Video
3-min walk from Exit A1, North Point MTR Station
continue reading
Telephone
64198738
Opening Hours
Today
11:00 - 21:00
Mon - Sun
11:00 - 21:00
Public Holiday
11:00 - 21:00
Public Holiday Eve
11:00 - 21:00
Above information is for reference only. Please check details with the restaurant.
收工諗住食得健康啲，同朋友揀咗呢一間食Poke bowl嘅餐廳，不過估唔到餐廳除咗健康嘅鈣，都仲有唔少熟食蓋飯揀，包括溫泉蛋牛舌丼、雞扒丼等等。仲有小食，選擇幾多元化，欣賞！👏加州海岸風味蓋飯 （$98） + 升級套餐(+$20) 配Oreo曲奇奶昔 （要再補錢）前菜&三文魚豆腐海帶味噌湯前菜係薯仔沙律，薯仔幾得意，好似薯條嘅形狀，但係唔係炸既😂 沙律夠味道的；味噌湯都好足料，有魚湯味，不過留意，三文魚會有骨，食嘅時候候要小心啲👍🏻每個蓋飯主要由蓋飯底、主食、配菜、醬料、伴菜組成，而蓋飯底可以自己揀。呢碗蓋飯就包括三文魚、青瓜、中華沙律、玉子絲、三文魚子配日式胡麻醬、紫菜絲、木魚絲、黑白芝麻，我揀咗「壽司飯及沙律菜」，另外追加牛油果。🫣三文魚新鮮厚肉，口感唔錯！牛油果大份兼有味道，唔生，好食☺️ 三文魚籽大粒有咬感☺️ 其他配料都冇咩特別大問題，份量都幾多👍🏻 沙律菜配埋胡麻醬都好match，飯就偏硬。因為份量多，或者加左前菜同湯，我甚至食唔晒🤣Oreo曲奇奶昔唔算好似曲奇味，似豆奶味多啲，但勝在好大杯😆自選蓋飯蓋飯底：壽司飯一款主食：三文魚 （+$10）追加主食：吞拿魚（+$30）三款配菜：三文魚籽（+$8）、牛油果（+$10）、蟹肉（+$10）自家醬料：鰹魚醬油（另上）（醬料正常份量）伴菜：紫菜絲、木魚絲 （最多可以揀三樣）可以自選蓋飯有樣好嘅嘢，就係全部餸菜都一定係自己最鍾意嘅😍 吞拿魚同三文魚一樣都好新鮮👍🏻 蟹肉都唔好睇少，份量唔少🙈 其他就同加州海岸蓋飯差唔多😚結論🫰新鮮！足料！份量多！🫰唔知係咪新開呢，坐得舒服，店舖乾淨好味度：8/10回頭度：8/10🎡餐廳資料餐廳名稱：POKE GREEN餐廳地址：北角渣華道188-194號僑華大廈地下A號舖營業時間：星期一至日 11:00-21:00
continue reading
係 Openrice 搵到呢間食 poke bowl 嘅食店 , 想試好耐 😆 今日同埋男朋友黎試試 !! 原來除左健康嘅 poke bowl 外 , 呢度仲有熱食嘅蓋飯 , 款式豐富 , 價錢又實惠👍至尊波奇 ($128)材料好豐富 !! 有牛油果 , 三文魚 , 吞拿魚 , 車厘茄 , 青瓜 , 玉子絲 , 蟹籽 . 紫菜絲 , 木魚絲 , 黑白芝麻配芥末蛋黃醬 !! 