一食鍾情

Open Now

Now Closed

太子依間「一食鍾情」餐牌價錢親民，除咗有得食佢哋嘅招牌白滷水潮州菜之外，居然仲有得食打邊爐，今次Order嘅胡椒豬肚雞煲二人套餐，份量好多，其實足夠3個人食，好可惜今次套餐包埋嘅自家製糖水賣曬，唯有改轉飲熱飲或凍飲，另外，老闆請咗半條潮州凍魚俾我哋食，最後食唔曬，仲俾咗我兩個外賣盒，好Nice！胡椒豬肚雞煲半隻（單點$198），豬肚份量多，口感彈牙，食落好乾淨；半隻鮮雞肉質嫩滑，雞味濃郁；胡椒湯底內有紅棗、桂圓、杞子、芹菜、薑絲、紅蘿蔔、香蔥，略嫌飲落偏向藥膳湯底味道、胡椒味道較淡。正價叉燒例牌（單點$98），多汁、半肥瘦叉燒，叉燒雖然表面鋪滿蜜汁，但食落不會容易覺得甜膩，肉質偏瘦，但口感不會覺得乾柴、反而食落肉質軟腍，加上叉燒外圍部份帶有燶邊，食落帶有焦香味道。開邊半條潮式白滷水凍烏頭（單點$49），採用低溫慢煮形式製作，即使烏頭經過冷藏之後，肉質依然在實淨與鮮嫩之間取得平衡，另外，採用白滷水醃製，調味上不會太鹹，反而更能帶出魚肉的鮮味，而且已經起骨，食落啖啖肉，配以普寧黃豆醬食用，味道正宗。四式滷水拼盆（跟餐$0），秘製九香金錢𦟌，口感薄身，肉質不韌、帶有筋位，食落充滿香料味道；馳

位於太子界限街的「一食鍾情」，係一間新開的餐廳，主打白滷水鹵味：金錢𦟌、墨魚、生腸、鵝掌翼、豬肚、鳳爪及燻蹄等等，應有盡有餐牌定價適中親民，份量十足，性價比高👍🏻晚市時段更設有窩心晚餐A-F，多款精美客飯及白滷水可供選擇，奉送老火豬骨雞湯、薑湯番薯糖水及熱飲老火豬骨雞湯晚餐奉送的老火豬骨雞湯白滷水凍魚四寶飯必點餐廳招牌白滷水！四寶包括凍魚開邊半條、生腸、豬肚及墨魚(由於唔食燻蹄，所以轉咗墨魚)。白滷水比較注重食材原有的味道，保留鮮味，凍魚口感鮮嫩，魚肉甜美；豬肚、生腸同墨魚都好爽口入味，正呀胡椒豬肚雞煲配米線湯底清甜美味，帶陣陣胡椒香，微微辣，有唔少雞件同豬肚，好足料！米線係另上的，吸收晒胡椒豬肚湯的精華上等豬骨雞湯浸小白菜豬骨雞湯滿有鮮味，浸住新鮮翠綠的白菜，健康美味薑湯番薯糖水番薯口感粉軟，薑湯唔會太甜，薑味適中，好暖身熱阿華田&凍檸茶

最近搵到呢間新開茶餐廳🍴主打食白鹵水鹵味，但除左鹵水佢哋仲有火鍋等，選擇好多😳又多一間平靚正既餐廳🍲胡椒豬肚雞煲（半只） $198可以揀滷水鵝戓鹵水拼盤（例）另有生菜、白飯同蕃薯糖水🍲鹵水拼盤有牛展、燻蹄、鳳爪同生腸。生腸好入味仲爽脆，燻蹄、鳳爪一樣出色🍲豬肚雞煲既湯底好足料，雞肉厚肉又滑，豬肚食極都有🤭湯仲可以飲，暖身🍲生菜大大盆、新鮮🍲番薯糖水大大陣薑味，岩哂冬天食🍲潮式白鹵水凍烏頭1條（足1斤）$98一場黎到當然要食下佢哋主打既白鹵水，魚肉鮮嫩爽滑，開半後好方便食用，而且烏頭肥美多油，凍既烏頭再加埋檸檬汁剛好可以減少油膩感，配上普寧豆醬，更加鮮味🤩

