Video
2-min walk from Exit D2, Central MTR Station
continue reading
Opening Hours
Mon - Sat
12:00 - 14:00
19:00 - 22:00
Sun
Closed
Above information is for reference only. Please check details with the restaurant.
Recommended Dishes
. [🇭🇰香港- 中環].🔻初訪 - 專食和牛嘅懷石料理🐮Lunch Omakase總共8道菜, 一餐就試到廚師用唔同嘅烹調手法去炮製和牛 - 有生牛肉薄切, 炆牛腩, 壽喜燒, 炭燒…最❤️係圖1嘅 ”小田和牛三文魚子煲仔飯” 同 “炭燒海膽和牛壽司”成餐全牛宴真係太飽太滿足.🔻🍽 USHIDOKI📌 地址: 尖中環皇后大道中48號萬年大廈1樓2A號舖.#tummysreadyattsimshatsui #tummysreadyforjapanese #tummysreadyforsukiyaki
continue reading
由日籍大廚Chef Tommy主理嘅和牛 Kaiseki Omakase 牛肉方面則全採用高質日本鹿兒島小田畜產嘅A4和牛🐮 第一次嚟食晏 非常滿足亦都超級飽🥴 和牛壽司 壽喜燒 竹炭燒牛肉 和牛釜飯 乜都齊 一定能夠滿足大家對和牛嘅慾望😂 咁多度菜中小編最喜歡 🌟清甜軟腍嘅牛腩oden🌟 🌟入口滿口油香嘅海膽和牛壽司🌟🌟炭焼小田和牛🌟 🌟和牛雜菌三文魚子釜飯🌟
continue reading
完全明白是放縱…你唔怪得我，對住採用日本鹿兒島小田和牛，10道席前懷石料理，仲要係全港獨家供應，以omakase形式呈現出最珍貴，最高質既烹調手法呈現出來。但是只得這刻可相信，可以話係你叫我最快樂，你叫我最渴望，我知道我再講落去，都係廢話，開餐啦好嗎？👇🏻📌Dinner Omakase - $1,800/Head▪️ Wagyu Consomme Espresso -▫️ 頭盤「法式和牛濃清湯」打頭陣，chef用鰹魚高湯、新鮮蔬菜、日本鹿兒島A4和牛，熬製而成，拎返佢最更始自帶味道，無額外鹽無豉油，已經做到最鮮味。▪️ Smoked Wagyu & Sea Urchin -▫️ 第二道「煙燻A4海膽和牛卷」，chef用鹿兒島A4和牛包住北海道根室海膽，夾雜住紫菜、Wasabi，再用荷葉煙燻過，一次過食，口腔滿滿都係和牛既油香，海膽既鮮甜，加埋Smoky香味，成個配搭好夾。▪️ Seasonal Appetizer - ▫️ 今日「季節性前菜」包括沖繩醋水雲，面頭落左d櫻花蝦，酸酸甜甜好開胃；北海道BB薯仔，面頭灑上左巴馬臣芝士，旁邊露荀面頭加左d麵豉汁、山椒麵豉，鹹香十足，另一碟就係間八刺身，底部落左d西洋菜苗，仲有福崗魷魚加上芝麻柚子醋汁，整體清爽鮮甜。▪️ Wagyu Grilled Tartar Sukiyaki Style -▫️ 再黎到主菜「壽喜燒和牛他他」出場，亮點之一既日本太陽蛋用左壽喜燒風味，特別濃香，旁邊既洋蔥炒過，而和牛用上西冷位置，再以備長燒燒過，完全帶出成個牛味，面頭再刨上新鮮法國黑松露，撈埋一齊食，夠哂風味。▪️ Today's Seasonal Dish -▫️ 今日特色菜「慢煮廣島蠔」幾有驚喜，廣島蠔平時煮熟左口感食偏硬，但呢個慢煮至全熟，但口感都偏向刺身級，相當軟腍，好正，底部配搭水茄子、青椒、燈籠椒、意大利黃瓜、柚子醋啫喱、栗米粒、紫蘇花係面，層次相當豐富。▪️ Wagyu Sirloin, Seasonal Vegetables Dashi Shabu -▫️ 再黎就係主菜「和牛西冷Dashi Shabu」用鰹魚高湯熬成，湯底入口相當鮮甜清香，主角同樣鹿兒島A4和牛，入口即化，配搭京都水菜、舞菇、柚子胡椒，認真高質！