Video
4-min walk from Exit E, Causeway Bay MTR Station; Causeway Bay MTR Station, Exit D2, approximately a 4-minute walk.
continue reading
Telephone
29822118
29822138
98770568 (WhatsApp)
Opening Hours
Today
12:00 - 22:30
Mon - Sun
12:00 - 22:30
*最後入座時間: 21:00
Above information is for reference only. Please check details with the restaurant.
About
最近天氣有時凍凍地就好想去打邊爐。咁啱同朋友食生日飯，順便見天氣凍就去咗銅鑼灣新開嘅一間台灣邊爐試吓。位置上啱啱開係新落成嘅商場，幾近維園嗰邊叫做都幾方便。入門口係一部夾公仔機，不過佢唔係夾公仔係夾零食，啱晒小朋友嚟玩。 邊爐湯底可以選擇單一或者鴛鴦煲，我哋就揀咗鴛鴦煲。湯底都幾多選擇，同埋都幾特別。 我哋揀咗「招牌爆炒海味石頭」同「聰明沙茶魚頭湯」 。 個人覺得幾特別嘅係招牌爆炒海味石頭湯底，特別在一開始職員會喺你面前表演爆炒海味，散發出清香 ，再放啲豬肉片 ，煎香咗之後再落湯底，過程中仲會用溫度計嚟測溫度合唔合標準。非常特別。 兩個湯底味道唔算好鹹個人認為啱啱好。 之後就叫左「肉瀑布」、「餃類拼盤」、「手切日本A4和牛」、「海上花」。肉瀑布係以美國牛肉拼湊而成一個類似樓梯形， 職員會加上乾冰做出好似瀑布既外觀 打卡一流。 海上花，顧名思義是不同的魚類，合共4款。中間有一款更擺到花咁 好靚。肉質鮮嫩除咗必叫的東西外，仲可以喺外面嘅自助吧拎甜品雪糕。當日的雪糕是雀巢，有3-4款口味。 以甜品是冬瓜茶，旁邊配以三款配料，包括芋圓等。 生日壽星，更可有「蛋糕」 。 「蛋糕」不是一般蛋糕，而係以豬肉擺成蛋糕外表，10分特別。 上枱是職員更會跟你唱生日歌10分有氣氛個人認為依間比得上海底撈，一來是服務很好很細心，二來打卡度極高感覺很高級。 餐廳更加提供橡筋同衛生洗手間，甚至有牙線漱口水等清潔用品10分體貼。
continue reading
正當旅遊協會落力推廣香港服務態度之際，連獲三年好感動冠軍的，台灣排隊名店「肉多多火鍋」落腳銅鑼灣糖街，也許能幫我們一把！來自台灣最歡樂嘅火鍋品牌，「肉多多火鍋」的宗旨是帶給客人愉快的用餐體驗，係一間賣服務同歡樂嘅餐廳！事事細心行多一步，正是香港飲食業需學習的態度。咁究竟「肉多多火鍋」有咩與別不同，先講呢個生日蛋糕：生日肉蛋糕生日蛋糕五花八門非新鮮事，但依然覺得呢個生日肉蛋糕很震撼，一眼望落去真係好多肉！與「肉多多」之店名非常合拍。全部都係豬肉，脂肪紋理有序，擺放得整齊，好想同佢點把火，只欠枝蠟燭，哈哈！原來肉蛋糕在台灣是很普遍。凡當月壽星會員皆會免費獲贈生日肉蛋糕，嘩啦啦，絕對是在火鍋店內最實用又最令人開心嘅禮物！