Video
Additional Information
多款菜式自創獨特, 開業於2009年, 於2015年7月遷移至新蒲崗, 並改名為[拼食三郎]. 本店一直用心制作, 不味精, 創新, 為客人得到大滿足!
Opening Hours
Mon - Sat
12:00 - 15:00
18:00 - 22:00
Sun
18:00 - 22:00
Public Holiday
18:00 - 22:00
Above information is for reference only. Please check details with the restaurant.
尋晚去到鋪，個店名好似轉左，但出面依然係排哂長龍。等左陣入到去，叫返之前被受好評既蟹黃芝士雞鍋，麻辣芝士鍋同紫薯風暴！ 嗯...蟹黃味十足，d芝士仲可以拉到長一長，我地咁都玩左十分鍾囉⋯⋯果然係招牌菜。但麻辣鍋個味就唔係好夠麻辣，食到一半發現，原來佢仲有個雙重麻辣雞煲，但已經食到好飽啦！唯有下次再叫啦！紫薯風暴就隻色好靚，可惜芝士味唔夠， 聽講係女士最愛， 我作為一個港男， 的確唔識欣賞
continue reading
經同事介紹，係特登去呢間食店嘅，因為我係芝士迷，朋友又話好食好多芝士。其他間食店都幾難搵，不過吾緊要啦，好食嘅野多數穩世d，係一個冇乜人流商場入面，但就係呢間好多人客，心諗實冇介紹錯。坐低已經好肚餓，一人嗌左一個芝士窩，一係双重芝士蟹黃雞煲，另一個係香濃龍蝦湯海鮮煲，加埋帆立貝同豬肚。吾洗好耐，睇下電視，就成煲上，兩煲都超多芝士，好像吾洗錢咁，哈哈，店員仲嗌我地小心，可以拎走d菜先，免漏出。芝士蟹黃雞煲真係勁多芝士，食條菜都痴左好多芝士，湯好濃，但又吾會咸，覺得好好，因為我好怕咸嘅，入面份量都好多，一個女仔食都食吾晒。我朋友嘅香濃龍蝦湯都好正，又係芝士吾洗錢咁加俾你，這個龍蝦味就比蟹黃咸少少，不過都接受到，入面係有海鮮材料，例如帆立貝，蠔等，想講蠔都好好食，大大粒又好有蠔味，正正。同事果然冇介紹錯，好食得嚟價錢仲好平，一個100蚊都吾洗又吾洗加一，真係平靚正推介。經過呢度同冬天一定要再食過！
continue reading
新蒲崗不嬲有好多隱世美食，最緊要係新蒲崗食肆嘅價錢會比較抵食！今次無意中係新蒲崗廣場搵到間新式火鍋店👀本身見佢門面冇乜特別，但係平日都坐滿左人，所以就索性入去試試👅呢間火鍋店既模式係每人一鍋，自己可以揀番啱自己口味嘅湯底同埋配菜，而且湯底特別，有成20款唔同嘅選擇，最主打係芝士，當中幾乎有10個湯底既款式都有芝士🧀🧀🧀🧀🧀啱晒我呢個芝士迷！紫薯芝士雞煲: 我一直好鍾意食紫薯同芝士，所以一見到餐牌就即刻揀咗呢一款，其實起初都會驚未都會好怪或者唔夾。湯底係用成堆紫薯去滾，黎到個鍋入邊都見到有幾舊，所以呢個湯嘅質地都會比較杰身！值得一讚嘅係佢嘅雞，因為佢係預先加工過、同埋炸香咗，所以本身已經7成熟，放左落個鍋到就已經好快食得，煮到芝士紫薯絲扣住啲雞就得，一食落口完全冇怪嘅感覺，而且仲好意外地夾🤓最開心嘅係火鍋店跟餐提供公仔麵，紫薯芝士湯底配公仔麵，我都係第一次食，但係十分之好味！👍🏻👍🏻龍蝦芝士配肥牛鍋: 呢個湯底嘅龍蝦味比想像中濃！而且芝士份量比紫薯鍋多👅 我淨係飲都飲左幾碗湯先肯開始打邊爐😆同埋鍋嘅湯底夠晒濃味，完全唔使點豉油配菜已經夠味！用黎煮菜，吸曬湯底精華，更正！另外肥牛新鮮， 唯獨係嫌佢份量唔夠， 所以另外自己都加左多一碟肥牛同一碟腩肉，仲有香芋魚餅同鮮蝦雲吞。火鍋配菜: 如果嫌唔夠配料可以再自己加，我鍾意佢加配菜嘅份量，因為佢得一至兩粒，但係咁樣可以試多幾款唔同配菜👍🏻火鍋配菜普遍10分新鮮，最意外驚喜係鮮蝦雲吞，雲吞爽口彈牙， 足料！
continue reading
