Video
Telephone
24910392
Opening Hours
Today
12:00 - 21:00
Mon
Closed
Tue - Thu
12:00 - 21:00
Fri - Sun
12:00 - 22:00
Public Holiday
12:00 - 22:00
Above information is for reference only. Please check details with the restaurant.
放假到深井探朋友，深井街坊推薦能記飯店，咁我哋就試下新餐廳。因為多人食飯，我哋叫咗好多餸😆可以試多幾款菜式。炭燒燒鵝真係大推，皮脆肉嫩，香氣撲鼻，而且係熱上，真係有即叫即燒番熱的感覺，而且燒鵝皮仲脆脆地，讚👍🏻叉燒就普普通通偏瘦，個人鍾意半肥瘦，口感會更好。黃金煎藕餅，可能煎得過火，食落有點乾。豉椒鵝腸，鵝腸爽脆，豉椒的香辣味好惹味可口。😋至於咕嚕肉，酸甜適中，送飯一流。苦瓜炒蛋，苦瓜清爽，但煎蛋有點乾。勝瓜蝦乾粉絲煲，勝瓜清甜，蝦乾味道濃郁，粉絲吸收了所有湯汁，我好鍾意❤️
continue reading
落雨濕濕，因為友人有揸車，同行有人聽到就好認真話要去呢間食燒鵝……第一次去，因為通常都會去出名果幾間；睇一睇食評，見到係一般，唔係特別出色，但有人好「認真」咁就跟大隊。去到，順利泊好車（最後一部剛滿），點菜，都係叫咗個4人餐：燉湯、燒鵝半隻、鵝腸、海皇豆腐、青菜，我地再加一個叉燒、瀨粉。燉湯：正常水準、飲落係實料，4大1小每人都有1碗半，份量都足燒鵝半隻：強烈推薦！(可能係我好耐無食過真係有水準嘅燒鵝？) 本來預係肥膏厚皮又可能柴嘅燒鵝（畢竟上次去名店係咁）上到枱，個樣好OK，砌到返個原形。夾落去脾位，皮香唔靭唔柴小小脆，肥瘦適中，肥膏係薄一層，肉厚而且係實，骨係酥香，醬料其實偏淡少少但正正就係無搶到燒鵝真味！好耐無試過會追燒鵝食，成碟鵝好快俾人夾哂！！夾埋瀨粉食，真係童年回憶返哂嚟！！咁先係深井嘅燒鵝瀨！！鵝腸：份量足！鵝腸洗得好乾淨，爽脆，友人覺得可以再鹹些少，略嫌未夠入味，腸掛唔到汁；我就覺得已經合格。海皇豆腐：中規中矩，單點唔會叫，有豆味、有蟹肉絲有帶子仔，落咗雜菜令成個餸失咗色。上菜絲瓜：無特別，都係碟頭夠，正常發揮。叉燒：有少少驚喜，有機會係俾燒鵝蓋過咗，友人係讚好食，有些微炭燒味、蜜糖落得夠、有少少焦香；我覺得係街坊水準之上：值得讚係一碟叉燒佢切咗兩條：一條係瘦啲，一條係肥少少；肥果條唔駛講，瘦果條係唔鞋口，夠「腍」、入味而且唔靭！唔知係有心定無意，我覺得廚師做得有heart 有用心落去。整體我覺得我會再去食過，份量夠，價錢合理，服務招呼都好，上菜都算快，裝修係一般、洗手間男女各一，人多可能又唔太方便等。
continue reading
一家人特登黎深井食燒鵝，支持下小店唔食大牌子野。😀小店裝修係舊左小小但係都無影響野食既質素。😊叫左半隻燒鵝，有半肥瘦既效果，皮脆！多汁！肉嫩！深井既燒鵝果然名不虛傳👍配埋碗瀨粉簡直係絕配👍啲燒鵝汁都好正之後叫左啲小菜，腐乳炒通菜，潮州豆腐，煎蓮藕餅☺️蓮藕餅有啲失望，有小小怪味，因為佢係剁碎左啲蓮藕然後再釀啲肉😖豆腐炸得幾脆😋下次可以再黎食，唔洗同人迫又唔使等咁耐位，啲燒鵝質素又唔差👍
continue reading
早上睇完影片分享平台介紹即刻去試試！叫了二人套餐大失所望😭發覺燒鵝的皮柴到咬唔開！波蘿生炒骨唔夠乾身香口, 味道口感當然同中環一樂燒鵝冇得比啦🤮！雖然招呼唔錯, 廁所都算乾淨接受到, 但係就一定唔會再去啦😪
continue reading
行完圓墩效遊徑 落山落到深井經深井人推介 嚟能記食燒鵝lunch 雖然自小已聽深井燒鵝 但都未食過 一行9人食 叫左燒鵝好大隻 加瀨粉 仲有小菜老闆親切好客 🤟🏼👍🏻👍🏻 推薦大家行山 加 燒鵝lunch既行程 雖然天氣凍 但心裡暖暖的
continue reading
You may be interested in