Video
Exit C2, Kowloon Tong MTR Station, Exit H, Kowloon Tong MTR Station
continue reading
Telephone
22610989
Payment Methods
Other Info
Accessible Environment
Details
Spot payment
Above information is for reference only. Please check details with the restaurant.
同朋友夫婦及老婆，四人行一齊去咗又一城食晚飯，去咗阿參度開飯，現場都有幾多人排隊，好彩等左大概20分鐘就安排一張四人枱俾我哋。叫咗A&B兩個套餐，馬來藥膳豬骨煲加海南雞同埋香煎松板肉(燒豬頸肉)。豬骨煲賣相一般，大大煲裝咗兩大舊豬骨，肉量都算夠食，炆得夠腍但食落就無肉嘅味道，可能係用雪藏豬骨炮製而成。湯汁夠濃郁，當歸藥材嘅味道非常清淡，只係見到得一兩粒紅棗飄來飄去，仲有幾粒蜂巢豆腐，索左湯汁嘅豆腐一般，可能湯底唔多好味嘅關係，我哋中國嘅羊腩煲俾佢高幾班，豬骨煲下次可以唔使再試。至於阿參嘅拿手好戲海南雞就好食，雞肉味淡但肉質滑嫩水準一流，係我嘅至愛，每次點餐都有佢份，連埋甜豉油或者薑蓉一齊食簡直絕配，加埋雞油飯就更加無敵，但係就唔可以多食囉！所謂香煎松板肉其實就係燒豬頸肉，賣相都可以，但食落好味，肉質夠爽又唔嚡口，咬落去好有口感，點埋個汁更加惹味。馬拉盞通菜就真係麻麻哋，啲通菜框好似禾稈草嘅感覺，又老又硬，味道微微偏辣，兼且缺乏醬料香味。套餐仲有三款小食，炸鳳尾蝦，魚餅及烤串燒肉，鳳尾蝦無蝦味兼乾爭爭，魚餅就只食到辣味，覺得麵粉多過魚肉，至於串燒肉就比較好食又彈牙，mince咗嘅肉再去燒，好似日本雞肉串嘅做法，比較有啲新意。特飲我就order咗杯柑桔話梅，味道不過不失，老婆就叫咗杯馬來拉茶，佢話口感順滑但茶味略淡。餐廳整體清潔乾淨，食具衛生整潔，不過啲枱就真係細細張，擺多幾碟餸都唔夠位。而侍應工作勤奮，待客殷勤值得一讚！
continue reading
亞參雞飯 (又一城) (九龍塘)📍九龍塘達之路80號又一城L2樓L2-28號舖🔶咖哩牛肉拌麵咖哩汁吾算好濃味道微辣偏甜牛肉幾嫩滑～靈魂醬汁一定要拌面整體味道昇華左帶少少香料辣味感覺好味啲～～7.010🔷油封鴨髀摻摻油封鴨好淋輕輕一咬就撕開鴨肉油面同米粉好夾～口感更加豐富😻湯底味道清清地整體吾錯～7.0/10🔶咖央多士牛油🧈幾厚身多士烘底🍞好脆咖央醬甜甜地🤣好味😋😻7.5/10📝下午茶時段，做緊優惠，都幾抵食👍🏻
continue reading
我今日去咗又一城，見到亞參冇乜人就去排隊。我遇到一位女侍應，服務很好，要數次改單都保持專業，又會為客人推介邊一款食物。佢嘅招待有禮，令我留下深刻印象，希望呢個留言可以幫到佢！
continue reading
今日成班同事約埋一齊食飯，諗住近近地就喺又一城，食個飯就走，行上去見到依間排晒隊，咪過去八吓有咩食？行到去出面，就飄住浸好濃郁嘅藥材味，好似勁香甘，向前去睇，不得了！258二人餐，又有雞又有豬骨煲好吸引喎，就排隊啦，因為我哋一行六人，所以等枱時間會耐少少，但一位服務員好細心，同我哋講會等耐少少，要等埋隔離張枱先夠位，仲好細心咁叫我哋入咗去坐低咗先，因為我哋都未齊人，結果，台台客都叫呢個藥膳豬骨煲，啲香味漂到成間舖都聞到，越聞越肚餓，個服務員見到我周圍望，走過來問我需唔需要幫我點餐先，相當細心，最後，我哋點兩個二人餐，隻雞依然係咁好食咁滑，嗰個松板肉都唔差，正常，但依個豬骨煲，真係不得了，好好飲，嗰啖湯，好濃郁嘅豬骨味，同埋藥材嘅甘甜味，又唔會太甜，飲完成個身都感覺暖晒，而且個豬骨仲有大啖肉，仲可以啜到個骨髓！正👍🏻
continue reading
今日同同事lunch決定去呢一間食Lunch hour大概都要排五至10分鐘到好快坐低咗我哋四個人都係食海南雞兩個同事要白飯兩個同事要油飯Peak hour嘅關係 等候時間都要耐少少不過海南雞上得好快海南雞肉質嫩口 份量都幾夠例湯鮮甜好飲 一飲就已經飲晒成碗飯嘅份量係正常 我嗌咗油飯 加埋海南雞簡直係絕配我哋四個同事一齊share咗炒通菜炒通菜就要等耐少少先上到枱不過係值得嘅 因為味道唔錯加埋佢附上嘅醬汁10分惹味😙😙😋
continue reading