Video
7-min walk from Exit A, Shek Kip Mei MTR Station
continue reading
Telephone
27776888
Good For
Group Dining
Opening Hours
Today
06:00 - 15:30
18:00 - 22:00
Mon - Sun
06:00 - 15:30
18:00 - 22:00
Above information is for reference only. Please check details with the restaurant.
家中長老之前喺電視節目睇到中央飯店嘅訪問，見到佢哋自己做嘅大包，好吸引，又有推車仔嘅舊情懷，佢心心念念咗好耐，想特登過海去中央飯店一試佢嘅大包。結果去到嘅時候大包早茶嗰轉賣晒，佢專登走去點心counter問左幾次出爐時間，結果師傅都好好專登蒸返一個畀佢，大包上枱嘅時候都有啲震撼，係我食過咁多間酒樓size最大嘅一個，佢嘅包係好食，鬆軟香口，可惜餡料未完全蒸熱，除咗加咗唐芹比較香口其餘餡料相對普通，其他點心都略為普通，真係冇任何驚喜，而且價錢亦都唔係特別吸引，如果食嗰種推車仔嘅舊式情懷，我諗呢間都冇必要係首選。
continue reading
今次第二次嚟中央飯店食飯，第一次嚟飲過早茶，咁水準都覺得OK嘅，點心都做得還可以。今次嚟食夜晚，叫咗三樣餸、一個沙拉骨、一個西芹炒牛柳、一個豬蹄、首先沙拉骨佢就係煎豬扒再加沙律醬，沙律醬仲要係最後擠喺面完全冇撈勻，咁點解唔叫沙律醬豬扒？其次，佢個豬蹄又硬又鞋，仲有有浸臊味，佢呢啲豬蹄一定整左擺左好耐好耐，好似煲湯煲完嗰啲瘦肉咁，點食呢？俾狗食呀..惱到成碟冇食抌咗，西芹同牛柳粒就比較正常，但係百幾$200嘅水準真係有啲唔應該，總之冇下次，幾年黎食過最難食嘅餐廳，我發誓！好失望！即係其實呢明顯feel到係冇誠意囉，間餐廳俾啲咁嘅食物質素我哋，想支持香港本地餐廳，但係俾啲咁嘅嘢我敷衍客人..嬲到我專登上嚟OpenRice寫食評，算 bye
continue reading
本身中學在附近讀書，今日專程嚟懷緬一番。仍舊有推車仔賣點心，賣點心嬸嬸都好Nice。叫咗一碟鹹雞飯，要雞髀+$8。碟飯嚟果陣，問夥計要多少少蔥油，完全冇反應。再問其他夥計，個個耍手擰頭！決定自己親自去問，點知廚房有個女人出嚟，用極度冇禮貌嘅態度同我講，唔可以再攞，係公司規定！😳如果要再攞，就攞張單出嚟，$10！態度極之惡劣！其實有冇唔緊要，呢啲都唔係值錢嘅嘢，有必要用呢種態度嗎？用餐環境一般，廁所絕對核突！絕對唔會有下次！
continue reading
今日陪老人家嚟食情懷。長輩年青時候常常嚟呢度食飯，佢哋主動話要嚟懷舊一下，所以今朝早上八點就帶佢哋嚟到。好開心見返點心車仔，同埋好有主見話俾你聽應該食乜嘢嘅姐姐，佢哋好有心機，將叫嘅食物剪細咁我哋易啲分，食到咁上下飽，先至見到姐姐由廚房拎啱啱整好嘅雞球大包出嚟，一大盤大約10個，每個有兩個半拳頭咁大，無奈我已經飽到食唔到，唯有影幾張相，姐姐見我咁興奮，特登擺低盤包俾我影🫶 嘢食係正常酒樓質素，金錢肚好腍，今日冇芝麻卷，有啲可惜。
continue reading
深水埗 中央飯店上次夜晚去咗中央飯店先發現原來夜晚冇得食點心， 今次終於中午去試到佢哋嘅點心， 久違嘅點心車好令人懷念～今日叫咗排骨蒸腸粉、 魚肚燒賣、馬蹄糕、 蝦餃、 燒賣、 鳳爪、 蝦腸同鹹水角， 今晚得返兩隻鹹水角阿姐搭咗舊煎堆比我， 可以食多樣～排骨蒸腸粉好好食， 排骨夠滑冇食粉味， 腸粉底夠滑唔會蒸到爛晒一坺嘢咁， 啲腸粉溝咗排骨啲肉汁同埋啲豉油停唔到口～魚肚燒賣好鮮甜， 唔單止嚿魚肚好食， 連上面嗰舊燒賣都好正， 口感好好～馬蹄糕唔敢講話佢無溝薯粉， 但係馬蹄粉嘅比較應該幾高， 同外面食嗰啲唔同， 馬蹄味比較重～蝦餃同出邊嗰啲都唔同， 我估可能啲點心係師父喺廚房自己包， 個蝦餃皮冇出邊嗰啲咁薄咁透明， 但煙韌有口感， 唔會好似嗰啲薄到一蒸完就癡粒粒一掂就爛， 啲餡又夠多， 除咗蝦仲有下滑同埋豬肉竹筍， 又鮮又彈牙， 好食～另外燒賣都係好明顯同出邊嗰啲唔同， 係嗰種舊式嘅燒賣， 同埋應該都係師父自己包， 唔似出邊嗰啲粒粒都好公正同埋啲皮好薄， 肉粒同埋碎肉嘅比例啱啱好， 質地比較實淨口感好好～鳳爪個味好好但係口感比較淋～鹹水角同埋煎堆可能係因為點心車嘅原因， 可能已經推咗有一段時間所以比較凍， 但係鹹水角凍咗都唔會油淋淋， 味道都唔錯， 希望下一次可以食到新鮮出爐～其實本來已經好飽㗎喇， 但係因為食咗排骨蒸腸粉覺得好食之後忍唔住又叫咗一碟蒸腸粉， 本來想叫叉燒腸，但係阿姐同我哋講話今日啲蝦腸好靚叫我哋試吓， 阿姐冇呃我哋， 好食， 皮夠滑， 下又夠彈夠脆， 最正係啲豉油， 好有以前細個食腸粉嘅感覺～另外有一樣嘢就係而家出去食點心多數都係得返特點同埋頂點， 大中小點幾乎絕跡， 依度唔同， 我仲見到有大點同中點， 而次食就冇食到有小點， 真係好八卦想知小點有啲咩～另外食緊嗰陣時見到牆貼住張紙寫下午茶一律$16好似， 買單嗰陣時問幾點開始下午茶， 阿姐同我講兩點開始， 下次再去掃佢場～八個點心加埋茶位， 買單$214
continue reading
You may be interested in