新蒸武門 (Closed)

鍾意周圍覓食嘅我 今次搵到去觀塘嘅工業大廈 上網周圍搵食平見到呢間餐廳 決定今日同朋友一齊去試吓去到其實搵咗一陣可能因為我行錯方向 上到樓上指示牌都算清晰 入到去座位都闊落 晚飯時間其實客人都唔少我仲見到有兩台大枱坐住一家大細一坐低就俾咗杯茶同朋友研究左好耐原來呢杯叫八寶茶 飲落有花香有茶香真係好特別 叫咗個例湯猴頭菇栗子燉雞飲落又唔覺佢有味精而且好足料 問店員有咩好介紹佢話可以試吓蒸扇貝 同朋友兩個人叫咗四隻嚟到嗰陣嘩一聲原來咁大隻 亦都好新鮮想叫碟肉諗左好耐叫咩最後試吓黑椒牛柳粒 牛柳粒鑊氣十足仲好惹味叫過清淡嘅菜金銀蛋浸時蔬 嚟到都係好大碟哈哈 最後發現其實唔係點食得晒下次都係睇住黎叫 呢間餐廳其實幾值得推介建議下次去開觀塘嘅朋友仔都去試吓

昨天在工作後，便往官塘找太太晚飯，她工作此區知道那處有好，食的店，那，就當然由她大人揸主意了！開源道新蒸武門咸檸檬蒸烏頭，鱼新鲜，味道配合，夏天更是開胃，好味！魚我們喜也！菜膽花膠燉雞夠熱，及用紫砂燉盅上，清香湯味已遠飄而來，入口第一啖湯已叫好，花膠，雞，菜膽做燉食料湯！是至佳配合，而且我們一向愛吃，知道湯沒有落味精！原味的湯對健康是重要的！讚！香菇子北茋銀山焗雞用锡紙包住焗好鲜雞而上，原汁原味，雞肉超嫩，精選其食材配合，焗雞火喉剛好，可見厨藝之真彰，當然我們很快便清哂場，一点兒也無得剩！ 土魷蓮藕煎肉餅少見精彩的好肉餅，鱿鱼香味混進蓮藕及肉餅，天衣無篷，蓮藕现又合時，此菜式平時家中極少會做的，因此太太出外吃一見就一定叫，今次给此菜至高分！好味！泰式蝦頭油炒飯一個很精彩的炒飯，此炒飯飯身有質感，蝦爽，惹味，此做得真好，吃了一碗又一碗，我們似未知飽字点寫！哈！太愛食了在此吃了一顿近滿分的晚飯，我們辛苦工作一天，在此吃到美好的一餐！就是開心不已！下次我和太太相约再多來大吃，要多獎赏一下自己！对自己好食好！

係觀塘返工，日日lunch放飯都要煩食乜嘢！最近發現喺駱駝漆有一間 ✨新蒸武門✨主打健康清新、無味精嘅住家菜，日日上嚟打躉做飯堂都好0k吓！午市精選都係四拾㭍蚊，款式都幾多，有飯有餸仲有是日例湯，好過食茶記😁今日同同事點咗午市2人套餐$138✨娃娃菜炒龍躉球✨呢個龍躉球炒得有鑊氣得來又唔油膩唔咸，真係好有住家感覺，娃娃菜都好清甜，仲有啲三色椒，真係好味又健康！✨土魷蓮藕煎肉餅✨肉餅內加入蓮藕同土魷，啖啖肉得來又有啲蓮藕中和吓，幾香口唔錯。✨麻辣木耳✨超辣吖🔥又有啲甜味😅✨蠔油時菜$13✨另外再叫咗個小食✨脆皮墨魚條(4條)✨$45呢個都好味，外皮香脆，墨魚肉好彈牙，中間有啲青豆粒。是日老火湯✨蘋果美顏茶✨✨檸檬薏米水✨跟餐$12

