Video
1-min walk from Exit D3, Kwun Tong MTR Station
continue reading
Telephone
35636702
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
呢日去咗觀塘食生日飯！呢間餐廳喺觀塘工業中心入面，地鐵站行過去方便～餐廳都幾大間，座位都幾多，白色木系裝修，環境幾舒適😊近門口有個位置，放咗綠茶、冬瓜茶、冰水，下午4-9點，買任何主食都可以無限添飲，特別個冬瓜茶幾好飲🤭叫咗呢幾樣，手撕巨無霸炸全雞 $198上檯嘅時候插咗生日蠟燭，仲有福如東海、壽比南山嘅牌😂 再加大大個壽字，都幾震撼😍隻雞熱辣辣，炸到金黃色，勁多肉汁，嫩滑，連雞胸都唔鞋👍搣嘅時候睇住焫親手😂😂紅燒牛肉湯飯 $78牛肉夠腍，跟咗個飯有大量粟米，仲有半隻溏心蛋～快樂地瓜球 $38勁Q彈，有少少煙煙韌韌咁，呢個好食！！小朋友食唔停口滷味拼盤 $48呢個滷水拼盤嘅開心，有豬耳，白蘿蔔，雞中翼，牛筋，全部都係我鍾意食嘅嘢，夠晒入味，個蘿蔔仲好腍！蒜味香腸 $35好耐無食台灣香腸，面頭有啲生蒜同胡椒粉～另外仲叫咗兩杯嘢飲～百香果蘇打 $23 加椰果 +$5蜂蜜柚子梳打 $25 加愛玉 $5兩杯都唔會過甜，味道剛好👍正宗台灣人主理，價錢實惠，喺觀塘都食到正宗台灣風味！推介推介🙌
continue reading
今晚約咗朋友食飯, 冇心水餐廳嘅我就問同事有咩好推介. 同事話前幾日係官塘工業中心試咗一間叫「巷仔內」既台灣餐廳, D嘢食好味大份又抵食💆🏻♂️既然佢講到咁正, 咁我今晚就一於同朋友去試吓呢間台灣餐廳係由台灣人開🇹🇼入到去, 見到成間餐廳都充滿文青風格同台灣風味. 而且空間寬敞, 坐得一啲都唔迫, 非常舒服✨嘢食價格亦十分相宜✅我同朋友點咗幾款小食同佢地既招牌菜式, 包括巨無霸排骨飯, 犇三寶牛肉麵及塔香鹽酥雞. 原本想試下佢地另一樣出名既手撕巨無霸炸全雞🐓但門口已掛住「完售」既紙牌🥲有點小失望🥲下次一定早啲嚟食😤！🥩🍚巨無霸排骨飯排骨外酥內嫩, 唔會炸到乾爭爭, 咬落去啖啖肉, 每一啖都好Juicy💦而且塊排骨真係好大, 大個塊面, 真係唔惹少✨熱辣辣嘅炸排骨配上魯肉及白飯, 簡直係絕配🐂🍜犇三寶牛肉麵牛煮得好腍而且好入味, 濃郁嘅湯底配上順滑彈牙既陽春面. 食完就感覺好似返咗去台灣咁. 真係一絕✨🐓塔香鹽酥雞加檸檬椒鹽每舊鹽酥雞外表炸到金黃酥脆, 加上檸檬椒鹽嘅搭配, 鹹香中帶著檸檬清新, 每舊雞表面薄脆內裡多汁, 一咬落去淡淡嫩肉, 真係好正✨🍡地瓜圓口感Q彈, 甜而不膩. 同其他鹹食相映成趣, 令整個餐點更加豐富有層次🥚溏心蛋蛋黃半熟、濃稠, 煮得剛剛好. 蛋香味濃, 個溏心蛋同巨無霸排骨飯撈埋一齊食👍🏻好夾, 好正, 有一番風味🍲滷味拼盤 (雞翼、牛肚、牛筋、白蘿蔔)每款滷味都食得出係用心炮製. 每款嘢食都滷得好入味✨雞翼多汁軟嫩, 牛肚帶有嚼勁, 牛筋入口即溶, 白蘿蔔吸收咗滷汁既精華, 清甜得黎最緊要係冇根, 簡直完美✨🍗滷香雞中翼雞翼滷得入味不在話下, 最緊要係啲肉一啲都唔梅, 冇overcook到✅濃濃既滷汁味加上嫩滑嘅肉, 真係食一打雞翼都可以🙂↕️🍹🍊葡萄柚蘇打食咗咁多肉, 緊係要飲番一杯清新既葡萄柚蘇打中和吓. 呢杯嘢一啲都唔馬虎. 杯入邊好多果肉, 濃濃嘅葡萄柚梳打配上各樣台式美食, 清爽非常, 為整餐飯劃上完美嘅句號✨除咗新年假期, 餐廳星期一至日都有營業. Lunch時段order主食就會送冬瓜茶及綠茶✨如果想轉飲其他嘢飲, 好似珍珠奶茶/桃香烏龍/黑糖薑母茶嗰啲, 都係加少少錢就有仲有, 每日下午4-9點只要order任何一款主食, 就可以享受無限暢飲冬瓜茶同綠茶, 真係非常超值❤️❤️ 聽人講呢度仲整到生日炸雞蛋糕同浮誇摩天輪🎡不過呢啲就要提前3日預約, 有機會真係想試吓🤭今次同事真係冇介紹錯, 「巷仔內」真係一間好正嘅台式餐廳, 無論味道環境定服務都一流, 值得一試, 一定會再encore❤️💛個人必食推介: 巨無霸排骨飯, 犇三寶牛肉麵, 