沾醬攻略我平日唔太識調醬，睇到牆上呢個攻略，非常受落，甚感細心！這裏的調味料不乏自家調製，例如古早味醬油、岡山腐乳醬、香油等，自己隨意混合都好好食。漬物小吃在醬油附近三款漬物小吃，最特別是熱情果，鹹甜交替。甜湯亦有兩款甜湯，分別是檸檬白肉及燒仙草，個人認為檸檬白肉非常好飲，清甜可口，餐餐後都適合。重點當然在食物：鴛鴦鍋－招牌爆炒海味石頭湯配聰明沙茶魚頭湯講明夠細心，當然有鴛鴦鍋。正好遇上我們兩個有不同口味。老公鍾意香口，我鍾意食魚。聰明沙茶魚頭湯大大個魚頭，皮厚肉多。招牌爆炒海味石頭湯打響名堂的招牌爆炒系列，以數種海鮮及蔬菜調製的秘製石頭醬，佐以獨門爆炒油爆炒後，搭配柴魚高湯多層次的鮮美口感，面前即炒即吃，爆炒超級香，裏面嘅豬肉片，很爽口！大滿足痛風號*1超喜歡食海鮮，海蝦有3款，魚又有3款，2只帶子、10粒蜆、魷魚2條、若干蠔及手打蝦膠一份。值得一提，竟然有剝蝦服務，真心被感動，據說涮肉服務都有，不過唔好麻煩人，自己涮仲開心。松阪豬心水推薦，上乘超爽嫩，口感一流。魚皮餃+薯粉餃皮零舍煙靭，意外驚喜。蔬菜寶盒叫佢寶盒冇錯，真係好多款式。滷肉飯老公無肉不歡，估唔到好好食。貪心多嚐兩款夜市美食，鹽酥雞及白糖粿。最後，仲有雀巢雪糕食，不知幾多年冇食過牛奶公司嘅雪糕。突然間啲人咁開心嘅，原來每晚皆有突發活動，經理會走出來出個題，之後客人鬥快致電指定電話，中獎的客人即送一份食品。「玉多多」尚有貼心小物，如果有需要可以用，洗手間內有漱口水、芬芳劑、長髮有髮圈，孕婦可借抱枕，手機冇電借充電寶等。最後唔好忘記去玩夾公仔，消費$100兌換一枚代幣，夾中有零食！有得玩必開心，個個帶着歡迎聲音離開，真好橋，唔怪得獲獎！環境方面，光猛舒適，服務到位，點可能有投訴！
continue reading
以歡樂台式服務紅遍台灣，台灣人氣「肉多多火鍋」全球首店終於開幕常去台灣的我，當然對台灣火鍋第一品牌「肉多多」不會感到陌生，在台灣連鎖火鍋網絡口碑排行榜第一名，係人氣排隊名店！以歡樂台式服務紅遍全台灣，香港作為「肉多多」全球海外首店終於開幕了，想吃正宗台式爆炒火鍋和同時品嘗到道地的台灣夜市小吃，不用親身飛台灣，在香港就可以吃得到了這間台灣人氣火鍋店在台灣已獲得很多獎項，已連續三年獲得好感度冠軍，創立的宗旨是歡樂多多，雖然肉多多是賣服務和帶給大家歡樂的餐廳，但食物質素一樣唔差，其招牌爆炒石頭湯底和麻辣湯底必定要試試自助區設有醬料、前菜、雪糕、愛玉提供✨麻辣鴛鴦鍋▪️招牌爆炒海味石頭鍋招牌湯底，用幾種海鮮和蔬菜調製的石頭醬，利用爆炒手法來增加食材嘅鮮香味道，再加入特製湯底，帶出鮮甜濃郁的味道，店員更會即場在客人面前爆炒，光聞到已經覺得好香▪️猴腮雷台式麻辣湯這個湯底非常適合喜歡嘗辣又不吃牛的朋友，湯底選用豚骨湯，用了多種辛香料和特調嘅麻辣醬烹煮而成，味道香醇唔會太嗆辣或者太麻，覺得辣度唔夠，更可請店員稍作調整、鍋底的鴨血和豆腐都很出色，入口嫩滑，更可無限次免費添加，保證吃到飽✨肉瀑布▪️ 