Video
9-min walk from Exit B, Tin Hau MTR Station
continue reading
Opening Hours
Mon
Closed
Tue - Sun
17:30 - 23:30
Public Holiday
17:30 - 23:30
Public Holiday Eve
17:30 - 23:30
Above information is for reference only. Please check details with the restaurant.
Recommended Dishes
超好食日本和牛🐮首先推介嘅，海膽和牛刺身😋海膽好新鮮，牛肉入口即溶。之後係和牛燒烤🍖油脂分布好平均，燒完食起上嚟唔會好油膩。不同部位有不同嘅口感。今次叫咗個細嘅嚟試吓先，胖胖最鍾意嘅係和牛小排😍又香，又有口感！正👍🏻最後係主食「和牛尾湯麵」，「和牛Tata蓋飯」，「和牛toro蓋飯」。每一個飯都有一隻蘭王日本蛋🥚係上面，將佢撈勻嚟食就一絕。蛋味好香好濃，和牛入口即溶。本身咁少嘢以為兩個人食唔夠飽，點知大家都捧住個肚走🤣值得推介！#nikuniku #和牛 #和牛他他
continue reading
🎈推荐指數: 🧡🧡🧡🧡🤍｜✏️環境: 7/10｜✏️位置: 7/10｜✏️服務: 7/10｜✏️味道: 7/10｜✏️選擇性: 7/10｜✏️再幫襯: YES｜✏️Dinner Time｜✏️Reserve: walk-in｜✏️Price: Around $800/person｜✏️Pay Attention: 有房、有樓上雅座，多人食飯可以訂房 ｜✏️Recommend: EM..魚生?🚗 🚗🚗___呠呠車停泊: 周街搵咪錶👴📢 講古佬 《 STORY TIME 》 :去大坑走走，經過呢個角落，見神秘又美麗，入去先!!時間尚早，入到去未有咩人，暫時得1枱，比左門口右邊個位我地，不過呢個位有小小KICK，個爐抽風係經枱底，坐係度個時中間就有個位凸起阻住左隻腳坐係黎又唔太舒服，但環境係十分好架，入房係好別緻既，舒服，不過抽風呢方面可以更好﹐因為食完都係成身味。SERVICE 好，佢會講解你ORDER既野，會有專人幫你燒 (可以自已燒)，同你傾下計，介紹下野。食左成個鐘倒，見一群人入黎，先知佢隔離有間房係VIP，又問下原來上面都有位，因為我見入去得個幾張枱，但門面明明好高好大，唔似係咁丁丁咁細架，本身都疑惑，原來唔係既。總結黎講，幾好，靜靜地享受下幾開心。
continue reading
因為係第一次寫食評，仲要係後補食評，所以未有圖片，日後再食時會細心補上🙇🏻♂️首先，先講餐廳外表賣相。作為一間日式燒肉店，佢既門面賣相係唔錯，有神秘高格調既氛圍，作為情侶/對象第一次既約會，絕對會比到對方一個好印象。其次，開口入去環境亦唔錯，2人坐位都會係平排面坐，有助於情侶/密友私聊傾偈，加上，兩人平排坐係有原因，後面會再講。但呢到有一點要彈/或者係吹毛求疵，就係坐位下面有一個凸出嚟既抽風位，女仔著短裙要跨過有啲尷尬，雖不是大問題，但能改善更好。根據店員既解釋，因為燒肉店用既係向下抽風，所以排氣喉都係下面，未知其他坐位/包廂如何，可能會無呢個問題。其次到服務，呢間服務有水準，店員會主動解釋餐牌內每個set，當你揀好左，店員會慢慢解釋，仲會比啲推薦你，例如你想飲酒，佢仲會分析比你聽唔同既酒點配，唔似只推薦啲利潤高既比客人，有專業水準。到上菜時，店員會逐一介紹，訓練有素，對每一碟都十分熟悉，但唔似機械化，證明有用心。而且，佢地仲會問客人想自己燒定佢地幫燒，正好比情侶/閨密傾住偈等食，所以，啲二人坐會平排坐，方便店員係對面幫你燒。當然，佢地燒慣燒熟，一定會比你自己燒專業，自然亦唔會燒失敗。第三樣到食物既賣相同質素。呢兩樣餐廳亦有高水準。