新蒸武門 (Closed)

朋友約食飯，但係喉嚨痛，所以要選清淡菜式😂甘岩朋友話公司附近有間中式蒸野，所以選左呢度。茶係八寶茶，相當健康。燉湯係雪耳椰子燉雞湯，無味精，我鐘意食湯渣，連椰子都食埋檸檬陳皮蒸魚幾特別，但係我覺得還有進步空間~鎮江豬軟骨開胃好送飯西蘭花炒帶子味道唔錯~如果想食得健康呢度係唔錯既選擇

由於阿媽懶得煮飯的關係，所以我就帶屋企人去一間我一直想食好耐的私房菜餐廳，新蒸武門。 餐廳環境簡潔，加上員工服務態度良好積極，有一種像家一樣的舒適感。不過，由於餐廳格局比較少，所以如果人一多就會顯得嘈吵。一坐下來，就有落足料的八寶茶可供飲用。邊喝邊看餐牌，有些款式需要預訂。姫松茸燉豬展湯母親至愛真材實料，飲得出沒有落味精的熱騰騰靚湯。梅菜蒸菜芯 菜芯十分清甜，由於是用蒸的方便,將菜芯的精華完全保留。加上放最頂的梅茶流下來的鹹味有強烈對比，讓我有點喜出望外。宮廷香辣雞半隻 香味十足，雞肉夠入味。雖然叫辣雞但不算太辣，食唔慣辣的人不用太擔心因為辣而食唔落去。 餸飯一流最後叫了椒鹽蝦6隻 大大隻的椒鹽蝦，外殼香脆味道濃郁，容易剝殼。但無奈蝦肉不入味，肉質粗而硬實無味，會有一種失樂園感。但亦諗深一層,店舖主打健康菜式,每一道菜用最小的調味去發揮食材本身的''原味''才是重點。呢方面真心覺得新蒸武門做得不錯!!

姬松茸燉豬展湯🍄 💲42/位乾燒明蝦🦐 💲178京都豬扒🐖 💲98北菇扒西蘭花🌳 💲88茶芥🍵 💲10/位✅ 茶芥並唔係一般既清茶而係八寶茶8⃣🏆有紅棗、菊花、枸杞等 足料又養生🧘🏻‍♀🧘🏻‍♂✅ 燉湯入味而且姬松茸好長好大粒😱 滋潤之餘仲有視覺效果😎 ✅ 明蝦大大隻🍤 可能因為佢大隻同夠新鮮🤔 蝦肉質感比較似龍蝦🐲 彈牙有咬口 配埋酸甜醬好開胃🤤👅Taste：3.75/5💰CP值：3.5/5🙋🏻‍♀Service：4/5👁‍🗨Stylishness：3.75/5

這一天放工約朋友食飯，我地選擇新蒸武門。海鮮-西蘭花炒帶子，好好吃。👍🏻👍🏻👍🏻烏頭-有淡淡的檸檬味，夠特別，不過我覺得麻麻地。鎮江豬軟骨-微酸，微甜，幾開胃。燉湯，還幾好，朋友話入面的椰子咬到來食，不錯👍🏻

今日約左屋企人食飯，於是搵左呢間標榜健康嘅餐廳😁餐廳係工業大廈一樓，環境算係比較整齊乾淨嘅茶餐廳格局，但亦都有幾張圓枱，方便一家大細過時過節黎食👍🏻呢度提供套餐，而有啲特別嘅菜式亦需預訂🍵紅棗杞子菊花茶聽落飲落好似好補身咁🤣雖然只係用隻杯焗住，但都算出味👍🏻🥢姫松茸豬展燉湯睇圖都見到好足料👍🏻啲味好出，證明都燉左好一段時間，好飲😇🥢豉汁帶子蒸豆腐我屋企人好中意啲豆腐，話好有豆香味😂啲帶子雖然唔大粒，但都有鮮味👍🏻🥢芥末牛柳粒芥末醬同牛肉好夾😄味道balance得好好，唔會話攻鼻。而牛柳粒無筋，煮得岩岩好，好食👍🏻🥢濃湯節瓜浸魚滑最欣賞係佢有去左節瓜啲籽😆魚滑都有魚味，節瓜就正常水準。