想食潮州野好耐 但近排天氣凍凍又勁想食羊腩煲🤤見到有這一間餐廳有齊曬諗都唔駛諗即刻捉左另一半一齊去食💕餐廳環境坐得好舒服🤤野食好味 環境乾淨衛生最正係💕價錢仲好平民 係超抵‼️✐火鍋套餐包括 1/4隻白滷水鵝+古法羊腩煲仲有配埋生菜1碟，白飯2碗，糖水2碗咁既配塔先係248蚊🤤😍性價比超高啦🍴白滷水鵝我都係第一次食 滷水味香 但唔會死鹹👍🏻🤤出色同埋個鵝真係滑到令人驚訝😳好食阿🍴羊腩肥瘦均勻 我的愛係有皮既羊腩😍份量足個羊腩湯底好野味 加生菜真係食到唔停口🤣入面仲有腐竹等配料 ✐馳名白滷水烏頭 （一條）比佢地既白滷水吸引🤤食多條魚整體好滑 完全無腥味 仲有陣淡淡香既白滷水味令人驚訝係 這一間舖頭既性價比真係太高🤤想食潮州野真係要黎食下啦😍

🥢精彩白滷水六拼 $188極度推薦大家食呢一個六拼，一嚟係乜都有啲，二黎份量超級多，非常抵食😳外賣自取嘅話更加係$128就食到，份量絕對夠3-4人食😎六拼包括墨魚、燻蹄、金錢𦟌、豬生腸、鵝掌翼同埋水晶鳳爪，每一樣都好好食好入味，送飯一流🥳.🪿白滷水鵝米粉下午茶 $38呢個價錢已經包咗一杯飲品，仲要食到鵝肉，又係好鬼抵食🫡不過可能係下午茶嘅關係，滷水鵝嘅位置就唔係比得十分之靚，如果想啖啖肉嘅可能真係要嗌返個例牌先有，不過絕對係可接受🙂‍↕️.💰人均消費～$100.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

前日同我妹去左太子－間主打白滷水既新餐廳度試吓佢地最出名既鹵味🤩估唔到呢度d野食全部都比我想象中好食，價錢仲要完全唔貴，性價比超級高🤓我地食左：⬇️⬇️✨豉油王乳鴿飯✨$56送餐飲，轉豆漿+$6乳鴿肉滑juicy夠嫩口，吸收哂豉油王嘅精髓，鹹鹹香香好惹味👅重點系呢個價位就已經可以食得到，真心超抵‼️✨滷水鵝米線 ✨$38送餐飲，轉豆漿+$6喺餐廳招牌白滷水系列之一，用白滷水滷過既鵝色澤唔算好深色，食落又濃又鮮但又唔會好咸，加上恰到好處既肥瘦相間，半膏半肉，滋味十足，令人好驚艶✌🏻✨炸雞翼 ✨$18－份有3隻，隻隻都炸到金黃脆皮，肉滑多汁又唔油，質素相當高👍🏻👍🏻👍🏻✨菜心配秘製滷水汁 ✨$18份量足足有－大碗，比我想像中多，仲可選配：蠔油、豬骨上湯或秘製滷水汁，我地梗系揀左招牌滷水汁，配咩都咁好食😋✨馳名滷水薰蹄 ✨$22果凍狀既外層好重膠原感，連埋入哂味既肉肉－齊食真係好有層次 ☺️✨流口水豬生腸 ✨$25Q Q彈彈咁好有彈性既豬生腸洗得好乾淨，入口肥而不膩，爽滑細嫩，完全唔會有異味😍✨神鵰俠侶✨$78即系叉燒拼金錢𦟌肥瘦均勻又帶d燶邊既叉燒肉質鬆軟，肉香同蜜香分別都好特出，加埋若隱若現既焦

最近發現太子站附近開咗間新店，主打多款潮式白滷水鹵味，凍魚、鵝、雞、鴨、鳳爪、豬肚、墨魚、紅腸等樣樣有齊，出邊有個玻璃櫃展示食物，另有火鍋套餐、茶記常見美食供應。地點方便，平民價格，份量適中，平日晚上都滿座，深受街坊們歡迎，食飯又有多個選擇啦。晚市套餐包括老火豬骨雞湯、白飯、熱飲同薑湯蕃薯糖水，性價比高。古法羊腩煲淡淡香氣，羊腩大塊啖啖肉，仲有蘿蔔同竹筍搭配。私心推介南洋咖喱三寶，有牛腩、牛筋同吉列魚柳，煮至入味，咬落唔嚡，咖喱味濃，配飯一流。滷水鵝係餐廳招牌菜之一，鵝肉鮮嫩，滷得啱啱好，鹽香雞都唔錯，各有千秋。而小食方面有牛展，六大片，幾厚但淋，瘦肉中間有筋絡，含有豐富膠原蛋白，有助養顏。灼菜心同生菜夠入味且新鮮，份量多，搭配住食感覺更健康。

