3好鮮果店 (Closed)

第一次惠顧這間不起眼的小店，事緣早前放工經過聞到飯餸香，就記在心中。剛好星期三午餐買外賣，就試試。老實說，在海富中心角落的這間小店真是很不起眼，就像舊區的家庭式小店 ，同時賣飯餐三文治燒賣腸粉鮮果杯等等。午餐餐單選擇不多，價格倒是很便宜，在金鐘地區來說四十多元一個午餐？不過這些實在吸引不了我，畢竟第一次惠顧，不知水準怕中伏然後我看到還有傳統茶餐廳式每天飯餐選擇，星期三是柴魚花生粥配三絲炒米這兩款都是我喜歡的食物，才37元所以就選了這個～ 店裏有一位女士和兩位上點年紀的大叔大嬸，我以為下單後會超級快，因為那時沒有其他客人，但是還是等上了幾分鐘。 我不趕時間也無所謂，而且舊式店鋪就是這樣吧 有他們自己的節奏～這時有位女士可能是熟客，問有沒有魚餐，因為午餐42元也包括蒸魚～回到工作間，打開外賣盒一看可能我本身沒有期望，所以反差的驚喜特別大！！！ 好靚仔呀 三絲炒米份量不算多，但面上鋪著漂亮的蛋絲椰菜絲紅蘿蔔絲，還有芝麻。米粉非常幼身，特別欣賞超級乾爽，一點也不油，炒得很好花生粥竟然非常綿，煮得夠時間色水看得出來。豬骨肉粒很軟，而且有大量花生，竟然竟然真的有柴魚還有幾條！！ 我只是付了港幣37

好多人話過間嘢態度差，真係經歷過先知係點。最近幫襯買小食，女員工態度極差，𢳂嘢食冇戴口罩已經有問題，客人提出時仲反駁話「你堂食都唔會戴口罩啦。」客人話「你係處理食物喔，點同呢」。她又話自己冇講嘢，但明明見到她有對著食物講嘢。嘢食用微波爐加熱，難入口。呢種態度對待公共衛生，永不幫襯。

因為金鐘番工選擇不多，員工態度勁差，叫唔應，一張單要重覆好多次，買一樣野都唔記得。又嘈又大聲叫。掛住同人吹水鬧人都唔幫客落單。好似大把生意唔使做咁。愈來愈差，離譜

今天本來點了一杯鮮榨橙汁，但是後來看到橙汁一早已榨好放在一旁，附近有果蠅圍住橙汁盤旋，正當店員準備將橙汁倒進杯時時，我問他這不是鮮榨果汁嗎，而且一直有果蠅在附近，你能否鮮榨一些橙汁給我？那店員黑着臉告訴我不能，並叫我點其他果汁，我最後便沒有要任何果汁了。店員態度很差，這裏的果汁也不衛生， 如果大家不怕拉肚子，可繼續在此購買果汁。

先講食物, 真係好一般, D醬唔係清楚分明(即一pat甜醬, 一pat麻醬清楚睇見), 而係混為一體一pat野, 唔知仲以為好似shake shake薯條咁shake過。拎食物嘅過程中, 無跑無跳無撞無fing過, 一打開個盒d汁已經圍晒邊, 搞到個袋勁污糟(好難怪人會覺得佢shake過盒腸粉囉！)服務係最差一環!!!!每人於右邊排隊購買食物, 買完就喺左邊排隊等拎 (同m記一樣)。明明係我排先, 食物都已經準備好, 就等入袋同俾錢, 男員工(疑似老闆)完全唔理排隊嘅人order先後次序, 只見有咩準備好嘅食物最近自己就入袋收錢先, 咁樣唔駛排隊啦, 而且9成人都需要找零錢, 你skip左我就去收另外兩個人嘅錢先真係好唔合理囉！佢未入袋收錢時, 我已經用手指指住我盒腸粉並講"哩盒係我的", 佢都照skip! 我無可能唔俾劣評佢。仲要今次已經係第2次發生, 諗住俾多次機會佢地, 結果都係一樣所以唔會再有下次, 永不幫襯!

我既減肥首選!!真係唔講得笑, 日日坐係OFFICE 8鐘, 除左肥左就係係肥左!!開始接受唔到自己個大肚腩, 但又冇飯可帶!!唯一既選擇就係LUNCH食健康d啦!!!呢間鋪除左搾果汁之外, 仲有做午餐SET!!一個午餐SET都係$40, 重點係夠飽肚又健康!!女士減肥真係要靠佢!!咸牛肉三文治+蔬菜沙律+是日飲品(西瓜+蜜瓜) $40佢有N款三文治可以揀, 想有小小肉既都有, 今日叫左個咸牛肉三文治, 超級多沙律菜, 又勁新鮮, 仲有鮮蕃茄片, 咸牛肉本身應該咸, 但夾左落三文治度又有菜, 就唔會覺得咸, 仲好有飽肚感, GOOD!!淨三文治$13咋!!個蔬菜沙律超多料!! 紅椒 黃椒 豆 粟米 沙律菜 火箭菜 車厘茄……!!!食到有一刻我覺得自己好似一頭羊!!不停係度食草!!不過都ok既, 因為真係會對身體好, super排毒!!!

剛好這幾天落大雨，同事們都唔想行出去灣仔區食LUNCH，同事介紹果汁店的沙律午餐看看我有無興趣。其實自從搬到金鐘返工後，體重不斷上升，家中又無飯盒可帶。俾機會自己食健康一點其實都是好事。店舖外貼滿不同果汁三文治的組合，睇到人眼花撩亂。最後㨂咗一個包三文治＋水果盒＋果汁的套餐。 蛋沙律三文治大量的生菜配上蛋片，調味的沙律醬不會太多，真的是一份很健康又飽肚的三文治。什菜盒賣相很美的什菜盒，五顏六色的蔬菜，蔬菜的款式都很多樣化：蕃茄、青瓜、粟米、燈籠椒、沙律菜。因為第一次買不知道可以另加沙律醬汁，只有少量橄欖油作調味真係食唔慣純菜盒。蜜瓜西瓜汁是日指定的果汁不用另外加錢的，果汁都好新鮮。 整體黎講，$40可以有三文治＋水果盒＋果汁都幾抵食吓。

今日知道自己放左工會去做運動, 所以諗住買小小野食, 因為唔可以食太飽, 所係求其係海富呢間生果汁店買定個三文治打底用。唔係第一次幫親架啦. 不過唔知點解佢轉左個新名就變左第二間鋪, 說實話食物同價錢都冇咩問題, 不過D服務態度就真係麻麻, 唔係全部人, 有D好NICE,, 睇你好唔好采!!!今日LUNCH尾先去到, 三文治冇咩得揀, 求其要左個腿蛋三文治 $13。雖然得半份, 但材料真係好足夠, 火腿雞蛋沙律醬, 仲有蕃茄片, 同埋無限既沙律菜!!!材料好新鮮!!真係好健康既選擇!!如果認真減肥真係可以考慮一下餐餐LUNCH都食佢。佢仲有餐架，三文治加沙律/生果王加野飲都係40幾蚊, 一定夠飽!!!