Video
4-min walk from Exit A2, Yau Ma Tei MTR Station
continue reading
Opening Hours
Today
08:00 - 23:00
Mon - Sun
08:00 - 23:00
Above information is for reference only. Please check details with the restaurant.
將豆品演變做各種美食，味道濃香又有本地特色，呢間豆公館真係做得好出色！一睇餐牌見到個開心果豆腐花已經即刻填左😆皆因最近真係勁hit開心果味嘅野食😍碗豆腐花本身豆味好郁濃，上面真係有開心果粒粒同開心果醬，撈埋晒一齊食真心正！呢個係必試嘅新派豆腐花！另外我地仲嗌左好多野架，包括有肉鬆蛋餅，魚肉煎豆腐，麻辣鹹牛肉芝士刈包，老乾媽炒米粉。個肉鬆蛋餅皮脆餡料多，用脆皮包裹住厚蛋皮，加強口感。麻辣鹹牛肉芝士刈包呢個配搭好好，個辣度係小辣，岩我口味！老乾媽炒米粉超有穫氣，真心好香好出色😍豆漿款式好多，我地呢兩杯係杏仁豆漿同黑芝麻豆漿
continue reading
估唔到係人來人往旺角鬧市下會有間豆品店🤓以新派形式演繹傳統豆品，選用加拿大大豆，每日新鮮製作，價錢仲要親民貼地💕當中開心果豆腐花有驚喜🤩路過飲杯豆腐，食碗豆花都唔錯😙.🍴開心果豆腐花、薑汁豆腐花💰$42、$36嚟到豆品店點可以唔整返碗豆腐花😌呢到有各式各樣豆腐花款式，第一眼最想試一定係開心果豆腐花‼️濃郁開心果醬鋪滿整個豆花，估唔到味道又幾夾😚薑汁豆腐花好適合冬天食，辣辣地暖笠笠🔥豆腐花可揀熱/凍，一年四季都啱食👍🏻.🍴鹹牛肉芝士蛋餅、肉鬆蛋餅💰$38、$38店家另一招牌台式蛋餅🌟蛋餅製作時加入豆漿令餅皮更軟滑，達至外脆內糯口感😙揀咗肉鬆&咸牛肉芝士兩款，餡料落得唔手軟更多餡😝.🍴魚肉煎豆腐、滷水豆腐💰$28、$28嫩滑豆腐散發淡淡豆香，煎制後外層微脆😋滷水豆腐好入味.🍴老乾媽炒米粉💰$36加入老乾媽炒嘅米粉特別香口惹味，少少辣感唔太食辣都食到😛.🍴鐵板蛋煎腸粉💰$26腸粉沾上蛋汁再煎制，最後淋上麻醬甜醬豉油，熱辣辣食好好味😋.🥛無糖淡豆漿、黑芝麻豆漿💰$12、$22有多種款式豆漿選擇，自己都係偏愛無糖版夠輕盈😌
continue reading
今日去咗間好有台灣feel特色嘅小店「豆公館」🥣🍳🤩叫咗個**吞拿魚芝士蛋餅**，啲芝士就流晒出嚟🧀🤤 吞拿魚同芝士嘅組合真係perfect match！💯 個餅皮煎得金黃香脆，好正！老乾媽炒麵🌶️ 🍝 啲麵炒得乾身，好惹味😋 辣辣哋。柴魚花生粥🥣🥜 熱辣辣，冬天好暖胃鐵板蛋煎腸粉🍳 腸粉煎到脆卜卜，加埋隻蛋，好香口飲品方面，**原味豆漿**同埋杯**無糖淡豆漿**。🥛 好健康！💪甜品方面叫咗**椰汁豆腐花**同埋**紫薯紅棗雪耳豆腐花**。🍮🥥 **椰汁豆腐花**椰汁味香濃！🥥 **紫薯紅棗雪耳豆腐花**養生，好滋潤！
continue reading
經過旺角見到有間門口係落地玻璃嘅食店，原來係豆類製品嘅荳品店，裝修以木係為主，感覺都幾新潮，另外開放式廚房可以見到店員炒麵同煎豆腐嘅模樣，環境好舒服，枱與枱之間都有距離，唔會話太迫。✨招牌麻婆腐皮蛋餅蛋餅就試得多，但係加埋麻婆醬真係第一次試，首先蛋餅口感柔軟香滑，麻醬更係獨家自製，夠晒過癮。✨原味豆漿&無糖淡豆漿（熱）原味豆漿唔係太甜，好飲。無糖淡豆漿，雖然係無糖，但係好有豆香味，飲一杯真係唔夠喉。✨滷水豆卜&魚肉煎豆腐豆卜完全滲入滷水汁有少少甜甜地，食落帶有台灣嘅風味。魚肉豆腐就煎得好香，豆腐外脆內暖，不過油就多咗D。✨老乾媽炒麵 & 炒米粉老乾媽炒麵食落鹹鹹辣辣，呢個配搭都唔錯。炒米粉雖然配搭普通蔬菜，但食落好有鑊氣，兩樣比較，個人反而鍾意食炒米粉多啲。另外太肚餓嘅話可以叫特盛份量，呢個位又幾細心。✨黑芝麻豆腐花豆腐花好滑，好有豆味，上面仲要鋪滿黑白芝麻，成件事加分。另外要讚一讚店員都好Nice，而且荳品款式好多選擇，令我覺得唔使飛去台灣就可以喺香港食到美味嘅早餐店，仲要喺旺角咁方便。
continue reading
聽朋友講話旺角開咗間新豆品店，是晚專程黎試下。店舖幾大，食客亦很多，睇下餐牌食咩先，意外地選擇亦唔少，除咗豆漿同豆腐花，仲有蛋餅、刈包同其他小食。⭐薑汁豆漿 & ⭐杞子圓肉黑糖豆漿天氣涼咗，飲返啲養生嘅豆漿先，豆漿豆味香濃，微甜啱口味，飲完暖笠笠。⭐特盛老乾媽炒麵叫左份大炒麵，即叫即炒熱辣辣，用咗老乾媽同洋蔥去炒麵，辣中帶甜幾好食喎👍⭐蘿蔔糕蘿蔔糕不過不失，有少量臘味同蘿蔔絲，勝在煎得香口。⭐魚肉煎豆腐呢樣真係如佢名稱係魚肉煎豆腐，唔係釀豆腐，所以魚肉同豆腐係冇黏埋一齊嘅，不過豆腐真係好有豆香，入口嫩滑，好食噃😎⭐鹹牛肉芝士蛋餅蛋餅有驚喜，入面芝士同鹹牛肉都下得多，滿滿嘅餡料有口感😋⭐招牌麻辣豆腐花 & ⭐麥芽黑糖桃膠花生豆腐花黎得食豆品又點少得豆腐花呢，試咗呢度個招牌麻辣豆腐花，喺豆花上面落咗鹹菜同辣椒油，入口鹹鹹辣辣幾得意喎😆朋友就點咗個黑糖桃膠，甜甜地加上大量嘅花生碎好有花生香，正。小店無加一，呢個價位幾抵食吖。
continue reading