半熟芝士撻、芝士蛋糕、芝士餅、芝心批，咩都試過晒，就係未試過芝士火鍋！今次黎到新蒲崗捉精靈，一於收服埋芝士火鍋～放工搭巴士係 Mikiki 落，行 5-10min 已經到新蒲崗廣場，上一樓轉左行入去就見到拼食三郎。星期五夜晚八點幾都仲係好生意，我地等位時都黎左幾檯客等，好彩只係等左10min左右就有位。今餐 $270 兩鍋四餸加飲品，計埋味道，都算幾抵食。餐廳分兩間鋪，眼見唔寬敞但坐落又唔會特別逼，另外隔離檯d火鍋香味飄晒過黎，令人垂涎欲滴！呢度叫火鍋先選湯底，再選主菜，然後揀埋飯/拉麵/烏冬/出前一丁，如果要加配菜都好方便，用點菜紙剔剔剔就搞掂。極品蟹黃雙重芝士雞鍋 $109一上檯只見堆到山禁高既芝士，有 mozzarella 加車打芝士，湯雖然未滾起但都好香蟹黃味，配白飯一定無得輸。湯滾後，芝士亦融入湯中，先攪拌一下芝士和蟹黃，之後就係令人期待既拉絲時間！十分邪惡～ 芝士加入 mozzarella 煙煙韌韌，湯就咁飲味道比想像中淡，但識食之人又點會就咁飲湯呢，當然加湯入白飯再食。白飯吸收湯汁精華後，蟹黃味道突出，入口甘香帶餘韻，正！鍋入面雞件都落足料大大舊，味道唔只湯既鮮味，似早前已醃好味道處理過再加入鍋中，抬頭見貼住雜誌介紹，知道原來雞件係有預先爆香，絕不馬虎。龍蝦番茄湯-西班牙極上豚肉鍋湯麵（烏冬） $72鍋本身配有蔬菜，感覺健康些，湯呈橙紅色，香氣有蝦膏香味。味道方面與平時常見的龍蝦湯有點不同，可能是考慮到番茄味道而稍作調整。平常龍蝦湯味道強而濃烈，頗為霸道，今次呢個蝦味輕一點，帶上番茄鮮甜味，既無番茄酸，龍蝦味亦不過份強橫，感覺新鮮，不易膩。初時覺得咩西班牙極上豚肉覺得有d誇張，諗住都係改個好名吸引食客，誰知豚肉又真係唔似一般貨色，並無腥臭，而且入口鬆軟。追加配菜叫左肥牛、響鈴、帆立貝同埋薑汁皮蛋貢丸。呢個貢丸真係第一次食，咬開薑味重，口感有少少皮蛋的韌度，唔錯。食物質素唔錯，餐廳服務員亦有禮貌而且好貼心，值得再黎試埋個紫薯鍋～
continue reading
新蒲崗交通不算方便，平常沒有機會經過，這天去完西貢遊船河，決定選址新蒲崗吃晚餐。選了這間座落街坊商場的火鍋店，佔地相鄰的兩個鋪位，座位不多，但奇怪的是各自的裝修不同，稍不留意會以為是兩間不同食店。我們選了較光猛的主店進餐。食店主打芝士雞煲 ，湯底有多款選擇，例如雙重芝士、蕃茄芝士、龍蝦芝士，甚至麻辣芝士，鍾愛芝士的朋友又多一選擇。坐下第一件事選湯底，老闆娘詳細為我們介紹餐牌，並溫馨提示各種配搭的特色，服務體貼。看見餐牌上寫着火鍋可以配「唔食唔得嘅白飯」、「港人至愛嘅出前一丁」、「總會有嘅米線」，忍不住問老闆娘白飯是否有何特別，店主笑說只是噱頭而已。由於湯底配搭實在太多，一時之間拿不定主意。曾經在雜誌介紹過的紫薯芝士雞煲，但郤擔心一甜一咸的組合未必很夾，但這種配搭仍然讓我躍躍欲試。身為嗜辣者的我當然亦不得不試試麻辣湯底，店家配上龍蝦湯底感覺創新。最後拍板決定紫薯芝士雞煲以及麻辣龍蝦湯底各一。火鍋配料選擇超過30款，同樣讓我們頭痛，思前想後下決定選一些較特別的麻吉燒、薑汁皮蛋貢丸等。麻辣龍蝦湯底先上枱，紅彤彤的湯底讓我急不及待先嚐一口，試了幾口，海鮮味濃郁鮮甜，但龍蝦味稍嫌略淡，中辣程度的湯底亦不算很辣，未夠過癮。拉麵、牛肉、菜等浸入湯底，充分吸收湯底的精華而非常入味。配上其他火鍋配料，如薑汁皮蛋貢丸、麻吉燒、魚肉春卷、響鈴等。薑汁皮蛋貢丸一咬下去，既彈牙又爆汁，創新但非常滋味，值得一讚。接下來紫薯芝士雞鍋上枱，淺紫色的湯底，雖然特別，但對我來說不算十分養眼。看見芝士在熱鍋裏翻滾，一種邪惡的感覺莫名而至。芝士未完全溶掉時可以拉起長長的芝士絲。紫薯湯底不會過甜，原本的擔心一掃而空。雞肉以小碟分開上，醃好的雞經過爆香，如果單獨吃已經夠惹味，肉質嫩口。把它加入芝士鍋煮沸，沾滿紫薯蓉及芝士的雞肉又是另一番風味。前段時間紫薯味偏淡，要待後來慢慢愈煲愈濃，湯底變得濃稠時，再用附上的稻庭烏冬泡浸在湯裏吃，先能夠食得出原本預期的效果。由於紫薯煲不易入味，個人認為配搭雞肉未算最好，如果店家不只限制配雞肉，讓食客多試一點其他配搭，說不定有更好的效果。我們來得早，入座時只有一間鋪位坐滿，離開時發現兩個鋪位座無虛席。這個商場人流稀疏，但竟然有如此熱鬧的食店置身其中，相信除了街坊捧場外，亦有不少像我們一樣慕名而來的。也是難怪的，街坊的價錢，高質的食物，創新的配搭，而且服務態度亦毫不怠慢，值得一讚。
continue reading