Video
Telephone
+853 2893 8670
Additional Information
樓上派對房可容納15人, 晚間主要做私人派對
私人派對需於一星期前預約
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
星期日下晝去澳門逃離一下工作嘅煩惱，冇急急腳嘅情況底下，搞到13:45先出到大馬路。二話不說先去買左少少手信，方便一陣唔洗趕。途中見到一間之前bookmark咗想試嘅餐廳有開。買完就返去試試佢。間餐廳就係位於福隆新街嘅「老地方」，入到去見到兩台客。好似都係本地人，不其然有少少信心。呢間餐廳其中一樣菜式就係土生集會（tacho)。一望望個size同價錢有少少卻步，standard size 係四人份量（$380）。我兩個人食完呢個都會食唔到其他嘢。好在店員好慇勤咁介紹返個菜同埋話可以做過細portion俾我地。咁我地就連埋馬介休球同乾免治飯一齊落單。 先上枱嘅係乾免治飯，個菜式名叫乾，但係佢有隻煎蛋係飯面同埋有啲薯仔粒。有啲水份同蛋液令到個飯口感唔會乾爭爭，啲豬肉醃完炒到乾身，睇落簡單嘅炒肉粒但估唔到咁香。有驚喜👍🏻。喜愛度(5分為滿分): 4.5跟住就到馬介休球。炸得唔錯，外脆內嫩。食到一絲絲嘅馬介休肉。好食。喜愛度(5分為滿分): 4最後就到今次餐晏嘅重頭戲，tacho土生集會，佢名副其實係一個大雜燴嚟。裏面有葡腸，臘鴨件，雞件，排骨，豬皮同大量嘅椰菜。豬皮燉到淋晒，加上葡腸同臘鴨帶到嘅鹹香同埋椰菜嘅甜，成個菜式好似飲緊花膠湯咁嘅感覺，有膠質，湯奶白色。食完直頭覺得唔夠喉，有機會一定翻食。喜愛度(5分為滿分): 4.5今次呢個午餐食得好愉快，店員好熱情，仲會講下少少個菜式嘅典故（香港少見），價錢亦合理。地點方便。下次過開澳門可能會同家人再去多次。
continue reading
4個月內去左兩次澳門，試左四間葡國餐廳，有米之蓮，有長龍熱店，比較之下，呢間細細間冇乜裝修，乳豬有啲肥又唔係全部脆皮，食物外觀普通，個場唔太爆⋯⋯竟然唔單止最平，仲係最好食！叫左乳豬拌黑醋沙律、馬介休球、馬介休意粉、無花果蜜梳打、凍檸茶，只係299(好似冇加一)，全部清碟，當晚顧客都係本地葡人，下次去澳門一定會再嚟食！
continue reading
葡國腸來澳門值得試吓，不過要預咗都幾鹹。盛裝的碗幾可愛，是豬仔形碗。葡國雞有自家製的感覺；特別欣賞咖喱汁，似係以雞汁煮成，用來撈飯食一流，鮮味十足。雞肉有醃製過，入味的。另外有薯仔、雞蛋做配菜。馬介休意粉芝士味很濃，應該加了不芝士。隱約吃到經鹽醃製而成的鱈魚，不會咸，就變成一個澳門特色的菜式。
continue reading
早幾年黎到澳門試過葡藉老闆娘手勢之後，一直都好喜歡黎呢度食無論小食或者晚飯。早幾日再黎，下晝兩點左右時間，無見到熟悉的老闆娘，反而有個外藉男士看鋪，因為一行5人地下座位唔夠，要開樓上，但果位男士就咁開左門開左燈就無理我地，無開冷氣好焗，唯有走返落去叫佢開冷氣同比MENU啦。點知佢竟然寸寸貢問我地係咪墨西哥黎，咁既天氣仲要開冷氣？（全程英文）如果唔係專登帶朋友黎試，我一定走人！待慢客人仲咁寸，所以好求其叫少少小食就算啦！或者以後來澳門未必再黎啦！
continue reading
每次嚟到澳門...我都定必要食返個馬介休球...因為真係好好食...外脆內軟...清淡中帶點魚香同薯香...不甜不咸味道剛好...口感一絲絲一層層咁...連不愛吃薯類嘅我都深深愛上了...不愧為葡國菜嘅精髓...！咁啱呢日同男朋友去龍環葡韻睇完"暖戀紫情-薰衣草花展"之後...我哋就諗住去返波爾圖度醫下肚...點知去到係落場時間...想食就要等到1730了...男朋友知我肚餓唔想我等成個鐘...佢就帶我出返去新馬路搵食...但係係大街上搵咗段時間都搵唔到葡國菜...咁我哋就轉移去一啲巷仔度了...行行下就嚟到福隆新街搵到呢間餐廳...見佢冇人唔使等就入咗去了...嗰陣已經1800好肚餓了...雖然舖頭入面得3張檯...但佢係1對3嘅貼身又貼心嘅服務...可見嘅菜式唔多...全部都係啲黑板仔上面...但係價錢可謂平民大眾化...我哋仲好有禮貌問佢借個WiFi一用...最初我哋只係點咗4件馬介休球(MOP$36)...仲有2件蝦多士(MOP$18)同1份蜆肉意粉(MOP$45)...馬介休球係精髓就唔多講...反而想講蝦多士多啲...因為個蝦多士我覺得好驚喜...！係除咗馬介休之外...會令我再番桌嘅原因...三角形嘅外表...不論新鮮炸起或是放暖了...佢嘅外皮依然好脆...外皮脆脆的但也仍然保留咗少少水分...令到佢個皮唔會話好乾...裏面軟軟的也保持了不少水分...而且炸得一啲都唔油...佢個餡肉除咗係蝦肉之外...亦都有啲蝦粒或是原隻蝦仁...我哋最後係再叫多咗4件蝦多士㗎！而另外個蜆肉意粉嘅蜆肉亦都好多兼好大粒...所以啲巷仔小店總係令我哋有意外驚喜...我哋就成日誤打誤撞就搵到啲好野食...只要有心...就一定會搵到好野食...
continue reading
You may be interested in