觀塘的工廈也有健康好吃的餐廳一坐低見到枱面有杯好特別嘅茶，問一問原來係八寶茶，有原片菊花,再加埋杞子紅棗菜膽花膠燉雞菜膽既香味四溢，呢個花膠燉雞湯都幾足料，仲有原片花膠，花膠啖啖骨膠原，餐前飲碗湯暖暖胃籠仔蒸龍躉腩加炒飯聞落去香氣洋溢，清香撲鼻嘅荷葉再加上啲蒜蓉香蔥清蒸龍躉，海鮮既鮮味令人垂涎欲滴。龍躉腩也是很多膠原的地方，肉質好柔滑配上惹味炒飯，這個必吃芥茉牛柳粒煮熟的三色椒和翠玉瓜再加上牛柳粒配在一起很有口感是挺開胃的一道菜紅棗濃湯杞子浸菜菜以杞子濃湯湯底浸泡味道獨特之餘，菜吃上去更清甜，非常健康的一道菜。很欣賞這間餐廳主打蒸煮的食物，沒有味精非常健康

呢排夜晚都唔想出街，心情唔多好，不過呢日朋友約左，所以收工就去觀塘食飯。我地見到駱駝漆大廈有間新蒸武門，於是抱住試下既心情入去。我地叫左幾個菜。西蘭花炒帶子HKD148，味道不錯，帶子好爽口，好味，有住家菜既感覺👍🏻👍🏻。蒸烏頭HKD108,有淡淡的檸檬味，好清新，唔油膩。👌鎮江豬軟骨HKD98,有小小酸，小小甜，幾開胃。椰子雪耳燉雞HKD42，係一個燉湯，無味精幾好，入面的椰子咬到來食😏👍🏻👍🏻

睇完食評來試試後跟大家分享一下，我們星期六晚上6:40來到（因為我地walk-in 所以就打個電話問下有無位先）餐廳佈置簡潔舒適，服務員很有禮貌，家常菜式整體味道ok又不會太油膩，會再來幫襯。首先杯八寶茶好足料加埋個特色茶杯好正。我們點了以下餸菜：籠仔龍躉炒飯，魚肉鮮味，炒飯好味，推介值得一試。金銀蛋浸菜，好味，推介。是日燉湯茶樹菇蟲草花燉豬展，好正，原味沒味精，推介。蒜蓉粉絲蒸扇貝，扇貝普通不是好新鮮個種，蒜蓉豉油汁和粉絲ok。涼瓜炒蛋，普通。

今日黎到觀塘搵食，黎到工業大廈樓上私房菜店，樓下經常排長龍坐lift，餐廳係一樓行樓梯上去仲快。星期四晚上，餐廳人唔多，環境乾淨，舒服。返翻正題講下d餸先，分別叫左3個餸、1燙。首先一坐低，就有杯花茶，入面有金菊、杞子、龍眼清熱，明目。👍🏻今日叫左晚市精選，是日燉湯，椰子雪耳燉雞，味道清甜，有椰子香。唔錯！再黎一個汁燒牛柳，味道香口，牛肉有少少靭，整體可以！之後清清地，叫左個梅菜蒸菜芯，梅菜唔鹹，配上清菜，味道剛好！最後一味黃金𧎚，正！鹹蛋味香脆可口，𧎚大隻新鮮！😋總體來說，比較住家清淡的私房菜，價錢亦算合理，可以一試。