因為病左，俾觀塘返工嘅朋友帶咗去食蒸飯原來駱駝漆大廈已經成為有好多食店同埋小店嘅商場佢個名好似打功夫咁入邊有好多大圓枱，咁佢係比午市嘅時候喺附近返工嘅同事可以嚟食飯，另外都有少量四人枱坐低就見到茶中裏邊有龍眼肉菊花茶葉同紅棗，有一大壺熱水可以自斟自飲，咁嘅茶錢$10位都唔算貴朋友話我病要飲番啲滋補湯水，叫咗個猴頭菇栗子燉雞，都幾足料有好多件猴頭菇豬肉同埋雞件，一燉盅要$42另一道為我而叫嘅就係北菇扒西蘭花，啲菇幾大舊配上蠔油汁味道夠，西蘭花卓得啱啱好佢係肉食怪，忍唔住叫咗乳香脆腩肉，我都食咗件好香口嘅南乳香味，如果冇病實同佢搶終於個龍仔蒸飯到啦，係蒜蓉蒸龍躉腩，幾厚肉，雖然係炒飯底，但係因為放咗係蒸籠度精所以唔熱氣，佢個份量好大份其實食物質素都唔錯但係食下食下咁就要每人$250啦有少少貴

觀塘真係好多好嘢食 仲有好隱世細小店 今日去開駱駝漆附近交收就決定喺嗰邊覓食 唔好以為工廠大廈冇嘢好食 原來真係有好多新奇嘅發現經過地下望到一間餐廳叫新精武門 平時食開啲煎炸野見到個蒸字覺得好似好健康咁 上到去發現原來係健康嘅中菜 同另外個女仔friend都覺得應該要試吓 因為平時都冇乜點食中菜一坐低就俾咗杯八寶茶我哋 茶杯好特別 我哋叫咗個猴頭菇栗子燉雞湯 雞湯冇味精好足料再叫咗四隻扇貝 大大隻 黑椒牛柳好有鑊氣 最後叫咗個金銀蛋浸時蔬 成餐飯份量都好大份可能因為兩個女仔其實食唔晒因為平時去開嘅餐廳可能都係細細份真係低估左佢哋下次去開觀塘一定要試吓呢啲隱世食店原來真係別有洞天

繼上次搵到高質日式餐廳 今次又搵到以健康為主打嘅家常小菜同樣位於駱駝漆大廈 午市時段人頭湧湧我地今日揀午市2人套餐($138) 總共五款食物先有兩碗老火靚湯 木瓜瘦肉入味 而湯先係精華鮮甜不加味精 飲完唔會口渴 係自然健康湯水 更適合人體吸收麻辣木耳作為開胃菜 入口先有陣陣醋酸味 其後引出麻辣感 刺激舌尖上嘅味蕾以及喚醒胃部之後小食方面有土魷蓮藕煎肉餅(4件) 大概手掌般大小魚餅煎得香口但唔會太油膩 土魷彈牙有咬口蓮藕爽脆之餘 有助消除肉食嘅滯感 主菜娃娃菜炒龍躉球 我最愛嘅娃娃菜爽脆清甜 而龍躉球肉質滑溜無骨 鮮味中夾雜少量魚油令到魚肉更順口 重點每球都不帶腥 就算唔特別鍾意食魚都會啱食眼見全院都坐滿OL以及白領人士 證明大家都好想食得健康啲呢間餐廳其實照顧我地肚皮及腸胃 更讓我地一解思憶中媽媽嘅廚藝

收工去觀塘搵朋友做gym，然後食飯～近近地就試下尼家煮家飯醫下肚仔先！仲有set😋不過人少少散叫下先！麻辣口水雞($68)辣椒香油非常有四川風味既嗰種麻辣，而且雞肉嫩滑，以呢個價錢非常不錯的菜式🤤小食雙拼($88)脆皮墨魚條配上素腐皮卷，墨魚條香脆且爽口，當中更有墨魚粒，真料實料！而腐皮卷亦非常足料，外皮亦煎得甘香，配上甜酸汁更好味😋籠仔蒸龍躉腩加炒飯量($168)龍躉既份量相當足料！而且嫩滑多肉，加埋蒜蓉一齊蒸，味道鮮甜仲亮滿蒜香，一人兩碗冇難度😇

