Video
5-min walk from Exit A, Tai Wai MTR Station
continue reading
Telephone
26031723
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Signature Dishes
同朋友隨意去咗依間餐廳，估唔到係大伏！首先，叫嘢食已經等咗好耐都未有人嚟，之後叫咗個紅燒排骨飯，上完個排骨仲要我舉咗好耐手先叫到佢俾到個飯我，味道又未去到難食，但絕對唔係好食，非常普通，咁都算啦。點知食到最後先發現有隻死烏蠅，不過我都無謂講，因為都食完，唔通叫佢換過碟俾我咩？食完同朋友傾下計，點知個店員叫我哋細聲啲，又唔係法國菜，普通餃子店叫人唔好講嘢傾計？嬲到我即走，價錢仲要唔係特別平，食到一肚火😡🤬😡🤬
continue reading
食左婆婆家十幾年 由金禧商場舊舖食到而家街舖都係咁好食每次都一定食酸辣粉不過呢一年好似無左薯粉得返酸辣麵 係白色果種粗少少既麵都一樣好食湯底超正 唔算辣 但夠酸 味道層次好豐富配料香料落得好足好多肉碎 生蒜粒 辣椒碎 芽菜 芫茜就算唔食麵 淨飲湯都覺得係享受重口味人士一定好中意佢d餃都係必食 話晒佢叫餃子館 餃子先係招牌菜我食過幾款最正都係韮菜餃 白菜都唔錯 有排食厭左韮菜就食白菜皮少少厚 但口感幾好佢d餃d形狀包得好工整係偏三角形果種 唔係長型果種料好新鮮 菜同肉好嫩 個餡好好食所以基本上餃子係每枱必點另外要讚既係老闆好nice 人又易話為同熟客有講有笑係有人情味既舖頭!P.S. 雖然我係熟客 但我淨識試過佢一兩款麵同幾款餃子其他食物唔知點解我無乜興趣試可能我唔係特別好呢個菜系
continue reading
星期六去咗大圍完全唔知道食乜嘢好，之前有冇點樣去搵吓好唔好食？求其見到門口有好多人排隊決定去試吓排隊嘅人多數都係大陸人，所以會估計都應該比較濃味叫得餃子店就梗係叫餃子，餃子上到枱個口完全係開咗！咁入面啲湯汁咪冇晒！不過事實證明我係錯！就算冇開口都唔代表入面有湯汁！個皮厚，肉又冇味，都唔知點食問佢可唔可以溝埋12隻咁計，又話要六隻六隻，因為烚嘅時間會唔同， 價錢又要分開計，明明已經叫咗係同一個價錢嘅嘢兩個人食到一肚氣， 價錢又唔平嬲到已經飽晒
continue reading
好少行入嚟呢條街見都幾多人食就同同事試下炒毛豆年糕……比較dry無肉但份量都幾多麻油豆腐絲拼手拍青瓜呢個係最令我驚喜，首先好香麻油味，豆腐絲係好有咬好，減肥當佢係主食都應該飽同事叫左個韮菜炒蛋～好家常菜既感覺第一次食湯既紅油抄手……怪怪的凍豆漿正常下次會想試下酸菜魚同埋餃子見大多數人入嚟都係食下午茶或餃子蕃蛋湯年糕都會想試～睇下會唔會好似蕃茄炒蛋咁好味呢間做街坊生意價錢算係中價但係個人覺得可以整番少咸
continue reading
婆婆家餃子館 (大圍)📇地址：大圍積信街18-24號喜悅樓地下B號舖🕐營業時間：星期一至日11:00-22:00💸人均消費：～$100/人👏🏻抵讚位：野食份量好足夠，兩個人叫左4野食，要打包拎走🤣 啲姐姐好nice，問咩都答得好詳細😙🍴Food QC：「麻油豆腐絲 $35」即係涼拌豆乾絲，老實講，食左兩口就已經有啲口感唔太好，但充滿蛋白質。同埋佢呢個價錢有呢個份量，已經係好抵食。「紅燒豬手麵 $45」豬手有4-5舊，件件都大大舊，但個湯底就無味，所以啲麵係俾我夾左出黎撈辣椒醬食🤣🤣 「尖椒炒腩肉 $6-70」唔記得exact價錢，但又係大大兜，好足料，尖椒多嘅同時，腩肉都好多。炒得好惹味，超好送飯😆「家鄉韭菜盒 4件 $50」食左一件先記得影相，每件都好大件，新鮮炸起，脆卜卜，勁多韭菜餡，但咸左啲。😯有待改善位：鋪頭入面有種油油地嘅感覺，如果個清潔可以加強番少少應該會坐得再舒服啲。😼私心回應區：住左咁耐，都係第一次知道大圍開左間湘菜小店，都係啲姐姐主理，所以啲野食都係惹味。如果想食重口味嘅家常小菜，但都諗唔到食咩，呢間都可以係一個選擇🤣
continue reading