Video
3-min walk from Exit D, Prince Edward MTR Station
continue reading
Telephone
21118488
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
一食鍾情餐廳剛剛進駐於九龍太子界限街28號地下,裝修族新,餐廳設計以橙色和木系為主調,環境光猛,座位舒適,餐廳主打粵式潮州菜,以白鹵水鹵味最出色,餐廳提供多種套餐供客人選擇,而且價錢好親民,服務員招呼有禮。鍾情滷六拼滷六拼有墨魚,燻蹄滷豬肚,豬生腸滷鵝掌翼,水晶鳳爪和滷豬肚,六拼份量真不少,配有4種醬料,墨魚,鴨腎,豬肚,豬生腸和鳳爪食落爽口兼彈牙,有清香滷味,滷鵝掌翼點埋醋汁更美味。古法沙嗲牛肉米線配有煎雞扒,炒蛋,火腿和半個奶油豬,平民價錢,食物質素高,雞扒微微焦香又嫩滑,火腿和炒蛋美味可口,沙爹牛肉好惹味,飲品有熱檸水。馳名白鹵水飯（三拼）三拼鹵水飯選擇咗滷鴨舌,滷鵝掌翼和腩叉,鹵水鵝掌翼和鴨舌食落嫩滑,叉腩肥瘦均勻,食落甚香口,飲品有熱咖啡。
continue reading
最喜歡這種小店，吃得古老，人情佔盡滿分💯，熱情招呼介紹一樣不落。環境是新式裝修，企理干淨，坐位舒服。鍾情滷六拼（墨魚.燻蹄.金錢展.豬生腸.鵝掌翼.水晶鳳爪）$188.00原來滷味仲有黑白之分，主要以鹽調味，色澤較淺。用的香料較少，有香葉、八角、果皮等。味道較清新。好考原身食料處理功夫。食材完整，份量足夠。南洋咖喱（雙拼）$62.00南洋咖喱-雙拼配料：西冷牛扒（+$3.00），吉列魚柳薄餅．意粉.飯：薄餅（+$6.00）跟餐茶走（$0.00）南洋咖喱🍛同一般不同香而不辣咖喱，以「奶油」取代「椰奶」香而不辣，咖喱由多樣香料煮成但層次豐富得來不會搶味，濃縮醬汁還可以沾麵包。多樣主食選擇，滿足感十足
continue reading
而家呢個天氣咁凍最啱就係打邊爐、開始近排返咗啲新嘅白滷水專門店、滷水大家就聽得多、白滷水大家有冇食過呢？如果未咁就一定要食吓呢一間！本身我覺得豬生腸鵝掌翼、已經係好好食、佢仲要用特別嘅滷水方法去炮製、令到成件事更加香濃！但係今次就想打邊爐、所以就叫咗個套餐！胡椒豬肚雞煲半隻$198呢個套餐唔係剩係得胡椒豬肚雞、估唔到佢仲有¼隻白滷水鵝、一個餐可以食兩款唔同嘅主菜、仲可以或者選擇滷水拼盤、入面有薰蹄、生腸、豬肚、鳳爪！當然因為呢個係火鍋主題、佢仲有生菜可以打邊爐！仲有白飯兩碗、最正就係薑湯番薯糖水2豌！成個餐真係好抵食！直程唔可以叫做三人份量！呢度除咗專門做白滷水、呢度嘅叉燒同埋海南雞飯亦都好出名、仲有滷水乳鴿應該大家都小食呢度有得食！仲可以包埋湯包埋飯都係$56超抵！一食鍾情太子界限街28-30號地舖
continue reading
Indian curry with naan 🥘🫓 南洋咖喱配薄餅 $36呢一個南洋咖喱配薄餅性價比好高，咖喱嘅份量好多，少少辣夠晒惹味，裏面仲有煮得好腍又入味嘅薯仔🥔，點埋香牛油🧈味又唔會太油膩嘅印度薄餅一齊食，薄薄地口感香脆鬆化，係一款高質嘅小食😋，適合同朋友share食，值得推介👍🏻Pig stomach with pepper and chicken pot set 胡椒豬肚雞煲套餐 🍗 $198好受歡迎嘅胡椒豬肚雞煲🍲確實唔錯，適合而家天寒地凍嘅天氣食，雞煲確實好足料，好似有大量口感彈牙嘅豬肚、大量口感軟滑嘅雞肉🐔、養生嘅杞子、補血嘅紅棗、驅寒嘅薑、香噴噴嘅芫荽🌿等，胡椒味好重，煮得夠晒入味，套餐另外有兩碗白飯🍚、一碟生菜🥬，仲有一大碟有燻蹄、港式生腸、豬肚同埋鳳爪嘅例牌滷水拼盤，超級豐富，最後有甜甜哋番薯糖水做甜品，確實幾正！
continue reading
每個月總會到太子開會三幾次，例牌食個下午茶，同事一齊行經界限街見到間新餐廳，一於去試吓，餐廳名叫一食鍾情，標榜白滷水專家，大玻璃透視滷水檔食物整潔整齊，我地叫咗兩個下午茶餐，再叫一個滷水拼盤。鮮油豬仔包，麵包幾實淨， 並非空氣包，底面都烘底得好脆熱熱地，夾住厚厚一塊鮮牛油，係最邪惡嘅美味下午茶，配熱奶茶茶味香而滑。古法沙嗲配薄餅，薄餅外層酥脆有油香，個沙嗲的確與衆不同，味道好特別有啲咸鮮香味，配薄餅超好食，配白飯更加美味。鍾情滷六拼，有墨魚、金錢腱、豬生腸、燻蹄、水晶鳳爪、鵝掌翼，個滷水的確係招牌，好香濃滷水味道唔會過鹹，墨魚彈牙，金錢腱燻蹄夠腍，生腸鳳爪掌翼好爽口，而且全部都好入味。餐廳地方整潔出品有誠意，主打平民價錢，有好多套餐可以選擇，而且我們食呢個拼盤份量很多，以呢個價錢食到高質素白滷水，性價比高，值得一再光顧。
continue reading