觀塘駱駝漆大廈有好多隱世餐廳，新蒸武門就係其中一間，我就係比佢個“蒸”字吸引左先來食，因為感覺上健康d~餐廳入面燈光光亮，環境撲素簡約~我地叫左2餸1湯，同埋一個蒸龍躉腩炒飯~花茶個杯好有宮廷feel,好似電視劇御用道具杯😂拎起個杯蓋掃掃個杯邊，再飲一啖都幾有氣勢，XD~花茶入面主要係d杞子菊花，杞子菊花清熱明目，菊花味好香濃椰子雪耳燉雞 味道較清啖，飲到啖啖既椰子香，裏面仲有雪耳同燉雞~蒜蓉粉絲蒸扇背好香蒜蓉味，面頭有粉絲帶子都算大粒鮮甜~紅棗杞子荷葉蒸雞賣相都幾特別，係蒸龍上，再用荷葉包住蒸，裏面係冬菇蒸雞底下完來係有粉絲籠仔蒸龍躉腩加炒飯 呢個同上面個個賣相咁相似既🤷‍♀️，因為都係用蒸龍同荷葉包住蒸，其實荷葉包住食物蒸，都幾好因為食物會帶有荷葉香龍躉腩d肉好滑，但比較多骨，所以食個時要小心~呢個炒飯同一般既炒飯有d唔同，因為平時食開既炒飯係比較乾身，而呢個就相反，佢係濕濕地既炒飯，又幾特別，完來蒸炒飯係咁juicy少油少鹽冇味精

上星期喺觀塘放工後食飯 畀我發現到有一間有"屋企飯"感覺嘅餐廳，位於駱駝漆三座1樓嘅新蒸武門，以蒸煮嘅小菜為主， 出街食飯普遍多鹽多油， 但呢間嘅味道絕對健康。好耐冇返過屋企飲湯，所以絕對要喺度品嚐佢嘅燉湯，“椰子雪耳燉雞” 每人一盅，用料豐富，椰子味極香甜，配合雪耳及鮮雞，絕對同阿媽靚湯有得fight。佢哋有多款餸菜選擇，難得有住家菜食， 首先離個濃湯節瓜浸魚滑， 節瓜雲耳配鯪魚肉，用高湯煮成， 又清新又健康， 最後連所有高湯都飲埋， 一啲都唔好嘥。另外豉汁帶子蒸豆腐， 豆腐配想帶子再加埋豆豉一齊蒸， 清得離食到帶子嘅鮮味，而豆腐又滑又好味。最後梗係要試埋佢嘅紅棗杞子荷葉蒸雞，98蚊呢個價錢非常抵食，用荷葉包住鮮雞紅棗杞子粉絲同金菇，保持鮮雞嘅嫩滑，紅棗杞子帶甜味，而粉絲金菇索咗雞汁，非常好味，呢個蒸雞絕對推介。平時少返屋企食住家飯，“新蒸武門”絕對適合無飯煮婦既朋友， 清新健康又好味。

呢輪社會氣氛變得沉重，情感上好想搵返"家"嘅感覺，但唔知幾時先搵得返!  可以做到嘅就從味蕾上入手，所以我地今晚黎左呢度食飯指定動作係飲杯八寶茶，菊香順喉，再睇下叫D咩餸食先主打無味精菜式，有特色小食，家常小炒，燉湯等，有時簡簡單單都可以有幸福感覺呢度嘅燉湯每日都唔同款，不寒不燥，都係適合大部份人士飲用，今晚係椰子雪耳燉鷄 ($42/盅)，不加味精，原盅上熱辣辣，湯要夠熱先好飲架嘛!盅內湯料十足，湯面唔油膩，飲落味道有椰子香甜味，清香滋潤，飲完感覺舒服呀!呢碟麻辣口水鷄 ($68)，目測份量有半隻鷄，淋上惹味香濃麻辣醬汁，再灑上花生粒鷄皮下無咩肥膏，如果想唔食皮皮都好輕易整走，肉質一D都唔嚡，沾上麻辣醬汁一齊食，相當惹味，辣度只係輕微，唔太食辣嘅友人都能食到!呢客芥末牛柳粒 ($118)，賣相令我諗起沙拉骨，牛柳粒加埋翠玉瓜，三色椒，再用芥末沙律醬一齊炒，再灑上芝麻增加香味!牛柳粒肉質係鬆軟，食唔到梳打粉味，讚!  翠玉瓜夠爽脆，加埋紅黃二甜椒嘅甜味，配菜方面要加分!  另外個芥末沙律醬亦係亮點之一，有芥末嘅微辛味，比起單用沙律醬帶來一點味蕾刺激，好味道呀!之前食過佢嘅蒜蓉蒸龍躉，今次

