亞參雞飯 (又一城)

Open Now

Now Closed

同朋友夫婦及老婆，四人行一齊去咗又一城食晚飯，去咗阿參度開飯，現場都有幾多人排隊，好彩等左大概20分鐘就安排一張四人枱俾我哋。叫咗A&B兩個套餐，馬來藥膳豬骨煲加海南雞同埋香煎松板肉(燒豬頸肉)。豬骨煲賣相一般，大大煲裝咗兩大舊豬骨，肉量都算夠食，炆得夠腍但食落就無肉嘅味道，可能係用雪藏豬骨炮製而成。湯汁夠濃郁，當歸藥材嘅味道非常清淡，只係見到得一兩粒紅棗飄來飄去，仲有幾粒蜂巢豆腐，索左湯汁嘅豆腐一般，可能湯底唔多好味嘅關係，我哋中國嘅羊腩煲俾佢高幾班，豬骨煲下次可以唔使再試。至於阿參嘅拿手好戲海南雞就好食，雞肉味淡但肉質滑嫩水準一流，係我嘅至愛，每次點餐都有佢份，連埋甜豉油或者薑蓉一齊食簡直絕配，加埋雞油飯就更加無敵，但係就唔可以多食囉！所謂香煎松板肉其實就係燒豬頸肉，賣相都可以，但食落好味，肉質夠爽又唔嚡口，咬落去好有口感，點埋個汁更加惹味。馬拉盞通菜就真係麻麻哋，啲通菜框好似禾稈草嘅感覺，又老又硬，味道微微偏辣，兼且缺乏醬料香味。套餐仲有三款小食，炸鳳尾蝦，魚餅及烤串燒肉，鳳尾蝦無蝦味兼乾爭爭，魚餅就只食到辣味，覺得麵粉多過魚肉，至於串燒肉就比較好食又彈牙，mince咗嘅肉再去燒

亞參雞飯 (又一城) (九龍塘)📍九龍塘達之路80號又一城L2樓L2-28號舖🔶咖哩牛肉拌麵咖哩汁吾算好濃味道微辣偏甜牛肉幾嫩滑～靈魂醬汁一定要拌面整體味道昇華左帶少少香料辣味感覺好味啲～～7.010🔷油封鴨髀摻摻油封鴨好淋輕輕一咬就撕開鴨肉油面同米粉好夾～口感更加豐富😻湯底味道清清地整體吾錯～7.0/10🔶咖央多士牛油🧈幾厚身多士烘底🍞好脆咖央醬甜甜地🤣好味😋😻7.5/10📝下午茶時段，做緊優惠，都幾抵食👍🏻

我今日去咗又一城，見到亞參冇乜人就去排隊。我遇到一位女侍應，服務很好，要數次改單都保持專業，又會為客人推介邊一款食物。佢嘅招待有禮，令我留下深刻印象，希望呢個留言可以幫到佢！

今日成班同事約埋一齊食飯，諗住近近地就喺又一城，食個飯就走，行上去見到依間排晒隊，咪過去八吓有咩食？行到去出面，就飄住浸好濃郁嘅藥材味，好似勁香甘，向前去睇，不得了！258二人餐，又有雞又有豬骨煲好吸引喎，就排隊啦，因為我哋一行六人，所以等枱時間會耐少少，但一位服務員好細心，同我哋講會等耐少少，要等埋隔離張枱先夠位，仲好細心咁叫我哋入咗去坐低咗先，因為我哋都未齊人，結果，台台客都叫呢個藥膳豬骨煲，啲香味漂到成間舖都聞到，越聞越肚餓，個服務員見到我周圍望，走過來問我需唔需要幫我點餐先，相當細心，最後，我哋點兩個二人餐，隻雞依然係咁好食咁滑，嗰個松板肉都唔差，正常，但依個豬骨煲，真係不得了，好好飲，嗰啖湯，好濃郁嘅豬骨味，同埋藥材嘅甘甜味，又唔會太甜，飲完成個身都感覺暖晒，而且個豬骨仲有大啖肉，仲可以啜到個骨髓！正👍🏻

