Video
2-min walk from Exit B, Sheung Wan MTR Station
continue reading
Telephone
28052393
95338086
Opening Hours
Today
Closed
Mon - Sat
11:30 - 14:30
18:00 - 22:00
Sun
Closed
Above information is for reference only. Please check details with the restaurant.
去潮家宴食過幾次午餐，都好好味，所以諗住22Dec要做冬兼娘親生日，想訂位同家人去食。話說上個月底打去訂位22Dec晚飯，佢仲話有最低消費&節日套餐會whatsapp我，隔咗兩星期都未收到，我就打去問，佢竟然話我個booking on waiting list，所以未send資料畀我😡🤬。佢話當時講咗係waiting，但其實當時佢無講，仲問我訂幾點到。而且，如果係waiting，就唔會話whatapp套餐菜單畀我先啦。貴店要畀枱d熟客，都通知番我呢d只吃過幾次嘅“生客”吖！！！如果唔係再打電話去問，大時大節臨急搵地方食飯，都幾大鑊。
continue reading
朋友帶我食私房菜， 疫情之後潮家宴開放左會員以外都可以食☺️ 印象中潮洲打冷都比較地踎， 私房菜就好好坐， 環境乾淨唔會好嘈。呢間出名食翅，但我地散叫小菜全部都好好食。坐底叫左小食，醃蘿蔔擺到成朵花咁， 口感爽脆。新鮮炸魚片真係食到停唔到口，淋上咸蛋黃汁，比即食魚片好食超多。九肚魚好滑而且無骨， 聽講鳳尾魚比較罕有啲，下次可以試試～豆腐同一般唔同， 結實d，有少少似魚腐。有2個醬可以點， 我鐘意柚子醬多過甜醬，伴碟芋頭絲都唔好放過， 好似薯片咁脆。滷水鵝唔會好油膩，底下有百頁豆腐。薄餅用木薯粉做，質地比較煙靭，蘿蔔清甜多水，上面好多腰果。胡椒豬肚湯好辣，湯渣另上。第一次見黃金卷， 顧名思義有咸蛋黃，仲有南瓜蓉，口感幾特別。潮洲菜必食反沙芋， 餐廳仲拉左麥芽糖，好懷舊。最後食埋八寶湯係紅棗雪耳小丸子糖水。
continue reading
經朋友介紹，過嚟試吓呢一間私房潮州菜。喺香港，好似冇邊一間潮州菜係特別好食，同埋特別有印象。餐廳比較細，一入門口就已經係枱，裝修都比較簡陋，姐姐店員好親切，好有媽媽嘅感覺😅，不停地推介唔同餸菜。🩷柚子蕃茄作為一個前菜非常適合，有柚子帶嚟嘅清新酸味加上蕃茄嘅甜味，十分開胃🩷家鄉炸魚炸得外脆內軟，忍唔住不停食，送酒一流🩷滷水鵝片呢個略嫌失色，肉身有啲硬同乾🩷凍馬友非常推介，油份極高的馬友魚非常嫩滑🩷家鄉蠔仔烙同其他潮州餐廳相比，呢度嘅蠔仔烙唔係油炸，所以口感冇咁鬆脆🩷蘿蔔灌漿潮汕特色傳統小食，炸得鬆脆，口感特別🩷炒魚麵傳統潮州菜，略嫌多油，沒什麼驚艷
continue reading
7296 views