😍今次我偷懶唔做煮飯👩‍🍳出去搵好野食，呢間有白滷水食，就食吃間啦🏠🐟白滷水煮馬友：未食過白滷水煮嘅馬友😍呢個白滷水嘅味道唔會好鹹✅反而仲帶出左馬友嘅魚香味🥢馬友仲切開左一件件🔪上枱嗰陣仲用個gas爐heat住💯加番個白飯同湯🔥呢個份量✅街坊價錢👍真係好抵食🥳🐽輕盈叉燒例牌：叉燒都可以揀半肥瘦真係開心到極🥢呢個叉燒鋪滿蜜糖🍯好惹味呀✅🐤海南雞油飯：呢個油飯唔油仲好香👍重點係海南雞飯嘅熟度做得唔錯💯仲去埋骨添🥢雞肉嫩滑😋一份海南雞飯配埋三款醬有黑醬油、薑蓉同辣汁✅賣相得👍好味😋🍮番薯糖水：估唔到呢間小店會唔會送糖水呀😍而且佢呢個番薯糖水唔單止d 番薯好林又好甜✅仲好有薑味添👍好好食呀💯

位於太子的這間新餐廳，自稱「白滷水專家」，確實名副其實，滷水菜式令人驚艷。加上價錢親民又不加一，都讓人感到誠意十足。滷水鴨舌口感細膩，滷汁滲入鴨舌的每一層，有濃濃的香味，滷得十分入味。潮式凍烏頭也令人驚喜，魚肉鮮嫩，沒有一絲腥味、泥味或電油味，只有魚味和鮮味，除了選材優質，處理手法也相當細緻。豬肚雞煲更是招牌之作，湯底濃郁，豬肚軟嫩而不失彈性，半隻雞鮮滑有雞味，搭配提供的新鮮生菜來打邊爐，口感層次豐富。白滷水鵝半隻則外皮滷得光亮，肉質軟嫩，滷味香氣十足，值得一試。餐廳還附送熱飲，尤其是港式奶茶，茶味濃郁，奶香醇厚，比一般茶餐廳的水準高出不少。

係太子有間用白滷水烹調的鵝、雞和烏頭等，小編未嘗試過食用白滷水滷食物，於是決定進去試試！白滷水三拼飯(燻蹄，豬肚，豬生腸）$46小編想試吓白滷水三拼，但又不想搭配飯，呢到選擇夠多樣化，可以自選轉成粉麵，我試了通粉，這配搭應該是全港首創！雖然換成了湯底，但卻不會搶走白滷水的獨特風味。🌟燻蹄燻蹄肉質鮮嫩，配白滷水的香料與煙熏味完美融合，讓每一口都充滿層次感。🌟豬肚豬肚的口感彈牙，嚼勁十足，搭配白滷水也吃到豬肚的鮮甜。🌟豬生腸豬生腸口感滑嫩，肉質鮮美。深海大墨魚配米粉 $38墨魚口感有彈性，吸收了白滷水的味道，令人很開胃。白滷水鵝上莊 $110鵝肉鮮嫩多汁，肥瘦適中，白滷水的香氣恰到好處，將肉質的鮮甜完美釋放，讓人每一口都能感受到層次感。值得一試！潮式白滷水凍烏頭1條 $98白滷水凍烏頭都係第一次食，烏頭魚的肉質鮮嫩，魚肉吸收了白滷水的香味，口感滑順。即使冷藏後的烏頭魚都一樣好食，有驚喜👍🏻豆腐 $6 / 熱檸檬菜蜜

