Video
2-min walk from Exit D2, Sham Shui Po MTR Station
continue reading
Telephone
36145562
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
*last order: 23:30
Above information is for reference only. Please check details with the restaurant.
細個三叔帶我喺深水埗揾食，就食過呢一間做上海菜嘅萬家村。當然時隔咁多年，仍然可以屹立喺深水埗相信有一定實力，感覺裝修靚咗，燈火猛咗，至於手勢有無好咗今日要食下先知！見到佢其實除咗散叫之外，套餐都好著數，不過今次想試下食多啲上海特色嘅小食，所以就散叫。適逢踏入蟹季，所以都嗌咗一個蟹粉豆腐羹、兩籠鮮肉小籠包、一碟鍋貼同一碗豬扒拉麵。平時去酒樓飲都會有湯羹，一大兜分通常只會食到一兩碗，諗住138呢個價錢都唔會俾得多。點知一拎上來時，嘩，份量真係多唔係講笑。本身呢日開OT有少少餓，揀咗呢個羹真係啱哂。每一羹都有豆腐豐富口感，又滑又嫰，再加埋蟹黃蛋黃，間唔中又食到一兩條蟹絲，無得彈！最重要食完兩碗都唔覺得滯，真係好啱用來開胃，而且仲有剩！可以食完成餐之後再飲，好有住家飯餐前餐後一碗湯嘅感覺。喺店家推介排行榜名列第一嘅小籠包嗌咗兩籠，同友人一人五隻。小籠包呢樣嘢唔單止上海菜，好多其他地方都有得食，但整得好唔好又係另一回事了。食落去有肉汁係基本常識，然之後個皮就當然越薄越好。不過有啲舖頭一味追求皮薄，用筷子一夾個包就穿窿漏哂啲汁，咁都係Fail嘅。不過喺呢度就唔使擔心，夾上手無穿，食落去肉汁爆出來，而且都唔會話太熱淥親條脷。食到最後一個時，距離上菜都已經十五至二十分鐘，凍咗係必然嘅，但啲汁都無話因為咁而乾咗，啫係話由頭到尾每一個包都可以做到食落去有肉汁，一個字，好！食小籠包嘅時候仲可以攞一啲豆腐羹嘅蟹肉上去，食落去好有蟹嘅味道，更上一層樓。 鍋貼又係上海菜另一款基本菜式，喺呢度排行榜佔第四名嘅位置，一樣係五隻，每一隻個底都煎到金黃色，外脆內軟，咬落去啖啖肉！麵食揀咗豬扒拉麵，清淡返啲，佢有唔同嘅湯底選擇不過我就揀咗清湯，飲落去唔覺有味精嘅味道，炸豬扒同鍋貼一樣炸到外脆內軟，炸粉薄薄哋一層唔厚，咬落去唔會話食炸粉多過食豬扒，炸得好！本身無嗌到飲品，不過呢度每個客人都會送杯凍豆漿或者汽水，解渴之餘亦都保持口腔清新，俾條脷休息一下再開始過，而且豆漿嘅豆味都好濃，值得我叫多杯飲。最後嗌高力豆沙做甜品收尾，即叫即做，所以上臺嘅時候熱辣辣，食嘅時候一定要小心啲，咬落去都好鬆軟而且紅豆餡亦都足夠，紅豆嘅味道唔會話太甜，做飯後甜品一流。 食上海菜其實仲有好多嘢想試，例如酸辣湯、擔擔麵、生煎包，連小籠包都有幾款，包括最吸引嘅蟹粉小籠包……而且呢度都有少少撈過界嘅川菜，基本上排行榜單上的十位全部睇落去都好值得去試，所以去一次係唔夠喉嘅，因為仲有好多菜式未食過，再次畀理由我之後再食過。
continue reading