觀塘區自活化後多咗好多不同類型的食肆，而喺駱駝漆大廈就有為數不少的隱世食肆，今日就同幾位朋友去隨心試一間。見到呢間提倡健康飲食的決定一試！裡面設計簡約，而食物類型頗多，我地決定咩都揀啲^^侍應先拎咗一人一杯茶，原來裡面有好多材料，菊花、蜜棗、杞子等等，一問之下原來叫八寶茶，幽香清甜，養生健康之選👍感覺餐廳都有花心思喺度猴頭菇栗子燉雞 ($42)價錢同份量係成正比咖～一揭開個盅已經聞到非常香，而且勁足料，大大舊猴頭菇同好多栗子，飲完都已經少少飽😂而且無味精，飲哂一 壺都唔會覺得口渴乳香脆腩肉 ($88)炸得好香口，而且啲肉好腍，南乳味好出😍用來送飯簡直係一流！金銀蛋肉碎浸時蔬($85)無油無味精但依然好好食，咸蛋皮蛋肉碎多，湯清甜，蔬菜新鮮，非常健康的一道菜籠仔蒸龍躉腩加炒飯量($168)呢道菜係全晚精選，龍躉嫩滑多肉而且無碎骨，加上蒜蓉一起蒸，荷葉包裹加上底層配炒飯令味道更香濃，味道層次非常豐富，令人一再回味👍

養生菜式工廠餐廳觀塘區好似開咗好多工廠餐廳，收工過嚟食完又近屋企，所以都可以過嚟食下。女仔周時都要補下，上次經過呢間餐廳，見到有燉湯，嘢食又fashion，所以拉埋男朋友嚟陪我食。我預早兩日book咗7:30 ，去到八成滿人，都多人食，所以同人搭枱，坐大圓枱。 叫咗是日推介燉湯，茶樹菇蟲草花燉豬展，三個餸，豉汁帶子蒸豆腐，芥末牛柳粒同埋麻辣口水雞。茶樹菇蟲草花燉豬展呢個燉湯感覺幾補身，雖然冇中藥材料，但係可能有蟲草花同埋豬展煲嘅關係，所以個湯拎上嚟已經好香。味道上冇味精，個湯應該燉左一段時間，補而不燥。豉汁帶子蒸豆腐男朋友鍾意食豆腐，我鍾意食帶子，豆腐喺底，帶子中間，帶子上面好多豆豉，兩個主要材料都淡味，所以加埋鹹小小嘅豆豉同埋豉油，食落都幾搞笑，唔錯。芥末牛柳粒呢個又係fashion菜，牛柳粒係油炸嘅，加埋啲紅椒、黃椒、翠玉瓜粒，撈芥末醬，小小辣得來有少少甜，幾特別。麻辣口水雞有成半隻雞，夠辣，岩晒我食。另外個茶都好健康，係菊花杞子紅棗桂圓茶，女生補品。

觀塘是一個臥虎藏龍的地方，指的是餐廳很多，所以今晚在這裡找吃的。每一枱都會有八寶茶，很養生的感覺。想了一下，決定點籠仔蒸龍躉腩(炒飯底)，蟹肉扒西蘭花，是日燉湯:姬松茸燉豬𦟌。姬松茸燉豬𦟌，很足料，很香濃的姬松茸味，精華都落在燉湯裡，必點。籠仔蒸龍躉腩，龍躉腩很嫩滑，調味剛剛好，在下面的炒飯吸收了龍躉腩的精華，十分好吃。蟹肉扒西蘭花，西蘭花很新鮮，調味也是剛好。

近期愛上嘅開餐地點！新蒸武門主打健康私房菜！食多幾餐都唔怕！大人細路養生之選！一坐低就有健康花茶，好飲又養生！菊花可以寧神，訓都訓得好d!上次食個套餐但覺得太飽，今次決定散叫！菜膽花膠燉雞！最鍾意人哋度嘅燉湯，個人對味精好敏感，呢度一定冇味精！翠玉瓜炒牛肉粒牛肉粒又滑又有牛味！上湯娃娃菜勁鍾意呢種簡單又清清地嘅感覺！籠仔蒸龍躉腩飯炒飯超級香荷葉味，龍躉腩唔多骨啖啖肉，同埋一d都唔鯹！最緊要健康！健康得來又好味的確唔簡單！會繼續來開餐！

