Video
9-min walk from Exit C, Tai Wai MTR Station
continue reading
Telephone
54483666
Opening Hours
Today
12:00 - 15:00
18:00 - 22:30
Mon - Tue
12:00 - 15:00
18:00 - 22:00
Wed
12:00 - 15:00
18:00 - 22:30
Thu
12:00 - 15:00
18:00 - 22:00
Fri - Sun
12:00 - 15:00
18:00 - 22:30
Above information is for reference only. Please check details with the restaurant.
-
Online Booking Service Not Available
Signature Dishes
位於大圍❣︎神戶日本料理❣︎真係一間隱世高質嘅日本🇯🇵菜😋👍🏻重點性價比高🤑店主採用日本空運到港嘅高級食材，再由擁有十幾年資深經驗嘅壽司🍣師傅主理，超推薦比大家☺️你地來食過就知店主對食客真係好好🫶🏻❣︎刺身盛❣︎優惠價$228呢個真係超抵食😋👍🏻內有活赤貝，海膽墨魚，赤蝦，三文魚腩，飛機魚，全部都新鮮肥美😍仲要厚切架，擺盤精緻。❣︎海膽魷魚❣︎魷魚黏滑加埋海膽嘅淡淡海水鮮味😋👍🏻鮮甜味更突出。❣︎白子刺身❣︎$98😍必食推介👍🏻白子即係魚類嘅精巢，日本人視佢為美顏補身珍品，口感綿密柔，入口即溶，口感軟軟黏黏。❣︎燒物❣︎呢到嘅燒物一定要試，燒得相當出色😋👍🏻▪️雞皮$52 鮮嫩多汁，燒得好香脆。▪️厚切牛舌$58 牛舌燒得爽口彈牙，濃郁惹味。▪️😍👍🏻必食推介活鱔$48 火喉掌握得岩岩好😋👍🏻燒得金黃香脆，肉質鮮甜嫩滑，一啲都唔腥。❣︎大蜆稻庭烏冬❣︎$108大蜆多到成個面頭都係😍洗得好乾淨無沙，湯底清甜。❣︎鵝肝多士❣︎$168😍👍🏻必食推介，鵝肝仲大塊過件多士😆飽滿肥美，入口綿密，細膩滑嫩，佢係我今年食過最好食嘅鵝肝多士👍🏻❣︎海膽甲羅燒❣︎$118擺盤超靚😍蟹膏味濃郁👍🏻鋪滿海膽同三文魚子，味道鮮甜creamy，跟埋多士比你一齊食，減低油膩感。❣︎壽司❣︎座吧枱位置就可以睇埋師傅👨🏻🍳即場握壽司👍🏻佢地嘅技巧好好，壽司口感緊實有嚼勁。▪️三色三文魚$48 除左三文魚，仲有厚切同炙燒，三文魚控必食。▪️春子壽司 口感柔軟，味道較輕身。▪️深海池魚壽司 肉質鮮嫩肥美，脂厚油香。▪️海膽壽司 海膽味濃郁😋入口即溶。
continue reading
餐廳細細地小店形式，乾淨企理，有吧檯及卡位，我哋當然會揀吧檯喇😄，因為可以近距離睇到師傅表演，有視覺及味覺雙重享受😆。當晚兩個前菜有牛蒡漬物及紅酒蕎頭，前者鹹香爽脆，後者帶點紅酒香，爽甜開胃😋。🥢鱈魚白子 白子幼滑creamy口感整像布甸，配上酸醋汁、辣椒蓉、蔥花及食用花，清新唔膩👍。🥢深海池魚2食1 刺身 - 鮮甜爽口，魚味濃郁，魚油甘香豐盈。2 池魚蔥苗卷 - 除咗魚味濃郁之外，蔥苗嘅清香隨著咀嚼慢慢滲出，多咗份清新爽香嘅味道，正👍。🥢活赤貝非常新鮮，師傅只加咗少少岩鹽及青檸汁，已經夠哂鮮甜，而且肉質爽脆無比😋。🥢岩手縣赤崎生蠔蠔身脹卜卜非常肥美，新鮮爽口，蠔味濃郁之餘海水味亦偏重，並帶着豐富嘅礦物味，呢款咁新鮮嘅生蠔師傅話只係响呢兩個月最當造💫。🥢燒鱈魚棒新鮮燒起嘅鱈魚乾香口又脆卜卜 ，一定要點埋沙律醬一齊食😆。🥢秋刀魚3食坐吧檯確實有好處，見師傅即席將條秋刀魚解體並將骨拔起，每個步驟都好小心，真係越睇越肚餓😄。1 刺身 - 魚味濃郁並充滿脂香，配上薑蓉使得整體清新唔膩亦增添份香氣😋。