Video
2-min walk from Exit D2, Central MTR Station
continue reading
Telephone
23618933
Opening Hours
Today
12:00 - 14:30
18:00 - 22:00
Mon - Sun
12:00 - 14:30
18:00 - 22:00
Above information is for reference only. Please check details with the restaurant.
3819 views
籃神長輩退役多年，竟然與相差半世紀嘅XO仔一見如故，好玩愛食，麻雀馬仔就連波波都答得上，話題不盡！得悉上月家中只剩大小雙肥天天獨對，即相約晚聚開P，介紹佢覺得2024年最有水準嘅新餐廳「昌哥粵菜館」！以「昌哥」起名都估到佢來頭唔野少！原來主廚兼老闆昌哥先喺名中菜館（別號「三個女人」）後喺某大學同學會作廚，廚功絕對唔講得笑，唔怪得知餐牌上好多菜式都似曾相識啦！年初開幕嘅中菜廳位於老蘭對落一幢商廈二樓，樓底較矮，滿座時難免會有啲嘈雜。店子面積雖小，但勝在五臟俱全，大堂有電視睇，另有一間可容納上十四人嘅私人廂房。房間私隱度高，晚市最低消費設於合理嘅HK$5,000，服務生好客落力，必需一提嘅就係開瓶費為$50/樽，堅抵玩！主人家早已訂下九大簋菜單，盛設得很！皮蛋子薑（$170/例）：如相所示，打響頭炮嘅皮蛋件件光滑流心，子薑食落仲要係零渣，超！鳳尾蝦多士（$128/半打）：懷舊粵菜酥化香脆兼彈牙，每件多士上都有隻連蝦尾嘅蝦蝦，蝦多士咬落熱辣之餘仲一啲都唔油膩，香口尤甚，送酒一流！腿茸鷓鴣羹（$220/四位）：鷓鴣羹質感軟綿細嫩，鮮香甜美，柔潤不溜滯，一人飲兩碗絕對冇難度！陳皮蒸牛肉餅（$160/例）：意外地.，外表看似厚實嘅蒸牛肉餅極其鬆巧，食落好似一碟蒸牛肉球嘅變體版咁，幾棧鬼架，簡單跟碗白飯或者係白粥就最醒神！國色天香雞（$890/隻）：已預先拆骨去肥嘅國色天香雞明顯係功夫菜。軟滑嘅雞皮下少少肥膏都唔見，下層自家打出嘅蝦膠雪白厚潤，頂面淋上滑溜嘅蛋白蟹皇芡汁有效地添上芳香與鮮甜。豉汁蒸大魚雲：大肥大讚魚雲鮮香嫩滑入哂味，不過由於室內冷氣強勁，喺轉盤度轉咗兩轉魚雲就開始凍，所以建議師傅考慮下次用煲仔上。蝦醬啫啫唐生菜煲（$120/例）：唐生菜翠綠爽脆，煮製時間及用上嘅蝦醬比例勻恰到好處，惹味得黎完全唔會話腍哂又或者係過咸。蝦子柚皮（$95 /件）：大大塊柚皮軟腍幼滑，而且一啲澀味都冇，簡單可口。八寶蓮子鴨（$510/隻）：第一刀切落去巨型嘅八寶鴨，皮層裂開後迅即散發出香氣！長輩大讚足料且蛋黃多，小肥因對栗子敏感唔食得啲餡，其實淨食薄滑軟潤嘅鴨皮已夠滿足！紅酒啤梨：結尾嘅紅酒啤梨甜品嘅賣相十分洋化，梨梨甜中帶微微酸，腍中帶爽，清香輕盈，一個人食哂成隻都唔覺滯。中環樓上中菜館「昌哥粵菜館」環境光猛企理，服務優良，多款懷舊菜式高質美味，新派甜品亦相當討好，加上價錢合理，難怪開業僅僅半年已擁有一群捧場客，果然有料到！
continue reading