星期六日的想係觀塘區一家大細有老有幼搵食，撇除 美輪美奐連科大酒樓剩係食裝修，今次揀咗去工廠果邊搵食， 唔好以為星期六日 工廠區冇開 ， 不知幾咁熱鬧 ， 而且也有餐廳適合老嫩 一家大細，例如今次試的新蒸武門。誠然餐廳沒有金碧輝煌的裝修 ，但把慳返的錢用於食物上，何而不為？ -八寶茶一坐下店員先從上很有誠意的八寶茶， 八寶茶底除了有茶葉， 有紅棗 龍眼菊花杞子等等， 香甜開胃潤喉。中國人 食飯少不了老火湯無花果木瓜螺頭燉豬蹍木瓜含有豐富的氨基酸， 滋陰潤肺又健脾，像現在這種天氣喝就最適合不過，有潤肺功效，再加埋無花果同螺頭一齊煲，味道更鮮甜，清熱生津，解暑一流。---杞子紅棗 荷葉蒸雞荷葉蒸雞，鮮嫩的雞肉經過蒸後仍然保持肉質細嫩可口，伴有荷葉的甘美清香滋味鮮醇，菇菌可補氣活血，紅棗補身益氣，這道菜除了能填肚更能增強人體免疫功效。-----金銀蛋肉碎浸時蔬-新鮮的娃娃菜，配上鹹香的鹹蛋， 再加上q彈的皮蛋， 以及不會過柴的肉碎，有肉香之餘也不過膩，變成一碟美味鹹香的家常小菜， 適合大小老嫩。----籠仔蒸龍躉腩炒飯這道菜功夫重，原因他不只是平常的籠仔蒸飯， 最有誠意之處是它以炒飯底蒸龍躉

夜晚黎開觀塘運動，咁運動諗住食下健康野，原本打算叫湯麵同菜，最後見到隔離枱個菠蘿生炒骨真係好吸引，然後就叫左...雖然佢係炸既，但一啲都唔油（安慰返自己）。個甜酸醬調得岩岩好，完全係我地口味，個豬肉粉皮炸得好脆，所以係咁食無停口，我已經決定左為左個生炒骨再返黎。同埋佢份量都唔少。😋而個梅菜蒸菜心真係清淡好多，佢啲梅菜唔咸，但都有味既，如果唔係生炒骨比較重味，其實個菜心都已經幾送飯。運動前有菜都幾健康啊🤰🏻

同朋友仔做運動之前約左去呢間食個快飯。一坐底侍應就幫我地添水，原來每人一杯八寶茶，有菊花、紅棗等材料，添左水都一路有菊花香氣，養生又好味的一杯茶~Menu大部分既菜式，感覺比較適合多少少一聚餐。我地就叫左菠蘿生炒骨同梅菜蒸菜心。菠蘿生炒骨好味喎，個皮小厚帶脆，掛上酸甜平衡既醬汁，比唔少餐廳都做得更好。梅菜蒸菜心呢，梅菜已經浸洗走左啲鹽分，一啲都唔咸，只係加左少少豉油調味，稍微咸味不足，不骨菜心爽脆，都算做得唔錯~

一直都好鍾意食中菜， 然而喺星期六日的觀塘大商場要搵位食中菜一啲都唔易， 所以今次就行咗遠啲去到工廠區的新蒸武門搵食， 晚市唔好以為人比較少， 其實越坐越多人， 當然一家大小或者一班朋友聚會都非常適合。這裏雖然是要收茶芥， 但這裏不是普通的普洱香片鐵觀音而是很有誠意的八寶茶， 八寶茶材料足， 有菊花杞子 紅棗 龍眼等等， 滋陰養顏。--木瓜無花果螺頭燉豬蹍以木瓜煲螺頭湯, 整體湯頭味道清甜又鮮味, 無花果健脾潤腸助消化，而且仲可以健胃通便，--紅棗杞子荷葉蒸雞蒸雞有荷葉特有的清新香氣，雞肉鮮嫩令人食慾大開，以荷葉包裹蒸煮，吸收荷葉的清幽香氣，香味得以增加 ，而且還可解膩而且紅棗能夠為補血，枸杞則能明目，特別適合上班族呢。---黑椒牛柳-牛柳與三色彩椒及翠玉瓜同炒，色彩繽紛， 未食食慾已經增加，炒過的牛肉仍然軟嫩，蔬菜也炒得的脆口，口感和味道豐富。---籠仔蒸龍躉腩炒飯蒸飯略嫌單調， 所以今次叫了 炒飯底的 籠仔蒸龍躉飯。用上蔥蒜等蒸製, 可以為龍躉 辟腥，也令菜色變得惹味。龍躉啖啖肉膠質重，簡單清蒸與香口的炒飯底同吃已很美味。--