上海萬家村小館

Open Now

Now Closed

萬家村真係我食過最抵嘅上海菜，今次試咗佢哋嘅二人餐，份量超巨，味道出色，cp值一流。前菜有好多選擇，麻油海蜇清爽開胃，夠爽口，有淡淡嘅麻油香。小籠包係上海菜必食之選，皮薄多湯汁，肉餡新鮮無膻味，趁熱點埋醋食，超正。松子魚炸得香脆，內裡魚肉鮮嫩，淋上類似咕嚕肉個種酸甜醬，非常開胃，仲有好多蝦仁點綴，層次非常豐富。嗌咗我超鍾意嘅魚香茄子煲，上枱係仲冒緊煙咁滾熱辣，濃濃嘅魚香味超正，茄子煮得軟稔但唔爛，索咗醬汁，簡直係米飯殺手。海鮮羹湯底濃稠帶鮮味，海鮮料有蝦仁蟹柳，加上啲蛋絲，口感滑溜，暖笠笠。揚州炒飯超級大份，有蝦仁、雞肉粒同火腿，無咩調味，啱曬配埋其他餸菜。甜品有得揀高力豆沙/豆沙鍋餅，外層炸得酥脆，內裡嘅豆沙餡甜而唔膩。套餐仲跟兩杯嘢飲，今餐真係非常滿足，每上一道菜都驚嘆佢點解可以咁抵，推介大家過嚟食。