🔹️開心聚餐選來中環 “昌哥粤菜館” 午饍🥢 菜館地方不大,食物有水準🤗 服務稱心👨💼👩🏻💼🔸️八寶冬瓜盅🧶很喜歡這個八寶冬瓜盅, 材料豐富、份量滿滿, 味道甘甜滋味(需預訂)🔸️蝦子柚皮🧆以鹹香蝦子和甘甜柚皮, 味道濃郁入味, 質感海綿般似的😊🔸️鳳尾蝦多士🦐鮮蝦彈牙爽口, 味道酥脆鮮甜不油膩👍🔸️盬焗雞🐔肉質鮮嫩幼滑, 味道鹹香鮮甜🤤🔸️菜遠生魚片🐟生魚片鮮嫩、爽口彈牙, 菜心鮮嫩爽脆😋🔸️黑醋蜜棧一字骨🐖味道酸酸甜甜啖啖肉,十分開胃👍🔸️蝦醬啫啫唐生菜鮮魷煲🦑🥬生菜爽嫩, 鮮魷彈牙入味, 鹹香撲鼻🤗🔸️甜品🥣點了招牌蛋白杏仁露和生磨合桃露, 質感綿滑、味道濃郁香甜, 十分滋潤💞
continue reading
Heard great things about Cheong Gor and was excited to try. 皮蛋子薑鳳尾蝦多士. 菜瞻杏汁白肺湯 hearty and perfect for the weather. Didn’t take photo though.椒鹽炒鮮魷 Fresh and loved the salt and peppery flavour. 古法鹽焗雞 Highlight of the meal. Crispy skin and very succulent meat. A must order. 菠蘿咕嚕肉 Nicely done. 老少平安 Professional Athlete requested it. Very homey dish.雜菜煲蝦子柚皮蛋白杏仁露Overall a nice restaurant for some easy home cooked dishes at reasonable price point that one would revisit.
continue reading
好果想食好食嘅傳統粵菜，呢間粵菜餐館唔會令你失望。預訂咗個杏汁白肺湯，杏汁的香味配上豬肺，一邊飲一邊就覺得好滋潤，豬肺夠晒淋，而且又非常入味。另外仲預訂咗鹽焗雞，又係一絕，隻雞夠晒嫩滑，非常入味，感覺上連D骨都有鹽焗嘅味道，火喉控制得十分好，連平時唔食雞皮的我都忍唔住食咗幾塊，真係好掂。第三個預訂嘅菜式就係家鄉釀鯪魚，都算係功夫菜，鯪魚先起肉，然後攪碎佢，再釀返入個鯪魚身入面，為嘅就係可以啖啖肉咁食。話雖如此，我個人仍建議食嘅時候都要小心D，因為都有機會有D碎骨嘅。最後一個餸無預訂嘅，就係柚皮菜芯，印象中衣家唔係好多地方可以食到柚皮，呢度嘅柚皮又真係炆得幾好，扣返個汁，味道特別好。
continue reading
我成日覺得山珍海錯整得好食係理所當然，因為材料本身往往已經贏在起跑線，而且一般嚟講靚嘅材料都唔會交畀啲廚藝普普通通嘅廚師處理，所以我自己認為越簡單嘅菜式就越能夠顯出師傅嘅功架，就好似呢一間粵菜館咁樣。叫咗四個好普通嘅餸，四個都非常出色。椒鹽鮮魷：魷魚新鮮肉質彈牙，炸粉漿厚薄適中，椒鹽份量啱啱好。子薑菠蘿咕嚕肉：肉質新鮮，食落去覺得師傅似乎用傳統嘅山楂去做個汁，所以個酸甜味係令人有一種好舒服嘅感覺，d子薑令到碟咕嚕肉生色不少。涼瓜炒蛋：呢個最有驚喜，好少食到涼瓜炒蛋可以有咁滑嘅蛋。南乳粗齋煲一啲都唔粗，南乳味比較溫和，當然入面嘅材料都好新鮮啦。
continue reading