份量超大 , 好多配料 , 完全可以滿足到我咩都想試心態 🤤🤤 飯底可以選擇壽司飯 , 沙律菜 , 冷麵烏冬 , 蕎麥麵同椰菜花飯 ! 三文魚同吞拿魚都好新鮮 , 牛油果生熟度啱啱好 😍😍 仲要有半個咁多 , 好食 !! 另外我都好鍾意玉子絲 , 好幼細 👍👍 口感好好 ~ 成個 poke 感覺清新健康 , 食落冇負擔 !! 加 $20 仲可以轉做套餐 !! 套餐包左麵豉湯 , 前菜同飲品 , 好抵呀 !! 自選蓋飯我揀咗冷蕎麥麵 , 三文魚 , 秋葵 , 三文魚子同中華沙律 ~ 自選蓋飯真係有好多選擇 !! 可以為自己 tailor-make 1 個 the one and only 嘅 poke bowl 😎😎 呢個 bowl 配撘好清新 !! 黃金炸蟹鉗 ($12)套餐加 $12 就有 2 隻即叫即炸 , 熱辣辣嘅新鮮炸蟹鉗 🤤🤤 抵食 !三文魚豆腐海帶味噌湯好足料 , 有好多三文魚 , 豆腐同海帶 , 原價要 $28 , 所以一定係套餐加 $20 抵 ! 柚子梳打好夠氣 , 唔太甜 , 好飲❤️❤️推介 !整體嚟講 , 現代人食嘢已經唔係一味好食就得 , 要好食得黎 😌 煮法健康 😌 食材高質先符合現今嘅飲食方式 ! 平時出街好難搵到健康又好食嘅食店 , 今日開始又多 1 個選擇喇 !!
continue reading
同朋友今日去左poke green食poke bowl🤤🤤 呢間餐廳係北角, 環境好舒服😍我叫左個高質雞肉poke bowl🐣🐣份量好豐富, 雞肉同豆腐好嫩滑🦀🦀蟹柳同玉子絲都好新鮮, 凱撒沙律醬唔會太膩🥗🥗紫菜絲, 木魚絲同黑白芝麻都增加左層次感😍蕎麥麵好有咬口, 唔會太軟, 係健康嘅選擇!😋朋友叫左個hot bowl蔥鹽醬溫泉蛋牛肋條丼❤️🩷牛肋條好香口, 唔會太乾😋😋溫泉蛋超香, 蔥鹽醬夠入味, 配白飯好好食!😊我地仲加左$20轉set🐟🐟有三文魚豆腐海帶味增湯🥒🥒前菜自家製醃製青瓜蘿蔔同飲品, 勁抵食!😁我飲左個牛油果香蕉奶昔🥑超濃郁, 牛油果同香蕉都好甜🍌唔會太膩, 非常解渴!😍朋友飲左個草莓奶昔🍓🍓佢話夠香甜, 草莓味好濃, 好好飲!😊我地仲加配左個吉列炸蝦🍤配蛋黃醬, 好香脆, 炸得好金黃💛💛蛋黃醬好滑, 好好味!😋總括黎講, poke green係一間好值得去嘅餐廳, 食物好新鮮又健康💚💚💚份量好足而且價錢合理, 又坐得舒服 我同我朋友都好滿意, 下次一定會再去!😊
continue reading
Eattobefit.hk近年都有好多健康Poke Bowl店開張，而且通常位於一啲番工地帶，番工就易啲揀到Gym Friendly餐廳🥹💪🏻 八爪魚博士 Dr. Octopus ($88)呢個八爪魚Poke Bowl係走日式風格🇯🇵，主要有海帶、木魚絲、日式燒汁等配料，令佢充滿日本風😋 Bowl主要有八爪魚同蟹肉等Protein，八爪魚大大粒，都夠新鮮，食落彈牙！另外跟餐可以多一個三文魚豆腐海帶湯同前菜，個湯都幾足料！💪🏻 韓風辣碗 Korean Spice ($108)呢個Bowl就主要走韓風路線🇰🇷，主有泡菜、辣椒碎、辛口蛋黃醬調味。