菜，這裡就非常合適，簡單的裝潢，但食物質素有水準。今日喉嚨有点不舒服，所以選了無花果海底椰雪梨燉豬展，味道非常清甜好味，而朋友選了姖松茸螺片燉雞，濃濃的螺片味，味道也很好，兩款燉湯用料十足。鮮腐竹浸時蔬，腐竹炸完放入上湯，再配上鮮菇，雲耳及蔬菜，健康之餘又好味。豉汁龍躉球蒸豆腐，龍躉非常新鮮加上豆腐嫩滑，味道清甜可口。土魷蓮藕煎肉餅，啖啖魷魚的香味，味道濃郁，加入蓮藕粒令肉餅更加爽口。

這是一間非常嘈雜的家庭餐廳，他們像在玩遊戲一樣在水槽里扔碗扔盤子。整個午餐就像置身在馬戲團裡一樣。員工大聲談論客戶怎樣怎樣的，別指望服務有任何水準，比在街市吃飯更糟糕。相信便宜的食物仍然值得一個安靜的地方和適當的態度。他們員工吃的菜就好香，我們點的蒸籠仔蒸肉餅和黃酒雞就非常一般，說的是20分鐘現煮，不到5分鐘就送到了，黃酒雞也不夠熱，飯也不夠熱，如果為了醫肚也不推薦，實在太嘈了，如果是價錢問題，也不是超級便宜，一點都不推薦。

話說今晚同屋企人黎觀塘做節😊想食得清淡健康好自然諗起新蒸武門🤪所以話改名幾緊要！😂😂😂其實幾年前食過，印象中不過不失啦。幾年後再試，睇下有無進步先😂我地叫左個套餐B🤓首先每人有一杯茶，裡面都好足料😌出邊天氣凍飲就岩晒🤓燉湯二揀一，我就揀左猴頭菇，果料非常足料！！所有野都燉左好耐，好入味好稔😂😂不自覺係咁食。春卷熱辣辣炸起，香脆可口👍🏻👍🏻咕嚕肉炸粉薄，不過咁岩夾到舊99.5%係肥膏😂😂😂吐到吐唔切，但調味岩岩好！鮑魚一人一隻，我無食到，屋企人話ok，但我眼見好似un un地🙈蒜蓉粉絲蒜扇貝係不死配搭😆蒜蓉夠多！粉絲又索晒味😏😏點會唔好食🤣蒸龍躉腩都好唔錯，啖啖肉都幾鮮味，而且分量都幾多！最後要讚讚個炒飯😋😋加入左咸蛋黃炒，好咸香，最重要係唔油膩呀！！飯炒到乾身且粒粒分明，又足料喎，我覺得好好味😚飲飽食醉捧住個肚走🤪眼見不斷有食客，所以要食book定枱就穩陣啦🤓同埋啲餸有啲都好油，亦唔覺得清淡🙈🙈好似已經唔係主打少油鹽糖既健康私房菜咁🤔

今日同朋友喺駱駝漆附近搵地方食飯，佢唔鍾意食西餐，我又有啲感冒想食清淡啲，於是就諗住搵間嗌餸食飯嘅餐廳，上網搵到呢間新蒸武門，見佢標榜健康冇味精，就決定試吓。我哋叫咗個孖寶套餐，有土尤蓮藕煎肉餅同埋蟹肉西蘭花，另外再散叫多一個燉湯，章魚赤小豆蓮藕豬𦟌湯。燉湯非常足料，冇味精但都夠晒味肉餅有驚喜，雖然係煎但係冇油膩嘅感覺蟹肉西蘭花啲芡汁俾得夠，味道都ok兩個人埋單二百幾蚊，以兩餸一湯嚟講唔算平，好彩食物質素夠高，真係一分錢一分貨。下次想食住家餸都會再嚟

同朋友喺觀塘行咗好耐，搵極都搵唔到啱心水既餐廳，忽然諗起有朋友提過間叫蒸武門既餐廳唔錯，就上咗openrice search，餐廳喺駱駝漆大廈入面，駱駝漆大廈係區內都幾出名嘅工業大廈，收埋好多餐廳，就決定想去試吓。出咗lift望咗兩眼，發現餐廳喺木門再轉入去，都幾隱蔽，平日晚上去到餐廳內嘅食客都唔少，望左望餐牌，價錢幾經濟實惠，菜式都好吸引。入到去坐低，餐廳提供每位一杯茶飲，有杞子菊花同其他藥材都幾潤喉。我哋兩個人order左一個二人餐晚飯孖寶，係煎肉餅同埋蟹肉西蘭花。另外仲單點左一盅燉湯，清澈冇味精味，啱晒鍾意飲湯嘅我。埋單二百幾蚊，性價比同食物質素成正比，小店來講算幾有hreat，可以再試。

