Video
Exit B, Kowloon Bay MTR Station
continue reading
Opening Hours
*Dine in until 16:00
Mon - Sun
07:00 - 16:00
18:00 - 22:00
Above information is for reference only. Please check details with the restaurant.
本來星期六，日打算食餐好，淨係食左早餐無食到午飯,留肚等待食晚飯外賣， 見最近有特價98蚊外賣，打算試下好野。有個冬冬鮑魚海鮮燴試過都叫ok忯食。原本我滿懷興奮 想試下個 海皇燴拉麵，食左兩啖已經失望到心中流淚。個麵底勁淋，好似食糊仔咁，啲餸係幾好，幾豐富。2，3條蟹柳 食落有蟹味，有3隻蝦球，真係幾好食，3隻大大粒帶子但唔熟😅中間仲見到生生地，希望我食緊係刺身級啦！墨魚片有2，3塊可以入口，2片冬菇，3舊西蘭花。見到啲餸果下都好開心。但一切都係幻覺，事關個麵同汁呀！最後一樣大敗筆係個汁呀！潔塔塔～我估係海鮮汁，但我真係唔識欣賞啦！似係啲海鮮融雪水加粉水做汁😭其實你俾蠔油汁我配米線加原來果啲餸 我諗一定好食過依家個配搭。今個星期光顧左3次雖然唔係同一間但都係稻香，真係夠了夠了。除左 38蚊叉燒／油雞飯 配燉湯 我覺得係最滿意，算忯食但係餸少左啲，98蚊冬冬鮑魚海鮮燴 可以試1次過下口癮。我係強調呼籲大家唔好食呢1個海皇燴拉麵。試其他啦！
continue reading
你到九龍灣淘大稻香喺淘大商場搭lift上2樓就到門口 好方便諗唔到食咩好 同長輩一齊經過附近 就入呢間餐廳食 見到呢個好似都幾啱食 幾吸引 我哋三個人叫咗三個餸 食咗飽到上心口每一份嘅份量都好大 絕對唔馬虎上湯海蝦燴拉麵🍜 好多隻蝦 個味道好香 麵條軟硬度適中 食完想食多一碗 食唔停冬冬鮑魚海鮮燴 原來係冬陰功湯底咁解 長輩驚好辣食唔到 但其實怕辣嘅人都可以食得到 泰國香料嘅香茅都放咗好多 呢個超級抵食 特大份量 有四隻鮑魚 仲有好多不同嘅海鮮 蔬菜 蓮藕片 仲有粉條 食呢個都飽我見隔離枱好多人都叫咗呢個豉汁粉皮蒸白鱔 食完覺得好滿足最後仲叫咗呢一個蛋白燉燕窩都係超級抵食 已經食到好飽嘅我哋 叫一個大家分享都已經好足夠
continue reading
之前一排因疫情受影響長期休市最近幾日開返,推出左好多款式優惠外賣自取8折,黑松露叉燒飯配燉湯 原條叉燒切比你,份量係好多既,偏瘦,無咩肥肉,真係斬料都無咁多叉燒比你包湯同飯一個個飯偏乾身,可能放耐左啦,配埋個湯飲還好啦叉燒份量非常多,水準算唔錯,健康版,亦都燒得夠香口,黑松露就食唔到了,個香氣幾乎係無搭多2條菜比你,平衡下唔好淨食肉燉湯有雞腳同雞件,個味都燉得幾濃,係油膩左少少,但味道係夠既另外每件碗收1蚊,共收3蚊,當係比佢收多一成加一36蚊,呢口價,平過唔少餐外賣會唔會再食?又未必會
continue reading
今次唔係$1 雞，係$1 乳鴿。雖然隻鴿個外觀麻麻，但食落係好食嘅。我最欣賞係佢地好有heart, 有醃過D 乳鴿先拎去炸，所以好夠味同好香口。我地仲叫左個椒絲腐乳通菜炒牛肉，碟菜係無腐乳味嘅牛色就正常啦。而個乾扁四季豆都好好食，好夠味，同埋無渣唔老。
continue reading
同屋企人開心去食1蚊雞，食物好食和超值，但短髮姓梁女經理態度惡劣，到處罵人👎👎👎。客人多職員少，我們明白員工辛苦。唯有攞熱水壺呀，收碟都自己黎，本來想去自助醬料吧度攞少少豉油和辣醬，點知短髮黑面姓梁女經理見到我立即破口大罵，"大聲喝問我坐邊張枱，醬料每碟收費$5,話我攞左2碟要收$10蚊。"我係稻香食左好多年都未聽過自助醬料吧要收錢(除左攞飲品糖水要收錢外，但我冇攞過)。我亦見唔到餐牌及醬料吧有寫價錢，真係唔知係咪女經理唔想人攞就隨口亂up！如果咁貴不如去搶，雞先1蚊，原來醬料要每款$5! 我最後冇攞，一肚氣返回自己枱，見其他客都係自己攞醬，都冇人罵⚠另外，聽到隔離枱幾個老人家叫左套餐，再叫1蚊雞，食唔哂d雞問侍應可否帶走，同樣被大聲惡罵，大聲到隔幾張枱都聽到，侍應罵佢地："唔可以帶走，一定要食哂佢，有閉路電視影住你地架！"嚇到婆婆眼紅紅，驚到食唔落都隔硬吞！我們明白1蚊雞係只限堂食，但大可細聲善意告知，唔洗當眾蝦老人家！總結，客觀講1蚊雞同其他小菜都好食同性價比高，但員工態度惡劣，食到一肚氣👎
continue reading