第一次幫襯，多數會叫set去試。今次叫左$1830既set，質素絕對對得起價錢，再加一支$400多既清酒，整體都屬高水準。對於食慣靚牛既都會滿意，其中海膽生牛肉絕對係最高水平，入口即溶、油脂分布平均，配上海膽既甜度（因為過左一段時間，未肯定記憶中既係馬糞海膽定日本海膽，但印象中外表顏色應該唔係馬糞），呢個菜會寧人印象好深。之後既火炙生牛肉片，用上A5西冷，亦係超水準表現，唯一要彈既係，細食既人/女性會覺得稍膩，會有半分飽既感覺。講返一開始既沙律、漬物、泡菜盤，其實都很高水準，不過始終比燒肉既水準比左下去。到正式主菜特選和牛5部位燒肉拼盤，唔好睇佢只得5件，對於一般中份食量既人都會好飽，因為每件和牛既油脂都好高。如果選擇店員服侍，佢會逐一講解，每一件牛嚟自邊個部位、油脂比例，會順次序，由輕到重咁燒比你，並且，佢會等你慢慢食慢慢享受，等你食完一款、再慢慢燒下一款，唔會一口氣猛咁燒好似好趕時間咁（呢部分既服務真係好加分）。如果同情侶去食，真係好加分（係對你唔係對個店員）食完5件和牛，其實一般人都已經好油膩，但未飽肚，唔怕，佢仲有個和牛尾湯麵。但因為當時我已經飽左，只係試左少少，加上飽左味覺敏感度下降，味道不能作準，故不作評論。清酒🍶方面，因為人人口味唔同，但整體來說係幾好，店員都有用心介紹，值得一讚，但因為過左段時間，所以不在此細談。來到最後一部分，當然係價錢。嚟得大坑食、仲要食燒肉，預左會貴，以$2000幾食和牛燒肉，仲有好服侍，我覺得係超值，一世人點都要試下，感覺比你去食700蚊既日式燒肉放題/自助餐，嚟得化算。一米也話齋，食幾多著幾多整定，但食得好唔好由你決定。今次我比9/10。
continue reading
第3次到訪Niku Niku，因為之前兩次都覺得太好食，所以冇食一年，決定又再黎，由於二人前最抵食，所以又係叫咗呢個set先上咗碟柚子汁醃蘿蔔，酸酸甜甜咁幾開胃之後就係前菜蕃茄沙律，有成個蕃茄同唔少生菜，芝麻醬好夠下一樣係泡菜拼盤，有青瓜、甘筍絲、黃芽白、蘿蔔跟住就到海膽生牛肉，海膽好鮮甜，完全冇怪味，牛肉牛味好重，配埋海膽同刺身豉油一齊食好正之後係火炙生和牛片，配上香蔥、洋蔥同個汁，完全帶得出和牛嘅香味，而且肉質仲好嫩黎到主菜特選和牛5部位燒肉拼盤，有職員會負責燒，確保唔會破壞咗啲靚牛，佢會肥瘦肥瘦咁間住黎燒，等我覺得唔會咁膩，我最欣賞係和牛柳肉中部，因為肉質最嫩滑！食完燒肉就到和牛尾湯麵，湯底牛味好濃，麵質彈牙，雖然份量望落唔多，但食完已經夠哂飽最後係甜品芝麻雪糕配紅豆白玉，食完好滿足第3次黎水準依然咁高，一定再有下次
continue reading
最近光顧2次這間烤肉店，本人對烤肉店評分比較嚴謹，過往吃過一次的烤肉店，再去已經失水準，如耀華街樓上舖和K11 musea 6樓的也大不如前，所以本人會試2次才對烤肉店作出食評。昨晚第二次再光顧（必須先行致電訂位因店內只有數張檯，座位舒適寬敞），門外裝修別緻，感覺像到過東京當地的小巷裡頭的隱世食店，今次2人同行，也帶了支Champagne 去慶祝中秋節。今次點了＜特選和牛7部位燒肉拼盤＞，這店有專人代烤的周邊服務，客戶感覺特別好，會逐一講解牛的部位和口感，超讚。代烤人員非常熟悉店內的流程 ，用餐速度非常配合，開段會詢問客人用餐速度可以嗎？和肉質口感是怎樣呢？代烤人員一邊專業講解一邊熟練地烤烘，烤至七成熟，入口軟綿綿，非常柔嫩，嫩得肉汁都捏出來，餘韻還有濃濃的肉香。今次本人非常推薦這個 ＜特選和牛7部位燒肉拼盤＞ 而其中最愛就是牛橫隔膜因味特別濃，回味再回味，而當中汁醬可不沾也非常夠味。在香港很久沒遇過這優質的用餐經驗，比起六星級酒店的餐廳有過之而無不及，難得的第二次光顧，神級水準還保持得上，不得不推使本人會推薦朋友來，即使該店價格相對高一點，但整個用餐體驗別家確實做不到這水準，10星星之選，必試。
continue reading