九旬叔公最愛食翅翅，嬸婆每次覓到好翅更會宴客推舉，專家地位冇人能敵。今期介紹嘅「潮家宴」隱藏於上環一幢商廈內，冇人帶的話真係未必會留意到佢嘅存在。金漆招牌上嘅「中出會所」原來乃「中華出入口商會」之簡稱，但其實餐廳並非會員制。樓上潮州菜館面積唔算好大，但勝在光鮮衛生，服務生細心周到。室內並無花巧之裝潢，牆上只係貼出是日推介菜式及招牌餸菜嘅靚相。防疫措施放寬後，十二人終於可同枱食飯，主人家安排派對於廂房內進行，空間感同私隱度足，餐桌上嘅銀線枱布襯上金色嘅椅套，雅致得黎幾有氣派。每位席上都擺有齊備嘅自用及公用餐具。菜單早已訂下，賓客可輕鬆用餐。大地魚芥蘭心：幼身嘅芥蘭翠綠有光澤，咬落十分爽甜，拌入香口嘅大地魚即倍添惹味。招牌紅燒潮州翅（$642/三兩；$428/二兩）：以蠟燭暖住上嘅招牌翅翅非常足料，原來每碗均足三兩翅，絕無花假，潮州靚翅腍滑香濃，堅掂！六頭乾鮑魚（$1,680/隻；需提前預訂）：嘩，食完正翅，姐姐仔隨即呈上六隻拳頭咁大嘅六頭乾鮑魚，震撼程度同正翅不相百仲，叔公嬸婆當真客氣得很！勁量級嘅鮑魚厚潤滑溜，溏心黏軟鮮甜，上品實在冇得頂呀！蘿蔔灌章（$98/六件）：脹卜卜嘅蘿蔔灌章金黃鬆化，外脆內軟潤，就連墊底嘅芋頭絲脆脆都咁香口不油膩，送酒一流！煎封鷹䱽魚（$1,280）：長輩大讚鷹䱽厚肉結實有口感，魚味鮮濃甜美，第二個圈都未轉完已成功清碟，好魚果然搶手過人。方魚肉碎粥：以方魚及肉碎煮出嘅粥品清甜暖胃。黃金糖醋麵（$128）：兩面黃煎得好夠香脆乾巧，麵條半脆半煙韌，唔會一夾就散，自行塗點砂糖及醋汁作適量嘅調味，效果酸酸甜甜，消滯易入口。反沙香芋（$138）：夠乾身嘅反沙芋糖衣外皮酥香，香芋粉嫩，秋天嘅芋頭真係特別靚。銀杏綠豆爽（$38/位）：糖水可口清潤，簡單味佳。隱世「潮家宴」環境企理衛生，服務生溫婉體貼，傳統潮州菜餚及珍饈海味均質高美味，價格合理，全面性壓到市內其他潮州菜館！嘻嘻，得知開瓶費設為$100/樽，肥肥家族已訂好位下週試埋啲鹵水菜式同凍蟹，真心地捧場！
continue reading
唔會有花巧嘅菜式，唔會有華麗嘅裝修、菜式不多，但係每道菜式穩打穩扎，呢個就係中華出入口商會 、簡稱「中出會所」潮家宴、盡量做到私房菜形式，要不然想食的菜式即叫或者沒有潮州翅味道到位、足料好味二訪品嚐馳名胡椒豬肚湯，$88，CP高，味道濃郁、解酒神器滷水拼盤：個人最鍾意功夫鵝頸，走骨，切到一片片，個人最喜愛的部份，鵝香、比鵝片更軟滑，不會柴。用上新鮮鵝腸，不是每間能夠提供 ，滷水膽味道適中略帶鮮味金不換薄殼🉐️，粒粒肥美，時令必點鹹蛋黃魚皮：萬分邪惡，但好味魚蛋雖然自製但普普通通不過不失蘿蔔灌漿一流龍蝦凍食 ： 足料，對於一些重口味的朋友未必是他杯茶，因為太過清淡方魚焗雞：新鮮雞，好食但不是必點爆鱔球： 肥美，👍侍應姐姐一見到你入嚟就會好殷勤同你講不如飲番杯乜乜特飲潤喉潤肺，忍唔住問佢幾錢杯啊，佢話得啦，比呢個感覺好似請你飲咁，之後就中伏了，所以初嚟報到嘅朋友希望都留意呢一點，佢哋關門時間如同球證一樣，10分準時，如果要嘆酒嘅朋友建議早啲去，總體價錢都算公道，可惜菜式款數不多
continue reading