頂級霜降牛選用牛肩胛中軟嫩的部位，油花分布均勻呈現霜雪狀，肉中間有少許細筋，肉質香甜軟嫩▪️ 比利時橄欖豬橄欖豬是飼養由小麥、大麥、粟米和大豆等純天然穀物加上橄欖油的飼料，作為健康脂肪的來源，在飼料中使用橄欖油來增加豬肉中不飽和脂肪酸含量，橄欖豬肉細膩的紋理，肥瘦比例均勻，口感嫩滑多汁肉瀑布上枱時都很震撼和充滿仙氣，打卡一流✨生日肉蛋糕會員生日優惠，當月壽星會員便可兌換生日肉蛋糕，很適合來慶祝食生日飯✨鮮蔬寶盒菜盤非常豐盛，有香菇、紅蘿蔔、金針菇、杏鮑菇、高麗菜、豆腐、粟米、萵筍、白蘿蔔等等✨響鈴捲｜油炸鬼▪️油炸鬼浸在麻辣湯數十秒，仍可保持脆度，咬落脆卜卜▪️響鈴捲火鍋必點，喜歡放在麻辣湯上吸晒麻辣湯嘅味道✨刀削麵｜滷肉飯▪️滷肉飯的滷肉肥瘦比例均勻，充滿台灣的風味▪️ 刀削麵口感QQ，充滿韌性和彈性，配上石頭鍋香甜的湯底更美味「肉多多」更有多款夜市美食，蚵仔煎、鹽酥雞、炸花枝丸、白糖粿、蚵仔酥、麻辣鴨血豆腐等✨花枝丸｜白糖粿▪️花枝丸炸到金黃酥脆，內裡口感鮮甜Q彈▪️白糖粿口感煙煙韌韌，似麻糬，外層加了黑芝麻味道香濃帶回甘味，適合作為甜點除了食物之外，更着重的是服務▪️晚八活動，鬥快打出電話可贏取美食▪️生日當月壽星會員可免費兌換生日肉蛋糕▪️可提供剝蝦涮肉服務，夠晒體貼▪️有漱口水和芳香劑，可為孕婦提供抱枕，更為長髮女士提供髮圈，服務非常貼心▪️貼心小卡一張，夠窩心▪️免費夾娃娃，消費滿 $100 即可兌換一個代幣，有得食又有得玩
continue reading
2024年最後一日當然要食好d😂朋友揀咗去台灣有超過50間分店嘅超人氣連鎖鍋物👉🏻肉多多火鍋，之前開幕時已經好想過嚟試不過見好多人排隊所以未試到😅今次終於約埋朋友齊齊過嚟試吓🤪🍲胡椒豬肚雞湯 $118打邊爐前先𢳂一碗飲，湯底非常鮮甜濃郁，內有豬雞|雞件|紅棗|枸杞 等好足料🥓牛豚雙饗澳洲和牛+日本豚肉 $248肉瀑布果然名不虛傳超級壯觀😍澳洲和牛牛味濃郁，肉質厚實，而日本豚肉肥瘦適中，肉質軟熟🎂生日肉蛋糕 當月生日免費換領朋友今個月生日，換咗個肉蛋糕，賣相勁靚真係好啱打卡🤣食吓食吓原來都幾多片肉，夠晒飽肚😂🫙醬料吧 $18/1位外面醬料區除咗醬料仲有3款前菜，糖水同埋雪糕任攞，牆上有沾醬攻略可以跟住嚟調較醬汁👍🏻糖水好有台灣風味😋除咗餐點外服務亦值得一讚，店員好貼心咁提供圍裙&髮圈，亦好勤力幫我地加茶/加湯👍🏻
continue reading
今日喺銅鑼灣糖街發現咗幢新嘅商業大廈上面有間台式火鍋，俾佢個名肉多多吸引左去試下😂餐廳主打正宗台式爆炒火鍋和地道的台灣夜市小吃，如招牌的爆炒海味石頭湯和麻辣湯底。顧客可享受豐富的肉類選擇和自助醬料區，並提供獨特的生日肉蛋糕服務。😌胡椒豬肚雞湯 $118好濃郁嘅胡椒味再加入紅棗、枸杞等配料還有雞件同豬肚，口感豐富👍🏻手豚雙響肉瀑布$248有澳洲和牛+日本豚肉完全份量十足😂超大份！另外仲嗌咗啲台灣夜市小食😌鹽酥雞 🐔 $32炸花枝丸 $42 價錢唔算貴但份量都有多～最後仲有甜品吧～可以自己調配仙草芋圓👍🏻👍🏻
continue reading