▪️ Refresher -▫️ 食左咁多和牛，一定要整個「蕎麥冷麵」間一間場，呢隻用上100% 蕎麥麵粉，口感比平時食既更加彈牙，面頭放上法國Kaviari魚子醬、風乾紫菜、再刨左D新鮮烏魚子，成件事多左份鮮味，好食。▪️ Charcoal Grilled Kagoshima Oda Wagyu Tenderloin & Aging Beef Tongue Steak -▫️ 再接再厲就係「炭燒和牛拼盤」，主角分別用上A4和牛既菲力部位同埋澳洲和牛既熟成牛舌，前者肉質比較結實，牛味濃郁；而後者食落相當爽彈，外層帶少少焦脆，再配搭昆布葉、黃芥末籽、Wasabi亦可，都可以帶出更濃郁牛香味。▪️ Wagyu Truffle Rice with Sea Urhin and Salmon Roe - (+$100)▫️ 最後一道主菜「和牛松露煲仔飯」，用北海道七星米整成既日式炊飯，飯香係份外突出，面頭分別放上海膽、三文魚籽、和牛粒、靈芝菇、黑松露、青蔥，成個飯係充滿住一個字，鮮！On side仲有柚子蘿蔔、紫蘇昆布，比你清一清味蕾，呢個絕對夠2-3人份量，相當飽肚。▪️ Today's Dessert & Seasonal Fruit -▫️ 一定要試埋「是日甜品」先至完滿咖麻，今日係北海道豆腐牛乳布丁，chef再係面頭倒上黑楓糖漿，入口滑溜得黎甜而不膩；而旁邊水果就係日本車厘子同埋香檳製成既啫喱，成個set真係好滿足，性價比之高。📌Wine Pairing -▪️ New Saint - Peray ‘Les Bulles d’ Alain’ 2016, Domaine Alain Voge -▪️ Domaine du ROC DES BOUTIRES Pouilly Fuisse 2020 - ▫️ 佢地都有一系列既wine pairing配搭返野食，今次試左一枝sparkling同埋Chardonnay，前者配搭開胃菜，後者襯返海鮮會更加適合。
continue reading
適逢節日，好開心我男朋友會左搵右搵間好餐廳俾我去享受一下，今次呢間餐廳十分欣賞😍更加一試便難忘餐廳位於中環，需要行少少斜路先到達。餐廳門面係一個日本簡約風既設計，十分低調，左邊係我今晚既餐廳~犇，而右邊就係另一間餐廳~希鳥，聽講同樣係好出名🙈成間餐廳只得13個座位，但每個位置都可以睇到廚師製作Omakase既過程😍上網睇一睇，更加發現原來佢既和牛係由鹿兒島尼，農場用日本杉木同柏木製作成豪華地氈等牛有舒服環境成長，咁肉質就可以更加有口感，而農場既和牛只提供比呢間餐廳。男朋友一早預約了晚餐，而且需要提早交一半預約費唷‼️要7點到達‼️菜單會視乎季節經常改變‼️我recommend ⭐️晚市 11道菜 ($2000/人 + 加一)。前菜~ 和牛蓮藕湯 ⭐️由蓮藕蓉整成既湯，湯面既和牛由廚師嚴選出尼最靚既部位，入口即溶，而且牛肉既每邊都煎得好香，配上一個炸蓮藕小脆片和香煎帶子，而脆片想像唔到原來好清甜，雖然呢個係一個湯，但口感似一個蓮藕粥，呢個係個會令人回味無窮既前菜😍。厚牛舌湯 ⭐️由好厚肉既牛舌製成既湯，牛味超級濃，表面有蘿蔔&湯比較清甜，可以平衡返牛同湯既味道。紅酒和牛壽司表面有紅酒汁，而食落感覺壽司飯中間都有和肉，口感好豐富。海膽牛肉tartar 配炸海苔⭐️廚師建議次序第一啖 ~ 原汁原味既和牛他他，牛肉粒整得好細，好易入口，而且旁邊既洋蔥粒令到整體好香口 第二啖~配合海膽&魚子醬一齊食，海膽超級甜，連埋tartar，入口即溶😍😍😍第三啖~ 將蛋漿和魚子醬、tartar、洋蔥粒混合一齊，再放到炸海苔嗰度一齊食，炸海苔比較油，但加埋配料一齊食之後就中和返👍🏻。