今日同同事lunch決定去呢一間食Lunch hour大概都要排五至10分鐘到好快坐低咗我哋四個人都係食海南雞兩個同事要白飯兩個同事要油飯Peak hour嘅關係 等候時間都要耐少少不過海南雞上得好快海南雞肉質嫩口 份量都幾夠例湯鮮甜好飲 一飲就已經飲晒成碗飯嘅份量係正常 我嗌咗油飯 加埋海南雞簡直係絕配我哋四個同事一齊share咗炒通菜炒通菜就要等耐少少先上到枱不過係值得嘅 因為味道唔錯加埋佢附上嘅醬汁10分惹味😙😙😋

——————————————————————<喇沙米線🌶 💲83>亞參雞飯嘅喇沙米線，湯底濃郁香濃，米線Q彈爽滑，配料豐富，不過缺點就係佢過鹹，同我平時食嘅喇沙好唔一樣，有一下感覺似食緊川菜米線，不過對於鍾意食辣嘅朋友黎講都算係OK嘅選擇，不過價錢都唔算平！<肉骨茶🍲 $86>亞參雞飯嘅肉骨茶，湯汁濃郁醇厚，肉骨入味，鮮香可口。配料新鮮，湯頭滋補。一碗熱騰騰嘅肉骨茶，暖胃又暖心。食完真係滿足，不過以午市黎講呢個價錢算係好貴！

今日休息，好耐冇行又一城，之前間唔中都會黎尼邊搵野食，今日想食星馬菜，直上2樓搵亞參雞飯，之前聽朋友講呢間啲嘢食都OK，今晚就試呢間啦！可能係繁忙時間，都有幾多人排隊，不過入客速度都幾快，大約等咗10分鐘左右就可入座。未食過老鼠粉，貪新鮮試吓，原來幾好味！講返服務員，我見個個都好勤力做嘢 ，值得讚吓上菜嘅服務員，叫我要小心啲，個盤有啲熱，有咩需要可以搵佢哋！今時今日做嘢有效率，態度又好嘅服務員少之又少，呢間鋪值得嘉許！👏

前幾日剛剛和朋友一起去九龍塘又一城逛商場，路經見到又一城亞參雞飯，就和朋友中午時段去試試，當時客人也是很多及要排隊，但是此店侍應就安排適合的位置給我們用膳，服務態度很好，出餐速度也是很快，我們點了一個豬手飯及一碗喇沙米線，份量適合我們的，用餐的感覺舒適及性價比高，之後一定會再次光顧

今日星期六周圍都超多人、落嚟又一城見到亞參有個下午茶餐，諗住睇吓個餐牌，有個四眼仔好熱情咁走來問我幾多位，咁就是但啦入嚟試吓，結果，點咗個咖喱雞飯，出餐速度好快，平均等咗兩三分鐘，個咖喱雞簡直有驚喜，啖啖肉，食到好滿足，今晚返去都唔使食飯喇，杯凍檸茶茶味又夠足，食到一半期間，姓黎既侍應，過嚟同我講依家做緊優惠，follow 社交媒體網站送嘢飲一杯，呢位同事好有耐性咁幫我去撳，令到我攞到兩張飲品券，可以下次再嚟用，一餐簡直好滿意，侍應嘅服務態度都好好，希望佢哋繼續努力！