塔香鹽酥雞, 滷味拼盘返食指數: 🥑🥑🥑🥑 (5🥑滿分)#巷仔巨無霸排骨便當 ($68)#犇三寶牛肉麵 ($88)#塔香鹽酥雞 ($45)#地瓜球 ($38)#滷味拼盤 (四選 $68)#滷香雞中翼 ($48)#葡萄柚蘇打 ($25)@hangalai.hk______________________________📍 巷仔內 (觀塘)觀塘觀塘道436-446號觀塘工業中心4期1樓C室#instafood #instafoodie #foodiegram #drinkdrinkeateatguide #drinkdrinkeateatguy #觀塘工業中心 #觀塘道 #觀塘 #觀塘美食 #DE九龍篇 #食好西 #台灣便當 #台灣小吃 #觀塘小店 #台灣美食 #珍珠奶茶 #香港美食 #香港小店 #taiwan #hkfood #hkfoodie
continue reading
位於觀塘工業中心既台式餐廳，店內都係台灣人，食物都比較地道。我地係晚餐時段用餐，餐廳由4PM至9PM飲品為自助型式任飲，當中仲有我至愛既冬瓜茶，開心仔~仲飲左好多杯。手撕巨大炸雞 - 炸雞平日2:30PM後供應，星期六,日及公眾假期就全日都有得食~呢個係生炸全雞，因為出菜需時，炸雞外皮金黃酥脆，肉質鮮嫩多汁，手撕的方式讓每一口都充滿了彈性與嚼勁，搭配檸檬椒鹽更添咸香風味，必點之選。牛三寶牛肉面 – 好奇心既驅使下，揀左第一次聽既蒸煮面。樣子有啲似公仔面，但比公仔面更彈牙，都幾特別，值得一試。麵條搭配豐腴的牛肉和濃郁的湯頭，讓人一口接一口。牛腱、牛肚和牛筋的組合，口感層次分明，十分滿足。魯肉便當 - 魯肉便當香氣撲鼻，醃製的蛋和青菜增添了色香味。飯粒吸附了滷汁，讓每一口都充滿滿足感，是台灣經典的家常味道。炸地瓜球 - 外酥內軟的炸地瓜球，香甜可口，咬下去時彈性十足，令人回味無窮。適合作為小點心。台式香腸 - 台式香腸的肉質鮮美，甜中帶鹹，搭配蒜片，風味獨特。
continue reading
🔹️今日到觀塘由台灣人主理 “巷仔內” 食台灣菜🥢店舖以清新文青風格裝修🌿 感覺輕鬆🎶 店內佈滿標籤字句 ~ 玩味十足😁 食物高質👍 店員全是台灣人, 態度温文友善👨💼👩🏻💼 價錢親民💰🔸️手撕巨大炸半雞🐔手撕巨大炸雞要每天2:30pm後或星期六、日、公假期全日供應, 今次與朋友點了半隻🐔 即叫即炸, 色澤金黃、外脆內嫩, 能充份鎖住肉汁, 配檸檬椒鹽🍋 大讚👍🔸️滷水拼盤🥘拼盤以嫩滑雞翼、清甜蘿蔔、爽脆豬耳和滑嘟嘟牛筋四款食材, 滷汁十分入味, 開胃之選🤤🔸️滷香犇三寶🍲犇三寶以骨膠原滿滿軟滑牛筋、爽口牛肚、鮮香軟腍牛肉, 好滋味呀😋🔸️台南蝦卷🦐蝦卷炸至金黃, 蝦味濃濃、鮮香不腻👍🔸️滷肉飯 🍛 起司牛肉啵啵🧆（下午茶餐）滷肉飯肉醬滿滿, 味道鹹香, 起司牛肉啵啵帶着鮮香牛味配芥末椒鹽So Yummy🤗🔸️薯條 🍟 杏鮑菇🍄（下午茶餐）薯條炸至金黃香脆, 濃郁薯仔味, 杏鮑菇切開每一小片, 鮮嫩可口🤤🔸️生活泡沫红🥤 濃郁紅茶味加蘆薈, 口感十足👍🔸️生活泡沫綠🥤甘香綠茶, 味道清新☺️
continue reading
叔叔同我預祝生日，佢話準備左個好特別既蛋糕比我，點知佢帶左我去觀塘工業區既一間餐廳。原來呢間台灣人開既地道台式餐廳，比佢個生日炸雞蛋糕驚艷到😋呢度有個飲品自助區，可以任飲冬瓜茶、綠茶、冰水，店員同我地講lunch叫一個餐都送一杯冬瓜茶/綠茶，全日都有飲品送超正😍主食我地叫左個巨無霸排骨滷肉飯同生日炸雞蛋糕，兩樣野既份量都超大‼️ 巨無霸排骨滷肉飯超大舊排骨，炸粉薄又勁厚肉，鋪滿哂成個飯面，勁誇張🤤最重點果個生日炸雞蛋糕，係叔叔訂枱果時叫餐廳整既生日版手撕全飯炸雞🐥真係第一次見😍上面有啲壽桃、生日牌做裝飾，仲會插埋蠟燭俾你許願+吹蠟燭🕯️估唔到原隻炸雞啲肉可以咁嫩咁多汁，又好食又好打卡able然後我地叫左啲小食，鹽酥小食拼盤、鹽酥杏鮑菇、麻辣鴨血，小食拼盤有杏鮑菇、台灣腸、鹽酥雞、地瓜，可以一次過試晒唔同既小食👍🏻麻辣鴨血有少少微辣，都幾惹味🤤
continue reading