2 磯邊卷 - 外型超靚，用香脆嘅紫菜卷住秋刀魚、蔥芽等食材，紫菜獨特嘅芳香再加上濃香秋刀魚，非常好味😋。3 壽司 - 脂香嘅秋刀配上紫蘇花，唔膩之餘亦多份香氣🥰。師傅話呢一兩個月秋刀魚係最肥美，所以要食就趁當做，過咗聖誕後就無咁肥美😜。🥢厚切牛舌串燒厚厚嘅牛舌燒到內裡粉嫩juicy，外面焦香，肉質爽彈。🥢茶碗蒸非常滑溜又有蛋香嘅茶碗蒸，配上新鮮鹹香嘅三文魚子及creamy 鮮甜海膽，好味👍。我哋今次所食嘅都係正值時令嘅魚生及生蠔，所以想食到最新鮮嘅食材，記得直接向店家問下。另外仲發現有個好優惠嘅刺身盛🤩，原價$388而家都只係賣$228，性價比超高🤑，咪執輸下次再去食過🏃♀️。
continue reading
今日同朋友去大圍食日本野☺️幫襯下小店😆叫左個清酒煮蜆先-隻隻蜆都好大隻，而且好新鮮，個清酒湯都好好味，會忍唔住飲多幾啖牛肉稻庭烏冬-牛肉份量都好多，我覺得佢個食法好似生牛河咁，撈埋落熱湯到，令到牛肉唔會過熟同好滑，個湯底都好重牛味，加埋稻座烏冬好正我地叫左個優惠價既刺身盛，有活赤貝，海膽墨魚，赤蝦，三文魚腩，兩款飛機魚，哩個好好味😋 性價比高，好新鮮另外叫左個燒大蝦同埋蟹肉海膽卷，隻蝦好大隻好新鮮，海膽蟹肉卷都好好味😋
continue reading
呢日過嚟大圍探搬咗新屋嘅表妹，佢帶咗我嚟佢樓下嘅呢間日本菜😌 雖然我地係嗌單點嘅刺身同壽司，但係坐bar枱真係好有omakase嘅感覺🥰 可以聽下師傅推介菜式，又可以望住師傅製作，真係唔錯。石垣鯛一份有兩款調味，首先係用上自家製蛋黃醋配刺身，味道酸酸地幾清新🐠 另一款係用石垣鯛包裹住日本基蔥，兩款口味都食到石垣鯛原來嘅魚香。深海八爪足呢份更加特別，一份有三吃，師傅勁細心介紹用料同埋食嘅次序，跟住嚟食，味道真係更上一層樓🦑 第一食，先用岩鹽同埋少少柚子皮做調味，臨食之前點埋青檸汁，真係好鮮甜🍋🟩 中間係八爪魚嘅吸盤，配埋酸汁啫喱，吸盤好爽口，幾有新鮮感。最後一味係配紫蘇山梅汁，酸酸地都幾提鮮，紫蘇嘅味道好出，所以放最尾就好適合🍃針魚壽司面頭有半條針魚，師傅用咗啲薑蓉調味，唔會覺得好腥😌針魚串勁鍾意師傅嘅心思，食完針魚壽司，仲有嘅個製作精美嘅針魚串🍡 輕輕炙燒咗加埋青檸汁嘅針魚都幾美味。紋甲魷魚壽司魷魚先用水輕輕焯一焯，食落口更爽口🥰 用咗岩鹽同柚子皮做調味，食材新鮮，淨係簡單調味已經足夠😎銀鱈魚壽司師傅同我地介紹呢個銀鱈魚係刺身級別嘅，輕輕炙燒過，半熟狀態下更重油香🐟 馬糞海膽軍艦海膽份量充足，味道又好鮮甜，勁推介大家嗌呢份海膽😍赤蝦壽司好大隻赤蝦喺面，加上有師傅精心燒香咗嘅蝦膏，真係蝦味好出🦐 厚燒牛舌見到隔離枱嗌串燒都好吸引，所以我又跟機嗌咗份👅 牛舌幾juicy，口感彈牙。真係勁鍾意師傅推介嘅深海八爪足，一款刺身有三種配搭😝 如果大家嚟食，不妨都睇下師傅推介啲咩正野比大家。
continue reading
神戶日本料理餐廳主打日本菜,雖然小店,食物種類選擇多,壽司,刺身,串燒,定食,多款特價套餐供客人選擇,材料新鮮而且性價比高,餐廳有不定期嘅優惠。茶碗蒸熱騰騰上桌,微鹹,茶碗蒸材料充足,冬天熱食全身暖哂。刺身盛$228刺身盛有炙燒日本鯖魚,帶子,海膽墨魚,海蝦,三文魚腩和吞拿魚,刺身厚切新鮮肥美,入口即溶鮮甜嫩滑。芝麻雞翼$38有沙律菜作伴碟,廚師炸雞翼炸到金黃色,食落嫩滑香口。日本鯖魚一夜干$98有沙律菜作伴碟,配有日式醬汁,青魚燒到微微焦香,食落有鹹香味。火炙左口魚壽司$48左口魚已調味,無需再芥茉豉油。八爪魚壽司$90上面鋪有柚子皮和八爪魚吸盤部位,八爪魚入口即溶。蔥吞拿魚腩卷物$68有四件肥美吞拿魚腩卷物入口鮮嫩。
continue reading