Video
3-min walk from Exit D2, Sham Shui Po MTR Station
continue reading
Opening Hours
Mon - Sun
17:00 - 03:00
Above information is for reference only. Please check details with the restaurant.
喂喂喂，唔好小覷呢間鍋居，相信我，食落真係有驚喜嘅！🎉 今日一試佢嗰碗喇沙鍋，真係讚到彈起，湯底夠香辣得嚟又唔會太攝，食物喺度一焯，食落去個口都開心翻起。而家講下佢啲明星菜，桂花蚌啦！真係彈牙爽口到冇朋友啊，食得我一啖又一啖🍲。嗰啲手打牛肉丸都好得嚟，每粒都彈滑好嚼勁，牛味濃郁得黎唔膩口。講到肉，唔提牛利托就真係遜色，外層嫩滑，啖啖肉香，正呀！同埋，記得試下佛手瓜，佢巧妙地散發出淡淡清香，同其他食材嘅味道撞擊出一個又清新又滿足嘅結局。總括黎講，呢次食得開心，下次仲要叫多幾個鐵口嘅fd嚟一齊share咁多正！👍💯
continue reading
朋友拉我去鍋居專門店大快朵頤，深水埗呢家店好親民，質素一流😋。沙嗲湯底嗆嗆哋，芽菜、豆腐一齊煮，搞到成碗湯都香噴噴！手切肥牛滑嫩入味，油花分佈得好均勻，幾秒鐘過水，咬落去外層腍內裡啖啖肉，簡直係極品😍！烏冬吸晒沙嗲湯，風味百加分。豆腐同水餃都係自家製嘅。豆腐清新滑口，水餃皇咬落去肉感滿滿，間唔中咬到脆皮午餐肉，香口得嚟有彈性！手打墨魚丸仲有腸粉咁滑，花雕雞件鮮嫩又湯底劲吸味，真係食到心滿意足🥰！這裡，講真，有種滿足到令人講唔出話嘅美好。下次仲要再嚟！
continue reading
食材新鮮，服務殷勤一定會再返轉頭。今日見天氣凍凍地，原本諗住去佐敦炮台街打邊爐，點知full Booking，唯有轉戰深水埗，搵咗好多間火鍋店，但係都冇得Walk in，我哋最後一行四人決定去咗呢一間火鍋店，點知有意外驚喜。豬骨湯底真材實料，生蠔肥美，脆鯇腩新鮮爽彈，墨魚滑新鮮彈牙。另外點咗肥牛，鵝腸，響鈴，雲吞，都有一定水準，價錢合理，飲埋啤酒， $2000有找。侍應服務非常之周到，真係有賓至如歸嘅感覺。絕對推介。
continue reading
10月1日, 星期日, 和暖打邊邊, 六條友, 食左~~~昆布湯底 清清地, 有D日系風味牛頸脊 紋理好靚, 質感軟腍, 重肉香牛胸油 估唔到有得食, 口感爽脆, 好正豚肉 唔會嚡口, 不過無牛肉咁正脆鯇 入口爽脆丸類 叫左兩款, 是手打, 唔是現成野韭菜餃 自已包, 好多韭菜, 好香什菇 爽口, 同昆布湯底幾夾豆腐 吸味野, 最後先落, 岩數人客唔算多. 幾清靜. 湯底幾特別. 火鍋配料新鮮.
continue reading
打邊爐嚟講依度嘅服務質素喺香港係少見，全程有專人服侍，幫手淥，幫手隔油隔渣。食物質素都唔錯，湯底都足料，仲有自家製飲品。火鍋配料多選擇，海鮮同肉都新鮮，特別好食嘅係牛展同響鈴。小炒都唔錯，叫咗黃金蝦，鮑魚等，都好新鮮同有誠意。唯一唔得嘅係黑柏葉，完全咬唔開，不過同店舖反映後佢地好好咁無收我地柏葉錢，證明佢哋對自己舖頭嘅食物質素都有要求。整體嚟講係唔錯嘅打邊爐選擇，啱晒一班人啲聚會，人多佢仲有間板間開聚會空間，可以好似包箱咁
continue reading