呢間餐廳嘅海南雞飯實在令人失望，得三塊雞肉，仲要有一塊係雞皮冒充雞肉。雖然知道下午茶嘅份量會少啲，但咁嘅品質真係接受唔到。點解我哋唔可以有更多嘅雞肉享受呢？海南雞飯係一道以雞肉為主角嘅菜，應該係鮮嫩多汁，食落去令人滿足，唔係咁少得可憐。仲有，佢哋嘅通菜更加令人失望。通菜應該係炒得有鑊氣，鮮嫩可口，但呢度嘅通菜就只係「綠」熟，好似冇經過炒咁，完全冇味道，只係自己點醬就算。呢種嘅處理方法完全冇可能接受，我哋應該食到嘅係熱騰騰嘅炒通菜，而唔係咁樣冇經過烹調嘅青菜。總括嚟講，呢間餐廳嘅海南雞飯同通菜都冇達到應有嘅水平，冇可能再有第二次。我哋應該享受美食，而唔係被呢啲低劣嘅食物所欺騙。我哋期望餐廳能夠尊重我哋嘅味蕾，提供真正美味嘅食物，而唔係咁樣偷工減料，令人失望。海南雞飯啲雞肉得3塊，雖然話下午茶份量，但啲海南雞係鑲金嘅？ 衰到有一塊係雞皮扮雞肉。通菜完全就係「綠」熟再自己點醬，唔係炒有鑊氣果種。總體而言，不會再有第二次。

今日再嘗試亞叁，我一同5人黎到，好多人排隊，我地都等佐陣，之後負責排隊同事問我地如果快入座可能要分開坐，如果要一起就要等一陣，比我地選擇，我地要求做埋一起，所以等佐一陣。距地見到我地有個婆婆，知道我地要等都要坐埋一齊，於是拿坐張凳叫婆婆坐住等，好好同事，值得等，有教養品牌服務。

一入到就有一位侍應安排入座，效率都算唔錯！然後二維碼點餐，期間我朋友想加配小食，見到餐牌寫住$39兩款小食，甘我地就自己打算點，搵唔到$39兩款小食嘅優惠，咁就舉手搵侍應，有一位姓郭嘅（應該係呢度嘅經理）我見名牌有個IC兩個字，就過嚟迎接我哋，速度都好快，佢就教我哋喺手機度落，然後幫我哋轉價錢，態度都好好，另外我朋友點咗海南雞飯，期間冇嗌嘢飲，就順便問埋嘢飲點樣轉價錢，佢都好樂意咁答我哋，而且好細心咁教埋我哋點樣落單，最後仲推介咗我哋食嗰款南洋包，真係好好食，冇介紹錯！個海南雞真係做到好滑，正！值得一讚！😋😋

我把信用卡忘在餐廳了。打電話給工作人員，她向我保證他們已經為我保留了它。我剛去餐廳拿信用卡。那位姓郭的女工作人員非常友善和友善。我真的很欣賞如此優質的服務。太棒了！

喺九龍塘上完堂，上黎food court醫下肚，見到有間亞參雞飯，門口排緊隊，諗住過睇下啦，5分鐘左右就安排好位置，真心唔算等太耐，門口有位四眼待應都幾好禮貌帶我上去坐，我問佢有咩好介紹，你就介紹我：梗係試下我哋個海南雞啦⋯⋯仲主動幫我落單！唔使5分鐘就拎到我面前！賣相就唔差，食落去仲正，碟雞超滑！配埋個汁，好好食！走嘅時候個侍應仲主動同我問係咪冇介紹錯？老實講，真係冇介紹錯。下次要帶埋我老婆過嚟試吓

晚上去又一城戲院睇戲，貪佢戲院比較鬆動闊落，當然就喺又一城食埋晚飯先入場，上到樓上 food court 睇嚟睇去冇咪啱食，見到隔離有亞參雞飯，就入去食個海南雞飯啦～我同朋友入去，啲職員已經唔多理客人，用QRcode落單又有啲嘢落唔到，咁叫侍應啦，佢就好唔耐煩話用QRcode落單，我就話落唔到我朋友想食嘅小食，問佢係咪無，佢話有之後拋下一句咁我幫你落囉，客觀而言海南雞飯係幾好食，雞滑有味，飯又香，湯都好飲，服務就衰過無服務，見有部分侍應生好似當啲客係仇人咁。