主角⭐️⭐️⭐️壽喜燒 配 溫泉蛋我最期待既一個菜🙈壽喜燒湯底由洋蔥&松茸慢火煲足全日，而和牛只會係個湯上面輕輕灼5秒，令和牛有半生熟既感覺，再由廚師係每位客人既位置到新鮮刨黑松露，至客人需要既份量🙈和牛熟既程度啱啱好，大約兩三成熟，而且肉質超級嫩滑，配合埋黑松露同魚子醬，即刻帶出哂佢既鮮味壽喜燒湯底不得了🤤湯超級濃郁，而洋蔥味超甜，再配溫泉蛋，我係直頭想將佢既汁飲晒落肚😂旁邊仲有一個細細既飯，可以撈埋呢個湯一齊食，可真正感受壽喜燒湯底既味道。梅酒雪葩食物容器會因應男女而唔同，但雪葩既味道一樣，香印提子配合之下，帶岀梅酒雪葩既甜，以作清理口腔準備食下一道菜。吉烈牛三文治 配 魚子醬&海膽 ⭐️吉列牛既炸皮比較薄，配魚子醬既時候味道會比較重，而海膽較淡，更加試到吉列牛+ sauce配三文治真正既鮮甜味，感覺少少似蘋果醋既味道。溫煮和牛麵豉湯溫煮和牛，湯由少少麵豉、牛&蘿蔔蓉熬製出尼，味道比較淡，所以未太感受到牛既味道。而湯裹面有白子，女仔有兩粒，男仔有三粒，食落味道同雞子一樣。燒小田和牛 配 漬物 ⭐️竹炭燒和牛，肉質超級嫩滑，食到成口充滿油，直接溶化，而旁邊既漬物食起尼感覺比較清新爽口。三文魚子和牛肉手握壽司 ⭐️壽司中有青瓜絲&蘿蔔絲，而上面有新鮮三文魚子同和牛，上面油膩而下面清新既感覺，整左一個強烈既對比，口感好豐富。霜降牛烏冬 配 和牛壽司 ⭐️霜降牛配稻庭烏冬，由於湯(由牛&魚熬製而成)較熱，牛肉就會因應個湯變得熟，所以自己要預時間拎塊牛上尼。湯十分清甜而烏冬好彈牙，但呢塊霜降牛，係全晚油脂最強既牛，入口即溶，回味無窮，十分值得試🤤和牛壽司，由低溫處理和牛，食起尼會比較冰凍，而表面將紫菜既碎其實係黑松露碎碎，但黑松露味道蓋過和牛味，所以比之前食既和牛壽司會一般少少。自家製櫻花雪糕 配 芝麻布丁 芝麻味既布甸，芝麻味十分濃郁而櫻花樣既waffle，而中間係沖繩海鹽雪糕，鹹鹹甜甜作結尾 11道菜，令到我滿載而歸，而且10分難忘，更加欣賞餐廳有準備玫瑰花比每位現場既女士🌹❤️surprised 回頭指數: ⭐️⭐️⭐️⭐️⭐️食物質素: 🌮🌮🌮🌮🌮服務質素: ☺️☺️☺️☺️☺️消費指數: 💰💰💰💰(人均消費$2200)環境質素: ☘️☘️🍀🍀* USHIDOKI (中環)中環皇后大道中48號萬年大廈1樓2A號舖同類餐廳 #cocofood_日本菜 #cocofood_Omakase 同區餐廳 #cocofood中環 如果你鍾意我既分享，按右上角🔔，就可以睇到我所有既update🙈
continue reading
中環隱世Omakase「犇 Ushidoki」店舖主打和牛懷石料理，全部都是日本廚師，榮獲新加坡米芝蓮推介餐廳。今次為大家介紹晚市11道菜廚師發辦：先付：螢光魷魚，雞白子，和牛肉眼螢光魷魚配酸汁啫喱令人開胃，雞白子加上黑醋調味，和牛肉眼入口即溶座付：牛舌湯湯用牛筋丶牛骨丶雞同鰹魚慢火熬煮數十小時非常入味凌ぎ：和牛壽司炙燒和牛壽司，配上紅酒蘋果醬汁向付：和牛他他配魚子醬及海膽伴皇室海苔第一啖可以先品嚐生和牛他他的原先味道，之後再混合魚子醬及海膽奢華配料放在天婦羅上品賞更加美味溫物：壽喜燒配溫泉蛋日本師傅會在你面前刨落一片片黑松露片，加上三成熟的和牛包着洋蔥配搭非常美味箸休：樱花雪葩食到一半就送上時令的櫻花沙冰等客人可以清一清味蕾，之後再品嚐其他食物，沙冰味道非常清新強肴：松露醬和牛三文治松露醬吉列和牛多士，加上魚子醬及海膽帶出鮮味外脆內軟燒物：炭燒和牛配時令蔬菜炭火燒和牛菲力及西冷，肉質飽滿，配上蔬菜，不會覺得油膩食事：冷麵及牛尾凍牛尾經過數小時烹煮加上冷素麵入口冰涼卷物：和牛海苔手卷皇室稀有海苔在外面基本上很難買到，配上小田和牛，洋蔥，青瓜，千本漬食落去非常豐富水菓子：最中餅配紅豆大福伴自家製布丁最中餅非常香脆，配上紅豆大福非常夾配，自家製綠茶布丁，超濃綠茶味
continue reading