Video
1-min walk from Exit A, Admiralty MTR Station
continue reading
Opening Hours
Mon - Sat
07:00 - 19:00
Sun
08:00 - 19:00
Above information is for reference only. Please check details with the restaurant.
第一次惠顧這間不起眼的小店，事緣早前放工經過聞到飯餸香，就記在心中。剛好星期三午餐買外賣，就試試。老實說，在海富中心角落的這間小店真是很不起眼，就像舊區的家庭式小店 ，同時賣飯餐三文治燒賣腸粉鮮果杯等等。午餐餐單選擇不多，價格倒是很便宜，在金鐘地區來說四十多元一個午餐？不過這些實在吸引不了我，畢竟第一次惠顧，不知水準怕中伏然後我看到還有傳統茶餐廳式每天飯餐選擇，星期三是柴魚花生粥配三絲炒米這兩款都是我喜歡的食物，才37元所以就選了這個～ 店裏有一位女士和兩位上點年紀的大叔大嬸，我以為下單後會超級快，因為那時沒有其他客人，但是還是等上了幾分鐘。 我不趕時間也無所謂，而且舊式店鋪就是這樣吧 有他們自己的節奏～這時有位女士可能是熟客，問有沒有魚餐，因為午餐42元也包括蒸魚～回到工作間，打開外賣盒一看可能我本身沒有期望，所以反差的驚喜特別大！！！ 好靚仔呀 三絲炒米份量不算多，但面上鋪著漂亮的蛋絲椰菜絲紅蘿蔔絲，還有芝麻。米粉非常幼身，特別欣賞超級乾爽，一點也不油，炒得很好花生粥竟然非常綿，煮得夠時間色水看得出來。豬骨肉粒很軟，而且有大量花生，竟然竟然真的有柴魚還有幾條！！ 我只是付了港幣37元，真是匪夷所思啊~ 很久沒有吃到這樣有誠意質量的粥品，而且調味很適中一點也不會鹹，感覺吃得健康。我真的一邊吃一邊感動 然後說實話，我有擔心他們是否能經營下去… 以這樣的價錢，賣這個水平的食物…雖然疫情下我很少買外賣， 多是自己準備午餐，但是也暗下決心要再幫襯支持。最後順帶一提，我幫襯時沒有看過openrice，之後一看發現店的負評真是出奇地有點多😂😂 同樣令我有些意外… 真有那麼差嗎？這和我的體驗不一樣啊~ 其他食物我沒有試過也不肯定，但我今次吃的我非常欣賞我也算是個吃貨，以我不同價位的美食體驗，我覺得這次食物性價比高真是Ａ級😆 至於店員態度，可能我本身沒有什麼要求😂 這種小店還想如何呢？ 如果收我三百七十元就另計，哈哈哈 而且我覺得他們只是沒有很熱情，但也不是沒禮貌，傳統舊式那種做嘢還做嘢😂這不是宣傳文，我真的有幫襯呀，而且看這間店應該都不太介懷食評🤣🤣🤣不過看完眾多負評，我真的很想表達一下，都係要自己試過先至知🤗
continue reading
好多人話過間嘢態度差，真係經歷過先知係點。最近幫襯買小食，女員工態度極差，𢳂嘢食冇戴口罩已經有問題，客人提出時仲反駁話「你堂食都唔會戴口罩啦。」客人話「你係處理食物喔，點同呢」。她又話自己冇講嘢，但明明見到她有對著食物講嘢。嘢食用微波爐加熱，難入口。呢種態度對待公共衛生，永不幫襯。
continue reading
因為金鐘番工選擇不多，員工態度勁差，叫唔應，一張單要重覆好多次，買一樣野都唔記得。又嘈又大聲叫。掛住同人吹水鬧人都唔幫客落單。好似大把生意唔使做咁。愈來愈差，離譜
continue reading
今天本來點了一杯鮮榨橙汁，但是後來看到橙汁一早已榨好放在一旁，附近有果蠅圍住橙汁盤旋，正當店員準備將橙汁倒進杯時時，我問他這不是鮮榨果汁嗎，而且一直有果蠅在附近，你能否鮮榨一些橙汁給我？那店員黑着臉告訴我不能，並叫我點其他果汁，我最後便沒有要任何果汁了。店員態度很差，這裏的果汁也不衛生， 如果大家不怕拉肚子，可繼續在此購買果汁。
continue reading
先講食物, 真係好一般, D醬唔係清楚分明(即一pat甜醬, 一pat麻醬清楚睇見), 而係混為一體一pat野, 唔知仲以為好似shake shake薯條咁shake過。拎食物嘅過程中, 無跑無跳無撞無fing過, 一打開個盒d汁已經圍晒邊, 搞到個袋勁污糟(好難怪人會覺得佢shake過盒腸粉囉！)服務係最差一環!!!!每人於右邊排隊購買食物, 買完就喺左邊排隊等拎 (同m記一樣)。明明係我排先, 食物都已經準備好, 就等入袋同俾錢, 男員工(疑似老闆)完全唔理排隊嘅人order先後次序, 只見有咩準備好嘅食物最近自己就入袋收錢先, 咁樣唔駛排隊啦, 而且9成人都需要找零錢, 你skip左我就去收另外兩個人嘅錢先真係好唔合理囉！佢未入袋收錢時, 我已經用手指指住我盒腸粉並講"哩盒係我的", 佢都照skip! 我無可能唔俾劣評佢。仲要今次已經係第2次發生, 諗住俾多次機會佢地, 結果都係一樣所以唔會再有下次, 永不幫襯!
continue reading