蛋白質主要有辣味三文魚、虎蝦仁等。三文魚都辣味香口。而紫洋蔥都碎得好碎，唔會好重洋蔥味！特別一提，餐廳嘅醬汁都係分開另一隻碟上，所以可以按自己需要去落醬，好貼心☺️💪🏻 吉列炸蠔 ($38)味道都正常，有蠔味。💪🏻 香蕉奶昔 ($40)香蕉奶蕉好creamy，有新鮮香蕉味，而唔係人工假香蕉嘅甜味！味道：8/10性價比：7/10 食住瘦指數：💪🏻💪🏻💪🏻💪🏻💪🏻/5 (Gym Friendly)
continue reading
北角匯附近新開嘅poke飯店，係旺角poketoke姊妹店除咗poke bowl仲有炸物、特式小食、奶昔等另外有多款日式丼飯，唔食生冷嘢都可以食熱bowl▶️ 自選蓋飯$88起，可以任意加食材，組合成你至愛嘅comboBase已經有冷麵、冷熱烏冬、冷熱蕎麥麵、椰菜花飯揀辛苦晒選擇困難者🙈Base: 壽司飯及沙律菜壽司飯墊滿碗底，比較少沙律菜 (唔係half half haha)壽司飯質感OK🍚醋米味唔重，同一般珍珠米冇咩分別Main: 慢煮嫩雞肉、吞拿魚 (+$30)用上雞髀肉而非雞胸，但肉質依然唔夠滑嫩🐔雪凍之後肉質變硬，味道變得奇怪，仲見到晒啲凝固咗嘅油脂唔單止唔係慢煮，仲唔「嫩」，有啲失望🙁吞拿魚就好食啦🐟紅潤有色澤，感覺新鮮入口軟腍，味道唔腥如果份量多啲就好啦Mix- ins (choose 3): 海帶、雜錦香菇、蟹肉 (+$10)全部用嚟撈飯一流😍蟹肉一定要加！份量多，係真蟹肉🦀帶少少海鮮鹹香雜錦香菇切碎🍄🟫本身調咗味，食到少少中藥嘅味道🤣海帶爽口，冇調味，不過落咗鰹魚醬油就好夾Dressing: 鰹魚醬油自動分開上，防止醬油滲晒落底鰹魚醬油同吞拿魚好配搭，比豉油更稀，唔會好鹹Topping (choose 3): 紫菜絲、木魚絲、芝麻作最後點綴，影相出嚟都豐富啲木魚絲同紫菜絲好香，帶日式風味反而唔係太食到芝麻粒味道▶️ 厚切鹽燒溫泉蛋牛舌丼 ($98)牛舌份量都唔少👅蓋過成個丼飯炙燒得啱啱好，唔會過熟仲有粒全流心蛋添🥚▶️ Set (+$20)跟餐有湯、是日前菜、飲品三文魚豆腐海帶味噌湯有啲似麵豉湯，只係冇咁多粉同冇咁鹹前菜係螺肉，醬汁夠惹味飲品揀咗日式綠茶 (+$5)，係支裝嘅轉餐有咁多嘢都幾抵食▶️ 芝麻雞翼 ($48)一客三隻，每隻外皮炸至金黃色雞翼反而肉質幾滑，之間帶適量油脂外皮香脆可口，令我諗返起日本食嘅手羽先😌旁邊仲有沙律醬可點-無論係Poke bowl定hot bowl都唔錯比較推介揀魚生，唔建議揀慢煮嫩雞肉🙅🏻♀️配料推介蟹肉！環境唔錯，入邊多座位服務幾好，只係當日星期日晚較多食客同外賣訂單，上菜慢少少同埋會有啲出錯不過嗰位侍應好勤力又幾好禮貌，體諒吓啦☺️性價比唔錯，香港poke bowl一向偏貴，我哋今次叫咗咁多嘢食都只係$150/pax係食過咁多間poke入面較抵食嘅一間留意到食客有不同年齡層，絕對係老少咸宜食完健康有營養嘅一餐，個人都有力啲開心啲😙
continue reading