Video
2-min walk from Exit C2, Prince Edward MTR Station
continue reading
Payment Methods
Other Info
Parking
10% Service Charge
Above information is for reference only. Please check details with the restaurant.
今日lunch time 諗緊食咩嘅時候，就經過呢間野，俾佢個西檸雞吸引了，而且依家返工太忙，好少機會返屋企食煮家飯，有時食見到主打煮家飯嘅餐廳就會覺得好吸引！因為媽媽嘅心一定會俾最健康，煮好吃的東西兒女吃！所以二話不說入左去～原來佢個午餐有湯，有飯，我就加了＄10 要太子飯，因為比較喜歡吃紅米，升糖指數較低，相對冇咁易肚餓，加上仲有粟米、蛋絲，南瓜粒等，食落更有口感！今日個例湯係金銀菜羅漢果豬腱湯，呢個湯清熱潤肺，生津解渴，好適合口乾、汗多時飲用。飲落冇味精味，好足料，仲有豬腱食！好耐冇食西檸雞，呢到份量都算多，係即叫即炸，因為上枱仲係熱辣辣！但略嫌覺得個粉漿太厚，但係食落一啲都唔油膩，個火喉控制得好，所以迫到哂啲油出黎，所以好juicy嘅肉汁。好好奇點解有生果，原來做緊推廣，凡午市光顧「家常套餐」，可回贈飯前水果一份，雖只是兩片橙肉，但岩哂想均衡飲食，又好懶買生果嘅我！
continue reading
人的劣根性總是那樣，擁有時不珍惜，失去後才知道擁有時的珍貴。不用多說別的，就以家裡媽媽煮的餸菜為例，雖然未必每個人的媽媽都是「鼎爺」級數的大廚，但每個媽媽在家裡為子女準備的，一定是充滿愛心的健康餐，食材不需名貴，菜式不用花巧，簡簡單單，平平實實，只是家常便飯，已是子女們放學、放工後的一頓美味的午餐或晚餐。不過人長大了，總得要自立門戶，成家立室，對不少人來說，阿媽的手勢便只能久不久才可再次吃到。而這天，這間以「愛與家的味道」招徠客人的店舖，便吸引了我入內吃一頓「住家飯」。 例湯是「眉豆花生煲豬肉」，味道自然順喉，喝得出完全沒下味精，感覺舒服。「菜心苗炒鴨胸」是這天我的午餐選擇，菜心苗其實只不過是菜心吧了，稱為菜心苗也許只因為所用的菜心較嫩而已，而這天的菜心炒得頗多，清翠嫩綠又夠爽甜，配以不常用的鴨胸代替常用的牛肉，有點新鮮感，鹹鹹的鴨胸也幾開胃。店子正做推廣，凡午市光顧「家常套餐」，可回贈飯前水果一份，雖只是兩片橙肉，橙肉也不太甜，仍然讓人感到有點誠意。原來，這間店舖的老闆是位教徒，每個星期日這兒都會休業，在上午搖身一變，變為一個教會崇拜的地方，想吃這兒的「住家飯」的話，便要留意了。
continue reading
今日外出太子工作，想吃個午餐，突然記起阿媽開飯，正所謂："阿媽開飯，野食健康得黎又唔是但"。阿媽開飯呢個名給我的感覺是相當親切、溫馨的，畢竟阿媽是每一個人至親的人，雖然呢個阿媽未必真是你阿媽，但她一定是其中一個香港人的阿媽(當然廚師未必真的是阿媽，可能是阿爸)。午市有6款菜式選擇，價位在$48-$50之間，我叫了一個冬菇蒸雞飯$50，本來想+$10轉太子飯(原粒粟米、菜粒、南瓜粒、沙葛粒、蛋絲)，但我隻耳又聾，見到幅圖又濛，又有我不太想吃的蛋絲，還是耍手扭頭吧。例湯倒上得很快，只是冬菇蒸雞飯等了約二十分鐘，等到我不耐煩，立即催單，催單才即上。雞件比我預期多，而且夠滑，香噴噴飯味，如果去大家樂吃同樣菜式，就需要遷就著來吃，需要幾啖飯一啖餸，阿媽開飯則一啖飯一啖餸，當然，如果這個真的是你阿媽，就變成了只吃餸不吃飯，這就是在家千日好的分別。阿媽靚湯，在整個品牌設計，不論是品牌名，抑或是餐牌內溫馨的字句，提示你在這裡可以"吃得健康...當住家飯...放心吃"。都是一般餐廳相當少打的真心牌，亦符合城市人追求健康的心態，慶幸只此一間，因為從市面上太多品牌餐廳經驗得知，如果當開太多分店時，往往就容易失去了當初對質素的堅持，如果是這樣的話，阿媽隨時變阿嬸，一個不再親切的阿嬸，因為沖著錢做事和沖著事業來做事，所帶來的味道可以是截然不同的，
continue reading
呢間餐廳 標榜係基督教超窮教會。。。。。。 佢嘅地方係乾淨企理嘅 坐得都叫做舒服， 好近太子地鐵站。 叫咗個下午茶佢跟埋紅豆冰雞髀薯條28蚊 算係咁啦。 好鍾意佢啲menu設計做得好平實。 話冇乜用味精 咁係咪真嘅我就唔知啦不過算係幾好食。 我隻豉油皇雞髀都幾肥肉幾 厚身， 薯條都幾香幾脆， 杯凍奶茶ok嘅 屬於水準之上。 如果離開太子呢附近買建築材料 或者紡織材料買完之後搵達地方休息一下補充體力 呢度ok嘅。 佢又近npv， 如果你隻狗係細隻入咗袋唔得個頭出嚟 靜靜地唔好 張揚 帶埋入嚟都坐得舒舒服服嘅。
continue reading
凍冰冰 好想飲返碗熱騰騰既湯暖暖胃。聽同事講之前間阿媽靚湯開返啦（改左名叫阿媽開飯）標榜無味精 吃得健康 家的味道。是日靚湯(下午餐加$8 )淮山龍眼蟲草花豬骨湯真係好好味，清甜個飯未食已飲左一半迷你飯薑蔥霸王雞$28雖然話係迷你但份量都唔算少。薑蔥油好香送飯一流雞肉肉質中規中矩為左個湯會再次光顧
continue reading