Video
4-min walk from Exit A, Tai Wai MTR Station
continue reading
Telephone
28891699
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
2024年6月12日 星期三今日同老婆早左放工，諗住試下呢間大圍新開左無幾耐既台灣菜餐廳見到門面好似去左人哋屋企咁，有門牌、窗口同大門，四四正正，位置都唔算太難搵餐牌可以用QR code掃描，夠晒方便，見到都有唔少食物可以選擇，除咗一般餐廳有得食既台灣麵同便當之外，餐廳竟然仲有招牌米糕食，從來無係香港食到，所以一見到就已經點左黎食，除此之外仲叫咗牛肉麵其他小食之後等咗一陣飲品就首先送到，分別有台式奶茶同日式烤奶，雖然兩杯飲品嘅外貌同顏色差唔多，不過日式烤奶嘅奶味比較重，純滑得嚟又唔會太甜，而台式奶茶就茶味比較重，奶精同茶既比例比較平均，真係似台灣飲嘅奶茶食物方面，呢個就係我期待已久嘅招牌米糕，就咁睇以為得一碗，但食落份量都唔少，因為裝到滿晒，食落去完全似台灣夜市嘅味道，有糯米、鴨肉同薑，薑味比較重而糯米好軟糯，食落去煙煙韌韌，加埋鴨肉一齊食味道更加豐富另外餐廳仲提供咗甜辣椒醬，可以令到味道更上一層樓，食落去嘅米糕更加惹味但唔會太辣之後有月亮蝦餅，外皮咬落去脆卜卜，好似春卷咁，但唔會好油膩，而裏面嘅蝦肉就好彈牙，無論用泰式辣醬或者頭先米糕嘅甜辣椒醬一齊食都好夾跟住有清燉牛肉麵，湯底好清甜，蘿蔔煮得好入味，牛肉都煮得好腍，完全唔韌，至於麵條我哋要做刀削麵，比較有口感，下次有機會可以再嘗試紅燒牛肉麵最後呢個係紅糟肉，用咗酒糟嚟醃味之後再炸香，味道好特別，有酒糟嘅香，而且炸得好香脆，用嚟送酒一流埋單兩個人$200都唔使，性價比幾高
continue reading
-今日同朋友走咗入大圍食台式嘢，呢間店裝修走簡潔木系風格：小食🌙🦐月亮蝦餅 $ 34蝦餅個皮超級薄又脆，用返平時嘅春卷皮，包裹住入面嘅蝦蓉，食落去又有少少似蝦多士，脆卜卜幾滋味。🐷煙燻豬耳朵 $18估唔到份量都多，豬耳好肥美，外表晶瑩剔透，咬入口好爽口，味道就煙燻味偏鹹。主食❤️🔥🐃紅燒牛肉麵 $68牛肉湯頭偏淡雅風格，並不油膩，入口隱約有少少牛肉同藥材味，牛肉方面包括牛腩同牛筋，要讚嘅係肥瘦適中，入面超級腍，但略有少少咬口，蘿蔔香甜無根都不錯。呢隻麵嘅粗幼度適中，但煮得太過腍，如果帶煙韌口感就更好食。🤎🐷🍚招牌滷肉飯 $42滷肉應該煮咗勁耐，除咗超級肥美之外，亦都醃得非常之入味，配合特製醬汁，而珍珠米粒粒分明，加埋一齊食冇投訴！🍚飯上面仲有超薄嘅魚餅🐟，加分！🍲黑蒜頭杏包菇雞湯 $32呢款屬於濃郁的杏菇雞湯，外表淡黑色，湯頭入面有嫩滑雞髀肉，入口淡淡香菇味，唔會太肥膩，保留小話湯上面嘅雞油，呢個湯單飲都唔會太過鹹，配飯或者麵都適合！飲品 🥤💚春芽綠茶(熱） $8選用嘅春芽綠茶非常芳香濃郁，略帶有少少甜味，綠茶香氣喺口腔久久散，呢個凍飲會更加好飲。🧋台式奶茶(凍) $15 （加波霸珍珠+$4） （少甜）波霸珍珠煮得啱啱好，入口夠咬口，茶底如果再濃郁少少會更加好飲。💛街坊價錢 + 份量都足夠，滷肉飯超肥美送飯一流，如果住附近間唔中食吓都可以！
continue reading
最愛台式小食，尤其係夜市，真係可以食過不停～而家香港都好多台式舖頭，今日入大圍接老細收工，就搵到間幾骨子嘅台式小食店，梗係要試下啦！！主食梗係要叫牛肉麵啦～不過既然呢間有我至愛嘅冬粉，就叫個紅燒牛肉冬粉！！原來佢仲有好多湯底可以揀…麻辣呀～胡麻呀～真係任君選擇！！除咗平時食開嘅台灣香腸，仲有好多唔同嘅嘢可以揀……無骨鹽酥雞：雞肉外脆內嫩，灑少少淮鹽真係好惹味！！旗津黑輪片：黑輪片即係魚肉片，不過比較薄身，炸完幾彈牙，醃製得幾好味！月亮蝦餅：之前響第二間都食過，係用春捲皮定餃子皮夾住啲蝦膠嚟炸，呢度嘅比較大塊，但係就薄身啲，所以好脆口！蝦膠夠彈牙～爽口～點泰式甜辣醬好好味！！台南海鮮卷：有啲似潮式肉捲，不過入面包嘅係墨魚膠同蝦膠，仲有啲細細粒嘅墨魚肉，又係好香口！台式飲品梗係唔少得啦！！我不嬲飲開奶綠，少甜少冰，個綠茶味好出，少少澀口，但我鍾意！老細要台式奶茶，但係唔係跟波霸珍珠，反而跟紅豆蓉，一樣咁好味！呢度價錢經濟實惠，食到飽飽肚都所費無幾，難怪坐一陣就全場爆滿，仲有人響門口等位添！