近來機緣巧合下，多咗嚟太子食飯，其實，都喺就朋友而已。今晚就過咗太子界限街呢邊，試試睇落新開無耐嘅「一食鍾情」。睇個名以為喺西餐嚟，其實喺主打白滷水，有識途老馬嘅死佬食過話唔錯，加上有羊腩煲，當然就要嚟試試。廚房刻意設晌門口，晌光猛嘅燈光下掛咗唔少滷水嘢，自然喺用嚟吸引路人。行入少少，就清楚睇到師傅斬斬切切，內裡仲好乾淨企理，咁食起嚟更安心。餐廳呈長形，個鋪都幾深，勝在樓底高，加上夠光猛，感覺都幾醒神。左邊一排全部都喺卡位，而入啲，有幾張細圓枱，又唔算拍得好埋，格局都喺似茶記，總之就坐得自在啦。如一般茶餐廳咁，調味料就放晌枱側，餐具就晌旁邊抽櫃內，自由取用。雖然鋪面特別標示主打白滷水，又擺滿滷水嘢，但其實餐廳嘅選擇非常多元化，滋味小食啦、馳名白鹵水啦、海南雞、乳鴿都有，仲有南洋咖喱、特色飯同意粉……等等。此外仲有啲1人套餐、2人套餐，以及一啲經濟嘅窩心晚餐。佢哋仲有做埋早餐、午餐、下午茶添。但天天寒地凍，最吸引喺幾款火鍋套餐，而當中嘅古法羊腩煲喺我哋嘅心水。呢個火鍋套餐都幾抵食，頭盤可以揀白滷水鵝或者滷水拼盤，定價就睇你揀邊款鍋物，再配有一碟生菜、兩碗白飯及兩客糖水。而我哋見有優惠，仲

This diner is famous for Chiuchow marinated cuisines, and they specialise in a light-coloured refreshingly aromatic house-made white marinade sauce. Bone-in marinated goose is a champion dish. We had the lower quarter (白滷水鵝下庄) and it came with one whole goose leg. Each piece was succulent, fragrant with Chinese herbs and spices, as the marinade was extremely appetising. Perfect skin and flesh, made you want more. Poached fish in white marinade soup was made for winter. Our pick of fish was a ten

一直想試食潮州凍烏頭，以前一般都贵。一個人試不到。看到這裡有出午餐，於是來試試。口感綿綿的，幾特別。另外加生肠，比跟餐好食D。臨走買了個$128拼盤外賣給家人試試。

去花園街辦年貨，回程時路經界限街，見到有間「一食鍾情」，滷味全陳列在「飾櫃」裡，有白滷水鵝、墨魚、乳鴿、生腸、鳳爪、豬手等，賣相極之誘人。翻開餐牌，食物分門別類，選項非常多，除了主打嘅白滷水外、還有滷味、生滾湯飯、特色意粉、南洋咖喱、薄餅、滋味小食等。點咗一客鍾情滷六拼 ($188)  陣容非常豐富，有墨魚、燻蹄、金錢展、豬生腸、鵝掌翼同水晶鳳爪。墨魚鮮嫩肉厚、燻蹄皮脆肉爽、金錢展軟腍入味。生腸爽而不韌，滷水味鮮香醇厚，唔會過鹹過淡，味道清新。掌翼羶香入骨，而鳳爪亦Q彈有嚼勁，越食越滋味。見鄰桌嗌咗碟例牌叉燒 ($68)，賣相非常吸引，也跟風點了一客。叉燒半肥瘦，肉質鬆軟，入口焦香微甜，加上呢份係輕盈版，兩個人分享啱啱好！另外仲點咗客下午茶餐：迷你蔥油雞飯 ($42)。雞件皮爽肉嫩，滑溜又有雞味，加上惹味蔥油，用來送飯一流。跟餐飲品點咗杯熱奶茶，香濃順滑，唔錯。整體嚟講，餐廳嘅食物好有質素，不但份量多，而且價錢亦非常大眾化，性價比極高，絕對值得一試！

粵式白滷水粵菜菜餚中最經典的菜式，巳越來越小有，因為過程繁複，所以想食都未必四圍有，位於太子店的白滷專家，價錢貼地，值得大家試試👍🏻食咗幾次，每次都有水準，值得推薦比朋友白滷水鵝片、白滷水烏頭、咖喱牛腩、墨魚生腸拼盤都係我最愛，而每個餐都送湯.飲品及番薯糖水😁下午茶時段，白滷水鵝片飯仲要$39蚊就有如大家想食羊腩煲，都可以試吓佢嘅米芝蓮配方羊腩煲，識食一定食套餐，$238 巳包羊腩煲+1/4隻滷水鵝+生菜一碟+兩碗飯 +兩碗湯+$88 仲可以有凍烏頭或者馬友👍🏻