Video
Opening Hours
Today
10:00 - 16:00
18:00 - 23:00
Mon - Fri
11:00 - 16:00
18:00 - 23:00
Sat - Sun
10:00 - 16:00
18:00 - 23:00
Above information is for reference only. Please check details with the restaurant.
位於黃埔花園嘅❣︎博藝會❣︎場地裝修好靚好高貴，門口仲有本書型嘅LED螢幕同鋼琴👍🏻感覺好有型😎有三個宴會廳，貴賓房同多間活動室，好適合結婚場地，擺百日宴，私人聚會，企業宴會等等⋯⋯今日來食lunch都幾乎全場滿座👍🏻好多都係商務團隊。❣︎濃雞湯野菌西洋菜餃子❣︎$108🌟必食推介，一上枱已經聞到好香嘅芫荽味🤤餃子皮超薄，餡料足，飲一啖雞湯，加埋娃娃菜同菇菌一齊食，香鮮味濃好正👍🏻❣︎豉汁蒸排骨❣︎$40.8豉香濃郁，排骨啖啖肉，仲有芋頭墊底。❣︎鮮蝦腸❣︎$46.8腸粉滑溜，口感結實，鮮蝦彈牙，切好晒一件件上，方便食用。❣︎雙菇滑雞粥❣︎$56.8雞嘅份量都幾多👍🏻雞件香滑，仲有一小碟花生同炸油條跟埋。❣︎脆皮炸春卷❣︎$40.8春卷炸得又香又脆，好香口，沾埋佢嘅喼汁來食，味道更提鮮。❣︎牛油馬拉糕❣︎$35.8即叫即蒸嘅馬拉糕，熱辣辣，質感鬆軟，味道香甜。❣︎紅豆沙❣︎$26.8紅豆入口軟腍，入口仲有少少起沙😋清甜中帶點果皮香👍🏻
continue reading
成日聽人講ClubOne 食物質素唔好，但今次去食，我覺得又唔係咁差啫.閒日食晚飯，環境都幾舒服👍🏻一行五人，叫咗個六位用嘅個歡樂宴，大概$17xx因為掛住食，冇影晒每一碟餸，以下係部份餸：總括嚟講，覺得啲餸都好食，冇網上講得咁差，當然唔係話勁出色，但賣相同味道都OK，最喜歡，反而係佢最尾嘅糖水紅豆沙紅豆沙唔會好似出邊啲酒樓咁，啲水同紅豆沙會分開兩層，個口感幾均勻😋最後想講，酒樓侍應服務態度都幾好，亦都唔係好似網上嘅評價咁（當然我嗰日去係閒日唔多人）所以仍然推介大家去食.環境唔錯👍🏻
continue reading
七點入座，叫左12人餐，味道超一般，蝦球霉，翅勁重芡，元貝唔知點解有酒精味，脆皮雞一啲都唔脆重油。重點係叫餐都漏單，原本八點開始無上過菜，追單之後荷葉飯變蛋白炒飯，蝦籽伊麵變鮑汁伊麵，食到一肚火，連加水都要自己加，做節真係要考慮清楚先揀去食。
continue reading
博藝會為私人會所，提供多元化的康體設施，設有宴會廳。朋友介紹，會所內的宴會廳名為會所一號博藝會，非會員也可以光顧。博藝會位於黃埔站附近，交通方便。宴會廳裝修華麗，座位舒適，中式點心美味。招牌焗酥皮叉燒包(又名雪山包)46.8元，酥皮鬆化，包軟，叉燒甜，滋味十足。瑤柱菜苗餃40.8元，蔬菜鮮甜，蝦肉彈牙，咸味適中。百化釀魚肚40.8元，蝦膠彈牙，魚肚爽口惹味。香煎蘿蔔糕35.8元，外層香口，內層多汁，蘿蔔味道鮮甜。原隻蝦餃皇46.8元，皮薄饀靚，蝦肉彈牙。蟹籽燒賣皇40.8元，豬肉美味。鮮竹牛肉球35.8元，腐皮爽脆，牛肉味濃。魚籽海皇炒飯(半份)99元，份量多，帶子肉美味，蝦肉彈牙，飯粒乾身。茗茶每位16元。
continue reading
會所1號平時成日都去第二間分店飲茶，今次就試吓佢嘅晚市。兩個人嗌咗三個餸，一個飯，超滿足，食唔晒仲打包第二日帶飯都得。瓦煲豉油雞第一次食呢個配搭，感覺幾新奇，唔好以為牙煲水，就會熟晒，佢都係整得啱啱好，雞肉好嫩滑，唔會太過咸，個汁用嚟配飯一流。黃金蝦呢味餸我哋好鍾意食，去親大排檔都會嗌，嚟到呢度梗係試一試。份量超大碟，仲要有勁多鹹蛋黃，啱晒我呢個鹹蛋黃愛好。啲蝦大大隻，爽口彈牙，配埋鹹蛋黃包裹住。真係飯都食多幾碗。阿蘇粉絲煲見到個名好特別，所以試一試。平時食到嘅粉絲煲多數都係上湯，今次呢個係用炒嘅形式。配料有蝦乾，肉碎，粉絲，芫荽。炒得啱啱好，熱辣辣，唔會乾噌噌。炒得好香，好惹味。最後仲話有紅豆沙做糖水，不過我哋真係太飽，所以就冇要🤣
continue reading