最近，我和老婆前往深水埗福榮街的上海萬家村小館，享受了一頓豐盛的晚餐。這家餐廳以其地道的上海風味而聞名，菜單上琳琅滿目，讓人期待不已。我們選擇了松子魚的二人套餐，首先上桌的是小籠包。每個小籠包都皮薄餡多，咬開後鮮汁四溢，搭配醋和薑絲，令人一試成主顧。接下來是松子黃花魚，魚肉嫩滑，松子的香氣與魚的鮮美交融，讓這道菜鮮香可口。我們還點了揚州炒飯，這道炒飯色彩繽紛，米飯粒粒分明，搭配新鮮的蔬菜和肉類，口感非常豐富。雞絲粉皮也是一道不容錯過的菜，粉皮滑嫩，雞絲鮮嫩，搭配特製的醬汁，讓人一口接著一口。茄子牛仔骨煲是我們的另一道主菜，香氣四溢的牛仔骨與軟嫩的茄子完美融合，湯汁濃郁，令人食指大動。最後，我們還點了海鮮羹湯，湯底清爽，內有新鮮的海鮮，十分開胃，讓整個用餐體驗更加圓滿。餐後，我們選擇了甜品高力豆沙，四隻的豆沙包外皮酥脆，內餡香甜，作為晚餐的結尾，讓人倍感滿足。整體而言，上海萬家村小館提供了地道的上海風味和優質的服務，讓我們度過了一個愉快的晚餐時光，絕對值得再次造訪！
continue reading
辦完年貨之後,又夜又肚餓, 便隨意找了 一間奇貌不揚的上海菜店, 估不到有驚喜, 我們到時已840, 店生意幾好啊, 有成八成客人我們二人因太餓了, 點了很多豐富的美食, 上菜很快, 見師傅不停出菜, 極有效率先來是最愛的冷盤- 雞絲粉皮, 分量一般但味道夠, 麻醬配雞很合拍很開胃跟住上的很抵的小籠包,只是$48, 價錢平但水準好好, 喜歡豬肉有口感, 不會太淋, 吃過一些店豬肉很油, 這包就沒有這情況, 好味燻魚麵是店推薦菜式, 有三大件燻魚, 雪菜麵也是很大碗有二人分量, 果然這菜式好好味, 魚不多骨, 不是太甜, 味道剛好再來的是一碗八件的餃子, 是大大飽滿的餃子, 喜歡皮厚實的餃子, 北方的做法最後上是我們點的套餐, 太多選擇了, 最後點了我二人也喜歡的獅子頭菜飯餐, 配以豆漿足足兩件獅子頭, 不咸,菜飯是超大碗, 味道也很好, 是改良了不像傳統上海菜那麼油其實很想叫高力, 不過太飽了下次要點高力, 窩貼, 鱔糊, 松子魚大讚的是職員工作快手，禮貌週到，是很敬業樂業的員工
continue reading
至尊炒飯 看好多人都點了這個，味道還真不錯！炒得很香，配料也豐富，有大蝦🍤還有蛋碎，吃起來很香，味道略微重口了點～高力豆沙 就是為了這個來的這家店！豆沙餡口感細膩，整個咬起來質感有點像沙翁，外面撒了好多糖粉，看起來食慾滿滿！蟹粉小籠包 皮薄餡厚，蟹粉的鮮美與小籠包的鮮美相互融合，一咬下去就有好多湯汁爆出來，蘸一些醋和姜絲就已經很美味了！豆沙鍋餅 有點點油，切成了一小塊一小塊的，很方便吃，豆沙餡包了超多，餅皮很薄很脆，味道還行～
continue reading
萬家村真係我食過最抵嘅上海菜，今次試咗佢哋嘅二人餐，份量超巨，味道出色，cp值一流。前菜有好多選擇，麻油海蜇清爽開胃，夠爽口，有淡淡嘅麻油香。小籠包係上海菜必食之選，皮薄多湯汁，肉餡新鮮無膻味，趁熱點埋醋食，超正。松子魚炸得香脆，內裡魚肉鮮嫩，淋上類似咕嚕肉個種酸甜醬，非常開胃，仲有好多蝦仁點綴，層次非常豐富。嗌咗我超鍾意嘅魚香茄子煲，上枱係仲冒緊煙咁滾熱辣，濃濃嘅魚香味超正，茄子煮得軟稔但唔爛，索咗醬汁，簡直係米飯殺手。海鮮羹湯底濃稠帶鮮味，海鮮料有蝦仁蟹柳，加上啲蛋絲，口感滑溜，暖笠笠。揚州炒飯超級大份，有蝦仁、雞肉粒同火腿，無咩調味，啱曬配埋其他餸菜。甜品有得揀高力豆沙/豆沙鍋餅，外層炸得酥脆，內裡嘅豆沙餡甜而唔膩。套餐仲跟兩杯嘢飲，今餐真係非常滿足，每上一道菜都驚嘆佢點解可以咁抵，推介大家過嚟食。
continue reading