出街食好多時都好唔健康，難得觀塘有呢間新精武門，主力做蒸餸，同埋燉湯。門口有窩心熱飲供應。lunch有好多時候唔知食乜，我都幾鍾意食呢間，貪去價錢公道，味道又好又健康。今日同朋友嚟所以叫多咗嘢食，叫咗個芙蓉蛋飯，涼拌豆腐，我就叫咗個蒸籠雞飯蟲草雞配燉湯。今日嘅燉湯係老黃瓜赤小豆甘筍豬骨湯，個湯仲有好多餸喺度食真係真材實料。荷葉雞飯D雞好滑雞，D雞汁味落曬啲飯度好正！用荷葉包住，所以飯有荷葉嘅香，配上蟲草花同埋香蔥，大大大啖食好快就食晒！試咗少少排同事個芙蓉蛋飯，啲蛋都煎得好香！個心係滑蛋嚟嘅，撈埋一齊食仲有啲菜卜都幾好味。另外叫咗個涼拌豆腐！麻麻辣辣既醬配上香滑嘅豆腐，係一個開胃好餸！飲品叫咗個雪梨水，好潤肺清甜！真係圓滿啊！

呢度嘅茶杯好精緻好有氣派感,茶用上養生材料,菊花紅棗圓肉等,味道跟健康更勝一般的茶!!!話梅豬手凍食,首先冇諗過咁大碟,好入味有話梅嘅甜又有酒香,層豬皮好爽口,既有骨吮又有肉咬,平時出面食凍豬手,成日都覺得唔夠食唔夠喉呢度一碟咁大碟,認真滿足,同埋豬手做得咁入味,呢度真係做得好成功!!!足料燉湯之:姬蟲草螺片燉雞,有圖有真相啦超足料,啖湯夠熱飲落去好醒胃,姬蟲草嘅香同螺片嘅鮮甜 ,好滋味!!!是日燉湯有兩款選擇,另一款選了依個無花果海底椰雪梨燉豬,呢個燉湯嘅療效真係啱曬轉季夠滋潤,重有落南北杏,正!!!龍躉球蒸豆腐,用豆豉蒸好野味,龍躉球好嫩滑無骨啖啖肉,豆腐口感同樣嫩滑,兩樣野夾埋好相襯!!!節瓜浸魚滑,味道清清地感覺好清新健康節瓜魚話仲有冬菇同雲耳口感豐富!!!魚滑一d都唔腥,新鮮!!!魚肉點呢個豆瓣辣醬更加惹味 呢度除咗有散叫小菜仲有好多餐可以選擇,有二人三人四人餐,包埋湯同白飯,d餐已經有海鮮選擇即使二人餐都有,認真抵食!!!***個人認為呢度嘅食物味道都係偏淡嘅,味不會太濃,感覺健康,第一啖入口已經知道完全零味精,原汁原味!!很欣賞!!

今日我哋去觀塘食呢一間私房菜新蒸武門，呢間餐廳喺駱駝漆大廈入邊，食完飯仲可以行下街呢度有二人、三人、四人套餐！今日我哋得兩個人所以揀咗二人餐，有一款肉類、一款海鮮、一款菜類最後仲可以加$38一個燉湯 菜類我哋揀咗蒜蓉炒西蘭花，蒜蓉味非常香濃，陣陣蒜蓉香，西蘭花非常入味海鮮我哋揀咗蒜蓉粉絲蒸扇貝，有四個大扇貝，而每個扇貝上面都鋪滿粉絲，再加上豉油做醬汁，扇貝非常嫩，蒸既時間控制得啱啱好而肉類我哋揀咗泰式豬頸肉，呢個豬頸肉配有甜酸醬，估唔到中式嘅餐廳都可以食到泰式風味，頸肉每條都切得非常厚，非常有口感最後喺呢度一定要試嘅係燉湯，我哋揀咗蟲草花花菇瑤柱燉雞同埋靚魚赤小豆粉葛燉豬展呢兩款燉湯，燉湯非常足料，而且冇油，非常健康，啱晒我地呢d無湯水飲既人！套餐仲包兩個白飯

誤打誤撞走到呢間餐廳，感覺就好像私房菜，果然是家打正旗號，無味精既中菜館。菜式算多，但價錢的確是私所菜，算不上便宜，不過中午套餐就幾抵食！網上見人推薦龍躉，我地又試下～龍躉魚肉質美味，營養豐富，味道好於一般石斑魚。蒸的火侯剛好，使得龍躉魚肉質細嫩，味道鮮美冷盤鮑魚則有點小失望，味道不入面，肉質比較實淨，無乜嫩口感覺，價錢都唔平。當造時自己整相信效果會更好💁🏻‍♀️

觀塘不嬲超級多野食！！ 新蒸武門之前都食過㗎啦~~今次經過再食多次先~~ 不過今次黎餐牌好似有少少唔同咗 hahaha...一座低侍應好快咁拎咗杯茶過嚟！！ 係養生茶啊~~ 正正正！前菜 - 粉絲皮春卷！！ 真係新鮮滾熱辣架~~脆啵啵⋯點埋啲泰式辣醬更加正啊！粉絲蒸扇貝。 好吸引好吸引，粉絲吸晒啲醬汁 good 不過美中不足嘅係太多蒜蓉了 我唔太中意食就了左出黎， 哈哈！ 不過整體都好好味~泰式豬頸肉 ， 呢個份量都好多吓 ！ 肉質啱啱好唔會好乾~ 加埋個飯真係超級飽啊