continue reading
【沙田區】【+886台味飯桌仔】好耐冇同震華哥食飯，唔講以為佢嬲咗我呀。大家都係沙田友，嚟到大圍搵嘢食就見到呢間好似開咗唔係好耐嘅台灣嘢，二話不說就入去試吓佢。佢試碗 $68 嘅「川味牛肉麵」，要正常麵量嘅拉麵，我都要咗少少嚟試，係有啲辣，不過牛肉同埋麵都可以嘅。我就試 $40 嘅「招牌米糕」，佢係源自台灣地攤、夜市嘅地道美食，係由台灣嘅糯米、鴨肉同薑片蒸煮而成。店家仲預備埋台灣人中意加入嘅地道甜辣椒醬嚟提升糯米嘅味道，令到米糕好食而不辛辣，達至接近台灣本土風味，食落我都覺得加咗醬係好食啲嘅。我哋試埋 $25 一碗嘅湯，我試「地瓜雞湯」，佢試「麻油雞湯」，都幾女好飲嘅。小食方面就試各 $28 嘅「香滷米血」同「無骨鹽酥雞」，前者幾特別，後者鮮嫩又好味。試埋 $34 嘅「吮指鴨翅」同 $13 嘅「小愛文芒」，前者香濃，後者清甜，都係可以嘅。跟住講吓啲嘢飲，我試加 $13 嘅凍「日式烤奶」少甜少冰，佢係奶茶嚟，點都會再加要埋波霸珍珠，幾好飲嘅。震華哥就試加 $9 嘅凍「炭焙烏龍茶」少甜正常冰，佢都話唔錯，同埋佢都有再加 $4 試埋波霸珍珠。埋單 $291，咁食法都唔使三百，唔貴。。。（地址：大圍積德里15-17號龍鳳樓地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #大圍 #+886台味飯桌仔 #台味飯桌仔 #川味牛肉麵 #麻油雞湯 #招牌米糕 #地瓜雞湯 #香滷米血 #無骨鹽酥雞 #吮指鴨翅 #小愛文芒 #日式烤奶 #炭焙烏龍茶 #1am1392 #1ambackup
continue reading
又來到大圍剪髮的時間！這次剪得有點久，本打算趁著已過午飯的繁忙時間可以一嘗想吃已久的麵包店可惜再度無緣；飢腸轆轆的我只能繼續找吃的，這次找上的是快開業一年的台灣小店紅燒牛肉冬粉 $68很久沒吃紅燒牛肉麵，可店家有提供冬粉可選就想這款了！紅燒的湯頭色澤偏紅，帶濃郁微辣的味道也無味精但藥材味欠奉，冬粉煮透吸收了湯頭精華不會不好吃；蘿蔔切成小粒夠入味，半筋半肉的牛𦟌肉比外邊吃到的一塊薄近一半，無論色澤跟味道都淡，有𡁻勁但不夠腍滑，也許是個人喜好問題，因媽媽炆的牛𦟌肉比外邊吃到的還要好吃！整碗對我來說就中規中矩啦熱台式奶茶 +$10（波霸珍珠 +$4）飲品選擇較少，簡單來一杯加入波霸珍珠的台式奶茶～ 下單後才知道有半價優惠耶！（但menu沒有寫）熱飲跟凍飲一樣大杯，味道就跟台灣喝到的差不多，去甜關係喝起來不會太濃厚茶味也少一點，珍珠煮得軟糯但沒有太多的甜味紅糟肉 $32較少見的紅糟肉店家有供應，這道菜的傳統做法很花功夫，主因是紅糟醬製作繁複；不過現今社會要做這道菜就易多了！以紅糟醬及其他調味醃製五花肉至少一個晚上，再沾滿地瓜粉後油炸至熟透就大功告成！淡淡酒香與桃紅色澤是這道菜的特色，店家這款是將五花肉切條再以上述步驟製作，加入地瓜粉令外層的脆口程度變得不一樣也更有口感，肉質爽腍帶因發酵而出現的微酸，風味比夠獨特，略嫌炸得太乾身而且肉的油脂感不太高，吃起來較硬店家在去年3月開業，由台灣人主理，門面充滿著台灣風味，簡約的水泥牆搭配木系裝修，最特吃的是充滿壓花紋理的玻璃；座位不多，如坐滿的話會有點擠擁。食物方面種類方面以小食為大多數，主食相對少，某程度會令部份潛在客人卻步，小店始終不易做，這店的食物質素不錯，有興趣的話不妨一試
continue reading