竟然係觀塘啲工業大廈入邊搵到依家食中菜嘅餐廳！聽間餐廳名就覺得呢間野應該食啲菜會比較健康清淡。佢唔似一般嘅餐廳係比水你，而係一人有一杯八寶茶，茶芥都淨係收$10。今次叫咗芥末牛柳粒，黃金蝦，紅棗濃湯杞子浸菜，再加湯 - 姫松茸燉豬展湯。每個小菜都係百零蚊，海鮮就貴少少。芥末牛柳粒份量都幾多，有成十幾粒牛柳粒。芥末唔會太嗆囗，幾惹味。牛柳粒應該有輕輕煎過再加落配菜炒，唔會嚡口！呢排咁興鹹蛋黃嘅副產品，咁就梗係要試吓個黃金蝦。一碟有八隻，大蝦完全比鹹蛋黃包圍着，濃濃嘅鹹蛋黃醬。蝦又大隻又新鮮，好正！食咗兩個主菜就要食返啲蔬菜中和一番！娃娃菜煮到好腍，好入味！最後仲加咗兩個老火湯，睇嚟應該係燉咗好耐，飲落好滋補，充滿着姬松茸嘅味道同埋豬展嘅鮮刮！

✨#中女獨食難肥日誌 ✨#新蒸武門 #Zingmomoon #中女食觀塘觀塘工廈覓食😋新蒸武門主打健康無味精家常菜，最適合無飯家庭😌三送一湯又可以吃到媽媽的味道！一到步店員即奉上八寶茶，內有紅棗、菊花、龍眼肉等等，養生茶清清地💕幾樣小菜水準不俗，味較清淡，感覺健康☺..#豉油皇蝦 $178有驚喜！想不到工廈炒的小菜都幾有獲氣，六隻蝦🦐大大隻而且隻隻新鮮彈牙，蝦先走油炸得香脆，掛上豉油皇汁快炒，味道不死咸又有豉油香，是高水準的一道菜😋..#涼瓜炒蛋 $75翠綠涼瓜新鮮味帶甘，炒得亦不過火，炒蛋很滑👍🏼口味清淡，少油少鹽，好健康的感覺☺..#土魷蒸肉餅 $68喜歡吃土魷蒸肉餅，貪其好送飯，土魷味香，感覺亦完全無味精，媽媽的小菜🥰下次想試試香煎藕餅，應該幾香口！..#淮山杞子海底椰螺片燉雞 $42店員介紹今晚燉湯，好久沒有喝一口靚湯😭淮山杞子海底椰螺片燉雞十分足料，燉湯超熱小心燙口🙈感覺滋補養顏，清潤好喝☺..📮地址: 觀塘開源道60號駱駝漆大廈3座1樓Q室☎電話: 35656121

聽朋友講呢間餐廳D菜式都幾好味，所以放工黎呢道品嘗一下。餐廳環境挺優雅的，裝修精緻，座位也比較寬敞。乳香脆腩肉炸得好香口，而且啲肉好腍，口感好豐滿，南乳味好出用來送飯簡直係一流！籠仔蒸龍躉腩加炒飯量龍躉既份量相當足料！而且嫩滑多肉，加埋蒜蓉一齊蒸，味道鮮甜仲亮滿蒜香，一人兩碗冇難度梅菜蒸菜心呢梅菜已經浸洗走左啲鹽分，一啲都唔咸，只係加左少少豉油調味，稍微咸味不足，不骨菜心爽脆，都算做得唔錯~这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民